Tíminn - 29.09.1987, Blaðsíða 3
Þriðjudagur 29. september 1987
Tíminn 3
Heilbrigðisráðherrastefnir að breytingum og sparnaði í lyfjanotkuninni upp úr áramótum:
Verður fólk sjálft að
borga dýrustu lyfin?
„Það mætti t.d. hugsa sér þá
breytingu, að læknar hefðu aðeins
heimild til að ávísa á Tryggingastofn-
unina einhverjum ákveðnum lyfjum
eða lyfjum undir einhverju ákveðnu
verði. Ef sjúklingur gerði hins vegar
kröfu um önnur eða miklu dýrari lyf
- en þau sem hann getur fengið og
eiga að þjóna tilgangi - þá yrði hann
að borga þau sjálfur. Þctta yrði einn
liður í því að gera neytendur meira
meðvitaða um lyfjakostnaðinn og fá
þá til að taka meiri þátt í glímunni
við að lækka þann mikla kostnað
sem þjóðin hefur af lyfjakaupum,“
sagði Guðmundur Bjarnason, heil-
brigðisráðherra. En Tíminn ræddi
við hann vegna skipunar hans á nýrri
nefnd sem segja má að sé falið að
gera heildarúttekt á lyfjamálunum í
landinu og skila tillögum sem leitt
gætu til lægra lyfjaverðs og lækkandi
heildarkostnaðar vegna lyfjanotkun-
ar.
Guðmundur sagði raunar um að
ræða endurskipun nefndar sem falið
hafi verið að kanna álagningarreglur
á lyfjum. En hann hefði talið að
athuga þyrfti miklu fleiri þætti lyfja-
málanna og því útvíkkað starfssvið
nefndarinnar eftir samráð við for-
mann hennar.
M.a. sagðist Guðmundur gjarnan
vilja fá skýringar á hinum mjög svo
mismunandi lyfjakostnaði eftir
landssvæðum og læknum, sem áður
hefur verið greint frá. Svo og hvort
ekki megi i ýmsum tilvikum ávísa
ódýrari lyfjum sem hafa sömu áhrif
og verkan. í því sambandi hafi m.a.
verið rætt um útgáfu samheitalyfja-
skrár, sem gæfi upplýsingar um
hvaða lyf þjóni sama tilgangi og hver
mismunur þeirra væri. í þeim tilvik-
um þar sem um væri að ræða mörg
lyf sem hefðu sömu verkan, en á
mjög mismunandi verði gæti hug-
myndin um að Tryggingastofnun
borgaði ekki fyrir þau dýrustu komið
til greina, eins og að framan er rakið.
Þess má geta að útgjöld sjúkra-
trygginganna vegna lyfjakostnaðar
voru nú á miðju ári komin í tæpar
620 milljónir króna miðað við núver-
andi verðlag. Á síðasta ári var þessi
útgjaldaliður á annan milljarð króna
(t.d. álíka og allur rekstrarkostnaður
Borgarspítalans í Fossvogi), sem á
núgildandi verðlagi mundi svara til
um um 20 þús. króna á hverja
fjölskyldu í landinu. Lyfjakostnað-
urinn var þá rúmlega tvöfalt hærri en
allur læknakostnaður sjúkratryg-
ginganna utan sjúkrahúsa, sem flest-
um þykir þó nóg um. Og því Ijóst að
til mikils er að vinna ef hægt væri að
ná fram þó ekki væri nema nokkurra
prósenta sparnaði.
Nefndarmönnum er ætlað að hafa
hröð handtök, því stefnt er að því að
nefndin hafi lokið störfum og skilaða
tillögum nú fyrir næstu áramót.
Frá nefndinni sagðist Guðmundur
vænta tillagna sem nota mætti til
lækkunar lyfjakostnaðar lands-
manna. Feli þær í sér að gera þurfi
lagabreytingar, sem ekki sé ólíklegt,
kvaðst hann vonast til að geta lagt
frumvarp um slíkar breytingar fyrir
Alþingi eftir áramótin. Þeim tillög-
um sem aðeins kynnu að kalla á
breytta starfshætti og vinnuaðferðir
kvaðst Guðmundur vilja reyna að
koma í framkvæmd hið allra fyrsta.
Verkefni þau sem nefndinni eru
falin eru í tíu liðum:
1. Að gera úttekt á forsendum álagn-
ingar á lyf.
2. Að draga upp heildarntynd af
streymi fjármuna vegna lyfja í þjóð-
félaginu.
3. Áð gera grein fyrir notkun lyfja
hérlendis og bera hana saman við
notkun lyfja í nágrannalöndunum.
4. Að bera saman innkaupsverð eða
framleiðsluverð til lyfjaheildsala á
íslandi og í nágrannalöndunum.
5. Að gera grein fyrir verðmyndun
lyfja á íslandi og bera hana saman
við verðmyndun í nágrannalöndun-
um.
6. Að gera grein fyrir þætti Trygg-
ingastofnunar ríkisins annars vegar
og sjúkrasamlaganna hins vegar í
lyfjakostnaði.
7. Að kanna áhrif lyfjaávísanavenja
lækna á lyfjakostnað.
8. Að setja frant hugmyndir um
aðgerðir, sem gætu leitt til lækkunar
á lyfjakostnaði, þ.m.t. hvaða lyf
væri hugsanlegt að framleiða hér-
lendis með lægri tilkostnaði en nem-
ur verði lyfjaheildsala.
9. Að athuga afkomu lyfjaverslana á
smásölustigi eftir stærð þeirra.
10. Að bera saman mismunandi
álagningarkerfi og meta áhrif þeirra
á tekjumyndun í lyfjadreifingu.
