Fréttablaðið - 22.10.2008, Side 48

GÓÐAN DAG!
Sólarupprás Hádegi Sólarlag
Reykjavík
Akureyri
Heimild: Almanak Háskólans
SÍMANÚMER FRÉTTABLAÐSINS: 512 5000, fax: 550 5099 Ritstjórn: 512 5313, fax: 512 5301, ritstjorn@frettabladid.is
DREIFING: dreifing@posthusid.is Auglýsingadeild: auglysingar@frettabladid.is Veffang: visir.is EF BLAÐIÐ BERST EKKI: 512 5060
VIÐ SEGJUM FRÉTTIR SMÁAUGLÝSINGASÍMINN ER 512 5000
BAKÞANKAR
Þórhildar Elínar
Elínardóttur
Samkvæmt sálfræðinni eru við-brögð við skyndilegu andlegu
áfalli eða sálarkreppu æði
sam mannleg og hafa verið greind
í nokkur stig. Höggdofi strax eftir
ótíðindin, afneitun eða martrað-
arkenndir. Þegar sannleikurinn
síast inn taka við innri átök og
miklar tilfinningasveiflur með
alls kyns líkamlegum einkennum.
Í fyllingu tímans og með ýmsum
frávikum og útúrdúrum mjakast
sálin aftur í skorður og lagar sig
að breyttum aðstæðum. Svona í
stuttu máli. Afsakið yfirlætið.
Á MEÐAN allir voru enn roggn-
ir yfir undrum íslenskrar útrásar
vorum við stoltir afkomendur
víkinga sem létu sér ekki allt
fyrir brjósti brenna. Eftir fyrsta
kjaftshögg kreppunnar er orðið
ljóst að við vorum því miður bara
aumir kóarar. Með stöku undan-
tekningum erum við ennþá dreifð
um miðbik hins sálfræðilega
áfallakvarða þar sem allskyns til-
finningar gera vart við sig. Skúrk-
unum fjölgar dag frá degi og telj-
ast nú til slíkra ekki bara þeir
sem komu okkur í þessa klípu
heldur líka þau sem trúðu að
sviðsmyndin væri alvöru lands-
lag.
Á EINNI nóttu breyttist Range
Rover úr sönnun velgengni í tákn
steigurlætis og glæstar sumar-
hallir urðu sem brennimark á
enni eigendanna. Alls kyns fólk
fann sig knúið til að tíunda jafn-
vel opinberlega eignaleysi sitt og
eldgamla árgerð heimilisbílsins.
Íslenskar hefðir hófust til vegs og
virðingar á ný eins og hendi væri
veifað, skyndilega varð virkilega
töff að taka slátur og helst leggja
í súr. Núorðið má meira að segja
tala um íslenska fánann sem sam-
einingartákn án þess að nokkur
nefni þjóðernishyggju eða fas-
isma einu orði.
FRAMHALDINU á viðtöku
þessarar fúlu kreppu getum við
ráðið sjálf að sumu leyti því vissu-
lega fylgja henni fleiri kostir en
útbreidd kunnátta í sláturgerð.
Til dæmis hefur verið bent á að
dásemdir heimilisins felist í
fleiru en mínimalískri hönnun og
ódýr dægradvöl geti verið
skemmtileg. Sá kraftur sem leys-
ist úr læðingi þarf ekki að fara
forgörðum í sameiginlegu hatri á
meintum ódæðismönnum, heldur
er hægt að nýta okkur öllum til
framdráttar. Helmingur þjóðar-
innar, sá hluti sem byrjar á kven-,
hefur verið vannýtt auðlind. Nú
er lag að stokka spilin upp á nýtt,
það var nefnilega vitlaust gefið.
Að sigra
heiminn
Í dag er miðvikudagurinn
22. október, 296. dagur ársins.
8.40 13.12 17.43
8.32 12.57 17.20
Það er nóg að gera
um alla borg
NÝTTU
VETRARFRÍIÐ VEL!
Ekki sitja auðum höndum og láta þér leiðast. Drífðu þig út og nýttu tímann vel!
HVERNIG VÆRI AÐ:
Fara á Ylströndina?
Skreppa á bókasafn?
Ganga um í Heiðmörk?
Fara á línuskauta í Nauthólsvík?
Leika sér með fjölskyldunni í sundlaugunum?
Skauta í skautahöllunum?
Ferðast með strætó?
Á morgun, fimmtudag og föstudag verður vetrarfrí í nánast öllum
grunnskólum í Reykjavík, en það er engin ástæða til að örvænta!
Það er t.d. alveg frábært fyrir alla fjölskylduna að skella sér í einhverja af
sjö laugum borgarinnar.
Svo bíða undraheimar Fjölskyldu- og húsdýragarðsins, sem er opinn frá kl. 10–17,
og söfn borgarinnar eru jafn fjölbreytileg og þau eru mörg!
Ylströndin í Nauthólsvík verður opin fimmtudag og föstudag kl. 10–18.
Aðgangur er ókeypis í búningsklefa, sturtur og heitan pott. Veitingasala Ylstrandar,
Strandarkaffi verður opin.
Minnum á vetraropnun Ylstrandar á mánudögum kl. 17–19 og miðvikudögum kl. 11–13
og kl. 17–19. Aðgangur er ókeypis í búningsklefa, sturtur og heita pottinn.