Fréttablaðið - 30.12.2008, Blaðsíða 42
26 30. desember 2008 ÞRIÐJUDAGUR
sport@frettabladid.is
HÁTÍÐAHLJÓMAR VIÐ ÁRAMÓT
31. DESEMBER GAMLÁRSDAGUR KL. 17
FLYTJENDUR: Ásgeir H. Steingrímsson og
Eiríkur Örn Pálsson trompetleikarar
Björn Steinar Sólbergsson orgelleikari
Aðgangseyrir: 2000
MIÐASALA fer fram í Hallgrímskirkju.
Sími: 510 1000. listvinafelag.is
> Haukur stóð sig mjög vel
Fjölnismaðurinn Haukur Helgi Pálsson stóð sig mjög
vel með ítalska liðinu Stella Azzurra í Meistaradeild
Evrópu yngri liða í körfubolta sem fram fór á milli jóla
og nýárs. Stella Azzurra endaði í 5. sæti á mótinu en
liðið vann tvo leiki og tapaði tveimur. Haukur var í
byrjunarliðinu alla leikina og stóð sig mjög
vel. Í leiknum um fimmta sætið vann Stella
slóvenska liðið Union Olimpija 89-75 og
var Haukur með hæsta framlag síns liðs í
leiknum. Haukur var með 12 stig, 5
fráköst, 4 stolna bolta og 2 varin
skot gegn Slóvenunum. Stella-liðið
er unglingalið Lottoamatica Roma
þar sem Jón Arnór Stefánsson
spilaði á síðasta tímabili.
FÓTBOLTI Árið 2008 hefur verið við-
burðaríkt fyrir besta knattspyrnu-
mann þjóðarinnar. Eiður Smári
Guðjohnsen hefur á nokkrum
mánuðum farið frá því að hljóta fá
tækifæri og vera á leið frá Barce-
lona til þess að vera mikilvægur
leikmaður í einu allra besta og
skemmtilegasta liði heims. Frétta-
blaðið settist niður með Eiði Smára
og birtist afrakstur þess viðtals í
dag og á morgun. Í dag er ætlunin
að fara yfir framtíð Eiðs Smára
með íslenska landsliðinu.
Eftir að hafa unnið sér sæti í liði
Barcelona varð Eiður Smári fyrir
þeirri óskemmtilegu reynslu að
meiðast illa í landsleik á móti
Makedóníu. „Þetta var ömurleg
tímasetning til að meiðast,“ segir
Eiður sem missti af mörgum leikj-
um með Barcelona-liðinu.
„Öll þessi umræða um að þetta
hafi verið áfall og hvort að það sé
þess virði að koma og spila fyrir
landsliðið er svolítið ýkt. Auðvitað
er þess virði að koma í landsleik-
ina. Ég vil spila fyrir Ísland og
geri það glaður,“ segir Eiður en
upphaf umræðunnar var viðtal í
spænska blaðinu Sport.
Aðeins frí í æfingaleikjum
„Viðtalið var tekið aðeins úr
samhengi. Blaðamaðurinn spurði
hvort það væri þess virði að fara
að spila fyrir Ísland þegar það
mæta hundrað þúsund manns á
Nou Camp en þið eruð 300 þúsund.
Hann sagði síðan frá þessu frá
hans hlið,“ rifjar Eiður upp.
„Ég svaraði honum að það hafi
vaknað hjá mér sú spurning hvort
það sé þess virði innan gæsalappa
en það berst ekki til Íslands að ég
hafi sagt innan gæsalappa. Auð-
vitað er það alltaf þess virði því ég
myndi ekki koma annars ef ég
hefði ekki gaman af þessu og
myndi ekki vilja spila,“ segir
Eiður sem segir að það sé einungis
ætlunin að fá frí í æfingaleikjum
þegar mikið er að gera hjá Barce-
lona.
Hefur fengið góðan skilning
„Það var aldrei talað um alvöru
alþjóðlega leiki í undankeppnum.
Þetta átti aðeins við um æfinga-
leiki,“ segir Eiður.
„Ég ætla að vera með hundrað
prósent mætingu í alvöruleiki ef
ég er í lagi. Hvað æfingaleikina
varðar þá tekur maður ekki áhætt-
una ef maður glímir við ein-
hver vöðvameiðsli og við
erum að fara að spila í
Meistaradeildinni eða
það eru mikilvægir
leikir fram undan.
Ég gerði þetta
þegar ég var hjá
Chelsea og ég hef
alltaf fengið mjög
góðan skilning á þessu hjá lands-
liðsþjálfurum,“ segir Eiður sem
segist koma í æfingaleikina ef
þjálfararnir þurfa virkilega á
honum að halda.
„Það er betra fyrir mig að vera
hér í Barcelona og æfa vel með
liðinu og vera þá ferskur og ekki
búinn að spila í miðri viku þegar
aðrir koma þreyttir til baka. Þá
hugsar þjálfarinn, ég kannski
nota frekar Eið sem er búinn
að vera hér,“ segir Eiður sem
sagðist hafa oft fagnað því að
koma í æfingaleiki og fá að
spila 90 mínútur þegar hann
væri að spila lítið með sínu
liði.
