Fréttablaðið - 30.12.2008, Blaðsíða 8
30. desember 2008 ÞRIÐJUDAGUR
Bankastræti 5
Faxafen 12
Glerártorg (AK)
Kringlan
Miðhraun 11
Smáralind
13 - 18
Lokað
Lokað
Lokað
Lokað
Lokað
Lokað
Lokað
13 - 17
13 - 18
Lokað
13 - 18
2. jan 3. jan
Vörutalning í verslunum 66°Norður
www.66north.is Klæddu þig vel
EFTIR GEORG FRIEDRICH HÄNDEL
Hátíðartónleikar á 250 ára ártíð G.F. Händel
1. JANÚAR 2009 NÝÁRSDAGUR KL.17
3. JANÚAR 2009 kl.17
Flytjendur: Schola cantorum, Alþjóðlega Barokksveitin í Den Haag
Marta Guðrún Halldórsdóttir sópran Andrew Radley kontratenór
Gissur Páll Gissurarson tenór Alex Ashworth bassi
STJÓRNANDI: HÖRÐUR ÁSKELSSON
Aðgangseyrir: 4900 og 3500 fyrir skólafók undir 25 ára aldri.
MIÐASALA í Hallgrímskirkju, s. 510 1000, Kirkjuhúsinu Laugavegi 31,
s. 528 4200 og á list@hallgrimskirkja.is · listvinafelag.is
UTANRÍKISMÁL Ingibjörg Sólrún
Gísladóttir utanríkisráðherra sér
ekki að það þjóni neinum tilgangi
fyrir Íslendinga að slíta stjórn-
málasambandi við Ísrael. Nær sé
að nýta sambandið til að þrýsta á
ríkið og fá það til að sýna að því
sé alvara með friðarviðræðum
sínum, en það hafi Ísraelsmenn
ekki gert.
Félagið Ísland-Palestína krafð-
ist þess í gær að „samskiptum við
Ísraelsstjórn verði slitið þar til
Ísrael lætur af árásarstefnu
sinni“.
„Ég skil vel það hugarfar sem
liggur að baki þessari ályktun
félagsins, það grípur auðvitað um
sig ákveðin örvænting sem fylgir
þessum árásum Ísraelsmanna og
menn vilja sjá að það gerist eitt-
hvað og það verði tekið á þessum
málum. Því miður hefur alþjóða-
samfélagið ekki haft burði til þess
fram að þessu. En ég sé ekki að
það þjóni neinum tilgangi að
Ísland slíti einhliða sambandi
sínu við Ísrael,“ segir Ingibjörg.
Slíkt sé ekki gert nema þegar
framferði ríkis sé farið að valda
öðru ríki beinu tjóni. Ísland hafi
til dæmis ekki slitið sambandi við
Suður-Afríku aðskilnaðarstefn-
unnar, eða Júgóslavíu undir
Milosevic.
Aðspurð segir hún það geta vel
verið að þess háttar aðgerð vekti
athygli, en hún þurfi að fá meira
afgerandi rök fyrir því að það
skili árangri. Ekki sé fullreynt að
beita hefðbundnum stjórnmála-
leiðum á Ísraelsríki. Ísland eigi
að beita sér á vettvangi Samein-
uðu þjóðanna.
Ingibjörg segir að framferði
Ísraelsmanna eigi að fordæma,
en óvíst er hvernig það verður
gert.
Ísland-Palestína gagnrýndi
einnig málflutning ráðherrans síð-
ustu daga. Það hafi verið „kald-
ranalegt að heyra [hana] leggja
fórnarlömb stríðsins og árásarað-
alann að jöfnu með því að tala um
deiluaðila sem báðir beri ábyrgð“.
Ingibjörg segir félagið snúa út úr
orðum sínum.
„Ég talaði mjög skýrt um ábyrgð
Ísraels, en þegar tveir deila bera
báðir nokkra ábyrgð á því. Með
því er ég ekki að leggja þessa hluti
að jöfnu. En mér finnst það satt að
segja sérkennilegt hjá félaginu að
hnýta þessu inn í ályktun sína í
ljósi þeirrar áherslu sem ég hef
lagt á málefni Palestínumanna
síðan ég varð ráðherra. Við höfum
tekið mjög skýra afstöðu í þeim
efnum.“ klemens@frettabladid.is
Vill betri rök fyrir
sambandsslitum
Utanríkisráðherra segir ekki fullreynt að beita hefðbundnum leiðum til að hafa
áhrif á gang mála í Palestínu. Félagið Ísland-Palestína hvatti í gær til að sam-
bandi við Ísrael yrði slitið. Ráðherra undrast gagnrýni samtakanna.
FRÁ GAZASVÆÐINU Í
GÆR Loftrásir Ísraels-
manna á Gazasvæðinu
héldu áfram í gær og
áttu borgarar fótum fjör
að launa. Fjöldi barna
hefur látist í árásunum.
