Fréttablaðið - 05.08.2008, Blaðsíða 46

30 5. ágúst 2008 ÞRIÐJUDAGUR
Þrír ungir íslenskir fatahönnuðir halda til
Kaupmannahafnar í vikunni til að taka þátt í
tískuvikunni sem hefst þar í borg á miðviku-
dag. Samhliða stóru sýningunum á tískuvik-
unni sjálfri fer þar fram stór og mikil
sölusýning að nafni CPH Vision, en fatahönn-
uðirnir þrír taka hins vegar þátt í hönnunar-
samkeppni að nafni Designer‘s Nest.
„Það er hönnunarsamkeppni á milli skóla í
Skandinavíu og mér skilst að hún sé eingöngu
fyrir nýútskrifaða fatahönnunarnema,“
útskýrir Gunnhildur Edda Guðmundsdóttir,
sem heldur utan ásamt þeim Örnu Sigrúnu
Haraldsdóttur og Evu Maríu Árnadóttur. Þær
útskrifuðust frá Listaháskóla Íslands í vor,
ásamt þeim Tinnu Hallbergsdóttur og Ingu
Björk Andrésdóttur.
„Við máttum ráða hvort við færum núna í
ágúst eða á febrúarsýninguna á næsta ári.
Tinna og Inga ætla að fara þá, en við vildum
fara núna,“ útskýrir Gunnhildur.
Í keppninni fá nemarnir að sýna þrjá
klæðnaði úr útskriftarlínum sínum. „Svo er
dómnefnd sem velur bestu hönnunina og
veitir verðlaun. Þar fyrir utan er líka
sérstakt „showroom“ þar sem skólinn fær sér
bás,“ útskýrir Gunnhildur, en þar gefst
gestum og gangandi á sýningunni tækifæri
til að kynna sér hönnunina. „Það er rosalega
fínt tækifæri því það er fullt af fólki sem
kemur þarna í gegn, innkaupafólk og fleiri,“
segir hún.
Gunnhildur kveðst sjálf nú stefna að því að
komast í starfsnám erlendis. „Ég stefni á það
núna, en ég er svo sem ekkert búin að ákveða
hvar það verður. Ég held að við séum allar í
svipuðum pælingum. Það er mjög mikilvægt
að vera með gott starfsnám á ferilskránni í
þessu fagi og hver veit nema þetta gæti
jafnvel verið leið inn í það,“ segir hún. - sun
1
6 7 8
10
13
119
12
15
16
18
21
20
17
14
19
2 3 4 5
LÖGIN VIÐ VINNUNA
Auglýsingasími
LÁRÉTT
2. brennt vín, 6. ullarflóki, 8. neitun,
9. skammstöfun, 11. tveir eins, 12.
gunga, 14. mest, 16. tímaeining, 17.
blaður, 18. forsögn, 20. í röð, 21.
hnappur.
LÓÐRÉTT
1. afl, 3. öfug röð, 4. jafnframt, 5.
sigti, 7. senda út hljóð, 10. vandlega,
13. angan, 15. hófdýr, 16. kærleikur,
19. málmur.
LAUSN
LÁRÉTT: 2. romm, 6. rú, 8. nei, 9. etv,
11. ðð, 12. kveif, 14. allra, 16. ár, 17.
mas, 18. spá, 20. mn, 21. tala.
LÓÐRÉTT: 1. þrek, 3. on, 4. meðfram,
5. mið, 7. útvarpa, 10. vel, 13. ilm, 15.
asni, 16. ást, 19. ál.
„...fyrst á visir.is“
...ég sá það á visir.is
Djasstónlistarmaðurinn Agnar
Magnússon stendur nú í ströngu
við að skipuleggja djasstónleika
sem haldnir verða hinn 26. ágúst.
Tónleikarnir eru haldnir í sam-
starfi við Jazzhátíð Reykjavíkur
og hefur Agnar fengið til liðs við
sig tvo af þekktustu djasstónlist-
armönnum heims, trommuleikar-
ann Bill Stewart og kontrabassa-
leikarann Ben Street, og munu
þeir spila tónlist eftir Agnar sjálf-
an. „Ég kynntist öðrum þeirra
þegar ég var í námi í Hollandi og
hinum kynntist ég þegar ég bjó í
New York. Þeir spiluðu báðir með
mér á fyrstu plötunni minni og eru
mjög þekkt nöfn í djassheiminum
og ég hef nú mannað mig upp í það
að biðja þá að koma hingað til
lands að spila,“ segir Agnar um
fyrirhugaða tónleika. Hugmyndin
er að taka tónleikana upp og gefa
út tónleikaplötu næsta vor. „Þetta
er tónlist eftir mig sem við munum
spila. Við náum einni æfingu
saman fyrir tónleikana þannig að
við rennum svolítið blint í sjóinn
með þetta.“ Agnar segir að þeir
muni spila á tvennum tónleikum
sama kvöldið og hefjast þeir fyrri
klukkan 18.00. „Tónleikarnir verða
í Vonarsal SÁÁ en þar er að finna
brjálæðislega góðan flygil og þar
er góð aðstaða til að taka upp,
þannig að þetta er fínn salur fyrir
einmitt svona tónleika,“ segir
Agnar en sjálfur segist hann vera
mjög spenntur fyrir tónleikunum.
„Það er frábært fyrir mig sem
tónlistarmann að fá að spila með
þessum mönnum, þannig að ég er
bæði mjög spenntur fyrir tónleik-
unum en líka mjög stressaður.“
- sm
Flytur inn þekkta djassista
AGNAR MÁR MAGNÚSSON Agnar heldur
tvenna tónleika í lok ágúst í samstarfi
við Jazzhátíðina.
