Tíminn - 29.06.1982, Blaðsíða 6
ÞRIÐJUDAGUR 29. JÚNÍ 1982
stuttar f réttir
'Ci
21 lauk
frá ísafirdi f vor
■ ÍSAFJÖRÐUR: Alls stunduðu
129 nemendur nám í Menntaskólan-
um á ísafirði i vetur, þ.e. hinum
hefðbundna dagskóla, og auk þess 27
í nýstofnaðri öldungadeild, að þvi er
fram kom í ræðu skólameistara
Björns Teitssonar, við skólaslit sem
voru í endaðan mai.
Af nemendunum í dagskólanum,
voru 62 á 1. ári, 30 á 2. ári, 16 á 3.
ári og 21 á fjórða ári. Sem fyrr voru
stúlkur i talsverðum meirihluta i
skólanum.
Undir stúdentspróf gekkst 21
nemandi, 11 af félagsfræðasviði og
10 af náttúrufræðasviði. Hæstu
einkunn hlaut Eygló Aradóttir frá
Patreksfirði 1. einkunn 8.25, en hún
var af náttúrufræðasviði. Næst hæst
varð Heiðdís Hansdóttir frá ísafirði.
Alls gengu 110 nemendur i
dagskólanum undir vorpróf og
stóðust þau 94 eða náðu rétti til
framhaldsnáms.
Skólameistari nefndi að afföllin á
1. ári hefðu verið heldur meiri í vetur
en stundum áður, enda árgangurinn
óvenju fjölmennur. Hæstu einkunn
fyrir vetrarnámið í skólanum öllum
hlaut Birgir Þórisson frá Hvalskeri i
Rauðasandshreppi, 9.1, en hann var
nemandi á öðru ári.
Af nemendum öldungardeildar
náðu 20 upp á vorprófum.
Skólameistari sagði öldungadeild-
ina við skólann hafa farið vel af stað,
enda væri þar um góða nemendur að
ræða. Kvað hann það verða kannað
á næstunni hvort grunvöllur verði
fyrir starfrækslu öldungadeildar á 1.
ári aftur á næsta vetri, en til þess þarf
að fást lágmarkstala nemenda.
Skólameistari sagði byggingamál
skólans litið hafa gengið i vetur.
Nýlega var þó boðinn út verkáfangi
við hið nýja kennsluhúsnæði og á það
allt að verða tilbúið undir tréverk
fyrir 15. mars 1983.
Hjá skólameistara kom og fram að
niu fastir kennarar störfuðu við
skólann i vetur og 11 stundakennar-
ar. Nú hafa 3-4 hinna föstu kennara
sagt starfi sínu lausu svo og brytinn
í mötuneyti heimavistarinnar.
Við skólaslitin flutti fulltrúi 5 ára
stúdenta, Svandis Kristjánsdóttir
ávarp og við lok athafnarinnar lék
einn úr hópi nýstúdenta, Björk
Sigurðardóttir frá ísafirði, á píanó
verk eftir Chopin. - HEI
Um 2.500
manns í
nýstofnuðu
Neytenda-
félagi
Reykjavíkur
og nágrennis
STÓR-REYKJAVÍK: Neytendafé-
lag Reykjavíkur og nágrennis var
stofnað fyrir nokkru. Ákveðið var að
starfssvæði félagsins verði Reykja-
vik, Kópavogur, Seltjarnarnes,
Garðabær, Hafnarfjörður, Bessa-
staðahreppur, Mosfellssveit og Kjós-
arsýsla. Félagsmenn í Neytendasam-
tökunum sem nú verða félagar i
þessari nýstofnuðu deild eru nú um
2.500 talsins.
Markmið félagsins er að gæta
hagsmuna neytenda á félagssvæðinu.
Hyggst félagið veita félagsmönnum
almenna ráðgjöf og upplýsingar er
lúta að verð- og vöruþekkingu.
Jafnframt mun félagið veita félags-
mönnum leiðbeiningar um rétt sinn
í viðskiptum og ennfremur fyrir-
greiðslu, ef þeir verða fyrir tjóni
vegna kaupa á vöru og þjónustu.
Nýkjörin stjórn félagsins væntir
þess að neytendur á félagssvæðinu
geri þetta félag að sterku afli sem
standi vörð um hagsmuni neytenda.
Væntanlegum félagsmönnum er
bent á að hafa samband við skrifstofu
félagsins í Austurstræti 6 í Reykjavík
(s. 21666), sem er opin milli kl. 15.00
og 17.00 virka daga. Stjórn
Neytendafélags Reykjavíkur skipa:
Formaður Jóhannes Gunnarsson,
Erna Hauksdóttir, Lára V. Július-
dóttir, Jón Ásgeir Sigurðsson, Anna
Kristbjörnsdóttir, Bergþóra Gísla-
dóttir, Björn Hermannsson, Gyða
Jóhannesdóttir, Jóhanna Thorsteins-
son, Sigrún Ágústsdóttir, Sigurður
Sigurðsson og Teitur Jensson.
