Fréttablaðið - 01.09.2008, Blaðsíða 12
12 1. september 2008 MÁNUDAGUR
Áður 134.990 kr., nú
124.990 kr.
Verslanir Apple, Kringlunni og Laugavegi 182. Apple IMC/Humac er umboðsaðili Apple á Íslandi.
Þú sérð framtíðina í stjörnunum
9.490 kr.
Office: Mac 2008
Word, Excel og Power
Point.
Allt sem þú þarft með
þér í skólann.
VMWare Fusion
Keyrðu Windows samhliða
MacOS án vandræða.
ATH: Windows leyfi selt sér.
WD Passport flakkari
Litlir og nettir, allt að 320
GB. Tilvaldir í
öryggisafritun.
18.990 kr.Frá 14.990 kr.
Þunn, þægileg og örugg. MacBook er ein af þeim öflugustu. Hún er með 2,1 eða 2,4 GHz Intel Core 2
Duo örgjörva og 1 GB vinnsluminni og vinnur jafn ljúflega með Mac OS X og Windows. Með skínandi
björtum 13,3” hágljáa breiðtjaldsskjá er hún fullkomin fyrir þá sem vilja almennilegan kraft í fallegri,
einnar tommu þykkri skólatölvu.
UMHVERFISMÁL Tveggja vikna leiðangur Hafrann-
sóknastofnunar á Gæfu VE 11 sýnir að sandsílum
hefur fjölgað talsvert miðað við árin 2006 og 2007.
Má rekja það að langmestu leyti til eins árs sílis af
2007 árgangi. Vöxtur í árganginum virðist einnig hafa
verið góður og góð meðallengd seiða í fyrra skilar sér
nú í stóru ársgömlu síli.
Árgangur 2007 er mun stærri en árgangarnir 2005
og 2006, sem voru mjög lélegir. Í sumar var aukning
á eins árs síli sérstaklega áberandi á svæðinu frá
Vestmannaeyjum að Vík, þar sem nær ekkert hefur
fengist af síli síðastliðin tvö ár. Eins og annars staðar
jókst hlutfall eins árs sílis í aflanum í Breiðafirði, en
þegar á heildina er litið fékkst þó minna þar af síli nú
en undanfarin tvö ár. Ekki er þó hægt að segja til um
nýliðun þessa árs með neinni vissu fyrr en sést
hvernig hún skilar sér sem eins árs síli á næsta ári.
Farið var á fjögur svæði; Breiðafjörð, Faxaflóa,
Vestmannaeyjar að Vík og Ingólfshöfða.
Á sama tíma berast fréttir af sáralítilli lundaveiði í
Vestmannaeyjum en sandsíli er aðalfæða lundans hér
við land. - shá
Leiðangur sýnir að sandsílum hefur fjölgað talsvert:
Jákvæð merki um aukið síli
LUNDI MEÐ SÍLI Stór skörð hafa verið höggvin í lundastofninn
vegna fæðuskorts. Merki eru þó um viðsnúning. FRÉTTABLAÐIÐ/GVA
TAÍLAND, AP Þúsundir Taílendinga
hafa síðustu daga mótmælt
ríkisstjórn Samaks Sundaravejs
forsætisráðherra
og krefjast
afsagnar hans.
Samak er sakaður
um spillingu og of
náin tengsl við
Thaksin Shina-
watra, fyrrver-
andi forsætisráð-
herra Taílands
sem steypt var af
stóli árið 2006
vegna ásakana um spillingu.
Samak neitar að segja af sér.
Hann lét í gær kalla saman
Taílandsþing á neyðarfund, en
hann vonar að þingið geti
hjálpað honum að lægja öldurn-
ar í landinu. - gh
Þúsundir mótmæla í Taílandi:
Vilja afsögn for-
sætisráðherra
SAMAK SUND-
ARAVEJ
FÓLK „Það má segja að ég sé skyggn, þó að ég
sjái ekki álfa í hverju horni,“ segir Guðni
Reynir Þorbjörnsson, nemandi í Fjölbrauta-
skóla Suðurlands.
Guðni hefur skrifað bók þar sem hann segir
frá samskiptum sínum við álfa, huldufólk og
framliðna. Um síðustu mánaðamót fór hann að
selja bókina á síðunni mysteriworld.com. Segir
hann viðbrögðin hafa verið góð, einkum meðal
útlendinga.
Guðni segist fyrst hafa séð álfa í ágúst 2006
en hafa síðan séð þá nokkrum sinnum. „Ég fæ
rosalega góða tilfinningu þegar þeir eru að
birtast mér og hitna allur. Þá veit ég að þeir
eru að koma,“ segir Guðni. Hann segir þá virka
sem fljúgandi ljósdepla.
Hann segist einnig hafa séð huldufólk og
framliðna. „Huldufólk er eins og venjulegt fólk
en svífur um og fer hratt yfir. Ég næ ekki nógu
góðu sambandi við það. Það er eins og fólk sem
lifir í öðrum heimi eða á öðru tilverustigi.“
„Framliðið fólk er dáið fólk sem finnst erfitt
að skilja við eitthvað, vill koma á framfæri
einhverjum skilaboðum eða fattar ekki að það
sé farið.“
Guðni segir nokkra útlendinga hafa haft
samband við sig og óskað eftir því að heim-
sækja Ísland. Segist hann ætla að taka á móti
hópum næsta sumar. - gh
Guðni Reynir Þorbjörnsson segist hafa komist í samband við furðuverur:
Skyggn segist hafa myndað álfa
GUÐNI REYNIR Hvítu deplana fjóra á myndinni segir
Guðni vera fljúgandi álfa. MYND/GUÐNI REYNIR
INDLAND, AP Hundruð þúsunda
Indverja eru heimilislausar og
tugir hafa látist vegna flóða á
Norður-Indlandi sem hófust fyrir
tveimur vikum þegar bakkar
fljótsins Kosi í Nepal brustu.
Mikið vatn er í fljótinu sökum
monsúnrigninga og ekki gert ráð
fyrir að hægt verði að lagfæra
bakka fljótsins fyrr en í nóvem-
ber.
Um 170 þúsund búa nú í
ríkisreknum flóttamannabúðum
við bágar aðstæður. Óttast er að
smitsjúkdómar kunni að breiðast
út. Indverski herinn hefur gert
alla báta á stóru svæði upptæka
til notkunar við björgunarstörf.
- gh
Fljótið Kosi veldur usla:
Hundruð þús-
unda á ver-
gangi eftir flóð
LITRÍKUR Dansari í hefðbundnum
hátíðaklæðnaði í Kerala-héraði á
Suður-Indlandi. NORDICPHOTOS/AFP