Fréttablaðið - 10.08.2008, Blaðsíða 58

22 10. ágúst 2008 SUNNUDAGUR
sport@frettabladid.is
> Tveir leikir í Landsbankadeild karla
Fimmtánda umferð Landsbankadeildar karla
í fótbolta hefst í dag kl. 17 með stórleik
KR og FH á KR-vellinum í Frostaskjóli.
FH er sem stendur í toppsæti deildar-
innar en KR er í sjötta sæti, níu stigum
á eftir Hafnarfjarðarliðinu. FH vann
fyrri leik liðanna á Kaplakrikavelli 2-0
og Vestur bæingar eiga því harma að
hefna. Logi Ólafsson, þjálfari KR, var
áður þjálfari FH en Heimir Guðjóns-
son, núverandi þjálfari FH, lék um
árabil með KR. Þá mætast Þróttur
og Fram kl. 19:15 á Valbjarnarvelli en
Fram vann fyrri leik liðanna á Laugar-
dalsvelli 1-0.
FÓTBOLTI Blikastúlkur héldu
sigurgöngu sinni áfram í Lands-
bankadeildinni í gær þegar þær
unnu Þór/KA í dramatískum leik.
Gestirnir í Þór/KA tóku forystu
á 38. mínútu þegar hin slóvenska
Mateja Zver skoraði af stuttu
færi eftir frábæran undirbúning
Rakelar Hönnudóttur. Blikastúlk-
ur voru þó ekki lengi að svara því
mínútu síðar náði Harpa Þor-
steinsdóttir að jafna með lúmsku
skoti eftir klafs í vítateignum.
Það dró til tíðinda á 75. mínútu
þegar Blikastúlkan Dagmar Ýr
Arnardóttir fékk að líta sitt annað
gula spjald og þar með rautt
spjald. Til að bæta gráu ofan á
svart fékk svo markvörðurinn
Elsa Hlín Einarsdóttir beint rautt
spjald fimm mínútum síðar fyrir
brot á Rakel.
Stúlkurnar í Þór/KA reyndu að
nýta sér liðsmuninn, en allt kom
fyrir ekki. Níu Blikastúlkur voru
hins vegar ekki búnar að segja
sitt síðasta og á lokamínútu
leiksins skoraði Fanndís Friðriks-
dóttir sigurmarkið eftir misskiln-
ing í vörn Þórs/KA. - óþ
Dramatík á Kópavogsvelli:
Níu Blikastúlkur
kláruðu Þór/KA
ÖFLUG Landsliðskonan Sara Björk
Gunnarsdóttir lék sinn fyrsta leik fyrir
Blika í gær og stóð sig mjög vel.
FRÉTTABLAÐIÐ/DANÍEL
PEKING 2008 Enn er óvíst hvort
Guðjón Valur Sigurðsson getur
leikið gegn Rússum í dag.
„Hann lenti ofan á öðrum
manni og sneri ökklann. Hann er
svolítið bólginn og svona helm-
ingslíkur á því að hann geti spilað
gegn Rússum,“ sagði Einar
Þorvarðarson, framkvæmdastjóri
HSÍ, við Fréttablaðið í gær.
„Hann er samt í fjórtán manna
hópi og verður á bekknum. Við
verðum svo bara að sjá til hvort
hann getur spilað,“ sagði Einar en
Sturla Ásgeirsson tekur væntan-
lega sæti Guðjóns í horninu geti
hann ekki spilað. – hbg
Handboltalandsliðið:
Óvissa með
Guðjón Val
ENN MEIDDUR Guðjón Valur er enn
bólginn á ökkla og óvíst hvort hann spili
gegn Rússum. FRÉTTABLAÐIÐ/VILHELM
PEKING 2008 Íslenska hand-
boltalandsliðið hefur leik á
Ólympíu leikunum í dag og fyrsti
mótherjinn er Rússland. Íslenska
liðinu hefur gengið upp og ofan
með Rússana undanfarin ár en
ljóst er að rússneska liðið er síst
sterkara en það íslenska og ljóst
að Ísland þarf að vinna þennan
leik ætli strákarnir sér einhverja
hluti hér í Peking.
Það var gott hljóðið í þeim Guð-
mundi Guðmundssyni landsliðs-
þjálfara og Ólafi Stefánssyni
landsliðsþjálfara þegar Frétta-
blaðið hitti þá að máli eftir æfingu
í keppnishöllinni.
„Það er nokkuð gott standið á
liðinu en við erum að púsla því
saman sem þarf. Þar er vörnin
efst á blaði sem við þurfum að
koma í betra stand. Ég hef minni
áhyggjur af sókninni,“ sagði Guð-
mundur og bætti við að heilsufar
landsliðsmannanna væri í ágætu
lagi.
„Það er mikil tilhlökkun eftir
því að byrja. Við erum búnir að
æfa eins og skepnur og nú er kom-
inn tími á að láta verkin tala.“
Guðmundur er að mæta á sínu
fjórðu Ólympíuleika en hann hefur
tvisvar komið sem leikmaður og
nú í annað sinn sem þjálfari. Það
gekk illa hjá liðinu síðast undir
hans stjórn árið 2004 í Aþenu og
Guðmundur ætlar sér stærri hluti
að þessu sinni.
„Ég hef orðið í sjötta, áttunda og
níunda sæti og við ætlum að standa
okkur að þessu sinni. Annars er ég
ekkert að hugsa um Aþenu, nú eru
nýir leikar, nýtt lið og ný tæki-
færi. Fyrsta markmið er að kom-
ast upp úr riðlinum og ef það
markmið næst stokkum við spilin
á ný,“ sagði Guðmundur.
Ólafur Stefánsson er búinn að
bíða lengi eftir Ólympíuleikunum
og líklega í ein fjögur ár enda var
hann afar svekktur yfir gengi liðs-
ins í Aþenu.
„Þegar maður lenti hér fyrst
velti maður fyrir sér hvort maður
ætti að senda langar hraðaupp-
hlaupssendingar enda ekki víst að
maður sæi manninn fremst á vell-
inum vegna mengunar. Það er allt
í þoku,“ sagði Ólafur léttur.
„Ég er vel stemmdur en það
þarf margt að ganga upp hér til að
við náum árangri en við höfum lið
til að gera fína hluti hérna.“
Ólafur er eins og áður segir
búinn að bíða lengi eftir leikunum
en segir tímann hafa liðið hratt.
„Áður en maður veit er þetta
síðan örugglega bara búið. Því er
um að gera að njóta hvers dags og
vera fókuseraður. Þessi keppni
hefur svolítið aðra merkingu en
aðrar í hugum flestra. Maður verð-
ur því að leggja extra á sig, gefa af
sér, tala saman og hafa allt á tæru
þegar í leikina er komið. Annars
er maður ekki sáttur,“ sagði Ólaf-
ur, sem vill ekkert gefa út um það
hvort þetta sé hans síðasta stór-
mót.
„Maður leyfir þessu móti að líða
og sér svo hvað gerist. Það er allt
hverfult í heiminum og maður veit
aldrei hvað gerist.“
Kominn tími til að láta verkin tala
Guðmundur Guðmundsson landsliðsþjálfari og Ólafur Stefánsson fyrirliði segja að strákarnir okkar séu
klárir í slaginn en þeir mæta Rússum í fyrsta leik sínum. Guðmundur hefur áhyggjur af varnarleik Íslands.
LÖGUM VARNARLEIKINN Landsliðsþjálf-
arinn Guðmundur Guðmundsson hefur
minni áhyggjur af sóknarleik landsliðs-
ins en viðurkennir að liðið þurfi að laga
varnarleikinn. FRÉTTABLAÐIÐ/VILHELM
PEKING 2008 Hreiðar Levý Guðmundsson
stimplaði sig rækilega inn sem aðalmark-
vörður landsliðsins í handknattleik í undan-
keppni Ólympíuleikanna sem fram fór í
Póllandi og mætir nú til leiks hér í Peking sem
markvörður númer eitt.
Varaskeifa hans er síðan hinn ungi og
efnilegi Björgvin Páll Gústavsson sem er nú
að taka þátt í sínu fyrsta stórmóti en hann var
valinn í Ólympíuhóp landsliðsins í stað Birkis
Ívars Guðmundssonar sem hefur verið
markvörður landsliðsins undanfarin ár.
„Auðvitað finn ég að það er meiri ábyrgð á
mínum herðum núna og mér finnst það bara
gott. Maður leitar eftir því. Við Bjöggi
verðum félagar og hjálpum liðinu best þannig.
Við erum bara félagar en ekki númer eitt og
tvö,“ sagði Hreiðar vel sveittur eftir snarpa
æfingu landsliðsins í keppnishöllinni.
„Það er alveg geðveikt að vera kominn
hingað og þetta er algjörlega ný upplifun.
Gaman að sjá allt þetta fólk. Litla karla, og
konur sem eru stærri en maður sjálfur og
jafnvel herðabreiðari. Þetta er bara alveg
magnað,“ sagði Hreiðar en hvað telur hann að
liðið geti komist langt á leikunum?
„Það veltur allt á því hversu vel við spilum.
Við eigum möguleika gegn öllum liðum. Við
byrjum á Rússunum og tökum klisjuna að taka
einn leik fyrir í einu.“
- hbg
Hreiðar Levý Guðmundsson er markvörður landsliðsins númer eitt í Peking:
Mér finnst gott að bera meiri ábyrgð
EFTIRVÆNTING Hreiðar Levý er fullur tilhlökkunar yfir
þátttöku á ÓL og telur íslenska liðið eiga möguleika
gegn öllum þeim liðum sem eru á leikunum.
FRÉTTABLAÐIÐ/VILHELM
Eins og Fréttablaðið hefur greint frá ganga
NBA-stjörnurnar LeBron James og Jason
Kidd með grasið í skónum á eftir sund-
drottningunni Ragnheiði Ragnarsdóttur hér í
Peking. Fréttablaðið hitti Ragnheiði fyrir utan
sundhöllina í gær og spurði hana út í málið.
„Þurftirðu endilega að spyrja mig út í
þetta,“ sagði Ragnheiður og hló
dátt. „Við erum rosagóðir vinir
og þetta eru fínir strákar. Ég
tala við þá á hverjum degi. Þeir
eru í nákvæmlega sama pakka.
Þetta eru bara strákar að keppa
og reyna að standa sig vel. Við
eigum mjög mikið sameig-
inlegt.“
Ragnheiður hefur
hitt NBA-stjörnurnar
daglega frá því
þeir komu í óvænta heimsókn í íslenska
húsið í Ólympíuþorpinu.
„Ég hef verið að hitta Kidd, LeBron og svo
Chris Paul líka. Við Fúsi [Sigfús Sigurðsson
handboltakappi, innsk. blm.] erum alltaf
að hanga með þeim. Þá í matartjaldinu
og svona,“ sagði Ragnheiður en þessi nýi
vinskapur hennar og Sigfúsar við
stórstjörnurnar hefur kveikt hand-
boltaáhuga hjá körfubolta-
köppunum.
„Þeir eru mjög
spenntir fyrir handbolt-
anum og vilja
koma og sjá út
á hvað hann
gengur. Þeir eru
núna að reyna að
redda sér miðum á
einhverja leiki hjá Íslandi. Þeir ætla að styðja
strákana okkar, sem er gott mál,“ sagði
Ragnheiður en eru þessir strákar ekki að
reyna stíft við hana?
„Ekki allir, kannski einhverjir. Ég er aftur
á móti á föstu og er búinn að láta þá vita
af því. Það er annars mjög gaman að hafa
kynnst þessum strákum. Maður má ekki sjá
ofsjónum yfir því að þeir séu svona frægir.
Þetta eru náttúrlega bara íþrótta-
menn eins og við.“
Ragnheiður segir þá vera
orðna mikla Íslandsvini og
stefni á heimsókn til landsins.
„Alltaf þegar þeir hitta okkur
öskra þeir bara „Iceland, Iceland“.
Þeir eru svo miklir Íslandsvinir að þeir
vilja koma í helgarferð til Íslands og ég
á að sjá um það,“ sagði Ragnheiður kát.
RAGNHEIÐUR RAGNARSDÓTTIR: Í DAGLEGU SAMBANDI VIÐ NBA-STJÖRNURNAR SEM STEFNA Á ÍSLANDSFERÐ
Kidd og LeBron vilja sjá strákana okkar spila
VEL STEMMDUR Landsliðsfyrirliðinn
Ólafur Stefánsson telur að íslenska liðið
hafa alla burði til þess að gera fína hluti
í Peking.
FR
ÉT
TA
B
LA
Ð
IÐ
/V
IL
H
EL
M
HENRY BIRGIR GUNNARSSON
Skrifar frá Peking
henry@frettabladid.is