Fréttablaðið - 03.12.2008, Blaðsíða 13
MIÐVIKUDAGUR 3. desember 2008 13
VERSLUN „Þrátt fyrir kreppuna heldur lífið áfram,“
segir Jón Erlendsson, framkvæmdastjóri ZO-ON
Iceland, sem opnaði sérverslun með útivistar- og
íþróttafatnað í Kringlunni á laugardaginn. Hann segir
að framvegis verði talað um fyrir og eftir kreppu.
„Við erum mjög bjartsýnir og vitum að hverju við
göngum,“ segir Jón en hann stofnaði fyrirtækið,
ásamt Ámunda Sigurðssyni, fyrir tólf árum. Fram til
þessa hafa vörur fyrirtækisins fengist í öðrum
útivistarverslunum. Jón segir að svo verði áfram en
að með nýju búðinni sé ætlunin að þjónusta viðskipta-
vini þeirra enn betur.
Jón segir þá félaga sjá möguleika í kreppunni.
Fyrir um ári hafi þeir ákveðið að opna verslun en svo
hafi kreppan skollið á. „Þá settumst við niður og
hugsuðum málið en niðurstaðan var sú að það væri
engin ástæða til að vera neitt að slá þetta af. Þetta
væri það eina rétta sem við gerðum, að halda áfram
enda er fyrirtækið lítið skuldsett og svo höfum við
fulla trú á að við Íslendingar náum okkur upp úr
þessum öldudal,“ segir Jón. - ovd
Fullir bjartsýni opna sérverslun með útivistar- og íþróttafatnað í Kringlunni:
Tala um fyrir og eftir kreppu
SKIPULAGSMÁL Formanni skipu-
lagsráðs, Júlíusi Vífli Ingvars-
syni, var á föstudag færður
undirskriftalisti með 350 nöfnum
íbúa miðborgar, ásamt nýlegri
samþykkt stjórnar Íbúasamtaka
miðborgar. Mótmæla íbúarnir
byggingu Listaháskólans við
Laugaveg.
Magnús Skúlason arkitekt,
formaður Íbúasamtaka miðborg-
ar, afhenti Júlíusi Vífli undir-
skriftirnar. Samtökin hafa lýst
yfir eindreginni andstöðu við
fyrirliggjandi tillögu að Listahá-
skóla. Segja þau bygginguna allt
of umfangsmikla fyrir lítið svæði.
Hvetja þau borgaryfirvöld til að
finna skólanum annan viðeigandi
stað í miðbænum. - hhs
Íbúasamtök miðbæjar:
Vilja ekki skóla
á Laugaveginn
MAGNÚS SKÚLASON ARKITEKT Færði
formanni skipulagsráðs undirskrifta-
lista þar sem lýst er yfir andstöðu við
byggingu Listaháskólans við Laugaveg.
FRÉTTABLAÐIÐ/VALLI
VERÐLAUN Hvatningarverðlaun
Öryrkjabandalags Íslands (ÖBÍ)
verða veitt öðru sinni í dag í
tilefni alþjóðadags fatlaðra.
Verðlaunin eru veitt fyrirtæki,
stofnun og einstaklingi sem
þykir hafa skarað fram úr og
endurspeglað nútímalegar
áherslur um jafnrétti, sjálfstætt
líf og þátttöku fatlaðra í samfé-
laginu.
Í tilkynningu segir að leitað
hafi verið til aðildarfélaga ÖBÍ,
fulltrúa bandalagsins í svæðis-
ráðum um málefni fatlaðra og
ýmissa annarra aðila sem vinna
að málefnum fatlaðra um
tilnefningar. - kg
Alþjóðadagur fatlaðra:
Hvatningar-
verðlaun veitt
ALLT KLÁRT Iðnað-
armenn voru á fullu
að undirbúa opnun
verslunarinnar þegar
ljósmyndara Frétta-
blaðsins bar að garði.
FR
ÉTTA
B
LA
Ð
IÐ
/VILH
ELM
H
V
ÍT
A
H
Ú
S
IÐ
/
S
ÍA
0
8
-
2
2
1
8
Og allir
elskuðu
Adam
Hann sendi svo
mörg jólakort
www.postur.is
Pósturinn kemur með jólasendingarnar
til þín í tæka tíð fyrir jólin. Komdu tímanlega
svo að sendingin þín komist í réttar hendur
á réttum tíma, innanlands eða utan.
Komdu tímanlega með
jólakortin og jólapakkana
sun
6
7
14
21
28
98
1 2 3 4 5
10 11 12 13
1615 17 18
19
20
22 23 24 25 26 27
29 30 31
mán þri mið fim fös lau
Jólapakkar
utan Evrópu
TNT
utan Evrópu
Jólakort
utan Evrópu
Pakkar og kort
innanlands
TNT til Evrópu
Jólakort
til Evrópu
Jólapakkar
til Evrópu
Síðustu öruggu skiladagar fyrir jólakort og jólapakka í desember:
Hefti ekki vöxt
Möguleg skráning verndarsvæðis
Breiðafjarðar sem Ramsarsvæði og/
eða á heimsminjaskrá UNESCO má
ekki verða til þess að hefta sveitar-
félagið við eðlilega uppbyggingu og
vöxt, segir bæjarstjórn Stykkishólms.
UMHVERFISMÁL
LÖGREGLUMÁL Fjórtán ára piltur
braust inn í bifreiðaverkstæði á
Akranesi fyrr í vikunni og stal
öllum þeim bíllyklum sem hann
fann. Síðan stal hann bíl og bauð
tveimur jafnöldrum sínum í
bíltúr. Bifreiðin fannst skömmu
síðar mannlaus og mikið skemmd.
Piltarnir höfðu í millitíðinni farið
aftur á verkstæðið og náð sér í
annan bíl. Lögreglan gómaði þá
þegar þeir höfðu rúntað víða um
sveitir.
Fram kom hjá piltunum, sem
allir eru fæddir 1994, að sá sem
frumkvæðið átti og braust inn í
bifreiðaverkstæðið hafi annast
aksturinn að mestu leyti.
Félagsmálayfirvöldum verður
afhent málið til meðferðar. - jss
Lögreglan á Akranesi:
Fjórtán ára bíl-
þjófar á ferð
Konur læri að prjóna
Amal Tamimi hefur óskað eftir styrk
frá Hafnarfjarðarbæ til að halda
prjónanámskeið fyrir konur af erlend-
um uppruna. Fræðsluráð bæjarins
frestaði afgreiðslu málsins á síðasta
fundi.
FÉLAGSMÁL
MÝRDALUR Íbúasamtökin Betri
byggð í Mýrdal vilja að sveitar-
stjórnin hraði gerð aðalskipulags
svo hægt verði að koma jarð-
göngum í gegnum Reynisfjall á
samgönguáætlun. Einnig skora
íbúasamtökin á sveitarstjórn og
yfirvöld sjóvarnarmála að grípa
strax til ráðstafana til að koma í
veg fyrir frekara landbrot af
völdum sjávar við Vík.
Sveitarstjórnin segir að
aðalskipulagsvinnunni verði lokið
hið fyrsta og leggur áherslu á að
framkvæmdir við sjóvörn hefjist
svo fljótt sem unnt er. Aðstoðar
Landgræðslunnar verði leitað til
að fyrirbyggja sandfok. - gar
Betri byggð í Mýrdal:
Vilja fá göng og
sjóvarnargarð