Fréttablaðið - 05.08.2008, Blaðsíða 42
ÓL 2008 Íslenska handboltalands-
liðið er komið til Peking líkt og
margir af um 50 Íslendingum sem
munu dvelja í Ólympíuþorpinu í
Peking. Landsliðið ferðaðist um
helgina og viðurkenndi landsliðs-
þjálfarinn að menn væru ansi
lúnir í herbúðunum.
Það er raunar réttnefni á Ólymp-
íuþorpinu því öryggisgæslan er
gríðarleg að sögn Guðmundar.
Verið var að leita á Guðmundi
þegar hann svaraði símanum í
gær en þá var liðið nýkomið af
æfingu.
„Við flugum fyrst til München í
Þýskalandi og þurftum að bíða þar
í sjö klukkutíma. Við fórum síðan
af stað klukkan hálfníu að kvöldi
og komum til Peking á hádegi í
dag,“ sagði Guðmundur í gær.
Klukkan var þá að nálgast 23 í
Kína og landsliðið á leið að fá sér
næringu fyrir svefninn eftir
tveggja tíma æfingu.
Ferðalagið gekk vel að sögn
Guðmundar en þreytan var svo
sannarlega til staðar. Fjarlægðin
frá Íslandi til Peking er um 10.500
kílómetrar. „Við erum mjög lúnir.
Við vorum nánast að berjast við að
halda okkur vakandi í dag meðan
við vorum að koma okkur fyrir.
Það hjálpaði rosalega mikið til að
við náðum að sofa í vélinni á
leiðinni hingað. Það þurfti öll til-
tæk ráð til þess en það hófst,“
sagði þjálfarinn.
Íslensku keppendurnir eru tekn-
ir að smalast saman í Ólympíuþorp-
inu þar sem Guðmundur segir að
aðstæður séu mjög góðar. „Það er
ekki hægt að kvarta yfir neinu.
Þorpið er allt hið glæsilegasta og
höllin sem við æfðum í er fín,“ segir
þjálfarinn og bætti við að allt skipu-
lag væri einnig til fyrirmyndar.
Hann segir þó að hitinn sé mikill
og rakinn eftir því. Hitinn í Peking
í gær var um 30 gráður. „Mengun-
in er líka rosaleg. Við finnum
kannski ekki beint fyrir henni en
maður bara sér hana. Ástandið
hefur víst lagast aðeins en það
sést varla á milli húsa,“ sagði Guð-
mundur.
Undirbúningur landsliðsins
hefur verið stífur og nú tekur
alvaran við. Guðmundur viður-
kennir að erfitt sé að vera frá fjöl-
skyldunni í svo langan tíma. „Það
er það auðvitað en menn verða
bara að venjast því. Við erum ein-
beittir að verkefninu og erum
komnir í startholurnar,“ sagði
þjálfarinn.
hjalti@frettabladid.is
26 5. ágúst 2008 ÞRIÐJUDAGUR
sport@frettabladid.is
FRJÁLSAR Ólympíuleikarnir verða
settir í Peking í Kína á föstudag-
inn og íslenski hópurinn mun þá
ganga inn á völlinn ásamt kepp-
endum allra hinna rúmlega tvö
hundruð þjóða sem verða með á
leikunum að þessu sinni. Þrír
íslenskir keppendur verða þó ekki
í Kína klukkan átta mínútur yfir
átta 8. ágúst næstkomandi.
Íslenska frjálsíþróttafólkið á ekki
að keppa fyrr en níu til ellefu
dögum eftir að leikarnir eru settir
og mun því verða við æfingar í
Japan þar til nær dregur keppni.
Spjótkastarinn Ásdís Hjálms-
dóttir segir það auðvitað vera leið-
inlegt að missa af hátíðinni en
þetta hafi samt verið það skyn-
samlegasta í stöðunni. „Þetta er
hálfgerður léttir í svekkelsinu því
ég ætlaði að fara í æfingabúðirnar
til Japan, fljúga yfir á hátíðina í
Peking og fara síðan aftur yfir til
Japan. Ég myndi síðan fara til
Kína aðeins nokkrum dögum
seinna. Okkur fannst of langur
tími að vera í Peking alveg frá
opnunarhátíð. Ég var farin að
kvíða fyrir öllu þessu ferðalagi
rétt fyrir keppni. Þegar við tókum
þá ákvörðun að það væri langbest
að sleppa opnunarhátíðinni þá var
það hálfgerður léttir,“ segir Ásdís
sem keppir ellefu dögum seinna.
