Fréttablaðið - 18.08.2008, Blaðsíða 38
22 18. ágúst 2008 MÁNUDAGUR
sport@frettabladid.is
Handknattleiksdeild HK auglýsir eftir þjálfara fyrir 2. fl okk
karla fyrir komandi tímabil. Flokkurinn er núverandi
Íslands- og bikarmeistari og því við góðu búi að taka.
Einnig auglýsir barna- og unglingaráð HK eftir þjálfurum
fyrir yngri fl okka félagsins.
HK leitar að metnaðarfullum einstaklingum sem eru
tilbúnir að leggja sitt af mörkum við að efl a starf hand-
knattleiksdeildarinnar. Áhugasamir eru vinsamlegast beðnir
um að senda inn umsókn og ferilskrá til íþróttastjóra
félagsins á netfangið olithor@hk.is.
Reynsla af þjálfun skilyrði og menntun á sviði íþrótta-,
kennslu eða uppeldisfræða æskileg.
Nánari upplýsingar veitir Óli Þór Júlíusson,
olithor@hk.is, eða í síma 897-8730.
PEKING 2008 Frjálsíþróttafólkið
Bergur Ingi Pétursson sleggju-
kastari og Ásdís Hjálmsdóttir
spjótkastari eru nýliðar á Ólympíu-
leikum en bæði verða 23 ára í okt-
óber. Bergur keppti í sleggjukasti
aðfaranótt föstudags en Ásdís
tekur þátt í spjótkastskeppninni á
morgun.
Þetta er framtíðarfólk Íslands í
frjálsum íþróttum og þau mæta án
efa enn sterkari til leiks í London
eftir fjögur ár, reynslunni ríkari
eftir dvölina í Peking.
„Það er þvílík upplifun að vera
hérna. Ég bjóst við því að það yrði
allt rosalega stórt hérna og það er
allt rosalega stórt hérna. Ég hef
aldrei séð annað eins,“ sagði Ásdís
en hún nýtur lífsins hér í Peking
og sogar í sig upplifunina.
„Það er fínt að búa í þessu
ólympíuþorpi og ótrúlega
skemmtileg stemning í öllum
íslenska ólympíuhópnum. Við
búum mjög þétt og það hefur skil-
að mjög skemmtilegri stemningu.
Það er svolítið verið að fíflast og
svo horfum við mikið á leikana í
sjónvarpinu í bland við íslenskt
efni sem fólk hefur tekið með
sér,“ sagði Ásdís, sem er því
miður meidd og því algerlega
óljóst hversu vel henni muni
ganga. „Ég mun samt mæta til
leiks og gefa allt sem ég get. Það
þarf eitthvað mikið að gerast ef
ég keppi ekki.“
Það var við ramman reip að
draga fyrir Berg Inga en hann
hefði þurft að kasta 78 metra til
þess að komast í úrslit en það er
rúmum þrem metrum lengra en
Íslandsmet hans.
„Ég fékk alveg gæsahúð þegar
ég labbaði inn á þennan völl í fyrsta
skipti og svakaleg orka sem maður
fann fyrir á vellinum. Það er æðis-
legt að komast inn á þetta mót, sem
er það stærsta sem hægt er að
komast í,“ sagði Bergur Ingi, sem
líkar lífið vel í Ólympíuþorpinu.
„Þetta er ofboðslega þægilegt
og maður bara slappar af, spjallar
og hlær með fólkinu. Virkilega
skemmtilegt,“ sagði sleggju kastar-
inn.“
Aldrei séð annað eins
Hið unga og efnilega frjálsíþróttafólk Bergur Ingi Pétursson og Ásdís Hjálms-
dóttir er að keppa á sínum fyrstu Ólympíuleikum. Þau njóta lífsins í Peking og
soga í sig reynsluna.
GOTT Í PEKING Hið unga frjálsíþróttafólk naut lífsins í botn í Kína. FRÉTTABLAÐIÐ/VILHELM
HENRY BIRGIR GUNNARSSON
Skrifar frá Peking
henry@frettabladid.is
PEKING 2008 Jamaíkamaðurinn
Usain Bolt setti nýtt heimsmet í
100 metra hlaupi karla í Peking á
laugardag. Hann kom í mark á
9,69 sekúndum og var byrjaður að
fagna áður en hann kom yfir
línuna.