NORDICPHOTOS/AFP
INGIBJÖRG SÓLRÚN OG SHIMON
PEREZ Ráðherrann fór í fyrra til Mið-
Austurlanda og hitti ráðamenn í Ísrael,
áður en hún ræddi við fulltrúa Fatah-
samtakanna. Ingibjörg Sólrún fór ekki
á Gazasvæðið. FRÉTTABLAÐIÐ/AUÐUNN
■ Sendið
umboðsmanni
neytenda
ábendingar eða
sparnaðarráð
á neytendur@
frettabladid.is
DR. GUNNI
neytendur@
frettabladid.is
Myndaleiga Símans, Skjárbíó, ætlar sér
stóra hluti í framtíðinni, jafnvel að leysa af
hólmi hefðbundnar myndbandaleigur.
Fyrirkomulagið er vissulega notendavænt.
Maður þarf ekki að fara út úr húsi, mynd-
irnar eru alltaf „inni“ og maður fær aldrei
sekt. Ekki eru þó allir sáttir við þjónustuna.
Ívar Pétur Guðnason prófaði nýverið að
leigja sér mynd. Hann skrifar: „Myndin
kostaði kr. 690 – eins og margsinnis var
ítrekað og staðfest þegar verið var að velja
hana. Við erum með reikninga vegna
símanúmers og internetáskriftar hjá
Símanum sjálfkrafa skuldfærða af kredit-
kortum og höfðum því engar áhyggjur af
þessu meir. Okkur duttu því allar dauðar lýs
úr höfði þegar reikningur kom inn um
lúguna 15. desember. Hann var ekki frá
Símanum – sem við gerðum samning við um
sjónvarpsáskriftina – heldur frá einhverju
öðru fyrirtæki sem heitir Skjárinn. Reikn-
ingurinn var fyrir leigu á bíómynd í Skjábíó
og hljóðaði upp á 940 kr., þar af eitthvað
sem heitir útskriftargjald upp á 250 kr.“
Ívari fannst 940 kall mikið fyrir eina
mynd, sem von var, og hringdi til að kvarta:
„Þjónustusími Símans var gefinn upp fyrir
þá sem vilja gera athugasemdir við
reikninga. Þar var mér sagt að Skjárinn
væri bara allt annað fyrirtæki en Síminn –
jafnvel þótt Síminn ætti Skjáinn með húð og
hári. Síminn gæti þess vegna ekki rukkað
sína viðskiptavini fyrir úttektir hjá Skján-
um! Það er erfitt að átta sig á öllum
þversögnunum í dæminu og hvernig þessi
fyrirtæki geta verið með sameiginleg afnot
af símalínu, internettengingu, viðskiptaupp-
lýsingum, starfsmönnum og eflaust fleiru,
en geta samt ekki skuldfært einfalda úttekt
samkvæmt áður gerðum samningi!“
Það er ekki nema von að Ívar sé hissa. Ég
er handviss um að margir fleiri myndu
notfæra sér þjónustu Skjásbíós ef þeir ættu
ekki von á að borga 940 kall fyrir myndina.
Neytendur: Útskriftargjald Skjásbíós
Dýrasta myndaleiga landsins
VINSÆL
MYND Á
SKJÁBÍÓ Úr
Horton hears
a Who!
GAZA, AP Ehud Barak, varnarmála-
ráðherra Ísraels, sagði á þingi í
gær ísraelska herinn hafa verið
sendan í úrslitastríð gegn Hamas-
samtökunum á Gazaströnd.
Loftárásum á byggingar sem
tengjast Hamas-samtökunum er
linnulaust haldið áfram, en árás-
irnar höfðu í gær kostað vel á
fjórða hundrað manns lífið síðan
þær hófust á laugardag.
Palestínumenn svöruðu í gær
með því að skjóta um 40 heimatil-
búnum sprengjum yfir landamær-
in frá Gaza til Ísraels. Ein þeirra
varð einum Ísraela að bana í hafn-
arbænum Ashkelon, en auk þess
særðust þar fjórtán manns.
Mikið öngþveiti ríkir á sjúkra-
húsum á Gaza, þar sem engan veg-
inn er hægt að sinna öllum þeim
sem þangað streyma, meðal annars
vegna þess hve mikill skortur er á
lyfjum og lækningavörum.
Egyptar brugðu á það ráð í gær
að taka við særðu fólki frá Gaza-
svæðinu. Sjúkrabifreiðar flytja
fólk frá þeim stöðum þar sem ísra-
elsku sprengjurnar hafa fallið og
að landamærastöðinni í Rafah.
Einnig heimiluðu Egyptar för
flutningabifreiða inn á Gazasvæð-
ið með matvæli og lækningavörur.
Barack Obama, sem tekur við
forsetaembætti Bandaríkjanna
eftir þrjár vikur, fylgist með þróun
mála á Gazasvæðinu en vill ekki
tjá sig um atburðina meðan George
W. Bush er enn forseti. - gb
Ekkert lát á blóðugum árásum Ísraelshers á Gazaströnd:
Ætla að gera út af við Hamas
ÚTFÖR Á GAZA Faðir ber fjögurra ára
gamlan son sinn til grafar í Jebaliya-
flóttamannabúðunum á Gazaströnd.
FRÉTTABLAÐIÐ/AP