Fréttablaðið - 17.12.2008, Blaðsíða 29

Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
Haraldur Ingi Haraldsson, rit-
stjóri nettímaritsins Nausttímarit.
is, uppgötvaði skemmtilegan veit-
ingastað í Tallinn í Eistlandi fyrir
nokkrum árum og hefur síðan
farið þangað með ferðamanna-
hópa á vegum ferðaskrifstofunnar
Trans-Atlantic.
„Staðurinn heitir „African
Kitch en“ og er í jaðri gamla borg-
arhlutans í Tallinn. Hann er sér-
kennilegur fyrir margar sakir en
það undarlegasta er að þar er
hægt að fara í gufubað á milli
rétta, segir Haraldur og skellir
upp úr. „Staðurinn er skreyttur
alls kyns afrískri list og þar er
óskaplega góður matseðill með
ýmiss konar afrískum réttum. Þar
er hægt að panta gufubað fyrir
upp undir tólf manns og situr fólk
á handklæðum við uppdekkuð
borð og gæðir sér á matnum á
milli þess sem það stingur sér inn
í baðið. Það er mjög sérstakt svo
ekki sé meira sagt.“
Haraldur hefur verið fararstjóri
um margra ára skeið og farið með
ferðamenn til Eystrasaltsland-
anna, Mexíkó og Barcelona svo
dæmi séu tekin.
Hann segist ekki hafa átt von á
því að rekast á stað sem þennan í
Eistlandi. „Það er eins og þarna
renni norður-evrópsk sána-hefð
saman við svörtustu Afríku og er
útkoman að vonum óvænt en vel
þess virði.“
Haraldur er yfir sig hrifinn af
Tallinn. „Þetta er yndisleg borg.
Hún er byggð í kringum gömlu
miðaldaborgina sem hefur mesta
aðdráttaraflið. Þar eru steini lagð-
ar götur og byggingar frá 11. til
15. öld sem hefur tekist að varð-
veita afskaplega vel enda er borg-
in á heimsminjaskrá Unesco.“
vera@frettabladid.is
Í gufu á milli afrískra rétta
Í jaðri gamla borgarhlutans í Tallinn hnaut Haraldur Ingi Haraldsson um óvenjulegan veitingastað. Þar
gæðir fólk sér á afrískum mat á handklæðinu einu fata á milli þess sem það stingur sér inn í gufubað.
Haraldur ásamt ferðalöngum fyrir framan þinghúsið í Tallin. MYND/ÚR EINKASAFNI
JÓLABÓKAUPPLESTUR verður á ylströndinni í Nauthólsvík
klukkan 17.30 í dag. Auður Jónsdóttir les upp úr bók sinni Vetrarsól og
Yrsa Sigurðardóttir úr Auðninni. Áheyrendur geta komið sér vel fyrir í
heita pottinum og boðið verður upp á heitt súkkulaði og smákökur.