Fréttablaðið - 30.12.2008, Blaðsíða 39
ÞRIÐJUDAGUR 30. desember 2008 23
Áritaður en ónýtur gítar sem var í eigu hins sáluga
Kurts Cobain úr Nirvana hefur verið seldur á
uppboði fyrir hundrað þúsund dollara, eða um tólf
og hálfa milljón króna.
Cobain eyðilagði gítarinn á tónleikum í New
Jersey þegar Nirvana var á sinni fyrstu tónleikaferð
um Bandaríkin. Náungi að nafni Sluggo, meðlimur
pönksveitarinnar The Grannies, hrifsaði gítarbrotin
upp úr gólfinu eftir tónleikana og klambraði þeim
saman með límbandi.
Eftir tónleikana dvaldi Cobain á heimili Sloggo og
fékk þá nýjan gítar í stað hins brotna svo hann hefði
eitthvað hljóðfæri á næstu tónleikum Nirvana.
Sérfræðingar telja að ekki séu margir brotnir
gítarar úr eigu Cobains til. Verðið á þessum grip
mun jafnframt vera það næsthæsta sem greitt hefur
verið fyrir minjagrip sem tengist Nirvana.
Hundamyndin Marley & Me með
Jennifer Aniston og Owen Wilson í
aðalhlutverkum fór beint í efsta
sæti aðsóknarlistans vestanhafs um
síðustu helgi. Myndin, sem þykir
ákaflega hugljúf, er byggð á
vinsælli bók og fjallar um par og
labradorhund þeirra.
Í öðru sæti á listanum var
nýjasta mynd Adams Sandler,
Bedtime Stories, og í því þriðja var
The Curious Case of Benjamin
Button með Brad Pitt í aðalhlut-
verki. Nýjasta mynd Toms Cruise,
Valkyrie, fór beint í fjórða sætið og
var það betri árangur en búist hafði
verið við miðað við vandræðagang-
inn við framleiðslu hennar.
Hundamynd vinsæl
MARLEY & ME Jennifer Aniston og
Owen Wilson leika aðalhlutverkin í
gamanmyndinni Marley & Me.
Ónýtur gítar Cobains seldur
Tæplega þrjú þúsund manns
fylgdust með fyrstu tónleikum
leikstjórans Woody Allen og
djasshljómsveitar hans í Póllandi
fyrir skömmu. Klarinettleikur
Allens féll
greinilega
mjög vel í
kramið því að
loknum
tónleikunum
stóðu áhorf-
endur upp og
klöppuðu
ákaft.
„Við munum
gera okkar
besta til að
skemmta
ykkur,“ sagði
hinn 73 ára
Allen við áhorfendur fyrir
tónleikana. Um sjaldgæfan
atburð var að ræða því leikstjór-
inn spilar nánast aldrei á stórum
tónleikastöðum utan heimaborgar
sinnar, New York.
Í fyrsta sinn
í Póllandi
WOODY ALLEN
Tónleikar hans í Pól-
landi heppnuðust
ákaflega vel.
Breska söngkonan Shirley Bassey
er á meðal þeirra sem sakna sárt
bandaríska skemmtikraftsins
Eartha Kitt, sem lést á jóladag, 81
árs. „Eartha Kitt var ein sú áhrifa-
mesta í kabarett-listinni á tuttug-
ustu öldinni,“ sagði Bassey, sem
hefur sungið þrjú James Bond-lög
á ferli sínum. „Áhrif hennar eiga
eftir að var mun lengur en þau 81
ár sem hún lifði.“
Kitt sló í gegn þegar hún lék
kattarkonuna í sjónvarpsþáttum
um Leðurblökumanninn á sjöunda
áratugnum. Hún söng einnig vin-
sæl lög á borð við Old Fashioned
Girl, C´est Si Bon og Santa Baby.
Eftir nokkur erfið ár kom Kitt sér
á kortið í Broadway-söngleiknum
Timbuktu! og hélt hún sér á beinu
brautinni eftir það.
Shirley Bassey syrg-
ir fráfall Earthu Kitt
ROKKAÐUR BLÚS Á SKAGANUM Blúsboltarnir á sínu árlega giggi, 30. desember 2005. Tryggvi, Rúnar og Birgir.
