Fréttablaðið - 05.08.2008, Blaðsíða 6

6 5. ágúst 2008 ÞRIÐJUDAGUR
Öll fjölskyldan er velkomin í skemmtiferð
Samfylkingarinnar á Snæfellsnes. Dásemdir þjóð-
garðsins undir Jökli verða kannaðar undir traustri
leiðsögn Skúla Alexanderssonar. Deginum lýkur
með glæsilegri grillveislu í Röstinni á Hellissandi.
Miðar eru seldir á skrifstofu Samfylkingarinnar,
Hallveigarstíg 1, Reykjavík, fram til 13. ágúst.
Tekið á móti pöntunum í síma 414 2200 eða
á netfangið sumarferd@samfylking.is
Allir með!
Leikið verður eftir Greensome-kerfi. Ræst út frá
kl. 14–16. Skráning fyrir 27. ágúst á www.golf.is
eða í síma 414 2200.
Nánari upplýsingar um sumarferðina og golfmótið
er að finna á heimasíðu Samfylkingarinnar,
www.samfylking.is
RÚSSLAND Alexander Solzhenitsyn
lést á sunnudag, 89 ára að aldri.
Solzhenitsyn fékk verðlaun Nób-
els árið 1970 fyrir störf sín en
með skrifum sínum fletti hann
hulunni af gúlag, fanga- og vinnu-
búðum Stalíns og öðrum hrotta-
fengnum aðferðum kommúnista
í Rússlandi. Sjálfur eyddi hann
átta árum í fangabúðum fyrir
meinta óvirðingu í garð Stalíns.
Einnig eyddi hann góðum hluta
ævinnar í útlegð.
Solzhenitsyn var lærður stærð-
fræðingur og sagði hann í nóbels-
ræðu sinni að sú menntun hefði
líklega bjargað lífi sínu. Eftir
hann liggur fjöldi verka, sjálfs-
ævisöguleg, skáldverk, ljóð, leik-
rit og söguskoðanir. Í viðtali við
Spiegel í júlí á síðasta ári sagðist
hann ekki hræðast dauðann. Hann
sagðist ekki sjá á eftir neinu,
þrátt fyrir að hafa mátt þola
margar raunir um dagana.
„Að sjálfsögðu hafa skoðanir
mínar þróast með tímanum,“
sagði Solzhenitsyn. „En ég hef
alltaf haft trú á því sem ég hef
verið að gera og aldrei gert nokk-
uð þvert á eigin samvisku.“
Kona hans, Natalja, sagði hann
hafa fengið þann dauðdaga sem
hann vildi, heima hjá sér að
sumri. Jarðarför hans fer fram í
Moskvu á morgun. - kbs
Nóbelsskáldið Alexander Solzhenitsyn lést á sunnudaginn 89 ára gamall:
Solzhenitsyn jarðaður í Moskvu
NÓBELSSKÁLD Alexander Solzhenitsyn
lést á heimili sínu á sunnudaginn.
EFNAHAGSMÁL Áhyggjur fólks af
yfirvofandi bankakreppu á
Íslandi hafa minnkað eftir að
stóru viðskiptabankarnir þrír
kynntu ársfjórðungsuppgjör sín í
síðustu viku. Þetta er mat breska
viðskiptablaðsins Financial
Times.
Hagnaður Kaupþings minnkaði
um fjörutíu af hundraði á öðrum
fjórðungi ársins, hagnaður Lands-
banka minnkaði um þrjú prósent
og Glitnis um tuttugu prósent. Í
grein Financial
Times sem birt
var á sunnudag
segir að upp-
gjör bankanna
sýni fá merki
um að banka-
kreppa sé yfir-
vofandi á
Íslandi, þrátt
fyrir að vissu-
lega hafi harn-
að á dalnum.
Blaðið segir að fólk hafi óttast
hrun íslenska bankakerfisins í
kjölfar alþjóðlegrar lánsfjár-
kreppu. Útrás bankanna hafi
verið fjármögnuð að mestu með
lánsfé sem nú sé af skornum
skammti. Þessar áhyggjur hafi
svo þrýst skuldatryggingarálagi
bankanna upp í um 1.000 punkta.
Uppgjör bankanna sýni hins
vegar að ekki hafi verið ástæða
til að örvænta.
„Það er gott að einhver er að
skrifa jákvætt um ástandið til til-
breytingar,“ segir Sigurjón Árna-
son, bankastjóri Landsbankans.
