Fréttablaðið - 07.08.2008, Blaðsíða 27

[ ]
Fátt er franskara en hátískan (haute couture) en fyrsta reglugerðin
um hana er frá 1945. Þá voru hundrað og sex hátískuhús í París en
eitt af skilyrðunum til þess að nota orðið hátíska var að vinna og
sýna í París og vinna og sníða í höndunum. Smám saman hefur
þessum tískuhúsum fækkað og þess vegna hafa reglur breyst
síðustu áratugi.
Fyrst var hönnuðum frá öðrum tískuborgum boðið að vera með,
t.d. Elie Saab og Giorgio Armani. Frá 1996 hefur svo ungum og efni-
legum hönnuðum verið boðið að taka þátt í sýningunum og í ár
sýndi kínverskur hönnuður í fyrsta skiptið á hátískusýningunum.
Á kreppuárunum í kringum 1930 lét Hollywood almenning sig
dreyma með glamúrmyndum. Þannig átti almenningur að gleyma
stað og stund. Stundum er sagt að hátískan setji á svið draumaheim
en viðbrögð hennar við kreppunni í dag eru þveröfug við það sem
gerðist á kreppuárunum í Hollywood.
Hátískusýningunum fyrir komandi vetur lauk á dögunum í París.
Heldur þótti minna um stórsýningar og flugelda að þessu sinni.
Tískuhús Diors svo dæmi sé tekið var langt frá sextíu ára afmælis-
sýningunni í Versala-höll fyrir ári síðan með sextíu fyrirsætum og
kjólum, hver öðrum stórfenglegri, og stórstjörnum á hverju strái. Í
ár voru kjólarnir miklu „þægari“ og nær því að vera dagklæðnaður.
Skyldi það vera tilviljun að bæði Christian Lacroix og John
Galliano hjá Dior bjóða miklu meira af hálfsíðum kjólum fyrir
komandi vetur? Líklegar að hér sé einfaldlega þeirra svar við
kreppunni því vissulega eru hálfsíðu kjólarnir auðveldari í sölu
en dragsíðir kjólar sem passa við rauða dregla Cannes eða
Hollywood eða þá í brúðkaup arabískra prinsessna. Hátísku-
hönnuðir virðast hafa valið auðveldu leiðina og reyna að vera
praktískir og hagsýnir. Þess vegna bjóða þeir framleiðslu þar
sem notagildi virðist bera glæsileikann ofurliði. Auðvitað má ekki
einfalda um of því vissulega liggja tugir vinnustunda að baki
hverri flík sem unnin er að öllu leyti í höndunum og ótrúlegt
smáatriði er enn að finna en minni sídd fylgir vissulega minna
efni og vinna og stíllinn er látlausari en áður.
Alessandra Facchinetti sem sýndi hátísku í fyrsta skiptið eftir að
hún tók við af meistara Valentino fyrr á árinu notaðist við höfuð-
stöðvar tískuhússins eins og Gaultier og því ekki verið að leigja ein-
hverja stórhöllina. En Richard René, aðstoðarmaður Jean-Paul
Gaultier til sjö ára, gekk enn lengra og átti sjálfsagt ódýrustu
hugmyndina en hann sýndi hreinlega úti á götu í Mýrarhverfi
Parísar.
bergb75@free.fr
Prinsessur í kreppukjólum
London, París, New York, Róm
og Mílanó eru stærstu tísku-
borgir heims. Sydney og Dubai
eru einnig að koma sterkar inn
samkvæmt árlegri könnun á
topp tískuborgum heims.
Könnunin var framkvæmd af The
Global Language Monitor, samtök-
um sem ekki eru rekin í hagnaðar-
skyni. Þau könnuðu tíðni orða í
tískugreinum í fjölmiðlum og á
netinu og gerðu úr því
lista yfir 25 helstu
tískuborgir heims.
New York var
nefnd oftast í
tískugreinum,
fimmta árið í
röð, og fylgdi
Róm fast á eftir.
Þá kom París
næst í röðinni,
síðan Mílanó og
London rak lest-
ina.
Það sem kom á
óvart var ris
smærri tísku-
borga og stökk
Sydney úr
tólfta upp í
sjöunda sæti
og Dubai
færðist upp
um tólf sæti
og er nú í því tólfta.
Fjórir nýliðar voru
á listanum þetta árið,
það voru Nýja-Delí,
Madríd, Stokkhólm-
ur og Höfðaborg.
- mþþ
Dubai orðin
tískuborg
Fyrirsæta sýnir kjól eftir
Zocky á áströlsku tísku-
vikunni í maí. Sydney
er nú sjöunda stærsta
tískuborg í heimi.
NORDICPHOTOS/GETTYIMAGES
Úr háborg tískunnar
BERGÞÓR BJARNASON SKRIFAR FRÁ PARÍS
Giftingarhringar geta verið margs konar. Á Laugaveg-
inum má finna margar skartgripabúðir með mikið úrval
fallegra hringa.
NÝTT
Fáðu fæturna mjúka og fína
á 2 vikum með Flextiol
Útsölustaðir: Fótaaðgerðastofurnar og Snyrtistofurnar Eygló, Paradís, Líf, Jóna og Aníta Vestmannaeyjum,
Ásdísar í GB. Spar, Þín verslun Kópavogi, Fjarðarkaup HFJ og Lipurtá, Lyfja, Fótaaðgerðastofa Reykjavíkur.
Bæjarlind 6 • s. 554 7030 • Eddufelli 2 • s. 557 1730
Opið virka daga 10 - 18
Opið laugard. í Bæjarlind 10 - 15
Hringdu í síma
ef blaðið berst ekki
www.fm957.is
67% landsmanna
undir fertugu
hlustar á FM957
Capacent
Zúúber snýr aftur!
Búðu þig undir að
vakna klukkan sjö
mánudaginn 28. júlí.
Vaknaðu kl. sjö!