MYND/GUÐNI HANNESSON
Tómas Rúnar Andrésson
stendur fyrir blústónleikum
á Akranesi í kvöld. Rúnar
heitinn Júlíusson hefur
verið fastagestur á þessu
árlega giggi sem verður
haldið honum til heiðurs að
þessu sinni.
Á þessum degi, næstsíðasta degi
ársins, hafa Blúsboltarnir komið
saman á Akranesi og tekið sitt
árlega og eina gigg. Í kvöld, í 21.
skipti, munu Boltarnir enn skoppa
um velli blúsins, þótt aðalmaður
bandsins, Rúnar Júlíusson, sé
fallinn frá.
„Giggið í kvöld verður Rúnari
til heiðurs,“ segir Tómas Rúnar
Andrésson, starfsmaður hjá Byko
og músíkáhugamaður, sem staðið
hefur fyrir tónleikunum. „Þetta
byrjaði nú bara þannig að Rúnar
og gítarleikarinn Tryggvi Hübner
voru að spila á Hótel Akranesi.
Ég kom að máli við þá í pásu og
stakk upp á því að þeir ættu bara
að gera þetta að árvissum við-
burði. Það gekk eftir.“
Auk Rúnars og Tryggva voru í
Blúsboltunum gítarleikarinn
Edvarð Lárusson og trommarinn
Birgir Baldursson. „Það gerðist
alltaf að blúsinn varð ansi rokk-
aður hjá bandinu, enda varla
annað hægt með Rúnar innan-
borðs,“ segir Tómas. „Innanbæj-
armaðurinn Sigurþór Þorgilsson
kemur nú í stað Rúnars, hörku-
bassaleikari sem er frændi Gilsa
í Sniglabandinu. Andrea Jónsdótt-
ir ætlar svo að syngja af sinni
alkunnu snilld.“
Eins og eðlilegt er hafa þessir
árlegu tónleikar skapað sér nafn
og fastan áhorfendakjarna. „Það
er alltaf fín mæting og nánast
alltaf fullt,“ segir Tómas. „Við
höfum haldið þetta á ýmsum stöð-
um hér á Skaganum en í kvöld
verður þetta á Kaffi Mörk. Það
mun liggja frammi minningarbók
um Rúnar og baukur þar sem fólk
getur lagt í sjóðinn hans Rúnars
sem stofnaður var til að styrkja
ungt tónlistarfólk. Það kostar
þúsund kall inn eins og það hefur
gert frá byrjun. Við tökum ekki
þátt í verðbólgunni, var Rúnar
vanur að segja.“
drgunni@frettabladid.is
Blúsað til heiðurs Rúnari
KURT COBAIN Ónýtur gítar úr eigu Kurts Cobain var seldur á
uppboði fyrir hundrað þúsund dollara.
EARTHA KITT Bandaríski skemmtikraftur-
inn Eartha Kitt lést á jóladag, 81 árs.
NORDICPHOTOS/GETTY
B A N K A S T J Ó R A R N I R
Kveðjum árið með nýju
Bankatertunni!
SKAPANDI
SKRIF
með Þorvaldi Þorsteinssyni
(Skilaboðaskjóðan, Blíðfinnsbækurnar,
And Björk, of course..., Vasaleikhúsið)
Langar þig að kynnast sagnameistaranum sem í þér býr?
Vantar þig leiðsögn og hvatningu?
Hvort sem þú ert að feta þín fyrstu skref eða hefur reynslu af
skrifum, þá er þetta námskeið sem nýtist þér.
18. - 28. ágúst nokkur sæti laus
Framhaldsnámskeið!
1. - 11. september skráning hafin
Nokkrar umsagnir þátttakenda:
"Frábært námskeið sem opnar nýja sýn á lífið og tilveruna."
"Fær mann til að hugsa upp á nýtt!"
"Ófyrirgefanlega gaman og nærandi fyrir sálina...”
Námskeiðin fara fram í Rope Yoga setrinu í Laugardal
Nánari upplýsingar á kennsla.is og í síma 8223699
Skráðu þig núna á kennsla.is!
5. - 15. janúar nokkur sæti laus
2. - 12. febrúar skráning stendur yfi r
Fra haldsnámskeið!
19. - 29. janúar skráning hafi n
„...fyrst á visir.is“
...ég sá það á visir.is