Tíminn - 13.08.1982, Blaðsíða 3

FÖSTUDAGUR 13. ÁGÚST 1982
3
fréttir
Stjórn Seðlabankans:
VILL 6% NÆKKUN VAXTA
OG DRATTARVEXTI í 5%
■ Stjóm Seðlabanka íslands mun hafa
lagt til við ríkisstjóraina að vextir hækki
um sem nxst sex prósent á óverðtryggð-
um lánum og þá jafnframt innistæður,
og að dráttarvextir hækki upp í fimm
prósent, samkvæmt traustum heimild-
um Timans.
Steingrímur Hermannsson, formaður
Framsóknarflokksins, vildi ekki stað-
festa þessar tölur í samtali við Tímann
í gær, en sagði: „Ég treysti mér ekki til
að fylgja því að vextirnir verði látnir
hlaupa á eftir verðbólguskriðunni,
sérstakiega á ég þá við vexti af rekstrar
og afurðalánum, því við erum komin út
í algert fen með þann gífurlega
fjármagnskostnað sem á atvinnuvegun-
um lendir".
Hann kvað það líka alltaf hafa verið
meininguna að raunvextir næðust fyrst
og fremst með lækkun verðbólgunnar.
Jafnframt kvað það líka alltaf hafa verið
meininguna að raunvextir næðust fyrst
og fremst með lækkun verðbólgunnar.
Jafnframt kveðst hann þeirrar skoðunar
að vextir á rekstrarlánum eigi að vera
lægri en almennir vextir, enda sé það svo
hjá öllum nálægum þjóðunt. „Ég veit
a.m.k. ekki til þess þar sem verðbólgan
er hæst annarsstaðar, að menn hafi
treyst sér til að fara með slíka vexti upp
í verðbólgustigið." HEI
■ Slökkviliðið í R'eykjavík var kvatt
að Kjötbúðinni Borg við Laugarveg í
Reykjavík laust eftir klukkan 23 í
fyrrakvöld. bar hafði þá verið lagður
eldur að öskutunnum sem standa við
vegg frystigéymslu verslunarinnar.
Logaði upp úr öskutunnunum og náði
eldurinn að læsa sig í þakskcgg
geymslunnar.
Talsverðar skemmdir af reyk urðu í
geymslunni. Talsvert af kjöti er talið
ónýtt. Einnig munu frystitæki hafa
orðið fyrir skemmdum.
Fljótlega gekk að ráða niðurlögum
eldsins en slökkviliðsmenn voru þó á
vakt á brunastað til klukkan rúmlega
þrjú í fyrrinótt.
-Sjó.
Tímamynd Sverrir
Atlantshafsflug Flugleida:
FARÞEGUM FJÖLGAÐ UM 27
ÞÚSUND MIÐAÐ VIÐ í FYRRA
■ Farþegafjöldi Flugleiða milli Banda-
ríkjanna og Evrópu hefur verið mun
meiri það sem af er sumri en á sama tíma
í fyrra. Kemur það saman við þær spár
sem sætaframboð félagsins var byggt á,
en það var aukið um nær 30% frá síðasta
sumri, segir í frétt frá Flugleiðum.
Ennfremur segir í fréttinni: „Það sem
af er árinu hafa farþegar á Ameríkuleið-
inni verið 27 þúsund fleiri en í fyrra.
Eins og fram kom á fundi IATA fyrir
skömmu, eru fargjöld hins vegar enn of
lág á þessari flugleið miðað við
tilkostnað. Yfir háannatímann fljúga
vélar Flugleiða 12 sinnum í viku milli
Evrópu og Bandaríkjanna." - Sjó.
Hreppsnefnd Hvalfjarðar-
strandarhrepps:
Skorar á ríkis-
stjórnina að
mótmæla hval
veiðibanninu
■ „Hreppsnefnd Hvalfjarðarstrandar-
hrepps skorar á ríkisstjórnina að
mótmæla samþykkt Alþjóðahvalveiði-
ráðsins um bann við hvalveiðum frá og
með árinu 1986,“ segir í frétt-frá
hreppsnefndinni.
Hreppsnefndin telur að þjóðir, sem
engra hagsmuna hafa að gæta, eigi ekki
að hafa ákvörðunarvald um það,
hvernig íslendingar nýta Aiðlindir sínar.