í nefndinni eiga sæti: Brynjólfur
Sigurðsson prófessor, formaður,
Guðjón Magnússon aðstoðarland-
læknir, Halla Eiríksdóttir hjúkrun-
arfræðingur, Helga Vilhjálmsdóttir
apótekari, Ingolf Petersen yfirlyfja-
fræðingur og Jón Bjarni Þorsteins-
son heilsugæslulæknir. - HEI
Fyrsta landsfundi Borgaraflokks lokið:
Ásgeir Hannes dró
sig út úr kosningum
Það dró til tíðinda á kjördegi á flokksins með dynjandi lófataki, svo átt mikla möguleika á að sigra keppi-
landsfundi Borgaraflokksins. Albert sem við var búist, en Ásgeir Hannes naut sinn um varaformannssætið,
Guðmundsson var kjörinn formaður Eiríksson, sem margir segja að hafi Júlíus Sólnes, dró framboð sitt til
baka. Þetta gerir hann þrátt fyrir að
ljóst var að Helena Albertsdóttir
studdi hann til starfans.
„Ég dró mig til baka vegna þess að
ég var hræddur um að harðar kosn-
ingar myndu skaða flokkinn," sagði
Ásgeir Hannes. En hann ætlar sér
fram síðar og sagði í ávarpi á
landsfundinum þegar hann tilkynnti
ákvörðun sína að framboðinu væri
frestað um ár. Ásgeir Hannes sagði
enn fremur úr því sem komið var að
hann styddi Júlíus Sólnes, - líkt og
formaðurinn, Albert Guðmunds-
son.
Enda kom á daginn að Júlíus
Sólnes hafði afgerandi stuðning þeg-
ar kom að kjöri. Júlíus fékk í sinn
hlut 227 atkvæði en Benedikt Boga-
son 100. Fjórir seðlar voru auðir og
331 kaus.
Ólafur Gránz úr Vestmannaeyj-
um var kjörinn ritari Borgaraflokks-
ins með 185 atkvæðum, en 301 kaus
í þeim kosningum.
Umfangsmikil leit aö báti:
Skipverjar á fylleríi
Slysavamafélag íslands hleypti
af stað umfangsmikilli leit að 11
feta bát frá Grundarfirði um helg-
ina og stóð leitin í 12 klukkustund-
ir. Báturinn hafði ekki samband
við Tilkynningaskylduna þegar
hann lét úr höfn og fréttir bárust af
honum á reki þegar farið var að
grennslast fyrir um ferðir hans.
Þegar báturinn loks fannst var
hann á siglingu og höfðu mennirnir
tveir sem voru um borð verið
ölvaðir og ekki hirt um að ansa
kálli í talstöðinni. Þeir báru því við
að talstöðin hefði verið biluð.
Báturinn hvarf á laugardag og
fannst ekki þrátt fyrir leit á sjó og
úr lofti. í birtingu á sunnudags-
morgun var leit haldið áfram eftir
næturlanga hvíld. Fannst báturinn
norður af Búlandshöfða.
Lögreglan í Stykkishólmi yfir-
heyrði mennina tvo og þeir hafa
viðurkennt að hafa verið ölvaðir.
Þótt talstöðin um borð hafi verið
léleg var neyðartalstöð í góðu lagi,
að sögn lögreglunnar. Mennirnir
tveir eiga yfir höfði sér kæm vegna
málsins.
þj
Meðan Gorbatjov er í óða önn að leiðrétta sögufalsanir forvera
sinna í Sovétríkjunum blómstrar sú iðja hjá æskulýðsfylkingu
kommanna hér á landi. Prentsvertan er varla þornuð á nýjasta
dæminu.
Almennt tíðindablað fylkingarinnar er nefnt Birtir og var borið í
nokkur hús með Þjóðvilja. Þar er heilsíðugrein um ræðukeppni
framhaldsskólanna, MORFÍS, og efast höfundur um gildi keppninnar
og segir hana bera eigin dauða í farteskinu. Tæpt er á helstu
gagnrýnisatriðum og keppnin sögð stöðnuð og geld. Dropi er vanur
önugunt kommum, en greinin er merkt einum upphafsmanna og
stofnenda keppninnar, Bjarka Má Karlssyni, og þess vegna vekur
greinin athygli.
Sérstaka athygli vakti hún á heimili Bjarka sem aldrei hafði skrifað
þessa grein.
Bíður Dropi þess nú með óþreyju að Bjarki Már svari Bjarka Má
þessum og úr verði hin skemmtilegasta ritdeila.
Fjárkrókur í VÍ
Verslunarskólinn er rekinn sem fyrirtæki, - skárra væri það nú.
Snemma skal krókurinn beygður. Nemendur skulu strax í upphafi
verslunarnáms læra að mórölsk sjónarmið eiga ekki við í kaup-
mennsku og að æðsta markmiðið sé að létta pyngju náungans sem
frekast er kostur.
Þess vegna kostar það hvern nemanda litlar 16 þúsund krónur að
stunda þar nám í vetur.
Formannsklipping
Ólafur Ragnar Grímsson er með hárprúðari stjórnmálamönnum og
hefur verið það lengi, sama hvaða tískuáhrif hafa reynt að hrifsa hann
með í dansinn. Ólafur Ragnar er staðfastur maður.
En nú þykir íhaldssemi og hræðsla við að breyta ímynd sinni ekki
fallið til framdráttar. Því hefur verið fleygt að þess vegna hafi Ólafur
Ragnar laumast í rakarastólinn og látið klippa sig upp fyrir eyru. Þar
sé komin formannsklippingin sem muni duga honum í kosningabarátt-
unni.
Þj