Tíminn - 31.03.1983, Blaðsíða 16

16
mmm
FIMMTUDAGUR 31. MARS 1983
Guffen 2,6 mykjudreifara
Guffen 4,2 mykjudreifara
Bögballe 221 fyrir tilbúinn áburö
BÆNDUR
Hugsið snemma til
vorverkanna
Eigum til afgreiðslu strax
Bögballe 600 fyrir tilbúinn áburð
VÉLADEILD SAMBANDSINS
BÚVÉLAR Ármúla 3 Reykjavik S. 38 900
%'
Úmferð um páska
■ Um páskahelgina eru margir á ferð
og flugi um allt land. Allra veðra er von,
svo mikilvægt cr að klæðast hlýjum
fatnaði og góðum skóbúnaði, hvernig
sem ferðast er. Þeir sem fara á eigin
bílum þurfa að hafa meðferðis skóflu og
keðjur, auk nauðsynlegra varahluta,
ásamt skjólfatnaði og teppi.
Mikilvægt er að afla áreiðanlegra
upplýsinga um veður og færð, ekki síst á
fjallvcgum. Enginn ætti að leggja út í
tvísýnu, "því ekki er víst að aftur verði
snúið, ef menn sitja fastir á heiðum uppi.
Sérstaklega má benda þeim sem á ein-
hvern hátt hafa skerta likamsorku, t.d.
vegna heilsuleysis á þetta atriði.
Ekki er ólíklegt að nú séu malarvegir á
landinu einhversstaðar auðir og einmitt
nú fá margir að endurnýja kynni sín af
þeint. Þegar ekið er á malarvegum er
mikilvægt að hafa hættuna af grjótkasti
í huga.- Hún er mun meiri nú en að
sumarlagi, því flestir eru með snjóhjól-
barða undir bílum sínum. Það er því
brýnt að draga vel úr ferð við mætingar.
Notkun ökuljósa er einnig afar mikilvæg
og ættu ökumenn ekki að spara þau.
Stöðuljós má aldrei nota í akstri. Þeir
sem hyggja á langferðir ættu að reyna að
aka á jöfnum, hæfilegum hraða miðað
við aðstæður. Slíkur akstursmáti sparar
eldsneyti og eykur öryggi, því framúr-
akstri fylgir ætíð áhætta.
Víða má búast við mikilli umferð í
nágrenni skíðasvæða. Þar er sérstök
ástæða til að halda hæfilegu bili á milli
bíla. Tryggja þarf, að bílar sem lagt er
meðan menn bregða sér á skíði, valdi
ekki hættu fyrir aðra vcgfarendur. Gagn-
kvæm tillitssemi er allt sem þarf. Vegfár-
endur verða að virða þarfir og takmark-
anir hvers annars til að umferðin gangi
eðlilega og allir séu ánægðir á ferð.
Hestamcnn ættu t.d. að ríða utan vega
alls staðar þar sem kostur er, eða velja
fáfarna vegi. Ökumenn ættu að muna.
að hesturinn er lifandi vera, en ekki
dauð vél.
Sama tillitssemi á og að ríkja á milli
göngu- og skíðamanna og þeirra sem
aka um á vélknúnum farartækjum. Þetta
á ekki síst við um þá sem þeysa um á
vélsleðum. Akstur þeirra krefst marg-
háttaðrar tillitssemi.
Um leið og Umferðarráð óskar fólki
góðrar ferðar, hvort sem það fer í langar
ferðir eða stuttar, minnir það góðfúslega
á, að með því að virða í hvívetna reglur
um hámarkshraða eykst að mun eigið
öryggi og annarra í umferðinni. Ef fólk
hefur í huga það sem hér hefur verið
bent á, einsetur sér að vera í góðu skapi
og notar bílbeltin í páskaferðalaginu,
ættu allir að geta samglaðst í helgarlok
yfir velheppnaðri ferð.
Höfum boðskap norræns umferðarör-
yggisárs í huga í páskaumferðinni. Við
eigum samleið. Tillitssemi - allra hagur.
Umferðarráð óskar landsmönnum öllum
gleðilegrar og slysalausrar páskahátíðar.
Ferðir strætisvagna Reykjavíkur
um páskana 1983.
Skírdagur: Akstur eins og á venjulegum sunnudegi.
Föstudagurinnlangi: Akstur hefst um kl. 13.
Laugardagur: Ekið samkvæmt sunnudagstímatöflu. Akstur hefst á venjulegum tíma.
Páskadagur: Ekið eftir venjulegri laugardagstímatöflu. Akstur hefst um kl. 13.
Annar páskadagur: Ekið samkvæmt sunnudagstímatöflu. Akstur eins og á venjulegum sunnudegi.
Ath:
Ekki ekið að Geithálsi á föstudaginn langa og páskadag.
Aðstoð við landsbyggðina
Dreifbýlismiðstödin býður einstakl-
ingum og fyrirtækjum þjónustu sína.
Útvegum með stuttum fyrirvara flestar
þær vörur, sem þig kann að vanta.
Símaþjónusta: Ef nauðsyn krefur,
má hringja eftir iokun í síma 76941.
Dreifum einnig vörum utan af landi, í Reykjavík og nágrenni.
Opið virka daga frá kl. 9-12 og 14-17.
n
Skeifunni 8 - tfeykjavík. - Sími 91-39060.