Fréttablaðið - 22.10.2008, Síða 2

2 22. október 2008 MIÐVIKUDAGUR
Siv, mælirðu með því að fólk
gangi bara í sjóinn?
„Með því skilyrði að það komi sér
aftur upp úr og skelli sér í heita
pottinn.“
Siv Friðleifsdóttir alþingismaður stundar
sjóböð í Nauthólsvík.
VIÐSKIPTI Hnúturinn sem verið
hefur á greiðsluflæði milli
Íslands og Bretlands „virðist nú
hafa verið leystur að mestu“, eins
og segir í frétt Seðlabankans.
Búist er við að það taki nokkra
daga að koma greiðslum í eðlilegt
horf.
Seðlabankinn rekur ástandið að
hluta til aðgerða breskra yfir-
valda og segir að í yfirlýsingu
breska fjármálaráðuneytisins
fyrir helgi komi skýrt fram að
þær snúi aðeins að tilteknum
þáttum í starfsemi gamla
Landsbankans. - bþs
Gjaldeyrisviðskipti áfram treg:
Eðlilegt ástand
sagt í sjónmáli
Yngri maðurinn í farbanni
Tæplega þrítugur Þjóðverji sætir nú
farbanni fram til nóvemberloka. Hann
hefur setið í gæsluvarðhaldi vegna
fíkniefnamáls, þar sem landi hans á
sjötugsaldri var tekinn með 19,7 kíló
af hassi og rúmlega 1,7 kíló af amfet-
amíni í bíl sínum um borð í Norrænu.
DÓMSMÁL
VERSLUN Ekki gætir vöruskorts í
verslunum í Kringlunni en
kaupmenn þar hafa áhyggjur af
því að tregða í milliríkjaviðskipt-
um dragist á langinn og komi í
veg fyrir að þeir geti keypt inn
jólavörur.
Þetta segir Sigurjón Örn
Þórsson, framkvæmdastjóri
Kringlunnar. Hann segir kaup-
menn almennt hafa birgt sig upp
fyrir haustið en jólavörur eru
vanalega teknar inn um miðjan
nóvember.
Sigurjón segir hina hliðina á
peningnum þá að fólk ferðast
minna til útlanda og við það
aukist verslun á Íslandi. Um leið
sjái útlendingar sér hag í að
versla hér vegna lágs gengis
íslensku krónunnar. - bþs
Áhrif efnahagshruns misjöfn:
Bjart og dökkt
hjá verslunum
KRINGLAN Kaupmenn hafa áhyggjur af
að tregða í milliríkjaviðskiptum dragist
á langinn.
SAMFÉLAGSMÁL Margir erlendir
starfsmenn Landspítalans eru
kvíðafullir yfir efnahagsástand-
inu hér og áhrifum þess á þeirra
hagi. Um 160 þeirra sóttu
upplýsinga- og stuðningsfundi
sem haldnir voru á Landspítalan-
um í síðustu viku.
Tilgangur fundanna er að veita
stuðning, ráðgjöf og upplýsingar
um ástandið í samfélaginu.
Fundirnir fóru fram á pólsku
og ensku. Um fjögur hundruð
erlendir starfsmenn starfa á
Landspítalanum. - hhs
Erlendir starfsmenn Landspítala:
Kvíðafullir og
óttast um sitt
FUNDAÐ Starfsmenn höfðu margs að
spyrja á fundum sem haldnir voru í síð-
ustu viku vegna efnahagsástandsins.
LÖGREGLUMÁL Alþjóðleg handtöku-
heimild hefur verið gefin út á
hendur íslensku stúlkunni sem
varð rússneskum gestgjafa sínum
að bana þegar hún hleypti af
byssu hans fyrir slysni fyrir
tveimur vikum. Frá þessu er
greint í rússneska dagblaðinu The
Moscow Times í gær.