Stangarstökkvarinn Þórey Edda
Elísdóttir hefur reynsluna af því
að taka þátt í Ólympíuleikum og
hún segir áreitið vera alltof mikið
í Peking til þess að dvelja þar í
meira en tíu daga fyrir keppni.
„Við byrjum ekki fyrr en í seinni
vikunni og það er óþægilegt að
vera inni í þorpinu svona lengi.
Það er svo mikið af tilfinningum
sem eru í gangi og svo mikið
stress. Maður yrði því alveg búin
á því þegar kæmi að keppninni.
Það er betra að halda sér ferskum
í æfingu og koma síðan beint í
keppnina en um leið vera búin að
venjast tímamismuninum,“ segir
Þórey sem er búin að skipuleggja
tímann fram að keppni. „Ég hitti
þjálfarann minn aftur þegar ég
kem til Peking 13. ágúst. Ég kem
inn í þorpið þremur dögum fyrir
keppni og þá verða bara rólegar
æfingar og afslöppun. Svo verður
bara nelgt á það hinn sextánda,“
segir Þórey.
Ragna Ingólfsdóttir og Jakob J.
Sveinsson keppa bæði daginn eftir
opnunarhátíðina og svo gæti farið
að þau yrðu ekki með hópnum sem
gengur inn á Ólympíuleikvang-
inn.
- óój
Íslenska frjálsíþróttafólkið verður í Japan þegar Ólympíuleikarnir verða settir:
Missa af opnunarhátíðinni
ÞÓREY EDDA Verður ekki með Íslending-
unum á setningarathöfninni á Ólympíu-
leikvanginum.
FRÉTTABLAÐIÐ/DANÍEL
REYKJAVÍK
MÜNCHEN
PEKING
2686,3 km
7767,9 km
Samtals vegalengd: 10454,2 km
Lúnir ferðalangar fóru beint á æfingu
Íslensku ólympíufararnir eru farnir að tínast til Peking í Kína. Handboltalandsliðið kom þangað í gær eftir
strangt ferðalag og fór beint á æfingu. Landsliðsþjálfarinn segir að þreytan vari í nokkra daga.
Íslenska ungmennalandsliðið í handbolta tapaði aðeins einum leik
á HM í Makedóníu. Samt sem áður lauk liðið leik í þrettánda sæti en
það var ótrúlega nálægt því að spila til verðlauna. Þjóðverjar,
sem Ísland vann í riðlakeppninni, urðu heimsmeistarar.
„Ég held að við séum með næstbesta árangurinn á
mótinu í stigum,“ sagði Stefán Arnarson, þjálfari liðsins,
sem er nú búið að ljúka sínu verkefni og eru stelpurnar
flestar ekki gjaldgengar í ungmennaliðið lengur.
„Það er skrýtið og er svekkjandi að tapa aðeins
einum leik en enda í þessu sæti en þegar maður horfir á
heildina er ekki annað hægt en að vera stoltur af þessu.
Það má ekki bara horfa á sætatöluna,“ sagði
Stefán.
Ísland komst ekki upp í aðalúrslitin eftir
riðlakeppnina og fór í annan milliriðil þar
sem spilað var um neðri sætin á mótinu.
Þar vann Ísland alla leikina sína, gegn
Kasakstan, Alsír, Makedóníu og loks
Japani í leik um 13. sætið.
„Hefðum við farið áfram í aðalúrslitakeppnina hefðum við verið
með þrjú stig í milliriðlinum og gríðarlega nálægt því að komast í
undanúrslit. Þetta sýnir að við erum með eitt af átta bestu liðum í
dag. Framtíðin er björt með þessar stelpur,“ segir Stefán.
