Tíminn - 16.11.1982, Blaðsíða 12

20
ÞRIÐJUDAGUR 16. NÓVEMBER 1982
18. flokksþing Framsóknarmanna
Stjórnmálaályktun
Framsóknarflokkurinn hefur þaö
meginmarkmið að standa vörð um
óskorað stjórnarfarslegt, efnahagslegt
og menningarlegt sjálfstæði þjóðarinnar
á grundvelli lýðræðis og þingræðis og að
beita sér fyrir alhliða framförum.
Framsóknarflokkurinn leggur áherslu
á að treysta atvinnulíf þjóðarinnar og
vili að það byggist á framtaki efnalega
sjálfstæðra manna sem leysa sameiginleg
verkefni á félagslegan hátt. Undirstaða
atvinnulífsins er verndun og skynsamleg
nýting íslenskra náttúrugæða.
Framsóknarflokkurinn vill leysa þau
vandamál, sem nú blasa við íslensku
þjóðinni, annarsvegar með átaki til að
nýta hina miklu framleiðslumöguleika
til lands og sjávar og hinsvegar með
mjög ákveðnum og undanbragðalausum
aðgerðum til að bæla niður þá verðbólgu
sem er höfuðmeinsemd efnahagslífsins.
Reynslan af efnahagsaðgerðum 1981
sýnir að niðurtalning verðbólgunnar er
möguleg. Tímafrekt samningsþóf við
hvert niðurtalningarskref hefur gefist
illa, og er því nauðsynlegt að áfangarnir
séu fyrirfram ákveðnir og lögbundnir.
Framsóknarflokkurinn leggur því
áherslu á að gerð verði áætlun um
samræmdar efnahagsaðgerðir til ákveð-
ins tíma, r.d. tveggja ára, sem leiði til
hjöðnunar verðbólgunnar en stuðli jafn-
framt að vexti þjóðartekna á ný.
Atjánda flokksþing Framsóknar-
mánna telur það brýnustu verkefni næstu
mánaða að bæta skilyrði atvinnuveganna,
eyða viðskiptahalla, stöðva skulda-
söfnun erlendis og draga úr verðbólgu
en án þess að komi til atvinnuleysis, í
því skyni leggur flokksþingið áherslu á
eftirfarandi ráðstafanir. En framkvæmd
þeirra ber að tryggja með nauðsynlegri
löggjöf:
Áhersla verði lög á aukna og bætta
framleiðslu til öflunar og sparnaðar
gjaldeyris, og eflingar þjóðarhags.
Gjöldum skal létt af atvinnuvegum til
samræmis við það sem gerist í viðskipta-
löndum okkar, og aðbúnaður þeirra
bættur á annan hátt.
Dregið verði úr víxlverkun verðlags og
launa með breytingu á vísitölukerfinu.
Dregið verði úr eyðslu og ótímabærri
fjárfestingu og störf frjárfestingalána-
sjöða verði samræmd slíkri stefnu.
Erlendar lántökur skal takmarka við
hluta af stofnkostnaði iiarðbærra fram-
kvæmda.
Meðan halli er á viðskiptajöfnuði
verði leitað allra leiða sem færar eru með
hliðsjón af samningum við önnur ríki,
til þess að draga úr innflutningi.
Spornað verði við afborgunarkaupum
og eyðslulánum.
Dregið verði úr opinberum útgjöld-
um.
Gerðar verði ráðstafanir til hjöðnunar
verðbólgu í áföngum. Hámark verði
sett á hækkanir á vísitölubótum, al-
mennu verðlagi, búvöruvcrði og fisk-
verði og ávöxtunarkjör ákveðin í sam-
ræmi við það. Grunnkaupshækkunum
verði frestað.
Samfara þessu ber að leggja kapp á
að varðveita kaupmátt almennings í
samræmi við þjóðartekjur og jafna
lífskjörin. Gæta skal þess að sá samdrátt-
ur sem nauðsynlegur kann að reynast í
bili bitni síst á þeim sem lægst eru
launaðir.
Flokksþingið leggur áherslu á að
leitað verði víðtækrar samstöðu um
þessar aðgerðir, enda mikilvægt að
ráðstafanir njóti skilnings og trausts.
