Fréttablaðið - 01.09.2008, Blaðsíða 34

18 1. september 2008 MÁNUDAGUR
timamot@frettabladid.is
Klassíski listdansskólinn var stofnað-
ur árið 1993 og verður settur í fimmt-
ánda sinn í dag. Guðbjörg Astrid Skúla-
dóttir, stofnandi og eigandi skólans,
segir mikið hafa breyst í rekstrin-
um þann tíma sem skólinn hefur verið
starfandi. „Núna taka stelpur sem eru
á grunnskólastigi vorpróf hjá okkur og
eru metnar á milli stiga. Áður fyrr var
það ég sem mat það hvort þær myndu
ráða við næsta stig. Stigin voru því ekki
jafn markviss og þau eru núna með er-
lendum prófdómurum.“
Guðbjörg segist lengi hafa búið er-
lendis og iðkað þar dans. Árið 1990
flutti hún aftur til Íslands. Þegar heim
var komið kenndi hún í eitt ár við List-
dansskólann en ákvað svo að stofna
Klassíska listdansskólann. „Mig lang-
aði til að taka öðruvísi á hlutunum og
haga kennslunni á annan veg en var
í Listdansskólanum. Það er ástæðan
fyrir því að ég stofnaði skólann.“
Aðspurð segir Guðbjörg að sér hafi
þótt það skylda sín að stofna listdans-
skóla fyrir fimmtán árum. „Mér fannst
sjálfri að ég hefði svo mikið að gefa og
að ég ætti að láta eitthvað gott af mér
leiða, því ég hef mikla þekkingu og
skilning á dansi.
Ég byrjaði bara með tuttugu og sex
nemendur en í dag eru þeir orðnir um
hundrað og þrjátíu. Við erum samt allt-
af minnsti skólinn, og það er af hinu
góða. Við viljum ekki vera neitt bákn,“
segir Guðbjörg brosandi og bætir við
að hún sækist eftir nemendum sem
hafa mikinn áhuga á dansi.
Þegar Guðbjörg er innt eftir því
hvort nemendur skólans hafi náð langt í
dansi segir hún svo vera og að nemarn-
ir hafi fengið mikið hrós erlendis. „Þær
eru í rauninni að komast allt sem þær
vilja. Íslenskir krakkar hafa heilmikla
elju og ná langt. Það er mjög gaman að
upplifa það að nemendur mínir eru að
taka á og komast áfram.
Það er alltaf mikil vinna að vera með
góðan skóla,“ segir Guðbjörg ákveðin
og heldur áfram: „Það byggist líka á því
að nemendurnir taki námið alvarlega
og vinni vel. Þegar samstarf á milli
kennara og nemenda er gott gengur allt
mjög vel.“ martaf@frettabladid.is
KLASSÍSKI LISTDANSSKÓLINN: SETTUR Í FIMMTÁNDA SINN
Hefur svo mikið að gefa
GUÐBJÖRG ASTRID SKÚLADÓTTIR Hefur í gegnum árin sóst eftir nemendum sem hafa mikinn áhuga á dansi. FRÉTTABLAÐIÐ/ARNÞÓR
AFMÆLI
BERGÞÓRA
ARADÓTTIR
BARNA-
STJARNA
er 22 ára í
dag.
ÓLÖF NORDAL
MYNDLISTAR-
KONA
er 47 ára í
dag.
KETILL LAR-
SEN LEIKARI
er 74 ára í
dag.
SÖNGKONAN
RUTH REGIN-
ALDS
er 43 ára í
dag.
MERKISATBURÐIR
1897 Neðanjarðarlestarkerfi
opnað í Boston.
1910 Kveikt er á gasljósum
í fyrsta sinn á götum
Reykjavíkur.
1930 Kvikmyndahúsin í Reykja-
vík hefja sýningar tal-
mynda. Gamla bíó sýnir
Hollywood-revíuna og
Nýja bíó sýnir Sonny Boy.
1958 Fiskveiðilögsagan er færð
úr fjórum í tólf sjómílur.
1971 Bann við hundahaldi
tekur gildi í Reykjavík
1972 Fischer sigrar Spassky í
heimsmeistaraeinvíginu í
skák í Reykjavík með 12,5
vinningum gegn 8,5.
1988 Berglind Ásgeirsdóttir
tekur við starfi ráðuneytis-
stjóra í félagsmálaráðu-
neytinu, fyrst kvenna í
slíku embætti.
Tré ágústmánaðar er afbrigði körfuvíðis sem kallast þingvíðir
(Salix viminalis L. ‘Þingvíðir’) og vex á lóð við leikskólann
Steinahlíð í Vogahverfinu í Reykjavík. Tréð er 6,15 metrar á
hæð, ummál í brjósthæð er 0,65 metrar og umfangið 7,50
metrar.
Þingvíðir er kenndur við Alþingishússgarðinn, en Tryggvi
Gunnars son gróðursetti hann þar í lok 19. aldar. Það tré er nú
horfið, en árum saman var þingvíði fjölgað út frá því tré. Rækt-
un hans lauk að mestu eftir mikið vorhret sem gerði 1963.
Húsið þar sem leikskólinn Steinahlíð er nú starfræktur var
byggt árið 1932 af þeim Elly Schepler Eiríksson og Halldóri
Eiríkssyni. Ósk Ellyjar og Halldórs var að sérstök áhersla væri
lögð á að kenna börnunum að meta og rækta tengslin við nátt-
úruna og hefur þar alla tíð verið lögð áhersla á matjurta- og
trjárækt.
