Tíminn - 17.01.1986, Blaðsíða 3

Föstudagur 17. janúar 1986
Tíminn 3
| .»> V/v yíí'J-
■^Ml
Ríkissjóður býður nú allt upp í 9%
ársvexti umfram verðtryggingu á
nýjum flokki spariskírteina, sem
byrjað var að selja þann 10. janúar.
En þann dag hófst jafnframt nýtt
innlausnartímabil á eldri skírteina-
flokkum. Að mati kunnugra á fjár-
magnssmarkaðnum mun þetta vera
með allra bestu ávöxtunartilboðum
sem sparifjáreigendum hefur staðið
til boða.
„Við ætlurn að reyna að halda sem
mestu af fénu inni. Fjármagnsmark-
aðurinn er orðinn það næmur að
ekki þýðir annað en að bjóða sam-
keppnishæfa vexti,“ sagði Arndís
Steinþórsdóttir, deildarstjóri í
fjármálaráðuneytinu í samtali við
Tímann.
Þau skírteini sem bera 9% vexti
hafa 6 ára binditíma. Á skírteinum
með 3ja ára binditíma verða áfram
7% vextir en 8,5% vextir á 4ra ára
bréfum. Einnig eru í boði verðtryggð
vaxtamiðaskírteini með 4ra ára
binditíma og 8,16% ársávöxtun.
Hins vegar hafa vextir verið lækkaðir
á gengistryggðu SDR-skírteinunum
í 8,5% úr 9% á eldri skírteinum.
Spurð hvernig ríkissjóði hefði
gengið að halda inni spariskírteina-
fénu á árinu 1985 - í þáverandi vaxta-
kapphlaupi við banka og verðbréfa-
sjóði - sagði Arndís að vísu hafa
verið um eitthvert útstreymi að ræða
framan af árinu, en ekkert í líkingu
við það sem var árið 1984.
HEI
Flugleiðir:
Nýtt farskrár-
kerfi, ALEX 2
Nýtt farskrárkerfi Flugleiða, sem
fengið hefur nafnið ALEX 2 verður
tekið í notkun 11. janúar en þá munu
allar skrifstofur fyrirtækisins og flest-
ar ferðaskrifstofur á íslandi tengjast
þessu nýja kerfi.
ALEX 2 farskrárkerfið er stærra
en það kerfi sem undanfarið hefur
verið í notkun og hefur möguleika á
að geyma mun meiri upplýsingar. Má
þar nefna upplýsingar um t.d. áætl-
anir annarra flugfélaga, fargjöld,
farþegareglur. hótel, bílaleigur sem
áður varð að finna í sérstökum
bókum, en cr nú hægt að hafa í nýja
farskrárkerfinu og kalla auðveldlega
og fljótt fram þegar á þarf að halda.
AH
HEIMINN
Það er ekki bara
ein gerð - það er heill floti
í 1800 línunni frá SUBARU
Hjá €> FUJIHEAVYINDUSTRIES LTD. hefur fengist löng og dýrmæt
reynsla í framleiðslu fjórhjóladrifinna fólksbíla eða allt frá 1958
Reynslan hefur sýnt að það þarf stóra og góða vél. Fyrst reyndu þeir 1400 cc, síðan
1600 cc en komust að þeirri niðurstöðu að það nægir ekki minna en 1800 cc. Þeir sáu
að fjórhjóladrif var ekki nóg eitt og sér heldur væri hátt og lágt drif nauðsynlegt. Hann
var byggður til að bila ekki, enda hefur það sýnt sig að bilanatíðni er sú lægsta sem
þekkist í heiminum í dag.
Akið ekki út í óvissuna - akið á SUBARU
því fjórhjóladrif er öryggisatriði
SUBARU BESTU KAUPIN
Val á greiðslukjörum: 20.000 kr. staðgreiðsluafsláttur
eða lánagreiðslur í allt að tvö ár
Munið bílasýningar okkar laugardaga og sunnudaga kl. 14-17
Tökum flesta
notaða bíla
upp í nýja.
Háskólastúdent
ar fá nýja garða
-flutt inn í fyrstu íbúðirnar í sept. 1988
Félagsstofnun stúdenta ætlar að
reisa nýja stúdentagarða og hefur í
því skyni stofnað Byggingarsjóð stú-
denta til að afla fjármagns og lána til
byggingarhúsnæðis. Sjóðurinn tók
formlega til starfa í vikunni þegar
honum bárust stofnframlög, 820.000
kr. frá Stúdentaráði Háskóla íslands
og 1.640.000 frá Félagsstofnun stú-
denta.
Samkvæmt lögum um Húsnæðis-
stofnun ríkisins á Félagsstofnun stú-
denta nú rétt á lánum úr Byggingar-
sjóði verkamanna, allt að 80% af
byggingarkostnaði. Byggingarsjóð-
ur stúdenta þarf því að fjármagna
20% sjálfur, en það eru um 40-50
milljónir króna. Að sögn Ársæls
Harðarsonar, framkvæmdastjóra
Félagsstofnunar hefur það alltaf ver-
ið markmið stofnunarinnar að stú-
dentar fái fleiri íbúðir á þeirra
vegum. því sem kunnugt er sé rnjög
dýrt að búa á almennum leigumark-
aði. Með þessum lagabreytingum á
lögum um Húsnæðisstofnun sjái
stofnunin fram á að geta byggt.
Gamla og Nýja garð liafi Félags-
Ríkissjóöur í
vaxtakapphlaupinu:
Býður allt
að 9% vexti
stofnun fengið gefins frá ríkinu og
Hjónagarðar hafi verið byggðir af
bjartsýnismönnum sem fengu féð
ýmist lánað eða gefins.
Davíð Björnsson formaður sjóðs-
stjórnarinnar sagðist vona að eftir-
leikurinn yrði auðveldur og vonaðist
til að sem allra flestir sæju sér fært að
veita fé i sjóðinn því ekki væri vitað
hversu öflugur Byggingarsjóður
verkamanna væri. Efnt hefði verið til
samkeppni um teikningar að nýju
görðununt, og útboð yrðu væntan-
lega tilbúin í byrjun næsta árs. Alls
er um að ræða 150 íbúðir í görðunum
og er stefnt að því að flutt verði inn í
fyrstu 88 íbúðirnar í september 1988.
Mrirn
Davíð Björnsson formaður Byggingarsjóðs stúdenta heldur á ávísununum
sem Stúdentaráð og Félagsstofnun stúdenta gáfu sem stofnframlag í sjóðinn.
F.v Guðmundur Jóhannsson fráfarandi forinaður Stúdentaráðs, Davíð
Björnsson og Ársæll Harðarson framkvænidastjóri Félagsstofnunar stúd-
en,a- Tímamynd-Árni Bjarna
VIÐ ERUM ALTR0MPA
OG NÚ SLÁUM VIÐ ÚT
EINU AF HÁTROMPUNUM
1800 c.c.
SEM FARIÐ HEFUR
SIGURFÖR UM