Fréttablaðið - 30.12.2008, Blaðsíða 17
Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
„Ég er að vinna á starfsstöð fyrir
geðfatlaða á gamlársdag, en þar
starfa ég aðra hverja helgi og svo
einstaka helgidaga. Eftir vinnu
fer ég svo heim að elda, en eftir
nokkrar bollaleggingar komumst
við fjölskyldan að þeirri niður-
stöðu að hafa pörusteik í matinn á
gamlársdag. Reyndar gerum við
matinn saman þótt ég sé verk-
stjórinn,“ svarar rithöfundurinn
Kristlaug María Sigurðardóttir,
betur þekkt sem Kikka, spurð um
hvernig hún ætli að verja áramót-
unum.
Kikka segist hlakka til að geta
haft það gott með fjölskyldunni og
slappað af enda hefur hún haft í
nógu að snúast að undanförnu.
Hún sendi frá sér bók um Jón Ólaf
jólasvein fyrir jól, en rétturinn að
henni hefur verið seldur til Þýska-
lands. Svo hefur hún verið önnum
kafin við að ljúka við framhald
þeirrar bókar sem kallast Jón
Ólafur, Með dauðann á hælunum,
sem kemur út í október á næsta
ári. Áramótin eru því kærkomin
hvíld.
„Þetta verður rosalega gott,“
segir hún og bætir við að gamlárs-
kvöld sé þó að mestu leyti óplanað.
Helst standi til að horfa á Skaupið
ásamt fjölskyldunni og kvikmynd-
ina 90 ára afmælið sem er alltaf
sýnd í danska sjónvarpinu um ára-
mót, að ógleymdu ávarpi Dana-
drottningar. „Þetta eru sjálfsagt
nokkrar af fáum hefðum sem við
Loftur, maðurinn minn, tileinkuð-
um okkur á meðan við bjuggum í
Danmörku og höfum haldið í upp
frá því. Til allrar hamingju tókum
við ekki upp á því að borða þorsk á
gamlárskvöld eins og Danir gera
þótt fiskurinn sé alveg ágætur
aðra daga.“
Kikka segist ekki vera mikið
gefin fyrir flugelda, eiginlega sé
hún bara hálfhrædd við þá og
ætlar því að eftirláta fjölskyld-
unni að skjóta nokkrum upp meðan
hún fylgist með út um gluggann.
Hins vegar geti vel farið að fjöl-
skyldan skelli sér saman á brennu.
„Já, enda orðið nokkuð langt síðan
maður hefur gert það. Brennt burt
gamla árið og fagnað því nýja með
þessum hætti,“ segir hún hress.
„Við fjölskyldan höfum síðan
haft fyrir hefð að fara saman í
gönguferð á nýársdag. Við tínum
þá upp rakettuprikin sem eru úti
um allt og ræðum hvað við vonum
að komandi ár beri í skauti sér,
hvers við óskum fyrir okkur sjálf
og umhverfið okkar,“ bendir hún á
en tekur þó fram að annars sé hún
lítið gefin fyrir hvers kyns hefðir,
hvort sem þær eru í tengslum við
helgidaga eða bara almennt. „Það
er helst að börnin séu að verða
hefðbundin og ég beygi mig bara
undir þeirra vilja.“
roald@frettabladid.is
Fer að vilja barnanna
Kristlaug María Sigurðardóttir rithöfundur ætlar að hafa það notalegt um áramótin ásamt fjölskyldunni.
Eldamennska, áhorf á ávarp Danadrottningar og heimsókn á brennu er meðal annars á dagskránni.
„Við erum eiginleg aldrei með sama matinn á gamlárskvöld. Einu sinni var ég með uppskrift að grænmetisrétti sem eiginmaður
Kolbrúnar Halldórsdóttur hafði gefið í einhverju blaði og ég varð að hringja í hann til að fá nánari ráðleggingar,“ segir Kikka.
MYND/ÚR EINKASAFNI
ÖRYGGISGLERAUGU eiga allir að hafa þegar skotið er
upp flugeldum, líka áhorfendur. Slysavarnafélagið Landsbjörg og
Blindrafélagið gefa 27.000 börnum öryggisgleraugu í ár og vilja
hvetja almenning til að meðhöndla flugelda af ábyrgð.
Umbo›s- og sölua›ili
Birkiaska ehf.
sími: 551 9239
www.birkiaska.is
Birkiaska