Hann segir að skuldatryggingar-
álagið hafi verið of hátt og ekkert
samhengi hafi verið milli þess og
stöðu íslensku bankanna.
„Það er þyngra undan fæti held-
ur en verið hefur, en við áttum
ekki von á neinu hruni,“ bætir
Sigurjón við.
Financial Times bendir á að
vaxtatekjur bankanna hafi aukist
verulega að undanförnu, eigin-
fjárstaða þeirra sé góð og fjár-
mögnun hafi verið tryggð fyrir
næsta ár. Hins vegar hafi afskrift-
ir aukist verulega, sem bendi til
að lánasafn bankanna sé ekki jafn
tryggt og það var áður.
steindor@frettabladid.is
Telja bankakreppu
ekki vofa yfir Íslandi
Breska viðskiptablaðið Financial Times segir ársfjórðungsuppgjör íslensku
bankanna slá á áhyggjur manna af fjármálakreppu hérlendis. Sigurjón Árna-
son, bankastjóri Landsbankans, segist aldrei hafa átt von á neinu hruni.
LANDSBANKINN Financial Times telur að íslenskt fjármálalíf geti staðið af sér yfir-
standandi þrengingar.
Það er gott að einhver
er að skrifa jákvætt um
ástandið til tilbreytingar.
SIGURJÓN ÁRNASON
BANKASTJÓRI LANDSBANKANS
ÍTALÍA, AP Silvio Berlusconi,
forsætisráðherra á Ítalíu, hefur
fengið því framgengt að þúsundir
hermanna eru sendir út á götur
borga landsins til að berjast gegn
glæpum.
Aðgerðin er partur af öryggis-
viðbúnaði, sem einnig felur í sér
hertar reglur um ólöglega
innflytjendur, sem margir Ítalir
telja tengjast glæpastarfsemi.
Þjóðþing Ítalíu samþykkti
aðgerðirnar, sem eiga að standa
yfir í hálft ár. Gagnrýnendur
segja hervæðingu borganna
aðeins til þess fallna að vekja ótta
almennings.
- gb
Aðgerðir gegn glæpum:
Berlusconi kall-
ar út hersveitir
Ertu á móti heildstæðu um-
hverfismati fyrir stóriðju?
Já 43%
Nei 57%
SPURNING DAGSINS Í DAG:
Sóttir þú skipulagða hátíð um
verslunarmannahelgina?
Segðu þína skoðun á vísir.is
SIGURJÓN
ÁRNASON
HEILBRIGÐISMÁL „Börnin koma heim dag eftir dag
með hausverk eða veikindi í hálsi,“ segir Ævar Örn
Ævarsson, formaður foreldraráðs Korpuskóla í
Grafarvogi. Foreldrar segja að fjórar bráðabirgða-
byggingar við skólann séu sýktar og heilsuspillandi.
Sylgja Dögg Sigurjónsdóttir líffræðingur gerði
úttekt á byggingunum fyrir foreldraráð í júní. Þar
kemur fram að eldri byggingarnar eru með viðvar-
andi raka og fúkkalykt. Í sýnum úr byggingunum
greindust myglusveppir og bakteríur í miklu magni.
„Foreldrar hafa hringt og sagt okkur frá veikind-
um barnanna sinna,“ segir Ævar. „Við vissum um
nokkur tilfelli, en þetta virðist vera víðtækara en við
gerðum okkur grein fyrir.“
Foreldrarnir lýsa fullri ábyrgð á hendur borgaryf-
irvöldum. „Við viljum að borgin komi með varanlega
lausn í þessu máli sem ekki er heilsuspillandi. Það
fara engin börn inn í þessi fjögur hús aftur,“ segir
Ævar.
Júlíus Vífill Ingvarsson, formaður menntaráðs
Reykjavíkur, stöðvaði í gær viðgerðir á húsunum.
Hann ætlar að fara yfir ábendingar foreldranna
ásamt borgarstarfsmönnum í dag.
Guðrún Hjálmdís Hjálmarsdóttir, móðir fjórtán
ára drengs í skólanum, hefur haft samband við
lögfræðing vegna málsins. Sonur hennar hefur glímt
við öndunarerfiðleika og höfuðverki, sem hún telur
mega rekja til mengunarinnar í skúrunum.
- sgj
Kennslustofur í Korpuskóla eru heilsuspillandi, að sögn foreldraráðs:
Börnin læra í mygluðum húsum
KORPUSKÓLI Foreldrar munu ekki senda börn sín aftur í
heilsuspillandi húsnæði, segir formaður foreldraráðs.
KJÖRKASSINN