Fréttablaðið - 10.08.2008, Blaðsíða 59
SUNNUDAGUR 10. ágúst 2008 23
PEKING 2008 Sundkappinn Jakob
Jóhann Sveinsson náði ekki mark-
miðum sínum í 100 metra bringu-
sundi í Peking í gær. Hann byrjaði
mjög vel og var annar í sínum riðli
eftir 50 metra en gaf verulega
eftir á seinni 50 og kom í mark á
1:02,50 sekúndum, sem er tæplega
hálfri sekúndu frá Íslandsmeti
hans. Jakob endaði í 47. sæti af 63
keppendum og komst eðlilega ekki
áfram.
„Ég er búinn að vera að synda
1:02 á hverju einasta stórmóti í
fjögur ár. Ég bjóst við betri tíma
en það enda búinn að synda ein-
hver 20 sund á svipuðum tíma. Ég
er alltaf jafn pirraður þegar ég
syndi á 1:02,“ sagði Jakob Jóhann
hundsvekktur en þó brosandi. „Ég
er bara að brosa af því þetta var
svo lélegt.“
Jakob Jóhann á einnig eftir að
taka þátt í 200 metra bringusundi
og hann er staðráðinn í að gera
betur þá.
„Ég kem hingað ekki til þess að
synda í undanrásum. Mér finnst
það bara vera kjaftæði. Ég er að
koma hingað til þess að synda í
úrslitum. Það gengur vonandi
betur í næsta sundi. Þar ætla ég
mér í úrslit og ekkert kjaftæði,“
sagði Jakob ákveðinn. - hbg
Jakob Jóhann fann sig engan veginn í 100 metra bringusundinu í Peking í gær:
Brosi því þetta var svo lélegt
VONSVIKINN Jakob Jóhann var ekki
sáttur með eigin frammistöðu í Peking í
gær. FRÉTTABLAÐIÐ/VILHELM
PEKING 2008 Badmintonstúlkan
Ragna Ingólfsdóttir var fyrst
Íslendinga í eldlínunni hér í Pek-
ing í fyrrinótt er hún mætti hinni
smáu en knáu Eriko Hirose frá
Japan. Er skemmst frá því að
segja að Ragna átti aldrei mögu-
leika gegn sterkum mótherja sem
spilaði mikið upp á meiðsli Rögnu,
sem var augljóslega að hlífa sér.
Er hún hætti því varð hún fyrir
meiðslum á hnénu þar sem hún
hefur verið með slitið krossband í
tæplega eitt og hálft ár. Ragna
varð því að hætta og gefa leikinn
sem hún var reyndar að tapa
stórt.
„Það var erfitt að þurfa að hætta
í leiknum en ég er samt mjög
þakklát fyrir að hafa komist hing-
að og hafa getað spilað leikinn
eftir allt saman. Ég hefði allt eins
getað meiðst á æfingu daginn
fyrir. Nú fer ég í langþráða aðgerð
og kem svo sterk til baka þar sem
ég get æft á eðlilegan hátt,“ sagði
Ragna við Fréttablaðið brosandi
en þó með tárin í augunum.
Spennufallið var mikið hjá Rögnu,
sem er alls ekki af baki dottin.
„Mér finnst ég bara vera að
byrja og tel mig bara vera að fá
góða reynslu með því að fara á
þessa leika. Ég stefni ótrauð að
því að komast á London árið 2012,“
sagði Ragna en hún hefur sýnt
gríðarlega hörku með því að spila
meidd og tryggja sig inn á ÓL í
Peking.
„Ég stefni á að komast í lands-
liðsferðir árið 2009. Ég er ekkert
búin eftir þessa leika. Er aðeins 25
ára og badmintonspilarar eru að
toppa 28 eða 29 ára þannig að ég
verð vonandi í mínu besta formi í
London og þangað stefni ég,“ sagði
Ragna ákveðin. - hbg
Ragna keppti fyrst íslensku keppendanna í Peking en varð að hætta vegna meiðsla:
Stefnir ótrauð á London 2012
SÁRSAUKI Ragna varð að hætta keppni
vegna meiðsla áður en leikur henn-
ar gegn hinni japönsku Eriko Hirose
kláraðist. Ragna hefur leikið með slitið
krossband í tæplega eitt og hálft ár.