Hreppsnefndin bendir á, að hér er um
gífurlega hagsmuni að ræða, ekki aðeins
fyrir Hvalfjarðarstrandarhrepp, heldur
einnig fyrir nærliggjandi sveitarfélög og
þjóðarbúið í heild, enda eru hvalafurðir
1,3% af útflutningstekjum þjóðarinnar.
Þá minnir hreppsnefndin á, að
Hvalstöðin í Hvalfirði hefur verið rekin
í 35 ár og ekkert bendir til, að
hvalastofninn sé að ganga til þurrðar,
eða að honum sé ógnað með ofveiði.
-Sjó.
Flugleiðir taka upp
Baltimoreflug á ný
■ Flugleiðir hafa ákveðið að taka upp
að nýju áætlunarflug milli Baltimore í
Bandaríkjunum og Evrópu. Fyrsta
ferðin verður farin 7. nóvember.
í frétt frá Flugleiðum segir, að í vetur
verði flogið frá Luxemborg um Keflavík
og Chicago til Baltimore og síðan beint
þaðan til Luxemborgar. Næsta sumar er
ákveðið að fljúga tvisvar til þrisvar í viku
milli Baltimore og Luxemborgar og þá
með viðkomu í Keflavík á báðum
leiðum. -Sjó.
■ Bandaríski ísbrjóturinn NORTHWIND liggur nú í Sundahöfn í Reykjavík.
Eríndið er að hvfla áhöfnina og sækja vatn og vistir. Meðan skipið verður hér er
almenningi boðið að skoða það frá kl. 09.00 til kl. 11.00 fyrir hádegi og frá kl. 13.00
til 16.00 eftir hádegi.
Tímamynd: ELLA.
Stefán Skarp-
hédinsson:
Skipaður
sýslumaður
Barð-
strendinga
■ Forseti íslands hefur skipað
Stefán Skarphéðinsson héraðsdóms-
lögmann til að vera sýslumaður í
Barðastrandarsýslu frá 15. ágúst
1982 að telja.
Umsækjendur um embættið auk
Stefáns voru Haraldur Blöndal
hæstaréttarlögmaður og Ríkharður
Másson dómarafulltrúi.
Bfll
ók útaf
■ Mazda-bifreið varð fyrir tals-
verðum skemmdum þegar henni var
ekið út af veginum í Norðurárdal í
Borgarfirði, skammt frá Bifröst, um
klukkan 22 í fyrrakvöld.
Tvennt var í bifreiðinni. Hvorugt
þeirra sakaði. - Sjó.
Fimm á
slysadeild
eftir aftan-
ákeyrslu
■ Firnm voru flutt á slysdeild cftir
mjög harðan árekstur sem varð á
Kleppsvegi, móts við hús númer 120,
um klukkan 17.15 í gær.
Að sögn lögreglunnar í Reykjavik
var hér um aftanákeyrsiu að ræða.
Bíll sem var kyrrstæður við hús
númcr 120 fékk aftan á sig annan bíl
sem ekið var eftir götunni. Bílarnir
skemmdust mikið og þurfti að flytja
annan þeirra af vettvangi með
kranabíl.
Ekki fengust upplýsingar um
hversu alvarlega fólkið sem flutt var
á slysadeild slasaðist. - Sjó.
Flugleiðir í
samvinnu
vid stjóm-
völd á
Seychelles-
eyjum?
■ „Stjórnvöld á Sey-
chelles-eyjum hafa ósk-
að eftir samvinnu við
Flugleiðir um stofnun
flugfélags á eyjunum.
Fulltrúar Flugleiða
ræddu við ráðherra úr
ríkisstjórn eyjanna og
forsetann um þetta mál
fyrr í sumar,“ segir í
frétt frá Flugleiðum.
„í framhaldi af þeim
viðræðum gerðu Flug-
leiðir tilboð um að láta
eina DC-8 þotu félagsins
fljúga einu sinni í viku
milli Seychelles-eyja og
Luxemborgar. Er nú
beðið svars frá ríkis-
stjórn eyjanna. Flugleið-
ir hafa frá upphafi gert
ráðamönnum eyjanna
ljóst að félagið muni
ekki taka neina fjárhags-
lega áhættu varðandi
þetta flug. Yrði áhættan
alfarið að verða heima-
manna.“
-Sjó