GOTT TÆKIFÆRI Nýútskrifaðir fatahönnuðir frá LHÍ
halda á tískuvikuna í Kaupmannahöfn. Frá vinstri, Arna
Sigrún Haraldsdóttir, Eva María Árnadóttir, Gunnhildur
Edda Guðmundsdóttir, Tinna Hallbergsdóttir og Inga
Björk Andrésdóttir. FRÉTTABLAÐIÐ/STEFÁN
„Þetta var bara skemmtilegt,“
segir Rúnar Júlíusson - Hr. Rokk.
Á dögunum venti hann sínu kvæði
í kross og söng inn viðlagið við
rapplagið Allt sem ég á, sem rapp-
arinn Opee er að gefa út. „Þeir
höfðu bara samband við mig og ég
þurfti engan umhugsunarfrest,“
segir Rúnar.
Lagið er eftir Magna Kristjáns
og Palla PDH en sá síðarnefndi
stjórnaði upptökunum. Ólafur
Páll Torfason, eða Opee, hefur
ekkert nema fallegt að segja um
Rúnar. „Við sendum honum lagið
og hann fílaði það, kom í stúdíó og
rúllaði þessu upp. Enda almennt
séð frekar svalur gaur og mjög
næs á því.“ Hann segir að ástæða
þess að ákveðið var að fá Rúnar í
lagið sé sú að yfir laginu hvíli
ákveðið „old school wipe“. „Þetta
er í anda eldri íslenskrar tónlist-
ar,“ segir hann og segir Rúnar
góðan fulltrúa hennar. „Þetta er
ástaróður.“
Opee segir að Rúnar hafi sýnt
hve mikill fagmaður hann er
þegar í hljóðver var komið. „Við
lékum okkur aðeins og prófuðum
ýmislegt,“ segir hann.
Rúnar segir þetta vera í fyrsta
skipti sem hann blandar sér í
hipphopp-kúltúrinn sem söngvari.
Þó hefur hann komið þar nærri
sem útgefandi en hann gaf út
plötu Forgotten Lores, Frá heims-
enda. „Ég rappaði nú ekki í þessu
lagi hjá Opee. Það var bara ekki í
boði,“ segir Rúnar og útilokar
ekki að ef boð um að rappa kæmi,
myndi hann láta slag standa. „Ég
er alltaf til í að prófa eitthvað
nýtt. Þetta verkefni tók fljótt af
og ég gerði mitt besta. Þessir
strákar eru skemmtilegir,“ segir
hann.
Áætlað er að lagið komi út á
næstu dögum en verið er að leggja
lokahönd á það. Hvað Rúnar varð-
ar þá var hann að spila á Flúðum
um helgina með sinni forláta
Rokksveit við góðar undirtektir
nærstaddra. Engar sögur fara þó
af því hvort Rúnar hafi rappað
fyrir Hrunamenn.
Rúnar hefur löngum verið
nefndur Hr. Rokk, eftir að hann
brá sér í það hlutverk á barnaplöt-
unni Abbababb. Þrátt fyrir þetta
skemmtilega hliðarspor telst ólík-
legt að nafnið Hr. Rapp muni fest-
ast á þennan reynda rokkara.
soli@frettabladid.is
RÚNAR JÚL: HR. ROKK FÆRIR ÚT KVÍARNAR
Rúnni Júl syngur í rapplagi
HR. ROKK Rúnar Júlíusson syngur í nýju rapplagi Opees sem heitir Allt sem ég á. FRÉTTABLAÐIÐ/TEITUR
Keppa við aðra hönnunarnema
OPEE Fékk Rúnar Júlíusson til þess að
syngja með sér. FRÉTTABLAÐIÐ/HARI
„Ef ég mögulega gæti stillt á
stöð sem spilar Abba myndi
ég gera það og ég myndi líka
gjarnan þiggja Boney M. Ég
reyni að missa ekki af Sigurði
Tómassyni á Útvarpi Sögu, og
svo hlusta ég á síðdegisútvarpið
á RÚV þegar ég hef kost á.“
Tómas Óskar Guðjónsson, forstöðumað-
ur Fjölskyldu- og húsdýragarðsins.
Magnús Geir Þórðarson, leikhús-
stjóri í Borgarleikhúsinu, er önnum
kafinn við að skipuleggja starfið
sem fyrir höndum er og hefur
hann þegar ráðið fasta við húsið
leikstjórana Kristínu Eysteins-
dóttur, Jón Pál Eyjólfsson og
síðast einhvern mesta leikhúsmann
landsins – Kjartan Ragnarsson.
Kjartan leikstýrir jólasýningu Borg-
arleikhússins. Verkið er frægt eftir
Durrenmatt og hét þegar það var
sett upp við miklar vinsældir hér á
landi seint á 7. áratug
síðustu aldar
„Sú gamla snýr
aftur“ en heitir
í nýrri leikgerð
Kjartans
„Milljarða-
mærin snýr
aftur“. Þykir
inntak verksins
og þráður
svipa
mjög til
stöðu
mála á
Íslandi í
dag.
Geiri á Goldfinger keppist nú við
að innrétta nýjan stað við Grensás,
Steik and Play, þar sem áður var
Bohem. Hann stefnir að því að
opna áttunda þessa mánaðar enda
dagsetningin mögnuð: 08.08.08.
Geiri segir þarna um einhvern
glæsilegasta veitingastað norðan
Alpafjalla og nýmæli í
veitingahúsarekstri.
Geiri, sem hefur verið
velgjörðarmaður
kvennaknattspyrnu í
Kópavogi, hefur
boðið hinu
frækna
landsliði
Íslands í
kvenna-
knatt-
spyrnu
til að
vera
við
opnun-
ina.
- jbg
FRÉTTIR AF FÓLKI