Tíminn - 10.06.1982, Blaðsíða 1

Tíminn - 10.06.1982, Blaðsíða 1
íþróttakennaraskólinn brautskráir 30 nemendur-bls. 11 TRAUST OG FJÖLBREYTT FRÉTTABLAÐ! Fimmtudagur 10. júní 1982 129.tölublað-66.árg. Ml O-TA D« ykjavík-R.tstjórn86300 - Auglýsingar 18300 - Afgretðsla og áskrift 86300 - Kvöldsimar 86387 og 86392 „Hugmyndir" formanns byggingameistara sem VSÍ skýrði frá í fyrradag: 9% MEIRI HÆKKUN EN AÐRIR STRAX, OG 20% NÆSTU 3 AR! ¦ „Ég ber mér ekki i munn, hvað VSÍ telur að þetta sé niikil hækkun til byggingamanna, það er svo hrikalegt", sagði einn samninganefndarmanna ASÍ i gær. En samkvæmt traustum heimild-' um er þar rætt um 9% hækkun á reiknitaxta akkorðsvinnu, auk þess sem ASÍ kemur almennt til með að semja um, eða t.d. 13% ef gengið er út frá 4% samningi við ASÍ, og siðan 20% i viðbót í 3ja ára samningstima, eða samtals 35-36%. „Þetta eru hrein skemmdarverk, að láta sér detta í hug að koma fram með þetta meðan við erum að fitla við 0 -punktinn. En þetta kerfi er svo fáránlegt, að báðir samningsaðilar - meistarar og sveinar - skuli hafa beina hagsmuni af að hækka þetta sem mest, en þeir sem kaupa af þeim vinnuna - aðilar eins og ég og þú - fáum ekkert um málið að segja, nema bara borga", sagði þessi ASÍ-samningamaður enn- fremur. Tekið skal fram, að ekki mun þarna um neitt formlegt tilboð meistara að ræða, heldur skýrslu um þær línur, sem Meistarasamband byggingamanna taldi að ljúka mætti samningum á við byggingamenn eftir að aðrir samningar hefðu verið gerðir. Með þessu hafa allar viðræður siglt í strand að sinni. Allir þeir, sem Timinn ræddi við í gær - úr herbúðum beggja aðila, töldu hins vegar samningaviðræður við Verka- mannasambandið komnar á góðan rekspöl, þannig að þeir ættu ekki að vera þrándur í götu samninga. Sáttanefnd kom saman i gær til að leita einhverra leiða út úr þessari „samningakreppu", sem menn voru sammála um að væru vandfundnar. „Alltént er engin leið til út úr þessu nema slæm, þær eru kannski aðeins mismunandi slæmar", sagði einn af samningamönnum ASÍ. -HEI Borgarspítalinn símasambandslaus í gær: LITLU MUNAÐI AÐ ILLA FÆRI — þegar kalla þurfti út aukalið vegna stórslyss eftir að símasamband komst aftur á ¦ Litlu munaði að illa færi i gær þegar simastrengur með um tvö hundruð simalínum var slitinn af gröfu rétt fyrir utan Borgarspítalann i Reykjavík með þeim afleiðingum að sjúkrahúsið var gjörsamlega sambandslaust fyrir utan tvo neyðarsima sem lagðir eru annars staðar frá. Viðgerð strengsins tók um 4-5 klukkustundir. Stuttu eftir að símasam- band komst á að nýju um kl. 17.30 í gær, þurfti að kalla út aukalið á sjúkravakt vegna stórslyss. Hefði það ekki tekist þrautarlaust, og getað haft geigvænlegar afleiðingar í för með sér, ef simasam- band hefði ekki verið komið á að nýju. „Þetta er óskaplegt og á ekki að geta komið fyrir. Þarna mun verktaki hafa verið að verki sem vinnur við vegagerð norð-austan við Borgarspítalann, og var að tengja saman holræsi. Það hlýtur að þurfa að gera þá kröfu til þessara manna að þeir viti hvað þeir eru að gera og gæti vel að sér í þessum efnum", sagði Jóhannes Pálmason, aðstoðarfram- kvæmdastjóri Borgarspítalans, í samtali við Tímann i gær. Beinar línur milli spitalans og lög- reglu og slökkviliðs slitnuðu einnig við óhappið og þurfti að gera sérstakar ráðstafanir vegna þess. Einnig var dagskrá rikisútvarpsins rofin síðdegis til að koma að tilkynningum um símasam- bandsleysið. Auk Borgarspitalans var hluti nær- liggjandi íbúðarhverfa einnig símasam- bandslaus. Bilunarinnar varð vart fljót- lega upp úr hádegi. Eftir að vegsum- ¦merki eftir gTöfuna fundust var hafist handa við viðgerðina, og lauk henni á tilsettum tíma, enda mátti ekki tæpara standa. -Kás ¦ Starfsmenn Pósts og sima höfðu nýlokið við viðgerð á simastrengnum, þegar kalla þurfti út aukastarfslið vegna stórslyss, sem ekki hefði tekist ellegar. Sovétmenn standa við loforðið sem þeir gáf u Fridrik Ólafssyni: FJÖLSKYLDA KORTSNOJS LAUS ¦ Bella Kortsnoj, eiginkona Viktors Kortsnoj skákmeistara og sonur þeirra Igor hafa fengið leyfi til að flytja á brott frá Sovétrikjunum. Sem kunnugt er hefur Viktor Korts- noj verið landflótta frá Sovétrikjunum frá því 1976. Síðan hefur hann sótt mjóg stíft að fá til sin fjölskyldu sína. Hann hefur m.a. notið aðstoðar FIDE, Alþjóðaskáksambandsins i þessu bar- áttumáli sinu. Tíminn talaði við Friðrik Ólafsson, forseta FIDE í gærkvöldi. „Ef allt stenst sem sagt hefur verið þá er ég afar ánægður með þessa lausn. Þetta kemur til með að sætta alla aðila og hreinsa andrúmsloftið," sagði Frið- rik. - Kemur þetta á óvart? „í sjálfu sér ekki. Maður gerir nú. alltaf ráð fyrir því að það sem við mann er sagt standist." - Verður þessi lausn þér til framdrátt- ar í forsetaframboði FIDE í haust? „Ég get nú i fljótu bragði ekki séð að það verði mér til trafala, enda fór ég ekki út í þetta sjálfum mér til framdráttar. Mér, sem forseta FIDE, bar skylda til að gera allt sem í mínu valdi stóð til að leysa þetta mál. Það er búið að vera til trafala alltof lengi. Það hefur eiginlega ríkt óviðunandi ástand i skákheiminum vegna þessa. Hvort sem þetta er sigur fyrir mig eða ekki þá er ég ánægður með lyktirnar," sagði Friðrik. - Sjó.

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.