Tíminn - 11.04.1984, Qupperneq 5

MIÐVIKUDAGUR 11. APRÍL1984
■ Sigurður Helgason, sýslumaður N-Múlasýslu afhendir Friðriki Sigurjónssyni
skrautritað heiðursskjal frá sýslunefnd N-Múlasýslu.
LET AF STARFIHREPP-
STJÓRA EFHR 50 ÁR
■ Friðrik Sigurjónsson fyrrum bóndi í
Ytri-Hlíð lét af störfum sem hreppstjóri
Vopnafjarðarhrepps um síðustu áramót
eftir að hafa gegnt því starfi í 50 ár. Við
hreppstjórastarfinu tók Birna Einars-
dóttir. Birna hefur áður starfað hjá
Útlendingaeftirlitinu og Lögreglustjóra-
embættinu í Reykjavík.
Af þessu tilefni var Friðrik, sem
einnig hefur verið sýslunefndarmaður
um langt árabil, heiðraður fyrir störf sín
í þágu Vopnafjarðar og N-Múlasýsiu vjð
sérstaka athöfn sem fram fór á sýsluskrif-
stofunni á Vopnafirði. Sigurður Helga-
son, sýslumaður ávarpaði Friðrik og
þakkaði honum hlýjum orðum vel unnin
störf í þágu sveitarfélagsins og sýslunnar.
Færði hann Friðriki skrautritað heið-
ursskjal frá sýslunefnd N-Múlasýslu og
er það fyrsta heiðursskjalið sem sýslu-
nefnd veitir.
Friðrik þakkaði hlýhug og vinarþel í
sinn garð og rifjaði upp ýmis atvik úr
hálfrar aldar hreppstjórastarfi. Minntist
hann m.a. samferðarmanna sem honum
eru minnisstæðir.
Friðrik var heiðraður með riddara-
krossi hinnar íslensku Fálkaorðu árið
1982. Hann er nú 86 ára að aldri.
Eiginkona Friðriks, Oddný Metúsalems-
dóttir lést árið 1983, 92 ára að aldri.
Hafnarmannvirki
byggð á Norður-
f irði á Ströndum
Hreppsbúar kunna sér vart
læti við þá tilhugsun að
sjá þennan draum sinn rætast
■ Rannsóknir á skilyrðum til gerðar
hafnarmannvirkja á Norðurfirði hafa
staðið yfir að undanförnu. Hópur manna
frá Vita- og hafnamálastofnun kom í
síðustu viku að kynna heimamönnum
niðurstöður rannsóknanna og ræða ýmsa
þætti málsins. Ákveðið er að hefjast
handa um hafnarframkvæmdir þar eins
tímanlega á komandi sumri og unnt er.
Skapa á aðstöðu fyrir strandferðaskipin
og önnur flutningaskip svo þau geti lagst
að bryggju eða viðlegukanti til lestunar
og losunar.
Mannvirkin verða byggð skammt fyrir
utan Kaupfélag Strandamanna í svokall-
aðri Bergisvík. Komið hefur í ljós að
aðstaða er þar sérlega hagstæð frá
náttúrunnar hendi til þessara fram-
kvæmda. Gert er ráð fyrir að verkið
verði framkvæmt á tveim árum.
Mál þetta er búið að vera lengi til
umræðu og athugunar án þess að af
framkvæmdum hafi orðið. Hér er um
brýnt hagsmunamál byggðarlagsins að
ræða. Vöruflutningar fara næreingöngu
fram á sjó, en aðstaða til upp- og
útskipunar hefur verið afar erfið og
hættuleg. Orðið hefur að flytja allt á
bátum milli lands og skips - og með
tilkomu stærri skipa nær óframkvæman-
legt. í sambandi við þessar framkvæmdir
og í framhaldi af þeim opnast möguleik-
ar fyrir heimamenn að hagnýta sér
nærtækar auðlindir í fjörðum og flóum
byggðarlagsins. Þar er um að ræða
auðug rækju- og skelfiskmið sem nýtt
hafa verið af nærliggjandi verstöðvum
við Húnaflóa, en heimamenn skort alla
aðstöðu til að hagnýta. Allt eru þetta
mikil og góð tíðindi fyrir íbúa fámenns
byggðarlags sem átt hefur mjög í vök að
verjast í ringulreið þjóðfélagsins ásamt
þeim erfiðleikum sem harðindi undan-
farinna ára hafa valdið. Kunna hrepps-
búar sér vart læti við þá tilhugsun að sjá
þennan draum sinn rætast og betri og
bjartari tíma framundan, með aukinni
fjölbreytni undir afkomu þeirra. Kunna
þeir öllum sem lagt hafa þessu máli lið
með ráðum og dáð sínar bestu þakkir.