Hefur reynst mér vel
Eiður segist vera í góðu
sambandi við Ólaf Jóhann-
esson, landsliðsþjálfara.
„Hann hefur reynst mér
mjög vel. Ég bað hann um
frí í fyrsta landsleiknum
hans sem var á móti
Dönum þar sem ég
útskýrði fyrir honum af
hverju og hvað var á
bak við þá ákvörðun.
Það var ekkert
vandamál og
hann virðir það alveg að menn eru
ekki bara knattspyrnumenn held-
ur eiga sitt persónulega líf líka. Ég
er mjög þakklátur fyrir þann
skilning sem hann hefur sýnt
mér,“ segir Eiður sem gerir ekki
mikið úr því að hafa misst fyrir-
liðabandið eftir að hafa verið fyr-
irliði í 26 leikjum og í fimm ár.
„Ég held, án þess að Óli hafi
útskýrt þetta mikið fyrir mér, að
þetta snúist um það að hann vildi
hafa mann aftar á vellinum með
bandið. Ég held að hann geri alveg
sömu kröfur til mín og kannski
enn meiri hvort sem ég er
með fyrirliðabandið eða
ekki. Það er ágætt að
hafa bara einn geðsjúk-
ling þarna aftast með
bandið,“ sagði Eiður
Smári í léttum tón. „Ég
tel mig
ekki vera
minna mikil-
vægur fyrir
liðið. Þetta hefur
ekki breytt neinu
fyrir mig nema að
ég þarf ekki að mæta
á alla blaðamannafundi,“
segir Eiður.
Íslenska landslið-
ið átti gott ár
og það var
allt annað
að sjá til
liðsins.
„Það er
kominn
meiri
ferskleiki í
okkur aftur
og það hefur vaknað meiri
jákvæðni í kringum liðið,“ segir
Eiður Smári.
„Það er frábært að hafa unnið
Makedóníu. Við spiluðum vel í
Noregi þar sem við náðum stigi og
það var síðan sorglegt að ná ekki
stigi á móti Skotum en það fóru
allir að tala um að það væri eitt-
hvað jákvætt í gangi. Það er það
skemmtilega við þetta, að fólk er
farið að líta jákvæðara á okkur
aftur. Þetta var orðið hálfsúrt
undir lok síðustu riðlakeppni og
það þurfti meiri jákvæðni í þetta,“
segir Eiður.
Leiðinlega orðið
Eiður segir oft erfitt að
glíma við þær miklu vænt-
ingar sem til hans eru
gerðar með landsliðinu en
hann hafi með meiri
reynslu lært að vinna betur
úr þessu.
„Ég kem í lands-
leikina og reyni að
hafa gaman af
þessu. Það er
gaman að hitta
strákana á
æfingu og það
er gaman að
spila þessa
landsleiki.
Mér finnst
mjög leiðin-
legt þetta
orð sem
kemur
pínu upp í
umsögn
um mig í
landsleikj-
um – að ég
sé áhuga-
laus og
nenni
þessu ekki.
Það er bara
kjaftæði
því ef ég
nenni þessu
ekki þá kem
ég ekki,“ segir Eiður og bætir við:
„Mér finnst ekkert gaman að
hanga inni á hóteli þrjá daga fyrir
leik eða ferðast í tíu tíma og myndi
frekar kjósa að vera heima með
fjölskyldunni ef ég myndi ekki
nenna þessu,“ segir Eiður sem
hefur leikið 55 landsleiki og skor-
að í þeim 22 mörk. Hann er marka-
hæsti leikmaður Íslands frá upp-
hafi.
Stolt og gleðitilfinning
„Það sem stendur upp úr er að
þegar við vinnum þá er þetta svo
sætt og svo gaman. Þá kemur svo
mikil gleðitilfinning og stolt í
mann að það verður allt þess virði.
Við þurfum bara að bíða lengur
eftir sigrinum,“ segir Eiður léttur
en hann hefur verið í sigurliði í 17
af þessum 55 landsleikjum.
Á morgun: Eiður talar um hvað hefur
breyst hjá Barcelona-liðinu, fer yfir fram-
tíðarplönin, segir frá Guardiola þjálfara
og þá kemur í ljós hver er mikilvægasti
leikmaður Barca-liðsins að hans mati.
ooj@frettabladid.is
Mun mæta í alla alvörulandsleiki
Eiður Smári Guðjohnsen fer yfir landsliðsmálin í viðtali við Fréttablaðið. Hann ræðir viðtalið umrædda
sem birtist á Spáni, talar um það að missa fyrirliðabandið og fer yfir gott ár hjá íslenska landsliðinu.
MEIÐSLIN UMRÆDDU Eiður Smári
sést hér út við hliðarlínu eftir að hann
meiddist í leiknum á móti Makedóníu.
FRÉTTABLAÐIÐ/VALLI
22 MÖRK
Það hefur
enginn skorað
fleiri mörk fyrir A-
landslið karla en Eiður
Smári Guðjohnsen.