Á Alþingi ríkir nú óvissa. Framsókn-
arflokkurinn mun nú sem fyrr láta
ábyrgð ráða gerðum sínum. Hann leggur
áherslu á _að staðið verði við þær
samþykktir sem gerðar hafa verið í
efnahagsmálum og í frekari aðgerðir
ráðist eins og nauðsyn krefur til að draga
úr hinum ískyggilega viðskiptahalla.
Flokksþingið telur að við núverandi
aðstæður á Alþingi sé eðlilegt að gengið
verði til kosninga snemma á næsta ári.
Framsóknarflokkurinn mun enn sem
fyrr leggja áherslu á jöfnuð og öryggi
landsmönnum öllum til handa og vill
stuðla að bættu mannlífi með betri
vinnuskilyrðum og heilbrigðu tóm-
stundalífi einstaklinga og fjölskyldna.
Flokkurinn telur mikilvægt að saman
fari farsælar framfarir, öflugar mengun-
arvarnir og verndun þess sem mest á
veltur að óspillt haldist í náttúru
landsins. Flokkurinn telurþaðverulegan
þátt í lífskjörum manna að eiga kost á
þvi að búa í ómenguðu umhverfi og hafa
aðgang að óspilitu landi.
■ Búnaðarfrömuðir á flokksþingi. Ásgeir Bjarnason form. Búnaðarfélags ísl., Halldór Pálsson fyrrverandi búnaðarmálastjóri, Jónas Jónsson búnaðarmálastjúri og
Magnús Ólafsson yfirkennari á Hvanneyri.
■ Tómas Amason ritari Framsóknarflokksins flytur skýrslu sína,
■ Haildór Ásgrimsson varaformaður Framsóknarflokksins flytur skýrsiu um
Tímann, en hann er formaður blaðstjórnar. Timamynd Róbert
Túnamynd Róbert
Stjórnarskrármálið
18. flokksþing Framsóknarmanna
haldið í Reykjavík 13.-15. nóvember
1982, felur þingflokki að vinna að því
að heildarendurskoðun stjórnarskrár-
innar ljúki sem allra fyrst.
Þingið telur að almenn þjóðmálaum-
ræða þurfi að eiga sér stað um nefndar-
álitið og að efna beri til sérstaks stjórn-
lagaþings sem leitast við að ná þjóðar-
sáttum um stjórnskipan landsins. Þingið
varar við stjórnarskrárbreytingum um
kjördæmamálið eitt, en vekur athygli á
þeim breytingum sem hægt er að gera
innan kosningalaganna.
í viðræðum um kjördæmaskipan og
kosningafyrirkomulag verði lagt til
grundvallar:
1. Vægi atkvæða verði sem næst því sem
var fyrst eftir að núverandi kjördæma-
skipun var komið á. Þetta verði
fremur gert með breyttum reglum um
úthlutun uppbótarþingsæta en fjölgun
þingamanna.
2. Kjördæmakjörnum þingmönnum
verði ekki fækkað í neinu kjördæmi
miðað við það sem nú er.
3. Kosningaréttur miðist við 18 ára
aldur.
4. Kosning þingmanna verði persónu-
bundnari en nú er.
Mennta og
menningarmál
Almenn menningarmál.
Framsóknarflokkurinn vill stuðla að
því að blómlegt menningarlíf megi
dafna í landinu. Ríkisvaldinu ber að
örva framtak áhugamanna á þessu sviði.
Vinna skal að því að menningarstofnanir
landsins fái nægilegt fé og mannafla til
að sinna skyldum sínum af fullri reisn.
Á tímum hraðfara þjóðlífsbreytinga
verður sú nauðsyn æ brýnni að lögð sé
rækt við þjóðleg menningarverðmæti,
sem fyrri tíðar menn hafa látið eftir sig.
Á undanfömum árum hefur miðað vel
því nauðsynjaverki að koma þjóðar-
bókhlöðu undir þak, og ber að fagna
því. Á hverri tíð skal setja sér slík
ákveðin verkefni í stórframkvæmdum
vegna menningarmála og vinna að þeim
af dugnaði og festu.
Safnamál þjóðarinnar þarf að taka til
endurskipulagningar. Þjóðminjasáfn
þarf að efla, og styrkja þarf byggða- og
minjasöfn úti um land, en jafnframt að
samræma störf þeirra til þess að koma í
veg fyrir tvíverknað. Víða um land hafa
áhugamenn unnið mjög gott starf að
minjasöfnun. Brýnt er að safna minjum
frá tæknibyltingu þessarar aldar, minjum
sem nú fara óðfluga forgörðum.
