Fréttablaðið - 01.09.2008, Blaðsíða 6

6 1. september 2008 MÁNUDAGUR
MENNTUN „Ég vil að samtökin hafi
það að markmiði að styðja við
bakið á foreldrum barna sem
hafa lent í einelti,“ segir Ingi-
björg Helga Baldursdóttir grunn-
skólakennari. Eins og greint
hefur verið frá svipti sonur Ingi-
bjargar sig lífi í sumar og segir
Ingibjörg gegndarlaust einelti
sem hann varð fyrir í grunnskóla
fyrst og fremst ástæðu dauða
hans.
Ingibjörg og Þráinn Lárusson,
faðir piltsins, ákváðu að dauði
sonar þeirra yrði ekki feimnis-
mál heldur myndu þau tala opin-
berlega um það sem hann gekk í
gegnum og afleiðingar eineltis-
ins fyrir hann. Auk þess vildu
þau minna á að einelti væri ekki
aðeins bundið við þann tíma sem
það stæði yfir eða það barn sem
fyrir því yrði. Afleiðingar þess
væru langvarandi og öll fjöl-
skylda barnsins þjáðist með því.
Ingibjörg segir samtökunum
ætlað að vera vettvangur fyrir
foreldra til að leita sér ráðgjafar,
skiptast á skoðunum og miðla
reynslu sinni.
Vanda Sigurgeirsdóttir, lektor í
tómstundafræðum við Háskóla
Íslands sem lengi hefur beitt sér
gegn einelti, segir samtök sem
þessi mjög þörf. Eineltismál séu
oft á tíðum flókin og þrungin til-
finningum og því þurfi foreldrar
stuðning við að fóta sig í barátt-
unni fyrir barnið sitt.
Eitt þeirra markmiða sem Ingi-
björg segist vilja sjá samtökin
vinna að er að vera þrýstihópur á
breytingar innan skólakerfisins.
Hún telur brýnt að forvarnar-
starfi og eineltisvinnu sé gert
hærra undir höfði og vill sjá
skólayfirvöld og sveitarfélög axla
frekari ábyrgð á þeim störfum.
Í nýrri viðhorfskönnun for-
eldra barna í grunnskólum
Reykjavíkur, sem gerð var fyrir
menntasvið borgarinnar, kom
fram að af þeim 2.903 foreldrum
sem svöruðu spurningunni um
hvort þeir vissu til þess að eineltis-
mál hefðu komið upp í skólanum
svöruðu tæp sextíu prósent ját-
andi eða 1.677. Þegar spurt var
hvernig foreldrum hefði þótt
brugðist við eineltinu í skólanum
taldi rétt tæpur fjórðungur for-
eldra að skólinn hefði ekki tekið á
málinu. Þá telja töluvert margir
foreldrar að bæta megi upplýs-
ingastreymi til þeirra um mál
sem þessi.
Kjartan Magnússon,
ný skipaður formaður mennta-
ráðs Reykja víkur, sagði í viðtali
við Fréttablaðið að hann gerði
sér vel grein fyrir því hve mikil-
væg þessi mál væru, hann teldi
málin nú í góðum farvegi meðal
skólayfirvalda en alltaf mætti
gera betur. karen@frettabladid.is
Atlantskaup ehf. Bæjarflöt 6,112 Reykjavík S: 533 3700
Upplýsingar á www.atlantskaup.is
STIGAR OG HANDRIÐ ÚR GLERI OG STÁLI
ÚTI SEM INNI
Foreldrarnir þjást
með börnunum
Móðir ungs manns sem svipti sig lífi í sumar vinnur nú að stofnun samtaka fyrir
foreldra barna sem glímt hafa við einelti. Lektor við Kennaraháskólann segir
framtakið þarft. Fjórðungur foreldra segir að ekki sé tekið á einelti í skólum.
Hefur komið upp eineltismál í
skólanum sem þú manst eftir?
Fjöldi Hlutfall
Já 1.677 57,8%
Nei 1.226 42,2%
Heimild: Viðhorfskönnun
Menntasviðs Reykjavíkur árið 2008
Hvernig fannst þér tekið á því
máli af hendi skólans?
Fjöldi Hlutfall
Fljótt og vel 634 41,2%
Vel en ekki nógu fljótt 556 36,2%
Sk. tók ekki á málinu 348 22,6%
Heimild: Viðhorfskönnun
Menntasviðs Reykjavíkur árið 2008
Ertu ánægð(ur) eða óánægð(ur)
með hvernig umsjónarkennari
upplýsir foreldrahópinn um líðan
og félagsanda í bekknum, s.s. ef
einelti kemur upp?
Fjöldi Hlutfall
Mjög ánægð(ur) 939 34,9%
Frekar ánægð(ur) 693 25,8%
Hvorki né 639 23,8%
Frekar óánægð(ur 245 9,1%
Mjög óánægð(ur) 174 6,5%
Heimild: Viðhorfskönnun
Menntasviðs Reykjavíkur árið 2008
Fleiri kennarar með réttindi
Hlutfall framhaldsskólakennara á
Íslandi með kennsluréttindi jókst um
6,7 prósentustig frá árinu 2000 til
ársins 2007, úr 71,3 prósentum í 78
prósent, samkvæmt upplýsingum frá
Hagstofu Íslands. Sama hlutfall er í
höfuðborginni og á landsbyggðinni.
MENNTUN
Guðný bæjarlistamaður
Guðný Halldórsdóttir kvikmynda-
gerðarmaður hefur verið valin
bæjarlistamaður Mosfellsbæjar í ár.