FRÉTTABLAÐIÐ/VILHELM
FÓTBOLTI Steven Gerrard,
fyrirliði Liverpool, lenti í
vandræðum í fyrrakvöld eftir að
hafa leitt sína menn til 5-1 sigurs
á Newcastle og þriggja stiga
forskots á toppi ensku úrvals-
deildarinnar.
Gerrard var handtekinn ásamt
fimm öðrum eftir að hafa lent í
útistöðum á næturklúbbi í
Southport. 34 ára maður var
fluttur á sjúkrahús með áverka á
andliti en ekki í lífshættu. Síðast
þegar fréttist var enski lands-
liðsmaðurinn enn í varðhaldi. - óój
Gerrard, fyrirliði Liverpool:
Handtekinn
fyrir slagsmál
Handboltakonan Anna Úrsúla Guðmundsdóttir er á leiðinni
í dönsku úrvalsdeildina þar sem hún mun spila með Team
Esbjerg liðinu sem er um miðja deild. Anna fer út eftir
áramót en fékk að fara heim til að kveðja fjölskylduna.
„Þeir voru að reyna að fá mig í sumar en þá ákvað ég að
fara í Stjörnuna í staðinn. Ég sló síðan til og fór á æfingu
hjá þeim um helgina, það gekk bara vel og við erum í
samningaviðræðum núna,” segir Anna sem er pottþétt á að
fara út þótt ekki sé búið að ganga frá öllum málum.
„Þetta er búið að vera ákveðið markmið hjá mér og
það er frábært að hafa fengið þetta tækifæri“ segir
Anna en hún á einnig að baki eitt ár í Noregi.
„Þegar ég ákvað að koma heim frá Lavanger þá
voru nokkur lið að spyrjast fyrir um hvort ég
hefði áhuga á því að koma. Ég ákvað að koma
heima að læra,“ segir Anna.
„Ég er í láni hjá Stjörnunni í hálft ár í viðbót
þannig að ég myndi bara fyrst gera hálfs árs
samning. Þetta er svolítið flókið því ég er síðan
í láni frá Gróttu til Stjörnunnar og þeir ætla að lána mig áfram til
Esbjerg í þetta hálfa ár. Svo þurfum við að fara í gegnum Gróttu
ef við ætlum að framlengja samninginn. Þetta er mjög flókið en
gengur vonandi upp,“ segir Anna bjartsýn.
„Þetta var skyndiákvörðun og það vissi þetta enginn. Ég ætlaði
bara að fara út og athuga hvernig þetta gengi,“ segir Anna en um
leið þurfti hún að fórna deildarbikarnum með Stjörnuliðinu. „Það
var hrikalega erfitt að fara frá Stjörnunni. Ég hef samt engar
áhyggjur af þessu Stjörnuliði því það er svo mikil liðsheild
innan þess. Það skiptir engu máli hver kemur inná eða
hver dettur út. Það var samt voða leiðinlegt að fá ekki
að vera með. Ég var búin að reyna að fá einhvern
anann tíma fyrir þessar æfingar en það gekk því
miður ekki,” segir Anna.
„Það var hrikalega gaman að fara á þessa einu
æfingu og ég fann það á þessarri æfingu hvað ég
get lært mikið á bara einni æfingu. Það er eins og
allar æfingar sé landsliðsæfingar,“ segir Anna að
lokum.
ANNA ÚRSÚLA GUÐMUNDSDÓTTIR: STJARNAN ER MEÐ HANA Í LÁNI FRÁ GRÓTTU OG LÁNAR HANA TIL TEAM ESBJERG
Þetta er mjög flókið en gengur vonandi upp
FÓTBOLTI Manchester United ætlar
ekkert að gefa eftir í toppbaráttu
ensku úrvalsdeildarinnar eftir 1-0
sigur á Middlesbrough á Old
Trafford í gær. United er nú sjö
stigum á eftir toppliði Liverpool
en á enn tvo leiki til góða.
Það var Búlgarinn Dimitar
Berbatov sem skoraði sigurmark-
ið í seinni hálfleik en í leiknum á
undan á móti Stoke annan dag
jóla þá átti hann einnig mikinn
þátt í 1-0 sigri með því að leggja
upp sigurmarkið fyrir Carlos
Tevez.
Cristiano Ronaldo var í
sviðsljósinu í fyrri hálfleik þar
sem hann fór illa með nokkur góð
færi og lenti síðan upp á kant við
Austurríkismanninn Emanuel
Pogatetz. Ronaldo gæti lent í
vandræðum fyrir að hlaupa á
eftir Pogatetz og ýta í hann þegar
liðin gengu til hálfleiks en
skömmu áður hafði Pogatetz tekið
á Ronaldo í leiknum sjálfum. - óój
Enska úrvalsdeildin í gær:
Mikilvægt mark
hjá Berbatov
DÝRMÆTUR Dimitar Berbatov hefur gert
út um tvo síðustu leiki. NORDICPHOTOS/GETTY