Fréttablaðið - 18.08.2008, Blaðsíða 8

8 18. ágúst 2008 MÁNUDAGUR
Á tilb
oði í

ágús
t 200
8
UniF
lex ræ
stiva
gna
r
með
fylg
ihlut
um.
Start
pakk
i
20%
afs
láttu
r
RV
U
n
iq
u
e
0
80
80
1
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
RV Unique örtrefja-ræstikerfið
- hagkvæmt, vistvænt og mannvænt
− all you need ...
for cleaning
BRETLAND, AP Fimm manns létu
lífið þegar tvær litlar flugvélar
rákust saman í lofti og brotlentu
yfir Englandi í gær. Flugvélarnar
rákust saman nálægt Coventry,
um 140 kílómetra norðvestur af
London.
Einn farþegi var um borð í
annarri vélinni, sem brotlenti á
akri, en fjórir voru um borð í
hinni, sem brotlenti í skóglendi
skammt frá.
Flugslysið er í rannsókn. - ag
Mannskætt flugslys á Englandi:
Tvær litlar flug-
vélar rákust á
KÍNA, AP Ýmsum hópum mótmæl-
enda hefur tekist að gera Ólympíu-
leikana í Kína að vettvangi gagn-
rýni sinnar á þarlend stjórnvöld,
þrátt fyrir óvenju strangar öryggis-
ráðstafanir.
Nú síðast voru fimm erlendir
mótmælendur reknir frá Kína á
föstudag eftir að hafa klifrað upp
auglýsingaskilti við nýbyggingu
ríkissjónvarpsins í Peking og breitt
þar úr borða til stuðnings Tíbet.
Lögreglan handtók mótmælend-
urna strax og fjarlægði fljótlega
borðann. Mótmælendurnir fimm
eru frá Bandaríkjunum, Bretlandi
og Kanada.
Kurt Langer, talsmaður mótmæl-
endanna, segir þá hafa valið höfuð-
stöðvar ríkissjónvarpsins sem
vettvang mótmæla sinna vegna
þess að ríkisfjölmiðlarnir í Kína
séu notaðir til útbreiðslu áróðurs.
„Þeir eru að reyna að hvítþvo
mannréttindasögu sína og draga
upp fagra mynd handa umheimin-
um, þótt raunveruleikinn sé ljótur
á bak við tjöldin og ástandið í Tíbet
verra en það hefur verið í langan
tíma,“ sagði Langer.
Í vikunni sá alþjóða Ólympíu-
nefndin ástæðu til að ítreka þær
kröfur til kínverskra stjórnvalda,
að erlendir fréttamenn fái óhindr-
að að segja frá því sem fyrir ber.
Þessi skilaboð sendi nefndin eftir
að breskur blaðamaður sagðist
hafa orðið fyrir því, þegar hann
hugðist segja frá mótmælum í
borginni, að lögreglan hafi tekið
harkalega á sér. Lögreglan segist
hafa talið blaðamanninn vera einn
mótmælendanna.
Kínversk stjórnvöld hafa
úthlutað mótmælendum ákveðn-
um svæðum þar sem þeir eiga að
fá að koma mótmælum sínum
óhindrað á framfæri.
Mótmælendur kvarta þó undan
því að þessi úthlutuðu svæði, sem
eru þrjú talsins og langt frá vett-
vangi sjálfra Ólympíuleikanna,
hafi ekki þann tilgang að auð-
velda þeim að koma mótmælum
sínum á framfæri, heldur sé til-
gangurinn einkum sá að kínversk
stjórnvöld fái upplýsingar um
mótmælendurna, svo auðveldara
verði að fylgjast með þeim og
hafa hendur í hári þeirra ef
ástæða þykir til – að mati stjórn-
valda.
Lítið hefur borið á því, að mót-
mælendur hafi notfært sér þessi
svæði, enda þarf að sækja fyrir-
fram um leyfi til að efna til mót-
mæla þar. Af þeim mótmæla-
aðgerðum, sem skotið hafa upp
kollinum þrátt fyrir allt á öðrum
stöðum, má þó ráða að lítill skort-
ur sé á vilja til mótmæla.
gudsteinn@frettabladid.is
Stöku mótmælendur ná að
koma boðskap fram í Kína
Fáir mótmælendur í Kína nýta sér þar til gerð svæði, sem stjórnvöld hafa úthlutað undir mótmæli. Nokkrum
hefur tekist að koma boðskap sínum á framfæri. Stjórnvöld hafa vísað erlendum mótmælendum úr landi.
BOÐSKAPURINN BLASIR VIÐ Mótmælendum í Peking tókst að koma skilaboðum
sínum stutta stund á framfæri á föstudag, áður en þeir voru handteknir. FRÉTTABLAÐIÐ/AP
1 Hvar fóru Danskir dagar
fram um helgina?
2 Hvaða landsliði mætti
íslenska handboltalandsliðið í
Peking í nótt?
3 Hvaða íslenska R´n´B söng-
kona gaf nýlega út plötuna Kær
leikur?
UMHVERFISMÁL Bergur Elías
Ágústsson, sveitarstjóri Norður-
þings, vill að Þórunn Sveinbjarnar-
dóttir umhverfisráðherra breyti
úrskurði sínum um heildstætt
umhverfismat vegna álversfram-
kvæmda á Bakka.
Hann vill að rannsóknarboranir
vegna orkuöflunar á Þeistareykjum
verði undanþegnar umhverfismat-
inu svo tryggt sé að þeim megi
ljúka innan þeirra tímamarka sem
árstíðabundnar sveiflur á svæðinu
leyfa. Verði ekki hægt að gera
rannsóknir á svæðinu sumarið
2009 tefjist framkvæmdir um heilt
ár en sveitarfélagið ætli hins vegar
að semja við Alcoa haustið 2009.
