Tíminn - 23.10.1983, Qupperneq 24

SUNNUDAGUR 23. OKTOBER 1983
kvikmyndasjá
■ Sean Connery snýr aftur sem James Bond, en „Segðu aldrei aftur aldrei" er sjöunda ■ Barbara Carrera leikur hættulegan andstæðing Jame Bonds i „Segðu aldrei aftur
kvikmyndin þar sem hann leikur 007. aldrei". Fatima Blush heitir hún og verkefni hennar er að veiða James Bond i net sitt og drepa
hann.
Sean Connery snýr aftur sem breski njósnarinn James Bond - 0Ö7:
„Segðu aldrei aftur aldrei”
■ Sean Connery hefur snúið aftur
sem James Bond. Fyrr í þessum
mánuði var fyrsta Bond-kvikmynd-
in, sem hann hefur leikið í siðan árið
1971, frumsýnd í Bandaríkjunum,
þar sem hún hefur hlotið góðar
viðtökur. Connery þykir þar leika
Bond af engu minna öryggi en áður,
þótt margir telji reyndar að leikkon-
an Barbara Carrera, sem fer með
hlutverk hættulegs andstæðings
Bonds, steli hreinlega senunni.
Pctta er sem kunnugt cr önnur af
tveimur Bond-kvikmyndum, sem frum-
sýndar hafa verið ytra á þessu ári. Hin
myndin er „Octopussy“, en þar fer
Roger Moore með hlutverk breska 007
njósnarans. Sú kvikmynd var frumsýnd
í sumar og er í fimmta sæti yfir þær
kvikmyndir sumarsins, sem gefið hafa
mest af sér í aðgangseyri vestra. Pví er
spáð að Connery-myndin muni ekki
síður ganga vel miðað við fyrstu við-
tökur.
Það má eiginlega segja að James Bond
sé þrítugur um þessar mundir, þar sem
fyrsta skáldsagan um þessa söguhetju
kom út árið 1953. Helstu „ævisöguatrið-
in“ á þessum þrjátíu ára ferli Bonds eru
rakin hér í annarri grein, en við skulum
aðeins líta nánar á nýjustu myndina.
Byggð á „Thunderball"
„Segðu aldrei aftur aldrei" er í öllum
meginatriðum byggð á skáldsögunni
„Thunderball", sem Ian Flemming
samdi upphaflega í samvinnu við kvik-
myndaleikstjórann Kevin McClory og
handritshöfundinn Jack Whittingham
sem kvikmyndahandrit. Kvikmynd með
þessu nafni var loks gerð árið 1965, svo
að segja má að hér sé um endurgerð
þeirrar myndar að ræða í nokkuð breyttu
formi. Framleiðandi myndarinnar er
Jack Schwartzman, en McClory sá, sem
áður er nefndur, er framkvæmdastjóri.
Segja má að reyndir mertn séu í hverju
rúmi við kvikmyndagerðina. Handritið
samdi Lorenzo Semple jr. eftir skáld-
sögu Flemings og félaga, en Semple
hafði þegar sýnt getu sína á því sviði við
gerð handrita að „Three Days of the
Condor“, sem er spennandi njósnamynd
sem Sidney Pollack leikstýrði, og „Flash
Gordon", sem endursýnd hefur verið í
Tónabtó síðustu dagana. Leikstjórinn er
heldur ekki af lakara taginu, sem sé Irvin
Kershner, sem m.a. leikstýrði „The Em-
pire Strikes Back“, sem er önnur kvik-
myndin í Stjörnustríðs þrennu George
Lucas. Douglas Slocombe stjórnaði
myndatöku (hann annaðist hið sama við
Ránið á týndu örkinni) en Ricou
Browning, sem stjórnaði neðansjávar-
myndatökunni á „Thunderball" um árið,
sá um sama verk við gerð þessarar nýju
myndar.
Barist við Spectre
Leikararnir eru heldur engir byrjend-
ur. Sean Connery hefur sjö sinnum farið
með hlutverk Bonds. Barbara Carrera,
sem fengið hefur sérlega góða dóma,
leikur fagurt morðkvendi. Fatima Blush
heitir hún og fær það verkefni að myrða
JAMES BOND - ANNÁLL ÞRJÁHU ÁRA
■ Roger Moore hefur leikið James Bond í sex kvikmyndum. Hér er hann í þeirri nýjustu - „Octopussy“ -
og virðist eiga í tímabundnum erfiðleikum.
■ Saga James Bond nær aftur til
ársins 1953 aðfyrsta skáldsaga lan
Flemings um þennan breska njósn-
ara var gefin út. Hér á eftir fer eins
konar annáll Bonds frá 1953 fram
til þessa dags þ.e. i 30 ár.
Vorið 1953
Fyrsta bókin, sem segir frá ævintýrum
breska njósnarans James Bond, kemur
á markað í Bretlandi. „ Casino Royale"
heitir hún og vekur þegar mikla athygli
á söguhetjunni og eins höfundinum, Ian
Fleming. Pví veldur m.a. sú áhersla, sem
lögð er á „sex og sadisma“ eins og það
var orðað.
Vorið 1954
Önnur Bond-sagan kemur út: „Live
and Lef Die“.
Október 1954
„Casino Royale“ sýnt sem sjónvarps-
leikrit í bandarísku sjónvarpsstöðinni
CBS. Barry Nelson leikur þar James
Bond, en Peter Lorre andstæðing hans,
rússneska njósnarann Le Chiffre.