FRÉTTABLAÐIÐ/VILHELM
FÓTBOLTI Landsliðsmaðurinn
Hermann Hreiðarsson verður í
eldlínunni með FA-bikarmeistur-
um Portsmouth sem mæta
Englandsmeisturum Manchester
United í hinum árlega leik um
Samfélagsskjöldinn.
Hermann lítur ekki á leikinn
sem síðasta æfingaleik fyrir mót
heldur er þetta fyrsti leikurinn á
nýju keppnistímabili og frábært
tækifæri til þess að vinna fyrstu
verðlaunin sem í boði eru.
„Þetta er einn leikur og það eru
verðlaun í boði fyrir sigurliðið,
þannig að auðvitað er þetta
mikilvægur leikur og enn fremur
alveg frábært tækifæri. Við
vitum hins vegar að þetta verður
erfitt gegn góðu liði Manchester
United. Leikirnir verða í raun
ekki stærri en að leika gegn
United um verðlaun og ég veit að
það eru mörg lið sem vildu vera í
okkar sporum. Þetta eru leikirnir
sem maður æfir af krafti fyrir,
dag eftir dag, og vonast til þess
að fá að spila,“ sagði hinn 34 ára
gamli Eyjapeyi í nýlegu viðtali
við opinbera heimasíðu Ports-
mouth. - óþ
Hermann Hreiðarsson:
Alveg frábært
tækifæri
MIKILVÆGUR LEIKUR Hermann Hreiðars-
son telur að leikurinn um Samfélags-
skjöldinn sé gríðarlega mikilvægur.
NORDIC PHOTOS/GETTY
PEKING 2008 Fánaberinn Örn Arnar-
son er mættur til leiks í þriðja sinn
á Ólympíuleikunum. Þessi frábæri
sundmaður frá Hafnarfirði varð í
fjórða sæti í Sydney árið 2000 en
var talsvert fjarri sínu bestu í
Aþenu 2004. Hann mætir til leiks í
Peking í betra formi og er til alls
líklegur, en hann keppir í 100
metra baksundi í dag.
„Ég er í talsvert betra líkam-
legu formi núna en fyrir fjórum
árum. Ég er í góðum gír og æfing-
ar hafa gengið vel,“ sagði Örn,
sem lenti í því fyrir nokkrum mán-
uðum að missa þjálfarann sinn,
Nenad Milos, sem var vikið frá
störfum á meðan ásakanir á hend-
ur honum vegna ósæmilegrar
hegðunar gagnvart sautján ára
stúlku er hann þjálfaði voru rann-
sakaðar.
„Ég hef bara verið að þjálfa mig
sjálfur og án félagsskaps í laug-
inni. Enginn til að berja mig áfram.
Það hefur gengið bara ágætlega
enda orðinn reynslumikill og veit
vel hvað ég þarf að gera.“
Örn hætti eftir Aþenu en kom til
baka af fullum krafti.
„Það var stoltið og þrjóskan sem
fékk mig til þess að byrja aftur. Ég
vildi ekki hætta eftir leika eins og
í Aþenu. Það er ekkert víst að ég
hætti eftir þessa leika,“ sagði Örn,
sem mun synda með dönsku liði
næsta vetur en þangað er hann á
leið í skóla.
„Ég ætla að læra afrekssund-
þjálfun í Íþróttaháskólanum í Ála-
borg. Ég byrjaði að þjálfa fyrir
þremur árum og það á vel við mig
þannig að ég verð áfram í sundinu.
Skólinn mun samt hafa forgang
hjá mér næsta vetur og það er
örugglega í fyrsta skipti sem hann
verður númer eitt hjá mér,“ sagði
Örn, sem er að verða 27 ára gam-
all.
Árangur Arnar í Sydney árið
2000 er mönnum enn í fersku
minni en þar náði hann fjórða
sæti. Telur hann sig geta náð við-
líka árangri núna?
„Það er allt hægt. Í þeim grein-
um sem ég keppi í eru allir mjög
jafnir. Á heimsmeistaramótinu í
fyrra munaði innan við sekúndu á
30 efstu í undanrásum í 100 metra
skriðsundinu. Ég gæti þess vegna
orðið fyrstur, annar eða þrjátíu.
