Fréttablaðið - 12.11.2008, Blaðsíða 34
18 12. nóvember 2008 MIÐVIKUDAGUR
sport@frettabladid.is
Milliríkjadómaranum Kristni Jakobssyni hefur verið úthlutað
spennandi verkefni af Knattspyrnusambandi Evrópu (UEFA), en
hann mun dæma leik í næstu umferð riðlakeppni Meistaradeild-
ar Evrópu.
„Ég mun dæma leik í Meistaradeildinni annaðhvort 25.
nóvember eða 26. nóvember næstkomandi en það liggur
ekki alveg ljóst fyrir hvaða leikur það verður. Það skiptir
svo sem ekki öllu máli þar sem þetta eru allt toppleik-
ir. Það er bara mikill heiður að fá þetta verkefni og
eitthvað sem maður er búinn að vera að stefna að
lengi, að fá að dæma leiki af þessari stærð. Þetta er
líka náttúrulega frábær viðurkenning fyrir íslenska
dómara yfirhöfuð,“ segir Kristinn.
Kristinn hefur verið að vinna sig jafnt og þétt upp
sem milliríkjadómari og segir að þolinmæðin sé nú
heldur betur að skila árangri.
„Þetta er í fyrsta lagi spurning um að sanna sig og
svo í öðru lagi að gera sitt til þess að halda sér í hæsta
styrkleikaflokknum. Þolinmæði er dyggð í þessu eins
og svo mörgu öðru en það má segja að ég hafi náð að naga
mig í gegnum þröskuldinn í þessu í fyrra þegar ég komst inn
í efsta gæðaflokk dómara hjá UEFA. Í kjölfarið af því fékk ég
verkefnið að vera fjórði dómari á lokakeppni EM síðasta sumar
og sú tilnefning sagði mér að ég væri að gera eitthvað rétt.
Þar fékk maður smjörþefinn af einhverju stærra, sem nú er
raunin,“ segir Kristinn.
Kristinn situr ekki á rassinum þó svo að Landsbanka-
deildinni sé lokið og gerir sitt til þess að halda sér í formi
þegar kallið kemur frá UEFA.
„Ég þarf að fylgja eftir æfingaáætlun sem UEFA
sendir mér og gerir strangar kröfur um að maður sé
í góðu líkamlegu ásigkomulagi. Eins fer ég reglulega
utan í ýmis þolpróf og önnur próf til þess að kanna
enskukunnáttu og þekkingu á lögum og reglum. Ég reyni
líka að fá alla leiki sem eru í boði til þess að undirbúa sig eins
vel og mögulegt er. Ég mun reyndar dæma vináttulandsleik á
milli Írlands og Póllands í næstu viku og það er fínn leikur til
undirbúnings fyrir Meistaradeildina,“ segir Kristinn.
KRISTINN JAKOBSSON: DÆMIR LEIK Í NÆSTU UMFERÐ RIÐLAKEPPNI MEISTARADEILDAR EVRÓPU Í FÓTBOLTA
Viðurkenning fyrir íslenska dómara yfirhöfuð
Hugrún Þorsteinsdóttir
Húð- og kynsjúkdómalæknir
Hef utt húðlæknastofu mína í nýja húsið í
Glæsibæ, 5. hæð. Sama hús og Hrey ng.
Tímapantanir í síma:
554 64 46
Húðlækningar
Glæsibær | Álfheimum 74 | 104 Reykjavík | Sími 554 6446 | hugrun@hlg.is
FÓTBOLTI Ólafur Jóhannesson valdi
í gær 18 manna leikmannahóp sem
mætir Möltu í vináttulandsleik
ytra hinn 19. nóvember næstkom-
andi. Garðar Jóhannsson er eini
nýliðinn í hópnum. Nokkrir leik-
menn fá frí að þessu sinni en það
eru Eiður Smári Guðjohnsen,
Kristján Örn Sigurðsson, Brynjar
Björn Gunnarsson og Stefán Gísla-
son. Theodór Elmar Bjarnason og
Ragnar Sigurðsson eru meiddir og
fá því hvíld í þetta skiptið.
Athygli vakti að Eiður Smári
sagði í viðtali við Morgunblaðið í
lok síðasta mánaðar að hann sæi
ekki fram á að gefa kost á sér í
hópinn fyrir Möltuleikinn og því
lá beinast við að spyrja landsliðs-
þjálfarann að því hvort það væri
ákvörðun hans eða Eiðs að vera
ekki í hópnum að þessu sinni?
„Þetta var ákvörðun sem ég tók.
Hvort það var rétt haft eftir
honum í þessu viðtali er svo annað
mál. Þetta er samt algjörlega mín
ákvörðun. Það er ég sem ákveð
hverjir fá frí, Eiður er að koma úr
meiðslum og því kannski mikið
álag að láta hann spila tvo leiki
sömu vikuna,“ sagði Ólafur en
Eiður hefur verið að stíga upp úr
meiðslum og lítið spilað síðustu
vikur. Hefur maður eins og hann
ekki bara gott af því að koma með
til Möltu og spila að lágmarki einn
hálfleik?
„Auðvitað er alltaf hægt að
segja það líka og ég er sammála
því en ég tek þessa ákvörðun þó
svo hún sé kannski umdeilanleg.
Mér finnst allt í lagi að nota þenn-
an leik í að láta þá spila sem hafa
verið varamenn. Þetta er upplagt
tækifæri að skoða þá,“ sagði Ólaf-
ur.
Jóhannes Karl Guðjónsson hlýt-
ur enn og aftur ekki náð fyrir
augum landsliðsþjálfarans en
hann hefur spilað einstaklega vel í
ensku 1. deildinni.