Stúlkan er á Íslandi en ekki
fengust upplýsingar frá alþjóða-
deild lögreglunnar í gær hvort
erindi hefði borist frá Rússlandi
vegna málsins. Yfirvöldum er
óheimilt að framselja Íslendinga
en líklegt verði farið fram á að
Rússar sendi málsskjöl svo hægt
verði að sækja það hér á landi. - jse
Voðaskot í Rússlandi:
Handtökuheim-
ild gefin út
EFNAHAGSMÁL Fulltrúar Alþjóða-
gjaldeyrissjóðsins og íslenskra
stjórnvalda vinna að þjóðhagsspá
til næstu ára. Umfang þeirrar
vinnu er mikið, ekki síst vegna
þeirrar óvissu sem er varðandi
gengismál og fleiri þætti íslensks
efnahagslífs.
„Það er verið að vinna þjóð-
hagsspá og gera sér grein fyrir
því hverjar horfurnar eru varð-
andi okkar þjóðarbúskap í heild
sinni. Það er erfitt verk þar sem
mikið er um getsakir í þeim
efnum,“ segir Geir H. Haarde
forsætisráðherra.
Hann segir ákveðna þætti ljósa,
en óvissa á ákveðnum sviðum
geri mönnum erfitt fyrir. „Það er
alveg ljóst að það verður hrap í
okkar þjóðarframleiðslu og það
verður mun meiri halli á ríkis-
sjóði á næsta ári en við gerðum
ráð fyrir. Það er óvissa með verð-
bólguna vegna þess að hún ræðst
af því hvað gengið festist og
styrkist fljótt. Við vitum þó að
utanríkisviðskipti verða í miklu
betra lagi þar sem útflutningur
vex mjög hratt og innflutningur
minnkar.“
Geir segir atvinnuleysi vera
annan óvissuþátt og því miður
séu allar líkur á því að það aukist
mikið. „Það er þessi mynd sem
við erum að takast á við í sam-
starfi við gjaldeyrissjóðinn og
það hvernig er best að bregðast
við þessu ástandi þannig að við
komum sem best úr því.“
Ingibjörg Sólrún Gísladóttir
utanríkisráðherra segir að vinn-
an sé á lokastigi. Hún hefði viljað
sjá vinnuna ganga hraðar en þær
spár sem verður að vinna séu
tímafrekar. „Það er verið að
ganga frá ýmsum atriðum sem
tengjast þessu. Auðvitað er spurn-
ingin hvort skilmálarnir séu
þannig að við getum sætt okkur
við þá, það er engin ástæða til að
ætla annað. Hitt er bara handa-
vinna.“ Ingibjörg segist sátt við
þá skilmála sem hún hefur séð.
Í sama streng tekur Össur
Skarphéðinsson iðnaðarráðherra.
„Þeir hafa áður fundið að rekstr-
arformi Íbúðalánasjóðs og verið
með væntingar til einkavæðing-
ar. Þeir hafa lagt allt slíkt til hlið-
ar.“
Björgvin G. Sigurðsson við-
skiptaráðherra vildi ekki tjá sig
um þá upphæð sem verið væri að
semja um. Lán frá Rússum væri
þó ekki inni í þessari lotu. „Það er
grundvallarforsenda að við getum
staðið undir láninu. Sjóðurinn
lánar ekkert annars.“
Búist er við að um semjist í dag
og þeir samningar verði lagðir
fyrir stjórn sjóðsins.
kolbeinn@frettabladid.is
Ekki samið fyrr en
þjóðhagsspá er klár
Þjóðhagsspá er forsenda samninga við Alþjóðagjaldeyrissjóðinn. Flókið verk og
víðfeðmt þar sem margt er óljóst segir forsætisráðherra. Íbúðalánasjóður verð-
ur ekki einkavæddur. Vinnan á lokastigi og lýkur líklega í dag.
FORSÆTISRÁÐHERRA Segir óvissu í gengis- og verðbólgumálum gera mönnum
erfiðara fyrir í vinnu þjóðhagsspár. Hún er forsenda samninga við Alþjóðagjaldeyris-
sjóðinn.
INGIBJÖRG SÓL-
RÚN GÍSLADÓTTIR
ÖSSUR
SKARPHÉÐINSSON
EFNAHAGSMÁL „Vefsíðan hefur ekki
skilað einum einasta stuðningsfull-
trúa í þessum mánuði og um þrjá-
tíu manns hafa hætt stuðningi,“
segir Guðrún Margrét Pálsdóttir,
formaður ABC barnahjálpar á
Íslandi.