Bætt um-
fjöllun um
listir m.a.
á stef nu-
skránni
■ NORÐURLAND: Menningar-
samtök Norðlendinga voru stofnuð í
Stórutjarnarskóla i Suður-Þingeyjar-
sýslu föstudaginn 18. júni s.l.
Samtökin eru heildarsamtök ein-
staklinga og félags sem vinna að
menningarmálum á Norðurlandi og
tilgangur þeirra er að efla menningar-
líf og menningarsamskipti i fjórðung-
num.
Til þess að ná tilgangi sínum
hyggjast samtökin m.a. liðsinna við
ráðningu leiðbeinenda, stuðla að
bættri umfjöllun um listir í
fjölmiðlum, beita sér fyrir bættri
aðstöðu og betra skipulagi listkynn-
ingar, halda árlega ráðstefnu um
lista- og menningarlíf i fjórðungnum
og safna og miðla upplýsingum um
listastarfsemi og menningarlíf bæði
fyrir norðan og annars staðar.
Á stofnfundinum gerðust 40
einstaklingar og félög á Norðurlandi
stofnendur Menningarsamtakanna,
en opið er að gerast stofnfélagi þar
til á reglulegum aðalfundi sem hald-
inn verður eigi siðar en 15. sept. i
haust. Einnig var ákveðið að
undirbúningsnefndin gegndi störfum
bráðabirgðastjórnar fram að aðal-
fundi, en hana skipa: Kristinn G.
Jóhannsson, Einar Njálsson, Örn
Ingi Gislason og Jón Hlöðver
Áskelsson. - HEI
Skólameistara-
félag íslands:
Lýsir van-
þóknun á
fyrirkomu-
lagi launa-
greiðslna
■ Skólameistarafélag íslands, félag
stjórnenda í framhaldsskólum, hélt
aðalfund sinn fyrir skömmu.
Á fundinum voru samþykktar ýmsar
ályktanir, þar á meðal er skorað á
ráðherra mennta- og fjármála og
Alþingi að hraða sem mest samþykkt
frumvarps til laga um samræmdan
framhaldsskóla og setningu laga um
skiptingu skólakostnaðar milli ríkis og
sveitarfélaga. Einnig telur fundurinn að
brýnt sé að gerð verði heildaráætlun um
fjölda framhaldsskóla i landinu, dreif-
ingu þeirra og umfang þess náms sem
boðið er uppá í hverjum skóla, en þetta
kemur fram i fréttatilkynningu sem
félagið sendi frá sér vegna fundarins.
Þar segir ennfremur að fundurinn lýsi
vanþóknun sinni á þvi launagreiðslufyr-
irkomulagi sem nú er í framhaldsskólun-
um, og einnig skorar fundurinn á
stjórnvöld að koma þeirri skipan á að
greitt sé eftir vinnuskýrslum skólanna,
en þær síðan endurskoðaðar ef þörf
reynist.
í stjórn Skólameistarafélagsins sátu
sl. ár Ingvar Ásmundsson formaður,
Kristján Thorlacius og Sveinn Ingvars-
son meðstjórnendur. Kristján hefur
tekið formennsku i Hinu íslenska
kennarafélagi, og lét þvi af störfum í
stjórn Skólameistarafélagsins. í hans
stað var kjörinn Heimir Pálsson, en
stjórnin var að öðru leyti endurkjörin.
SVJ
■ Brautin var mjög erfið í motocrosskeppninniumhelgina,ogtókustökumennimir
oft á loft í brekkunum. Tímamynd: Arinbjöm
■ Um helgina var haldin motocross
keppni á brautinni fyrir sunnan Grinda-
víkurafleggjarann. Það var Vélhjóla-
iþróttaklúbburinn sem stofnaði til henn-
ar og var aðeins keppt í 125-500 cc
flokki. Fjórtán hjól hófu keppnina og
varð Heimir Barðason sigurvegari, hlaut
30 stig, en hann ók á Maico 490 cc.
Gott veður var meðan keppnin fór
fram og fylgdust allmargir áhorfendur
með henni. Fyrirkomulag hennar var á
þá leið að allir vélhjólamennirnir voru
látnir keppa i einu. Farnar voru tvær
umferðir, hálftíma hvor, en brautin er
tveggja kílómetra löng. Þeir sem lengst
komust fóru tólf hringi í hvorri umferð.