Eins og fram hefur komið var undirbúningur liðsins nánast
enginn en það var kallað inn vegna forfalla á síðustu stundu. „Við
náðum fimm æfingum,“ segir Stefán en liðið fékk mikla athygli
fyrir framgöngu sína úti.
„Íslenskur kvennahandbolti er alveg kominn á kortið. Við vökt-
um mikla athygli og í leiknum gegn heimamönnum í Makedóníu
voru 2.500 manns farnir að hvetja okkur eftir að hafa baulað fyrstu
fimmtán mínúturnar. Það var mjög gaman,“ sagði landsliðs-
þjálfarinn.
Hann á erfitt með að taka út leikmenn sem stóðu
sig best. „Það voru allar að spila gríðarlega vel.
Markvarslan var mjög góð, Rut Jónsdóttir og Hildi-
gunnur Einarsdóttir áttu mjög gott mót en allt liðið
hélt sér vel einbeitt og kláraði verkefnið við erfiðar
aðstæður úti,“ sagði landsliðsþjálfarinn að lokum.
ÍSLENSKA UNGMENNALANDSLIÐIÐ: TAPAÐI AÐEINS EINUM LEIK EN ENDAÐI Í ÞRETTÁNDA SÆTI
Íslenskur kvennahandbolti kominn á kortið
HANDBOLTI Staffan „Faxi“ Olsson
og Ola Lindgren hafa tekið við
sænska handboltalandsliðinu.
Þeir eru með reynslumestu
landsliðsmönnum Svía og voru
leiðandi leikmenn á gullaldarár-
um þeirra. Þeim er ætlað að
endurvekja árin góðu en Olsson
þjálfar áfram Hammarby í
heimalandinu og Lindgren þýska
liðið Nordhorn samhliða lands-
liðsþjálfarastöðunni. - hþh
Olsson og Lindgren ráðnir:
Reynsluboltar
taka við Svíum
NBA Kobe Bryant myndi spila í
Rússlandi fyrir 3,2 milljarða í
laun á ári. Bryant, sem leikur
með Los Angeles Lakers, er einn
besti körfuknattleiksmaður heims
og aðspurður sagðist hann
vitaskuld skoða það ef tilboð
kæmi erlendis frá, til dæmis
Rússlandi. „Ert þú eigandi
rússnesks félags? Það má koma
þessu í kring fyrir 40 milljónir
dollara á ári,“ sagði Bryant við
blaðamann eftir æfingaleik
Bandaríkjanna og Rússa.
Vegna launaþaksins í NBA geta
ríkustu félög í Evrópu boðið mun
hærri laun en félögin í Bandaríkj-
unum. LeBron James, leikmaður
Cleveland Cavaliers, var á
dögunum orðaður við gríska
félagið Olympiakos en svimandi
há laun hans gætu tvöfaldast í
Grikklandi, hafi hann áhuga á því.
- hþh
Leikmenn týnast úr NBA:
Peningarnir í
Evrópu heilla
10.500 KÍLÓMETRAR Á MILLI
Guðmundur heldur hér á
dóttur sinni, Júlíu Ósland,
sem er langt frá föður sínum í
dag. Fyrir aftan er Ólafur Stef-
ánsson með Stefaníu Þóru.
> Orðrómurinn að hætta?
Eiður Smári Guðjohnsen virðist
hafa tekið af allan vafa um hvað
framtíð hans hjá Barcelona
varðar. Hann sagði við
heimasíðu Barcelona að
hann vildi vera áfram hjá
félaginu. Nýr stjóri liðsins,
Pep Guardiola, sagði við Eið
að hann bæri traust til hans
sem sýnir sig í undirbúningi
liðsins fyrir komandi tímabil.
Eiður hefur spilað mest allra
leikmanna liðsins í æfingaleikj-
unum, nú síðast 45 mínútur í 5-2
sigri á Chivas frá Mexíkó.
FR
ÉTTA
B
LA
Ð
IÐ
/A
R
N
ÞÓ
RKOBE Segist vera til í að spila í Rússlandi
fyrir þrjá milljarða. FRÉTTABLAÐIÐ/GETTY
FAXI Er orðinn landsliðsþjálfari Svía
ásamt Ola Lindgren. FRÉTTABLAÐIÐ/GETTY