Fréttablaðið - 03.12.2008, Blaðsíða 6

6 3. desember 2008 MIÐVIKUDAGUR
■ Sendið
umboðsmanni
neytenda
ábendingar eða
sparnaðarráð
á neytendur@
frettabladid.is
DR. GUNNI
neytendur@
frettabladid.is
VINNUMARKAÐUR Kjararáð hefur
komist að þeirri niðurstöðu að ekki
sé hægt að lækka laun helstu ráða-
manna og æðstu embættismanna
þjóðarinnar þar sem of skammt sé
liðið frá því efnahagsáföll dundu
yfir, kjarasamningar hafi ekki
verið endurskoðaðir og traust gögn
um launaþróun síðustu tveggja
mánaða liggi ekki enn fyrir. Svar
ráðsins má þó skilja þannig að
ákvörðunin verði endurskoðuð
þegar upplýsingar liggja fyrir.
„Í ljósi þess að skammt er liðið
frá því að efnahagsáföllin dundu
yfir, kjarasamningar hafa ekki
verið endurskoðaðir og traust gögn
um launaþróun síðustu tveggja
mánaða liggja ekki enn fyrir, telur
kjararáð ekki lagaskilyrði til að
fella nýjan almennan úrskurð um
laun og starfskjör þeirra, sem
úrskurðarvald ráðsins tekur til,“
segir í bréfi sem ráðið sendi til for-
sætisráðherra.
Geir H. Haarde forsætisráð-
herra og Ingibjörg Sólrún Gísla-
dóttir utanríkisráðherra tilkynntu
fyrir tæpum hálfum mánuði að
ríkisstjórnin myndi óska eftir því
við kjararáð að lækka laun ráð-
herra og helstu embættismanna
um 5 til 15 prósent. Ráðherrarnir
kynntu svar ráðsins í gær og sögðu
jafnframt að ríkisstjórnin myndi
ekki láta staðar numið við þetta
heldur leita annarra leiða til að
lækka launin. Lagasetning væri
ein af þeim leiðum sem kæmu til
greina. „Ef þessi leið gengur ekki
þá finnum við aðra leið,“ segir
Geir. - ghs
LÆKKAR EKKI LAUNIN Frá fundi kjara-
ráðs í vikunni. FRÉTTABLAÐIÐ/GVA
Kjararáð telur sig ekki hafa forsendur til að lækka laun helstu ráðamanna:
Stjórnin leitar annarra leiða
Húsmóðir í Hlíðunum lenti í þeirri
óskemmtilegu reynslu að finna langt hár
og torkennilegt kusk í piparoststykki frá
Osta- og smjörsölunni. Hún hringdi í
framleiðandann og þar sagði alúðleg kona
henni að koma endilega með sönnunar-
gagnið upp í Bitruháls. „Eftir að hafa
hringsólað um svæðið fann ég loks
afgreiðsluna,“ skrifar húsmóðirin. „Börnin
biðu út í bíl á meðan ég fór inn með ostinn.
Þar sátu tvær konur á kafi í tölvum sem
litu ekki upp þótt ég ræskti mig itrekað við
afgreiðsluborðið. Eftir dúk og disk hringdu
þær þó eitthvert inn í fyrirtækið, tóku
ostinn og tóku niður upplýsingar um mig.
Daginn eftir kom svo starfsmaður heim til
mín með sex piparosta í rifnum kassa. Mér
hefði nú þótt eðlilegra að einhver hefði
þakkað mér fyrir samviskusemina og
fyrirhöfnina, enda er Osta- og smjörsalan
ekki beint í leiðinni fyrir mig. Hvað er
annars best að gera þegar aðskotahlutir
birtast í matnum manns?“
Þegar matvara er ekki eins og hún á að
vera skal hafa samband við heilbrigðiseft-
irlit þess sveitarfélags sem varan var
keypt í. Heilbrigðiseftirlitið í Reykjavík er
með tvo símatíma á dag, kl. 8.30-9 og kl.
13-14, í númerinu 411 8500.