Hlaupi Bolt er lýst sem
ótrúlegasta hlaupi sögunnar af
spekingum en hann er aðeins 21
árs gamall og var að keppa á sínu
fyrsta stórmóti. - hþh
Engin spenna í 100 m hlaupi:
Nýtt heimsmet
hjá Usain Bolt
FLJÓTASTUR Bolt vann 100 metra hlaup-
ið með yfirburðum. FRÉTTABLAÐIÐ/AFP
PEKING 2008 Michael Phelps varð
fyrstur til að vinna átta gull á
einum Ólympíuleikum þegar
bandaríska sundsveitin tryggði
sér sigur í 4x100m fjórsundi í
fyrrinótt. Sveitin setti heimsmet.
Phelpst setti alls sjö heimsmet
á leikunum. Hann hefur nú unnið
flest gull allra á leikum, samtals
fjórtán talsins, og gullin átta eru
flest gull sem íþróttamaður
hefur unnið á einum leikum.
Landi hans Mark Spitz átti metið,
hann vann sjö gull á leikunum í
München árið 1972. Spitz kallaði
Phelps besta íþróttamann á
Ólympíuleikum í sögunni.
„Þetta var gaman,“ sagði
Phelps, hógværðin uppmáluð
þrátt fyrir allt. „Þetta er nokkuð
sem ég var að stefna að og langaði
til að gera. Þetta er búið að krefj-
ast mikillar vinnu og ég er þakk-
látur fyrir það hvernig þetta fór.
Þetta var fullkomið. Hver
stund í og úr lauginni verður með
mér til æviloka. Þetta er ein besta
vika ævi minnar, ef ekki sú
besta,“ sagði Phelps en aðrir
sundmenn hafa keppst við að
ausa hann lofi.
„Michael Phelps – það er ekki
hægt að lýsa því hvað hann gerði
hérna. Þetta afrek er ótrúlegt og
ég efast um að við munum sjá
nokkuð svona aftur,“ sagði Ástral-
inn Grant Hackett.
- hþh
Sundkappinn Michael Phelps var sigursæll á Ólympíuleikunum:
Átta gull hjá Phelps í Peking
GULLKÁLFUR Phelps hefur skráð sig á spjöld sögunnar. FRÉTTABLAÐIÐ/VILHELM
ENSKI Englandsmeistarar
Manchester United misstigu sig í
fyrstu umferð ensku úrvalsdeild-
arinnar þegar þeir náðu aðeins
jafntefli gegn Newcastle á
heimavelli. Obafemi Martins kom
Newcastle yfir með skalla eftir
hornspyrnu en Darren Fletcher
jafnaði aðeins mínútu síðar. Fleiri
mörk voru ekki skoruð og leikar
enduðu 1-1.
Luiz Felipe Scolari stýrði
Chelsea til 4-0 sigurs á Ports-
mouth. Hermann Hreiðarsson lék
allan leikinn fyrir Portsmouth
sem sá aldrei til sólar. Chelsea
var 3-0 yfir í hálfleik með
mörkum frá Joe Cole, Nicolas
Anelka og Frank Lampard úr
vítaspyrnu. Deco bætti því fjórða
við undir lokin.
„Ég er ánægður af því liðið mitt
spilaði mjög vel,“ sagði Scolari.
„Að vinna fyrsta leikinn 4-0 er
mikilvægt en það er mikilvægara
að liðið mitt leit vel út á vellin-
um.“
Gabriel Agbonlahor skoraði
þrennu á sjö mínútum og 43
sekúndum fyrir Aston Villa sem
lagði Manchester City 4-2. John
Carew skoraði einnig fyrir Villa
en Elano og Vedran Corluka fyrir
City. - hþh
Enski boltinn í gær:
Meistararnir
töpuðu stigum
> Sættir Guðjóns og Wilbek
Dönsk dagblöð eru mörg hver á sama máli og Ulrik
Wilbek, þjálfari danska landsliðsins, að dómaraskandall
hafi komið í veg fyrir sigur þess á Íslandi. Wilbek varð svo
reiður að hann neitaði að taka í hendina á Guðjóni Val
Sigurðssyni, sem var ekki par sáttur við lítinn drengskap
þjálfarans. Berlingske Tidende greinir frá því að Guðjón
hafi sagt „fokk off“ við Wilbek sem talaði
um þjófnað og skandal langt fram á kvöld
og átti við dómarana. „Ég sagði „fokk
off“ en það var ekki illa meint. Þetta var
bara misskilningur. Ég erfi þetta ekkert
við hann og ég vona að hann geri það
ekki heldur. Við afgreiddum þetta síðan
fljótlega eftir á,“ er haft eftir Guðjóni í
danska blaðinu.
SCOLARI Var ánægður með sigurinn í
sínum fyrsta leik með Chelsea.
FRÉTTABLAÐIÐ/AFP
Íslenska handboltalandsliðið skipað leikmönnum 18 ára og yngri
lenti í fjórða sæti á Evrópumótinu sem lauk í Tékklandi í gær. Ísland
tapaði leiknum um bronsverðlaun fyrir Svíum með sjö marka
mun, 35-42.
„Ég lagði þetta þannig upp að það lið sem væri ákafara í að
vinna leikinn myndi vinna og Svíarnir voru okkur einfaldlega
fremri. Þeir voru gríðarlega vel stemmdir og keyrðu yfir okkur í
fyrri hálfleik,“ sagði Einar Guðmundsson, þjálfari liðsins.
„Við börðum okkur saman í seinni hálfleik og hann
var frábær. En við vorum með allt niðrum okkur í fyrri
hálfleik og ekkert gekk upp á meðan allt gekk upp hjá
þeim,“ sagði Einar en Aron Pálmarsson (á mynd) var
markahæstur í íslenska liðinu með ellefu mörk.
Einar segir að það hafi verið mikil vonbrigði að hafa
ekki komist í úrslitaleikinn. „Það er erfitt að spila um
bronsverðlaun og það skiptir öllu máli hvort liðið byrjar
betur,“ sagði Einar en fyrir mótið var markmiðið skýrt.
„Við ætluðum að vinna þetta. Við vorum ekkert að gaspra
um það en við ræddum það innan hópsins, að við ættum
möguleika. Það er klárt að þessi fjögur efstu lið eru mjög jöfn að
getu,“ sagði Einar en Þjóðverjar urðu Evrópumeistarar.
„Við erum með alvöru landslið í höndunum, þetta er óvenju efni-
legur árgangur. Við vissum það og við þurfum að hlúa að honum,“
sagði Einar. Þetta sama lið fer á opna Norðurlandamótið næsta
sumar, Evrópumót eftir tvö ár og heimsmeistaramót eftir þrjú ár
áður en það gengur upp úr unglingaflokknum.
Liðið vakti athygli ytra en Einar segir að sumir hafi jafnvel
spáð liðinu sigri. „Við spiluðum skemmtilegan handbolta og
skoruðum meðal annars tólf mörk úr hraðaupphlaupum í
mótinu,“ sagði Einar.
Annað sem vakti athygli á liðinu er hve hávaxið það er.
Íslendingar hafa löngum átt erfitt með að finna hávaxna
handboltamenn en enginn skortur er á þeim í þessu lands-
liði. „Við erum með hávaxnasta lið mótsins, sem er auðvitað
ekki það sem gengur og gerist hjá okkur Íslendingum.“
Aron var valinn í lið mótsins en hann vakti sérstaka athygli
ytra. „Hann er með einstaka hæfileika. Hann var í A-lands-
liðsklassa á mótinu,“ sagði Einar um Aron.
U-18 ÁRA LANDSLIÐ KARLA: TAPAÐI Í LEIKNUM UM BRONSVERÐLAUN Á EVRÓPUMÓTINU
Við erum með alvöru landslið í höndunum