-G.Val.Bæ/HEI
Launþegaráð
framsóknarmanna í
Reykjaneskjördæmi
Andvígf
lækkun
nidurgreiðslna
á matvörum
■ Launþegaráð framsóknarmanna í
Reykjaneskjördæmi hefur skorað á ráð-
herra Framsóknarflokksins að standa
fast gegn tillögum fjármálaráðherra um
að lækka niðurgreiðslur á landbúnaðar-
vörum, vegna þeirra áhrifa sem það muni
hafa á kjör þeirra lægst launuðu.
Áskorun þessi var samþykkt á aðalfundi
félagsins sem haldinn var 5. apríl s.l.
PÁSKATILBOB
KRON
Við bjóðum viðskiptavinum
10% afslátt af öllum
viðskiptum í verslunum
okkar fram að páskum.
STÓRMARKAÐURINN
Skemmuvegi 4a
DOMUS
Laugavegi 91
KRON Fellagöröum
KRON Snorrabraut
KRON Stakkahliö
KRON Dunhaga
KRON Tunguvegi
KRON Langholtsvegi
KRON Hlíöarvegi
KAUPFÉLAG REYKJAVÍKUR OG NÁGRENNIS
Áskoninarkjör Búnaðarbankans
tryggja hámarksávöxtun á innlánsskírteinum
Elísabet Björg Jónsdóttir, afgreiöslustúlka í Þórsbakaríi.
„ÉG ERÖRUGG UM
BESTU KJÖR
SEM BOÐIN ERU Á ÍSIANDI"
Áskorunarkjör Búnaðarbankans fela í sér dýr-
mæta tryggingu fyrir sparifjáreigendur. Þau tryggja
þér ávallt hæstu vexti á innlánsskírteini eða sam-
svarandi innlánsform sem íslenskir bankar hafa á
boðstólum.
6% vaxtaálag að lágmarki
Innlánsskírteini Búnaðarbankans bera ársvexti
almennra sparireikninga og að auki 6% vaxtaálag.
Það er lágmarksálag. Við tryggjum þér vaxtakjör
sem eru sambærileg þeim bestu sem innlánsstofn-
anir bjóða á hverjum tíma með þessu innlánsformi.
Þetta köllum við ósvikip áskorunarkjör.
6 mánuðir
Innlánsskírteini Búnaðarbankans eru útgefin til 6
mánaða og eru ársvextir þeirra 21% en ávöxtun
þeirra 22,1% á ári verði ný skírteini tekin að 6
mánaða tímabilinu liðnu. Innlánsskírteinin eru gefin
út á nafn, þau eru framseljanleg og getur eigandi
þeirra innleyst þau hvenær sem er með fullum
vöxtum að liðnum sex mánuðum frá útgáfudegi.
Verði skírteinin ekki innleyst hjá bankanum að
tímabilinu loknu leggur Búnaðarbankinn áfallna
vexti við upphæð skírteinanna og ávaxtar síðan
inneignina eftir það með kjörum almennra spari-
sjóðsbóka.
Lágmarksupphæð aðeins kr. 1.000
Þú ræður sjálfur upphæðinni sem þú leggur fyrir
meðlnnlánsskírteinum Búnaðarbankans. Þau eru í
heilum þúsundum króna og lágmarkið er 1.000 kr.
Enginn stimpilkostnaður né þóknun fylgir útgáfu
á Innlánsskírteinum Búnaðarbankans. Heildarupp-
hæð og vextir skírteinanna eru skattfrjáls til jafns
við annað sparifé.
Innlánsskírteini Búnaðarbankans eru afgreidd á
afgreiðslustöðum hans um allt land.
BIJNAÐARBANKI
ÍSLANDS