Neytendur: Hvar á að kvarta yfir ónýtri matvöru?
Hár í piparosti
TÁKN UM LITLA ÞJÓNUSTULUND „Computer-says-
no“-kerlingin í Little Britain.

VERKEFNASTJÓRNUN
meðMortenFangel
12.14.janúar2009
Árangurogagiístjórnunverkefna
Skráningáwww.opnihaskolinn.is
VERK RNUN
með Fangel
12.-14. janúar 2009
rangur og agi í stjórnun verkefna
Skráning á www.opnihaskolinn.is
Prentsmiðjan Oddi ehf., Höfðabakka 3-7, 110 Reykjavík
sími 515 5000, www.oddi.is
FJÖLMIÐLAR Það er til skammar að
Ríkisútvarpið sem opinbert hluta-
félag skuli vera í fararbroddi með
fjöldauppsagnir, segir í ályktun
starfsmannafundar sem haldinn
var í gær vegna niðurskurðar-
aðgerða hjá stofnuninni. Starfs-
menn krefjast þess að nýtilkynntar
uppsagnir verði dregnar til baka og
hafna skerðingu á samnings-
bundnum réttindum og kjörum.
Páll Magnússon útvarpsstjóri
kynnti endurskoðaða rekstrar-
áætlun stofnunarinnar á fimmtu-
daginn. Niðurskurðurinn verður
700 milljónir króna og rúmlega
fjörutíu starfsmönnum var sagt
upp. Í kjölfarið hefur risið alda
óánægju og mótmæla starfsmanna
fyrirtækisins og félög þeirra hafa
ályktað hvert af öðru. Eru aðgerð-
irnar gagnrýndar á þeim forsend-
um að vegið sé að getu stofnunar-
innar til að rækja hlutverk sitt.
Eins hafa laun útvarpsstjóra og
aðgangur hans að bifreið verið
gagnrýnd; forréttindi hans séu sem
blaut tuska í andlit þess starfsfólks
sem missi nú vinnuna í sparnaðar-
aðgerðum. Það sé réttlætismál að
æðstu stjórnendur fyrirtækisins
deili kjörum með öðrum starfs-
mönnum.
Fundurinn í gær undirstrikar
ályktanir sem starfsmannafélög
sendu frá sér um helgina og að fyr-
irsjáanlegar hömlur á auglýsingar
hjá RÚV muni valda frekari sam-
drætti og uppsögnum tuga starfs-
manna til viðbótar.
Útvarpsstjóri hefur sagt að
standist endurskoðuð rekstrar-
áætlun ekki þýði það frekari upp-
sagnir. Rekstur RÚV sé hins vegar
í fullkominni óvissu á meðan ekki
liggja fyrir ákvarðanir um tekju-
möguleika og hver nefskatturinn
verður, en hann tekur við af
áskriftargjöldum í byrjun árs
2009. Þorgerður Katrín Gunnars-
dóttir hefur sagt að frekari niður-
skurður hjá RÚV komi vart til
greina. Um slíkt sé hins vegar ekki
hægt að fullyrða.
Útvarpsstjóri hélt fund með
Félagi fréttamanna í gær. Félagið
hafði um helgina sent frá sér harð-
orða ályktun þar sem meðal ann-
ars fréttalestur Páls var gagnrýnd-
ur og hann afþakkaður. Félagið
hefur jafnframt óskað eftir fundi
með menntamálanefnd Alþingis til
að koma sjónarmiðum sínum á
framfæri.
Samkvæmt heimildum Frétta-
blaðsins er starfsfólk RÚV ekki
síst óánægt með hvernig staðið
var að uppsögnunum fyrir helgi.
Trúnaðarmanni rafiðnaðarmanna
hjá RÚV var sagt upp með því for-
orði að annar starfsmaður hefði
tekið við hlutverki hennar innan
fyrirtækisins. Guðmundur Gunn-
arsson, formaður Rafiðnaðarsam-
bandsins, skrifaði útvarpsstjóra
bréf vegna þessa og var viðkom-
andi starfsmaður endurráðinn.
svavar@frettabladid.is
Segja uppsagnir hjá
RÚV til skammar
Starfsmenn Ríkisútvarpsins krefjast þess að uppsagnir starfsmanna verði
dregnar til baka. Félög þeirra álykta hvert af öðru. Skorað er á stjórnendur að
deila kjörum með undirmönnum sínum. Mótmælaaðgerðir hafa verið nefndar.