Ég er mikið fyrir að reikna hlutina
út. Ef ég bæti sjö ára gamalt
Íslandsmet mitt í baksundinu ætti
ég að komast í undanúrslit og eftir
það er þetta allt galopið,“ sagði
Örn, sem hefur verið helst þekkt-
ur fyrir afrek í baksundinu en
hann hefur verið að koma mjög
sterkur upp í skriðsundinu.
„Ég hef verið að blanda þessu
mikið saman og tel mig geta keyrt
vel á báðar greinar. Ef ég lít raun-
hæft á málin ætti ég samt að eiga
meiri möguleika í baksundinu,“
sagði Örn, sem hefur lítið verið í
sviðsljósinu síðustu mánuði og
menn gera sér því ekki fulla grein
fyrir því hversu sterkur hann er
þessa dagana.
„Mér líkar mjög vel við að hafa
ekki verið í sviðsljósinu. Ég sakna
þess ekki neitt. Engu að síður get
ég upplýst fólk um að formið er til
staðar en ég hef verið að fara í
úrslit á stórum mótum. Ég er í
betra formi en margir halda,“
sagði Örn ákveðinn. Hann skartar
forláta yfirvaraskeggi í Peking en
það fær að fjúka fyrir baksundið í
dag líkt og önnur hár á líkaman-
um.
„Jakob og Árni byrjuðu með
mottukeppni en hættu svo báðir
en við Hjörtur erum aftur á móti
komnir með mottur. Það gekk hjá
Spitz að synda með mottu en ég
læt það eiga sig,“ sagði Örn léttur
en hann segir það taka sig um
klukkutíma að raka öll hárin af
líkamanum.
Sakna sviðsljóssins ekki neitt
Það hefur farið lítið fyrir Erni Arnarsyni síðustu mánuði. Hann hefur þó ekki legið í leti heldur segist hann
mæta til leiks í Peking í betra formi en margir halda. Örn er á leið í skóla í Danmörku næsta vetur.
Í BETRA FORMI EN FYRIR FJÓRUM ÁRUM Örn Arnarson hefur verið að þjálfa sig
sjálfur undanfarið og með góðum árangri að eigin sögn. Hann ætlar að svo að fara í
nám næsta haust og leggja stund á nám í afrekssundþjálfun. FRÉTTABLAÐIÐ/VILHELM
HENRY BIRGIR GUNNARSSON
Skrifar frá Peking
henry@frettabladid.is
FÓTBOLTI Aron Einar Gunnarsson
var í byrjunarliði Coventry í
sínum fyrsta leik með félaginu
sem fór vel af stað í ensku B-
deildinni sem fór af stað í gær.
Coventry vann Norwich 2-0 og
Aron Einar lék allan leikinn.
Jóhannes Karl Guðjónsson lék
síðasta hálftímann þegar Burnley
tapaði illa, 1-4, gegn Sheffield
Wednesday.
Ívar Ingimarsson verður
líklega í byrjunarliði Reading
sem heimsækir Nottingham
Forest í dag en Brynjar Björn
Gunnarsson er frá vegna meiðsla.
- óþ
Ólíkt gengi Íslendingaliða:
Aron Einar vann,
Jói Kalli tapaði
BYRJAR VEL Aron Einar Gunnarsson
byrjaði á sigri með Coventry þegar fyrsta
umferð í ensku B-deildinni fór fram í
gær. FRÉTTABLAÐIÐ/VILHELM
KÖRFUBOLTI Íslenska kvennalands-
liðið tapaði fyrir Danmörku, 68-
76, í lokaleik sínum á Norður-
landamótinu í Gentofte og enduðu
í 5. sæti í mótinu.
Helena Sverrisdóttir fór fyrir
íslenska liðinu í gær og skoraði 23
stig, tók 13 fráköst og gaf 6
stoðsendingar en þær Hildur
Sigurðardóttir, Pálína Gunnlaugs-
dóttir og María Ben Erlingsdóttir
skoruðu allar 9 stig í leiknum. - óþ
Norðurlandamót í körfubolta:
Ísland endaði í
fimmta sæti