„Hann er ekki valinn í þetta
skiptið en ég endurtek að ég hef
ekki lokað hurðinni á hann,“ sagði
Ólafur sem viðurkennir að hann
hafi ekki verið ánægður með þær
skýringar sem hann fékk frá
Jóhannesi á sínum tíma er hann
gaf ekki kost á sér. „Það er ekkert
persónulegt í þessu en ég var ekki
100 prósent ánægður með þær
skýringar sem hann gaf fyrir fjar-
veru sinni og það hefur kannski
átt einhvern þátt í þessu.“ sagði
Ólafur. henry@frettabladid.is
Ég ákvað að gefa Eiði frí
Ólafur Jóhannesson landsliðsþjálfari segir það sína ákvörðun en ekki Eiðs
Smára að gefa honum frí í vináttuleiknum gegn Möltu sem fer fram eftir viku.
Einn nýliði er í landsliðshópi Ólafs. Enn er ekkert pláss fyrir Jóhannes Karl.
STJÓRINN Ólafur segist ráða en ekki Eiður Smári. FRÉTTABLAÐIÐ/VILHELM
> Guðbjörg ætlar að semja við Djurgården
Guðbjörg Gunnarsdóttir, markvörður Vals og lands-
liðsins, hefur náð munnlegu samkomulagi við sænska
stórliðið Djurgården og er á leiðinni út til Svíþjóðar til
þess að skrifa undir tveggja ára samning. Guðbjörg er
önnur Valskonan sem leggur í víking til Svíþjóðar því
áður hafði þjálfari hennar Elísabet Gunnarsdóttir tekið
við Kristianstad. Það þykir líka afar líklegt að Margrét
Lára Viðarsdóttir gangi til liðs við Linköping á
næstu dögum. Guðbjörg var við það að semja
við Djur gården í fyrra en hætti við og var áfram í
Val. Hún sleit síðan hásin í apríl og missti af nær
öllu tímabilinu en náði restinni af tímabilinu
með ótrúlegum vilja og dugnaði. Svíarnir
fylgdust vel með endurhæfingunni og
misstu aldrei áhugann á íslenska lands-
liðsmarkverðinum.
LANDSLIÐSHÓPURINN
Markverðir:
Gunnleifur Gunnleifsson HK
Árni Gautur Arason Odd Grenland
Aðrir leikmenn:
Hermann Hreiðarsson Portsmouth
Indriði Sigurðsson Lyn
Grétar Rafn Steinsson Bolton
Bjarni Ólafur Eiríksson Valur
Sölvi Geir Ottesen SönderjyskE
Hallgrímur Jónasson GAIS
Emil Hallfreðsson Reggina
Birkir Már Sævarsson Brann
Aron Einar Gunnarsson Coventry
Pálmi Rafn Pálmason Stabæk
Helgi Valur Daníelsson Elfsborg
Arnór Smárason Heerenveen
Guðmundur Steinarsson Keflavík
Heiðar Helguson Bolton
Veigar Páll Gunnarsson Stabæk
Garðar Jóhannsson Fredrikstad
KÖRFUBOLTI Hamarskonur, eina
ósigraða liðið eftir fyrstu fimm
umferðirnar í Iceland Express-
deild kvenna, fá Íslandsmeistara
Keflavíkur í heimsókn í Hvera-
gerði í kvöld.
Karla- og kvennalið Hamars
hafa aldrei
byrjað betur
í efstu deild
en kvenna-
liðið í vetur.
Hamarsliðið
hefur verið
erfitt heim
að sækja
það sem af
er vetrar en
liðið hefur
unnið þrjá heimaleiki sína með
33,7 stigum að meðaltali, nú
síðast 16 stiga sigur á Val.
Keflavík hefur unnið alla
útileiki tímabilsins til þessa (2 í
deild og 2 í fyrirtækjabikar) en
bæði töp liðsins í vetur hafa
komið á heimavelli. Haukar
heimsækja Grindavík og Valur
tekur á móti KR í hinum leikjum
kvöldsins en allir hefjast þeir
klukkan 19.15. - óój
Sigurganga Hamarskvenna:
Mæta meistur-
unum í kvöld Enski deildabikarinn:
Arsenal-Wigan 3-0
Jay Simpson 2, Carlos Vela.
Man. Utd-QPR 1-0
Carlos Tevez, víti.
Stoke-Rotherham 2-0
Glenn Whelan, Danny Pugh.
Derby-Leeds 2-1
Emanuel Villa, Nathan Ellington - Luciano
Becchio
Swansea-Watford 0-1
- Lee Williamson
ÚRSLIT
FÓTBOLTI Fjórir leikir fóru fram í
4. umferð enska deildabikarsins í
gærkvöld.
Arsene Wenger, stjóri Arsenal,
stillti upp liði táninga líkt og
venjulega í þessari keppni og
táningar Wengers voru ekki í
neinum vandræðum með Wigan
sem stillti upp sterku liði.
Man. Utd stillti upp reyndara
liði gegn QPR en leikmenn
byrjunarliðsins hafa flestir
fengið takmarkaðan spiltíma í
vetur.
United lenti í vandræðum með
QPR og tókst ekki að brjóta ísinn
fyrr en stundarfjórðungi fyrir
leikslok er Tevez skoraði úr víti
og það dugði til sigurs gegn
baráttuglöðu liði QPR sem seldi
sig dýrt á Old Trafford.
- hbg
Enski deildabikarinn:
Táningar Ars-
enal sprækir
CARLOS TEVEZ Var hetja United í gær.
NORDIC PHOTOS/GETTY