Rannsóknirnar séu að auki for-
senda umhverfismatsins.
„Eitt af meginmarkmiðum
umhverfismatsins gengur út á
sjálfbærni. Til að geta svarað því
hver sjálfbærnin er, hvað er á
svæðinu og hve mikla nýtingu
svæðið þolir verður auðvitað að
bora fyrst“, segir Bergur.
Umhverfisráðherra verði að
leiða sveitarfélagið og fram-
kvæmdaaðila til að leysa úr þeim
vandkvæðum sem umhverfismat-
inu fylgi.
Sveitarfélagið geti ekki beðið í
ár eftir niðurstöðu enda hafi það
komið að 1.400 milljóna króna fjár-
festingu í gegnum Þeistareyki ehf.
Alls liggi um fimm milljarða fjár-
festing bundin á svæðinu. - kóþ
Sveitarstjóri Norðurþings hvetur umhverfisráðherra til að breyta úrskurði sínum:
Vill undanþágu fyrir boranir
BERGUR ELÍAS ÁGÚSTSSON Sveitarstjór-
inn er ánægður með fund ráðherra og
Húsvíkinga á fimmtudag.
FRÉTTABLAÐIÐ/VÖLUNDUR
PEKING, AP Kínverskir tollverðir
gerðu í gær upptækar yfir 300
biblíur sem fjórir Bandaríkja -
menn komu með til landsins og
hugðust dreifa frítt í borginni
Kunming í suðurhluta Kína.
Starfsmaður tollsins sagði í
samtali við fjölmiðla að einungis
stæði til að „sjá um“ biblíurnar,
en útskýrði það ekki nánar.
Fjölmiðlar sögðu fréttir af því í
fyrra að biblíur yrðu bannaðar í
Kína á meðan á Ólympíuleikunum
stæði. Þær fréttir reyndust
ósannar og var tíu þúsund
eintökum af biblíum á ensku og
kínversku dreift um Ólympíu-
þorpið. - sh
300 biblíur náðu ekki til Kína:
Heilög ritning
tekin í tollinum
ISLAMABAD, AP Ríkisstjórn
Pakistans hefur sett Pervez
Musharraf þá afarkosti að annað
hvort segi hann af sér embætti
innan tveggja daga eða verði
ákærður fyrir brot í embætti.
Pakistanski þjóðarflokkurinn
sakar Musharraf um brot gegn
stjórnarskrá landsins. Varnar -
málaráðherra landsins segir að
Musharraf verði birt ákæran á
þriðjudag hafi hann ekki sagt af
sér.
Musharraf hefur hins vegar
gefið út yfirlýsingu þess efnis að
hann muni ekki segja af sér og
verja sig sjálfur í málinu.
- sh
Forsetanum settir afarkostir:
Ákæra í bígerð
gegn Musharraf
LÖGREGLUMÁL Ólafur Guðmundsson, yfirlögreglu-
þjónn á Snæfellsnesi, segir ungt aðkomufólk hafa
átt sök á mikilli ölvun og vandræðum á Dönskum
dögum á Stykkishólmi um helgina. Margir gistu
fangageymslur aðfaranótt laugardags, en rólegra
var yfir hátíðinni aðfaranótt sunnudags. Þó var
eitthvað um pústra og þrjú fíkniefnamál komu til
kasta lögreglu.
„Ég þekki mitt fólk. Við höfðum ekki afskipti af
einum einasta heimamanni. Maður fær á tilfinn-
inguna að sumir hafi komið hingað gagngert til að
skemma fyrir öðrum. Íbúum blöskraði og hátíðin
verður endurskoðuð. Það er á hreinu,“ segir
Ólafur.
Sara Jóhannsdóttir á og rekur pylsuvagninn
„Einar með öllu“ í bænum ásamt Einari Gunnars-
syni eiginmanni sínum. Pylsuvagninn var opinn
báðar næturnar og stóð Sara vaktina. „Manni
dettur í hug að meira vesen sé á unga fólkinu
þegar hátíðin kemur upp á aðra helgi en Menning-
arnótt Reykjavíkur, en venjulega eru hátíðirnar
haldnar sam tímis. Einnig gæti haft eitthvað að
segja að á föstudagskvöldið, þegar mestu lætin
voru, var engin skipulögð dagskrá í gangi. Laugar-
dagskvöldið var rólegra, þegar bryggjuballið og
fleira var haldið,“ segir Sara. Hún segir ókyrrðina
hafa legið í loftinu á föstudaginn. Mögulega hafi
kveikiþráðurinn í fólki verið styttri vegna slæms
veðurs.
Daði Heiðar Sigurþórsson, framkvæmdastjóri
Danskra daga, segir að aðstandendur hátíðarinnar
muni funda eftir helgi og fara yfir hvaða lærdóm
megi draga af reynslu helgarinnar. Hins vegar hafi
hátíðin gengið vel í fimmtán ár samfleytt, og erfitt
sé að búa sig undir vandræði eins og þau sem urðu
um helgina. - kg
Yfirlögregluþjónn segir heimamenn hafa hagað sér vel á Dönskum dögum:
Lögreglan kennir ungu
aðkomufólki um vandræðin
FANGAGEYMSLUR FULLAR Yfirlögregluþjónn á Snæfellsnesi
segir klárt mál að endurskoða þurfi Danska daga.
DANSKIR DAGAR Framkvæmdastjóri hátíðarinnar segir erfitt að
búa sig undir vandræði eins og þau sem urðu um helgina.
VEISTU SVARIÐ?