ABC aflar stuðningsaðila til
hjálpar munaðarlausum, fátækum
og umkomulausum börnum í átta
löndum.
„Síðan kreppan hófst fyrir alvöru
hinn 29. september skrúfaðist
alveg fyrir að nýir stuðningsaðilar
bættust við í gegnum netið, þaðan
sem flestir þeirra koma venju-
lega,“ segir Guðrún.
Þar til í september skráðu sig
um 120 nýir stuðningsaðilar að
meðaltali í mánuði hverjum hjá
ABC. Það sem af er október hafa
einungis nítján stuðningsaðilar
bæst í hópinn og skráðu þeir sig
eftir kirkjukynningu á nýjum skóla
í Búrkína Fasó.
Stærsta vandamálið sem ABC
glímir við um þessar mundir er þó
tengt gengi krónunnar. „Strax í vor
fór að bera á því að það sem við
sendum út dugði ekki til vegna
slæmrar stöðu krónunnar. Sú staða
hefur versnað heilmikið nú. Við
fáum líklega ekki nema helming-
inn af því sem við þurfum fyrir
krónurnar okkar,“ segir Guðrún.
Spurð hvort borið hafi á að fyrir-
tæki hafi dregið stuðning sinn til
baka segir Guðrún eitthvað um
það. Glitnir hafi til dæmis verið
eitt af vinafélögum ABC en flestir
bakhjarlanna séu einstaklingar. - kg
Hrun í nýskráningum hjá ABC barnahjálp og gengisfall bitnar á börnum í neyð:
Fólk hætt að styðja barnahjálp ABC
SLÆMT ÁSTAND
Guðrún Margrét
segist vongóð
um að ekki þurfi
að draga saman
í starfsemi ABC
og nýjar leiðir
hljóti að finnast.
FRÉTTABLAÐIÐ/ANTON
SJÓSLYS „Björgunin gekk eins og best verður á
kosið, eiginlega það vel að þetta var eins og
hálfgerð æfing,“ segir Stefán Þormar, skipstjóri á
dragnótarbátnum Sólborgu RE-270.
Tveimur skipverjum var bjargað yfir í Sólborg-
ina úr björgunarbát eftir að eldur kom upp í sjö
tonna trillunni Mávanesi frá Reykjavík laust fyrir
klukkan sjö í gærkvöldi.
Mennirnir voru í björgunarbátnum í rúmlega
fjörutíu mínútur en varð ekki meint af. Mávanesið
sökk svo um klukkustund síðar. Þegar tilkynning
barst um mikinn eld í vélarrúmi Mávaness, sem
var statt um 35 sjómílur norðvestur af Gróttu, var
þyrla Landhelgisgæslunnar ræst út ásamt björgun-
arskipum frá Reykjavík, Hafnarfirði, Kópavogi og
Akranesi. Einnig var haft samband við nærstödd
skip og báta, og var Sólborgin næst Mávanesinu,
eða um fimm sjómílum frá. Sólborgin náði til
mannanna um hálfri klukkustund eftir að tilkynn-
ing barst.
Gekk björgun þeirra yfir í Sólborgu mjög vel,
enda aðstæður hinar bestu að sögn Stefáns skip-
stjóra, blankalogn, sléttur sjór og gott skyggni.
Stefán segir skipverjunum skiljanlega hafa verið
nokkuð brugðið, en líðan þeirra að öðru leyti góð og
ekki talin þörf á því að þeir kæmust undir læknis-
hendur í Reykjavík.
Að sögn varðstjóra Landhelgisgæslunnar eru
upptök eldsins í Mávanesi ekki kunn að svo stöddu.
- kg
Skipverjar á Sólborgu RE-270 björguðu tveimur mönnum úr björgunarbát í gær:
Björgunin minnti á æfingu
LÍF Þyrla Landhelgisgæslunnar var ræst út þegar tilkynning um
eldinn í Mávanesinu barst. Hennar gerðist þó ekki þörf.
FRÉTTABLAÐIÐ/STEFÁN
SPURNING DAGSINS