Þingvíðirinn er kallaður „Töfratréð“ af krökkunum í Steinahlíð
enda vinsæll sem klifurtré. Svala Jóhannsdóttir leikskólakennari
benti Skógræktarfélaginu á þetta einkennilega tré. Hún segir
börnunum yfirleitt takast um þriggja ára aldur að klifra upp á
neðstu greinarnar og svo fara þau hærra og hærra. Töfratréð
ber þess merki að hafa orðið fyrir veðurfarsskemmdum og
snjóþyngsli og mikið klifur hafa sett mark sitt á lögun hans.
TRÉ MÁNAÐARINS: SALIX VIMINALIS L. ÞINGVÍÐIR
Vinsælt sem klifurtré og kallað „Töfratréð“
LILY TOMLIN, LEIKKONA, FRAM-
LEIÐANDI, GRÍNISTI OG RITHÖF-
UNDUR, ER 69 ÁRA Í DAG.
„Að fyrirgefa þýðir að
maður gefur upp alla von
um betri fortíð.“
Mary Jean „Lily“ Tomlin fædd-
ist í Detroit í Michigan árið
1939. Hún er margverðlaunað-
ur listamaður. Hún lék meðal
annars í myndinni 9 to 5 með
Jane Fonda og Dolly Parton og
A Prairie Home Companion.
Einnig hefur hún leikið í sjón-
varpsþáttum á borð við The
West Wing.
Þennan dag árið 1914 dó síð-
asta flökkudúfan í dýragarði í
Cincinnati í Bandaríkjunum.
Hún bar nafnið Martha. Flökku-
dúfur, eða Ectopistes migratori-
us, voru eitt sinn algengasti fugl-
inn í Norður-Ameríku. Varpstöðv-
ar þeirra voru í skóglendi um mitt
og austanvert Kanada og í austur-
hluta Bandaríkjanna, en á haustin
héldu þær í suðurátt. Þær ferðuð-
ust um í hópum og endaði förin
stundum í Mexíkó og Kúbu. Talið
er að heildarfjöldi þessarar fugla-
tegundar hafi verið allt að tuttugu
og fimm prósent af öllum varp-
fuglum í álfunni og að stofnstærð-
in hafi verið margir milljarðar ein-
staklinga.
Þegar Evrópubúar tóku að setj-
ast að í Nýja heiminum tók dúfun-
um að fækka. Það sem hafði enn
frekari áhrif á fækkun þeirra var
gríðarleg veiði á dúfunum þegar
dúfnakjöt varð vinsælt hjá þræl-
um og fátæku fólki. Á 19. öld varð
til starfsstétt sem sérhæfði sig í
dúfnaveiðum, svokallaðir dúfna-
veiðimenn. Hænsnfuglar Evrópu-
manna voru einnig fluttir yfir hafið
og báru sýkingar í flökkudúfurn-
ar. Við þetta bættist að kvenfugl-
ar flökkudúfna verptu yfirleitt að-
eins einu eggi og það gerði stofn-
inn enn viðkvæmari en ella.
Í lok nítjándu aldar fór þessi
fuglategund úr því að vera fjöl-
mennasta tegund heims yfir í algera útrýmingu.
ÞETTA GERÐIST: 1. SEPTEMBER 1914
Síðasta flökkudúfan deyr
Framleiðsla er hafin á pokum og filmu, undir nafninu Mater-
Bi, úr umhverfisvænu efni sem brotnar niður í náttúrunni.
Það er unnið úr maíssterkju og blandað með öðrum lífbrjót-
anlegum efnum og líkist plasti. Efnið er endurnýjanlegt og
brotnar niður á 10-45 dögum við jarðgerð.
Stefán Gíslason, verkefnisstjóri Staðardagskrár 21, segir
þetta ákveðið frumkvæði í þá átt að uppfylla tilskipun Evr-
ópusambandsins um urðun á lífrænum úrgangi sem búið er
að innleiða í íslensk lög og reglugerðir. Tilskipunin felur í
sér að minnka skuli lífræna úrganginn í áföngum. Fyrsti
áfanginn er strax árið 2009 og árið 2020 á magnið að vera
komið niður í þriðjung þess sem það var árið 1995.
„Þetta er lítið skref á langri leið en engin bylting. En
svona skref eru bráðnauðsynleg,“ segir Stefán. „Aðal atriðið
er þó að þetta efni verði sett í jarðrækt og endurnýtt en
ekki urðað.“
Á dögunum færðu starfsmenn Plastprents fyrirtækjun-
um Fjarðarkaupum, Lyfju og Bónus fyrstu íslensku Mater-
Bi pokana. Hægt að framleiða sams konar poka og umbúð-
ir úr Mater-Bi og gert hefur verið hingað til úr mengandi
plastefnum. - ges
Brotnar niður á
nokkrum vikum
UMHVERFISVÆNIR Nýju „plastpokarnir“ brotna niður í náttúrunni.
MYND/TRYGGVI R. JÓNSSON
Hagfræðideild Háskóla Ís-
lands býður öllum sem vilja
að sækja, án endurgreiðslu,
tíma í þjóðhagfræði í haust.
Fyrirlesari verður Þorvald-
ur Gylfason prófessor.
Um er að ræða inngangs-
námskeið sem krefst ekki
sérstaks undirbúnings.
Fyrir lestrar verða þriðju-
daga frá 14.10 til 17.20 í sal
H1 í Háskólabíói frá og með
næstkomandi þriðjudegi.
- gh
Boðið í hagfræðitíma
ÞORVALDUR GYLFASON Ætlar að
fræða almenning um hagfræði.
FRÉTTABLAÐIÐ/ANTON