Fréttablaðið - 01.09.2008, Blaðsíða 37

MÁNUDAGUR 1. september 2008
Leikarinn og lagasmiðurinn Þór
Breiðfjörð Kristinsson er þessa
dagana að leggja lokahönd á fyrstu
sólóplötu sína, sem ber titilinn
Running Naked. Þór hefur búið og
starfað í Englandi síðastliðinn ára-
tug og hefur meðal annars sungið í
mörgum stærstu söngleikjum West
End í London, í sumar hélt hann
nokkra tónleika hér heima þar sem
hann flutti þekkt söngleikjalög við
góðar undirtektir. Upptaka plöt-
unnar fer að mestu fram í Kanada,
þar sem Þór er nú búsettur ásamt
fjölskyldu sinni.
„Þetta er búið að vera rosalegt
ævintýri og ég hef fengið að vinna
með einvalaliði tónlistarmanna.
Þessa dagana erum við að vinna
hörðum höndum að því að ljúka við
plötuna og ég á von á því að klára
plötuna í næstu viku.“ Að eigin
sögn vann Þór í þrjú ár að plötunni
áður en haldið var í hljóðver og er
elsta lagið á plötunni tíu ára gam-
alt. Tónlist sinni lýsir Þór sem hálf-
gerðu popp/rokki. „Þetta er í ætt
við Ray LaMontagne og í áttina að
David Gray. Þetta er allt frá rokk-
lögum niður í fallegar ballöður þar
sem ég syng og spila á flygil.“
Platan kemur í verslanir í haust og
mun Þór halda tónleika á Íslandi í
desemberbyrjun. Hann segist vera
gífurlega spenntur fyrir útgáfu
plötunnar. „Þetta ferli er búið að
vera tilfinningalegur rússíbani. Ég
er spenntur en á sama tíma mjög
stressaður því maður vonast að
sjálfsögðu eftir góðum viðbrögðum
hlustenda. Lögin byggi ég mikið á
eigin reynslu og tilfinningum og
því stendur maður eftir svolítið
berskjaldaður.“ - sm
Alþjóðleg kvikmyndahátíð í
Reykjavík eða RIFF stendur að
kvikmyndasmiðju 2. til 4. október.
Smiðjan er einungis ætluð
kvikmyndagerðarmönnum og
ætluð þeim til framdráttar.
Boðið er upp á þétta dagskrá
fyrirlestra, sem leidd er af
fagmönnum, mörgum mjög
þekktum á sínu sviði. Þar má
nefna danska leiktjórann og
leikkonuna Paprika Steen,
franska höfundinn og leikstjór-
ann Philippe Claudel, heimildar-
kvikmyndagerðarmaninn Arto
Halonen og Dag Kára Pétursson.
Þá fá þátttakendur keppnisrétt
í stuttmyndakeppni hátíðarinnar,
Gullna egginu, passa á hátíðina,
hádegisverð og morgunmat á
meðan á smiðjunni stendur og
aðgang að öðrum veisluhöldum.
Loks býðst þeim að kynna verk
sín á vefsíðu RIFF. Skilyrði er að
þátttakendur tali góða ensku og
stundi nám eða vinni við kvik-
myndagerð. Umsóknarfrestur er
til 15. september,
en umsóknir má
nálgast á riff.is.
Kvikmynda-
smiðja
GEFUR ÚT FRUMRAUNINA Þór Breiðfjörð
hefur sungið á West End í mörg ár en
gefur út sína fyrstu plötu í haust.
Tilfinningalegur
rússíbani í Kanada
Baltasar Kormákur er hæst-
ánægður með að Mýrin hafi kom-
ist á topp tíu lista breska Times
yfir bestu glæpamyndir allra tíma.
„Usual Suspects, Silence of the
Lambs og Mýrin. Þetta var bara
fyndið, ég trúði þessu ekki þegar
ég heyrði þetta,“ sagði Baltasar.
Aðrar myndir á listanum eru
Darkness in Tallinn, The Trans-
porter, Freebie and the Bean, Once
Upon a Time in America, Fargo,
Reservoir Dogs og The Last of
Sheila. Kemst Baltasar Kormákur
þar með á blað ásamt Coen-bræðr-
um, Tarantino og Sergio Leone.
Um myndina segir: „Auðrekjan-
leg blóðbönd Íslendinga koma upp
um röð morða, en það sem truflar
mest er að horfa á löggu borða
lambshaus.“
Unnið er að handriti eftir bók-
inni Grafarþögn, en þeir Arnaldur
og Baltasar koma að því saman.
Það er því aldrei að vita nema
annað samstarfsverkefni þeirra
komist einnig á spjöld kvikmynda-
sögunnar. - kbs
Trúði þessu ekki
HÁKLASSA MYND Mýrin komst á lista
Times yfir bestu glæpamyndir allra tíma.
MEÐAL FYRIR-
LESARA Dagur
Kári miðlar
visku sinni
til kvik-
mynda-
gerðar-
manna.
FRÉTTA BLAÐIÐ/
ARNÞÓR
Kennsla hefst
15. september
Innritun og upplýsingar
í síma 561 5620
frá kl. 10-16.
www.schballett.is