Fréttablaðið - 12.11.2008, Blaðsíða 20

ÓKEYPIS KORT af ýmsu tagi má
finna á products.is.map24.com. Tengja
má kortin við eigin hugbúnað eins og til
dæmis síma, GPS-tæki og heimasíðu.
„Við buðum upp á þennan leik
fyrst í sumar og hann hefur verið
geysivinsæll,“ segir Björn Guð-
mundsson, verkefnisstjóri hjá
Ferðasmiðjunni Eskimos, sem
býður smærri og stærri hópum
upp á ratleik um Reykjavík.
„Við byggjum leikinn á grunni
eldri leiks. Þarna er keppt fót-
gangandi um miðbæ Reykjavík-
ur en við getum stytt leikinn og
lengt eftir hentisemi. Önnur
útgáfan snýr að minna þekktari
Reykjavík, bakhúsum og stöðum
sem eru ekki áberandi og svo
erum við með útgáfu sem gengur
út á þekktari staði.“
Leikurinn fer þannig fram að
hópnum er skipt upp í lið. Hvert
lið fær tösku sem í er að finna
gps-tæki, myndavél og hefti með
gps-punktum. Spurningar fylgja
hverjum punkti sem þarf að
svara til að finna út næsta áfanga-
stað. Þær eru tengdar hverjum
stað eða Reykjavík almennt.
Hlutverkum er úthlutað, einn er
myndasmiður, annar leiðsögu-
maður, sá þriðji heldur utan um
gáturnar og svo framvegis.
„Inntakið í leiknum er að það
eru engar reglur. Það þarf bara
að klára leikinn eða eins mikið af
honum og þú getur. Það má
hringja í vini til að fá svör við
gátunum eða fara á netið og leita
svara. Það má meira að segja
reyna að múta leiðsögumönnun-
um en við höfum ekki enn þá
tekið við peningum,“ segir Björn
hlæjandi.
„Þegar árferðið var gott þá
tóku margir leigubíl milli punkta
en svo settum við þá reglu að
leikurinn færi fram fótgangandi.
Lokapunkturinn er svo yfirleitt
einhver veitingastaður þar sem
hópurinn sest niður og borðar.
Liðin leysa einnig ljósmynda-
þrautir og eru hvött til að taka
mikið af skemmtilegum mynd-
um. Í lokin eru veitt stig fyrir
myndir og hópurinn fær þær líka
brenndar á disk til eignar.“
Björn segir Eskimos geta snið-
ið leikinn að þörfum hvers hóps
og þetta sé skemmtilegur kostur
fyrir vinnuhópa utan af landi sem
ætli að gera sér dagamun í borg-
inni. Leikurinn er ekki árstíða-
bundinn og engan sérútbúnað
þarf til að taka þátt. Einungis
þarf að klæða sig eftir veðri en
leikurinn getur tekið upp í þrjá
tíma.
„Við brýnum bara fyrir fólki að
vera vel skóað, þetta er smá rölt
en þó ekkert sem allir ráða ekki
við.“
Nánar á heimasíðu Eskimos,
www.eskimos.is.
heida@frettabladid.is
Ratleikur um Reykjavík
Vina- og vinnustaðahópar sem vilja gera sér dagamun geta farið í skemmtilega ratleiki um Reykjavíkur-
borg. Ferðasmiðjan Eskimos býður upp á ratleiki fyrir fótgangandi hópa um miðbæinn.
Björn, verkefnisstjóri hjá Ferðasmiðjunni
Eskimos, segir ratleikinn sniðugan kost
fyrir vina- og vinnustaðahópa utan af
landi sem vilja gera sér dagamun.
FRÉTTABLAÐIÐ/ANTON
Ratleikirnir um Reykjavíkurborg hafa verið geysivinsælir og oft verið glatt á hjalla.
MYND/ESKIMOS
Vetrarstígvél
Alla mmtudaga