Vorið 1955
Bond kemur í veg fyrir að London sé
sprengd í loft upp með kjarnorku-
sprengju er hann fer með sigur af hólmi
í baráttunni við Hugo Drax í „Too Hot
To Handle“, sem síðar fékk nafnið
„Moonraker“.
Haustið 1955
Ian Fleming semur uppkast að sjón-
varpsmyndaflokki sem bandaríska sjón-
varpsstöðin NBC hefur áhuga á að gera.
„Commander Jamaica" kallast mynda-
flokkurinn, og þar segir frá ætlunum um
að breyta stefnu eldflaugar, sem skotið
er á loft frá Canaveral-höfða. Ekkert
varð úr gerð myndaflokksins, en sögu-
þráðurinn varð síðar að „Dr. No“.
Vorið 1956
Bond á í átökum við gimsteinasmygl-
ara í „Diamonds Are Forever“.
Haustið 1957
CBS-sjónvarpsstöðin felur Flemingað
skrifa 32 þætti fyrir sjónvarp, en sá
myndaflokkur ferst einnig fyrir. Ný
Bond-saga, „From Russia with Love“,
sér dagsins ljós.
Vorið 1958
Bond hittir hina ómótstæðilega Hon-
eychile Rider í skáldsögunni „Dr. No“,
sem verður metsölubók. lan Fleming
sýnir mikinn áhuga á að gerð verði
kvikmynd um söguhetju sína og hefur
þá Richard Burton, James Stewart,
David Niven eða James Mason í huga í
aðalhlutverkið. Eftir margar tilraunir
hittir Fleming írska kvikmyndaleikstjór-
ann Kevin McClory og handritahöfund-
inn Jack Whittingham, sem ákveða í
sameiningu að fyrsta Bond-kvikmyndin
skuli gerð eftir nýju spennandi handriti
en engri þeirra sagna sem þegar höfðu
verið gefnar út. Peir semja uppkast að
handriti og nota vinnutitilinn „Longi-
tude 78 West“, sem síðar var breytt í
„Thunderball“ En ekki tekst að útvega
fjármagn til kvikmyndagerðarinnar og
þeir þremenningarnir fara því hver í sína
áttina. Fleming heldur áfram að skrifa
Bondsögur og er orðinn sannfærður um
að Bond muni aldrei sjást á hvíta
tjaldinu.
Vorið 1959
„Goldfinger11 kemur á markað, en þar
á Bond í höggi við hóp óvenjulegra
glæpamanna, þar á meðal Goldfinger
sjátfan, Oddjob og hina fögru Pussy
Galore.
Vorið 1960
Fimm smásögur um Bond birtast undir
nafninu „For Your Eyes Only“. Þær eru
byggðar á hugmyndum, sem Fleming
hafði sett á blað fyrir CBS árið 1957.
Vorið 1961
Kevin McClory fær í hendur nýjustu
Bond-skáldsögunna „Thunderball“ og hef-
ur þegar samband við lögfræðing sinn.
McClory fer í mál við Fleming og
fullyrðir að skáldsagan sé byggð á
hugmyndum, sem þeir hafi unnið að
sameiginlega þremur árum áður. Eftir
nokkurra ára málaferli næst samkomu-
lag, þar sem McClory fær þess getið í
frekari útgáfum af „Thunderball“ að
hann sé einn af höfundum bókarinnar.
Jafnframt fær hann allan rétt til að
kvikmynda upphaflegu Thunderball-
söguna. Með þetta í höndunum fer
McClory til kvikmyndaframleiðendanna
Albert Broccoli og Harry Saltzman og
býður upp á samstarf við gerð kvikmynd-
ar um „Thunderball". Þeir eru hins
vegar sjálfir langt komnir með undirbún-
ing eigin Bondkvikmyndar eftir sögunni
um „Dr. No“ og því tregir til samkomu-
lags við McClory. Sean Connery leikur
aðalhlutverkið í „Dr. No.“
Vorið 1962
Ný Bond-saga - „The Spy Who Loved
Me“ - kemur út. Það er eina Bond-
sagan, sem sögð er frá sjónarhóli konu.
Október 1962
James Bond kemst á hvíta tjaldið og
slær í gegn þegar „Dr. No“ er frumsýnd.
Sigurganga sú, sem enn stendur, er
hafin.
Vorið 1963
„On Her Majesty’s Secret Service"
kemurút. ÞargengurBond íhjónaband,
sem reyndar verður skammlíft.
Október 1963
Önnur James Bond-kvikmyndin frum-
sýnd - „From Russia With Love“ - og
hún nær geypilegum vinsældum. Ný
skáldsaga kemur út - „You Only Live
Twice“ - þar sem Bond lendir í hættu-
legum ævintýrum í Japan.
Janúar 1964
Til þess að losa sig við hugsanlega
samkeppni ákveða Broccoli og Saltzman
að semja við McClory um gerð kvik-
myndar eftir „Thunderball“. McClory
fellst á að gera ekki aðra mynd eftir
sögunni fyrr en í fyrsta lagi eftir tíu ár.
Sumarið 1964
Kvikmyndin um „Goldfinger"
frumsýnd. Sean Connery er enn í aðal-
hlutverkinu.
Ágúst 1964
Skapari James Bond, Ian Fleming,
andast í London eftir langvarandi veik-
indi.