Þetta var tilkynnt við hátíðlega athöfn
á bæjarhátíð Mosfellsbæjar. Guðný
er meðal annars þekkt fyrir myndina
Ungfrúin góða og húsið.
MOSFELLSBÆR
ÚTGERÐ Fiskistofa svipti sex skip
veiðileyfum í júlímánuði vegna
brota á lögum um umgengni um
nytjastofna sjávar.
Í fimm tilvika var úrræðinu
beitt vegna veiða umfram
aflaheimildir.
Sæberg frá Hafnarfirði og
Hildur frá Norðurfirði fengu
veiðileyfin á ný eftir að kvótastaða
þeirra hafði verið leiðrétt en Valur
og Gullbjörg frá Súðavík og
Júlíana Guðrún frá Sandgerði
verða án leyfa þar til kvótastaða
þeirra hefur verið löguð. Þjóð-
björg frá Sandgerði var svipt leyfi
í eina viku vegna framhjálöndun-
ar og afladagbókarbrots. - bþs
Fiskistofa beitir refsiúrræðum:
Sex skip svipt
veiðileyfi í júlí
Þegar ég fer yfir kassakvittunina
og bið afgreiðslufólk verslana að
útskýra eitthvað nánar, fara og
athuga hilluverð eða endurgreiða
mér nokkrar krónur, er ég stund-
um litin hornauga. Mér er alveg
sama og ég held að ef fleiri fylgd-
ust með myndu verslanirnar sjá
sér hag í að fara að lögum og
verðmerkja rétt. Anna skrifar:
Ég byrjaði á að fara í Nettó í
Mjódd en ég hafði fundið það út
að lífrænn Hipp ungbarnamatur
væri ódýrari þar en ég hafði séð
annars staðar. Ég tíndi til það
sem mig vantaði. Hélt ég
svo í Bónus í Holtagörð-
um og að síðustu í Hagkaup í
sama kjarna og keypti það sem
ég hafði ekki fengið í Bónus.
Þegar ég hafði greitt við kass-
ann sá ég færslu sem ég kannað-
ist ekki við. Samkvæmt kvitt-
uninni átti ég að
hafa keypt sítr-
ónugras í staðinn
fyrir ferskan aspas
sem hins vegar
vantaði á kvittunina.
Hófst þá hið skemmti-
lega ferli að fá pening-
ana endurgreidda.
Heima renndi ég yfir
kassakvittanirnar frá
Nettó og Bónus. Sam-
kvæmt Nettó kvittuninni
átti ég að hafa keypt 2
tepakka í stað eins.
Þegar ég leit svo yfir Bónus
kvittunina sá ég að ég átti að hafa
keypt 3 dósir af baunum þegar ég
keypti aðeins tvær.
Samtals urðu þetta
760 krónur sem ég
greiddi til einskis.
Héðan í frá kem ég
ekki til með að skamm-
ast mín fyrir að stöðva
kassaraðir í matvöru-
verslunum, jafnvel á
háannatíma, á meðan
ég læt leiðrétta mis-
tök.
Neytendur verða að varast að greiða fyrir rangar vörur:
Beðið í röð eftir endurgreiðslu
ASPAS Þetta er ekki
sítrónugras.HELGA ÞÓREY
neytendur@frettabladid.is
Sendið umboðsmanni neytenda ábendingar eða sparnaðarráð á neytendur@frettabladid.is
INGIBJÖRG HELGA
BALDURSDÓTTIR
VANDA SIGUR-
GEIRSDÓTTIR
KJARTAN
MAGNÚSSON
FERÐALÖG „Kjölur er orðinn vinur minn ef svo má
segja,“ segir Hjalti Gunnarsson, sem fór á dögunum
sína hundruðustu hestaferð yfir Kjöl. „Maður þekkir
orðið þúfurnar og steinana með nafni. Þó sér maður
alltaf eitthvað nýtt.“
Síðastliðin fjórtán ár hefur Hjalti ferðast samtals 24
þúsund kílómetra yfir Kjöl með hópa ferðamanna
fyrir Íshesta. Þessi vegalengd jafngildir tæplega átján
ferðum um hringveginn og 41 maraþoni á hverju ári.
Hjalti segist þó síst orðinn leiður á Kili. „Maður hefur
alltaf jafn gaman af þessu. Það er alltaf nýtt fólk til að
kynnast og ég hef verið gríðarlega heppinn með fólk
sem aðstoðar mig í þessu. Það eina sem ég er orðinn
þreyttur á er hve lítið er gert fyrir reiðleiðir hérlend-
is. Það er margt sem mætti laga fyrir lítinn pening.“
Um þrjú þúsund manns hafa verið samferða Hjalta
á þessum árum en þar af segir hann langflesta vera
erlenda ferðamenn. „Það voru svona fimm prósent
Íslendingar í sumar sem þó er aukning. Það hafa komið
margfalt fleiri útlendingar á Kjöl en Íslendingar. Fólk
heldur að Kjölur sé leiðinlegur yfirferðar, en það er
misskilningur, og fólk á ekki orð yfir hvað leiðin er
mikilfengleg.“ - ges
Hjalti Gunnarsson hefur farið 24 þúsund kílómetra með hópa ferðamanna:
Farið hundrað ferðir yfir Kjöl
BÖRN NÁTTÚRUNNAR Hjalti ásamt eiginkonu sinni, Åsu
Dalkarls.
Vilt þú að sérstakt ráðuneyti
verði stofnað fyrir efnahags-
mál?
Já 45%
Nei 55%
SPURNING DAGSINS Í DAG:
Eiga að vera til siðareglur sem
skikka þingmenn til að greina
frá eignum sínum?
Segðu þína skoðun á vísir.is
KJÖRKASSINN