Þorkell Ágústsson varð i öðru sæti,
hlaut 24 stig, en hann ók á Kawasaki 250
cc. í þriðja sæti varð Ottó Einarsson,
með 18 stig, en hann ók á Husquarna
430 cc.
■ Stjóm leiðsögumannafélagsins á-
samt Vigdisi eftir að hafa afhent henni
heiðursskjalið. F.v. Pétur Urbanic, Inga
I. Guðmundsdóttir, Kristbjörg Þórhalls-
dóttir, Júlia Sveinbjamardóttir formað-
ur, forseti íslands, Vigdis Finnbogadótt-
ir, Guðmundur Áki Lúðvíksson, Ásta
Sigurðardóttir varaformaður og Þuríður
Finnsdóttir.
Forsetinn
heiðurs-
ffélagi
leiðsögu-
manna
■ Forseti íslands var kjörinn heiðurs-
félagi Félags leiðsögumanna á 10 ára
afmæli þess.
Stjórn félags leiðsögumanna gekk á
fund forseta íslands, VigdisarFinnboga-
dóttur 8. júní sl. og afhenti henni skjal
i tilefni þess að hún var á aðalfundi
kjörin heiðursfélagi félagsins.
Vigdís Finnbogadóttir var einn af
stofnfélögum Félags leiðsögumanna fyr-
ir 10 árum, en hún var afar vinsæll
leiðsögumaður ferðafólks, segir i frétta-
tilkynningu frá félaginu. Þar að auki
stjórnaði hún um árabil námskeiðum
fyrir verðandi leiðsögumenn, og mótaði
þannig leiðsögustarfið eins og það er i
dag.
í bréfi sem fylgir heiðursskjalinu
segir: „Við erum þér sérstaklega þakklát
fyrir að þú hefur i þinu virðulega
embætti aukið hróður leiðsögumanna-
stéttarinnar og sjálf verið hinn besti
landkynnir, sem ísland hefur átt.“
Sjö vænir laxar fengust úr
Deildará á Sléttu:
„Mjög óvenju-
legt á þessum
árstíma”
— segir Jóhann Hólmgrímsson
Vogi, formadur Veiðifélagsins
■ „Þessi veiði er mjög óvenjuleg á
þessum árstima og kom okkur mjög
á óvart“ sagði Jóhann Hólmgríms-
son, Vogi, formaður Veiðifélagsins i
Deildará á Melrakkasléttu í samtab
við Veiðihomið en i ánni fengust
þann 26. júni sjö vænir laxar, frá 10
og upp i 16 pund að þyngd og var
það einn maður Auðunn Benedikts-
son á Kópaskerí sem fékk laxana á
maðk.
Jóhann sagði að áin hefði verið
opnuð þann 20. júni sl. en enginn
hafði verið við veiðar þar sem ekki
var von á að lax gengi í ána fyrr en
seinna í sumar.
„Það hefur verið veitt i þessari á
frá örófi alda en tvö síðustu ár hafa
verið mjög slæm og áttu flestir von á
að svo yrði einnig í ár en þær spár fá
ekki staðist ef við miðum við þessa
góðu veiði um helgina" sagði Jóhann.
í ánni mega vera 3 stangir en
aðeins hefur verið leyft að veiða á
tvær vegna tregrar veiði.
í fyrra veiddust aðeins 93 laxar í
Deildará, meðalþyngd 5.6 pund og
hafði veiðin ekki verið svo treg í sex
ár, en hún komst í 357 laxa árið 1978.
Tveir vænir í Breiðdalsá
Um helgina fengust tvær vænar
hrygnur 16 og 19 pund að þyngd i
Breiðdalsá en það var Róbert
Kárason sem landaði þeim báðum,
úr Gunnarshlaupi i ánni.
Friðrik Stefánsson formaður
SVFR, sem er með ána, sagði í
samtali við Veiðihornið að hann
vonaði að þessi góða veiði væri
fyrirboði þess að laxinn sem átti að
ganga í ána í fyrra, en lét ekki sjá
sig, væri nú að koma upp.
Varla er hægt að finna fegurra
umhverfi til veiða en við
Breiðdalsá og eru veiðileyfin þar
mjög ódýr eða frá 120 kr. og upp í
380 kr. sem er hámarksverð.
Veiðin í Breiðdalsá varð aðeins 41
lax i fyrra en hún komst í 412 laxa
1978. Byrjunin í ár lofar góðu og það
er ánægjulegt að geta greint frá góðri
byrjun i þessum tveimur ám þar sem
á heildina litið, byrjar veiðitíminn
mjög lélega í ár.
- FRI
SVJ