FRÁ STARFSMANNAFUNDI Páll Magnússon útvarpsstjóri var til svara á fundinum.
Svavar Halldórsson fréttamaður var einn þeirra sem tóku til máls. Ekki var um
sérstakan hitafund að ræða eða því lýst yfir að starfsmenn ætluðu að grípa til mót-
mælaaðgerða. FRÉTTABLAÐIÐ/GVA
Turni ofaukið
Snæfellsbær krefst þess að eigandi
byggingar á Hellissandi láti rífa turn
ofan af húsinu. Sótt var um leyfi fyrir
húsinu en það síðan byggt bæði
breiðara, lengra og hærra en gefið
var upp.
SKIPULAGSMÁL
Eldri borgarar fá aðstoð
Sveitarstjórn Mýrdalshrepps tekur
jákvætt í tilmæli um að sveitarfélagið
aðstoði eldri borgara og öryrkja með
snjómokstur frá húsum sínum en vill
fá umsögn félagsmálanefndar áður
en ákvörðun er tekin.
FÉLAGSMÁL
Brunahúsið rifið
Einbýlishús sem brann á Baldursgötu
í nóvember verður rifið samkvæmt
heimild sem byggingarfulltrúinn í
Reykjavík hefur veitt eigandanum.
Eldur kom upp í mannlausu húsinu
eftir fikt skólabarna.
Ætlar þú að eyða minna í jóla-
gjafir í ár en í fyrra?
Já 81,5%
Nei 18,5%
SPURNING DAGSINS Í DAG:
Eru „skrílslæti“ réttnefni yfir
aðgerðir mótmælenda að
undanförnu?
Segðu þína skoðun á visir.is
VINNUMARKAÐUR Rafiðnaðarsam-
bandið (RSÍ) mótmælir því að Bára
Halldórsdóttir hafi ekki verið talin
meðal trúnaðarmanna hjá
Ríkisútvarpinu þegar henni var
sagt upp störfum. Uppsögn Báru
var dregin til baka í gær, þegar
hún var á leið til lögmanns RSÍ til
að skoða lögmæti uppsagnarinnar.
Ríkisútvarpið telur að trúnaðar-
menn stéttarfélagsins séu tveir, og
Bára sé ekki þar á meðal. Guð-
mundur Gunnarsson, formaður
Rafiðnaðarsambandsins, segir hins
vegar að trúnaðarmennirnir séu
þrír.
Páll Magnússon útvarpsstjóri
segir að uppsögnin hafi ekki verið
dregin til baka vegna trúnaðar-
stöðu Báru. „Ég lét draga uppsögn-
ina til baka einfaldlega vegna þess
að ég taldi hana ranga,“ segir
hann. - ss
Rafiðnarsamband mótmælir:
Segja Báru víst
trúnaðarmann
LÖGREGLUMÁL Karlmaður kýldi
lögreglumann að tilefnislausu á
lögreglustöðinni í Reykjavík í
gærmorgun. Lögreglumaðurinn
vankaðist lítillega. Þá hruflaðist
hann og það blæddi úr sári. Hann
kom sér sjálfur á slysadeild þar
sem gert var að sárum hans.
Árásarmaðurinn hafði skömmu
áður verið tekinn fyrir ölvunar-
akstur. Verið var að færa hann
fyrir varðstjóra þegar hann
veittist að lögreglumanninum.
Hann gat ekki gefið neinar
skýringar á hegðun sinni sökum
ölvunar. Af sömu ástæðu var ekki
unnt að taka af honum skýrslu
fyrr en í gærkvöldi. - hhs
Árás á lögreglustöðinni:
Ölvaður kýldi
lögreglumann
KJÖRKASSINN