Fréttablaðið - 27.08.2008, Blaðsíða 21
Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
GÍRAFFAR eru algengir í Austur-Afríku og eru friðaðir þar.
Mynstrið á feldi gíraffanna er einstaklingsbundið eins og
fingraför manna og þeir þekkjast á því. Eins og flest önnur
hryggdýr hafa gíraffar sjö hryggjarliði í hálsi þrátt fyrir að
langur hálsinn virðist gefa til kynna miklu hærri tölu.
„Það var í kennaraverkfalli 2006
að við kennarar í Hvaleyrarskóla
hittumst til að labba saman, til að
halda hópinn og í móralinn,“ segir
Hafdís Sigmarsdóttir kennari, sem
smitaðist af göngubakteríunni
þegar hún starfaði sem landvörður
í Ásbyrgi og Jökulsárgljúfrum.
„Talan sjö var þá oft nefnd í
tengslum við gönguferðir og við
ákváðum að byrja eins og margir á
sjö tindum, en í fyrra gengum við í
kringum sjö vötn og nú ætlum við í
sjö skóga,“ segir Hafdís, sem hóf
dagskrá haustsins með gönguferð
í Öskjuhlíð og ætlar að enda á
haustlitaferð um Þingvelli.
„Við byrjum á léttri göngu svo
allir geti fótað sig og þegar fólk
kemst á bragðið vill það helst ekki
missa úr. Við notum sama kerfi á
fullorðna og börn; hvatningu og
límmiða að eigin vali í bók þar sem
kvittað er fyrir hverja ferð,“ segir
Hafdís, sem ávallt býður upp á
eitthvað gómsætt og þematengt
undir tönn á göngunni.
„Síðast voru það villisveppir,
næst verður það hrútaberjasulta
og þar næst hvannafræjabrauð.
Þetta eru óskaplega skemmtilegar
stundir og gaman að hitta maka og
börn í góðum hópi göngufólks.
Ekki spillir fyrir gleðinni að nú
hafa göngurnar sjö verið settar á
námskrá Fjölbrautaskólans í
Garðabæ sem sérstakur útivistar-
áfangi og verður það vonandi byrj-
unin á heilbrigðum lífsstíl æ
fleiri,“ segir Hafdís, sem á brúð-
kaupsafmæli sínu fer árvisst í
rómantíska göngu.
„Við systir mín giftumst vinum
og ár hvert velur eitt okkar göngu
sem við fjögur förum saman. Við
köllum þetta lúxusferðir og á tíu
ára brúðkaupsafmælinu fórum við
í fimm daga göngu á Englandi, en í
ár gistum við í skála í Lónsör-
æfum. Þá göngum við að degi til,
en sláum upp veislu að kvöldi með
heimalöguðu sælkerafæði og skál-
um fyrir hjónabandinu í kampa-
víni.“ thordis@frettabladid.is
Léttfætt í göngurnar sjö
Undanfarin ár hefur hin heilaga tala verið vinsæl þegar kemur að markmiðum útivistarfólks, ekki síst
fjallgöngumanna. Nú er sjöan enn viðmiðun þegar land er lagt undir fót, en í mun víðara samhengi.
Hafdís Sigmarsdóttir
kennari er hugmynda-
smiður gangnanna sjö,
sem nú eru komnar á
námskrá Fjölbrautaskól-
ans í Garðabæ.
FR
ÉT
TA
B
LA
Ð
IÐ
/R
Ó
SA
UPPLÝSINGAR O
is
ing Mjódd
Staðsetning í Mjódd
www.ovs.is
upplýsingar og innritun í síma 588-1414
Vinnuvélanámskeið
Næsta námskeið hefst
29. ágúst n.k.