Annað undirstöðusafn landsins er
Þjóðskjalasafn. Húsnæðismál þess þarf
að leysa til frambúðar svo það geti gegnt
ómetanlegu hlutverki sínu. Samræma
þarf skráningu skjala ríkisins og annarra
opinberra aðila.
Listasafn rfkisins eygir nú lausn hús-
næðisvanda síns. Er það fagnaðarefni,
auk þess sem þá batnar um leið aðstaða
Þjóðminjasafns.
Þá má benda á hið mikilvæga hlutverk
Náttúrugripasafns og hve brýnt er að
hlúa að starfsemi þess. Ennfremur
verður að gera náttúrugripasöfn að
lifandi þætti í skólastarfi um land allt.
Almenningsbókasöfn hafa á seinni
árum þróast í það horf að vera almennar
menningarmiðstöðvar, þar sem ekki er
einungis hægt að fá lánaðar bækur,
heldur einnig myndir, hljómplötur,
hljóðbönd, hlýða á fyrirlestra, horfa á
kvikmyndir og leiksýningar o.s.frv. Al-
menningsbókasöfn á íslandi eiga mörg
hver langt í land að verða slíkar
stofnanir en að því ber að stefna.
Höfundaréttur verði tryggður betur
en nú er, og rithöfundar fái greitt fyrir
útlán en ekki eintök í bókasafni. Ríkis-
framlög til styrktar einstaklingum á sviði
lista, bókmennta og fræða verði endur-
skipulögð.
Framsóknarflokkurinn fagnar því að
sett hafa verið lög um Sinfóníuhljóm-
sveit íslands. Mun það stuðla að því að
koma starfsemi hennar í fastara form og
hún nýtist landsmönnum öllum framar
þvt' sem verið hefur.
Stuðla skal að því að Þjóðleikhúsið
geti sinnt þeim skyldum sem því með
lögum eru lagðar á herðar fyrir framgang
leiklistar, óperuflutnings og listdans.
Framsóknarflokkurinn leggur áherslu
á að það menningarstarf sem áhugafélög
um leiklist, sem starfá við mjög erfiðar
aðstæður, verði metið að verðleikum.
Stofn íslensku óperunnar er dæmi um
frumkvæði og framtak áhugafólks sem
ber að fagna. Óperan ber vitni atorku
og bjartsýni sem gjaman mætti njóta sín
á fleiri sviðum.
Framsóknarflokkurinn telur kristin
lífsviðhorf undirstöðuatriði ■ íslenskrar
menningar og þjóðlífs og vill hlúa að
kristilegu og kirkjulegu starfi.
Framsóknarmenn beittu sér á sínum
tíma fyrir stofnun Menningarsjóðs og
menntamálaráðs. Sú stofnun hefur
veigamiklu hlutverki að gegna. Með
rýmkuðum fjárhag gæti hún beitt sér enn
frekar en nú er fyrir útgáfu merkra
ritverka, svo sem þýðinga úrvalsverka í
skáldskap og fræðum. Einnig gæti
menntamálaráð haft forgöngu um útgáfu
alvarlegrar íslenskrar tónlistar á plötum
og nótum í samvinnu við Ríkisútvarpið
og samtök tónlistarmanna.
Leggja ber áherslu á að efla íslenska
kvikmyndagerð með því að stórefla
kvikmyndasjóð.
Rannsóknir á sögu og menningu
íslendinga, ekki síst íslenskra fombók-
mennta er eitt af helstu verkefnum æðri
mennta hér á landi. Brýnt er að sinna
rækilega þjóðfræðum og er athugandi
hvórt ekki skuli komið upp sérstakri
stofnun er hafí með höndum rannsóknir
á þjóðfræði íslendinga. Sérstök þörf er
á stuðningi við þýðingar íslenskra bók-
mennta á erlendar tungur.
ftíkisútvarpið
Efla ber Ríkisútvarpið og gera þvi
kleift að sinna vel margþættu upplýsinga,-
. menningar- og afþreyingar- hlutverki
sínu. Auka skal fjölbreytni efnis í
hljóðvarpi og hlustendum veitt aðstaða
til að velja um dagskrár. Þetta sé einkum
gert á þrennan hátt: