Tíminn - 20.10.1987, Síða 4

4 Tíminn
Þriðjudagur 20. október 1987
Dóms- og kirkjumálaráðuneytiö:
Sleppur
notalega
við niður-
skurðinn
Til þessa ráðuneytis renna 3.109
nt.kr. eða5,2% af heildarútgjöld-
um ríkisins. Hér cr um að ræða
aukningu upp á 39% frá fyrra ári.
Yfirstjórn ráöuneytisins tekur til
sín rúntaól m.kr. Langstærstur hluti
fjármagnsins rennur til dómsmál-
anna, en til þeirra hluta fara 2.766
m.kr. eða 89% fjárveitingarinnar.
Til kirkjumálanna eða þjóðkirkj-
unnar renna 281.5 m.kr. eða 9%.
Dómsmálin og laganna verðir
Til livers kyns dóms- og löggæslu-
starfsemi í sveitarfélögum landsins
fara 1.790,5 m.kr. Löggæslan og
framganga réttlætisins í Reykjavík
einni saman kosta 674 milljónir
króna. Til dæmis má nefna að stöðu-
gildi við Lögregluna í Reykjavík eru
278 eða sama tala og í ár, þannig að
öryggismál rcykvískra borgara virð-
ast í góðu lagi.
Til þeirra 25 embætta sýslumanna
og bæjarfógeta, sem eru utan höfuð-
borgarinnar fara nálægt 1.117 m.kr.
En við þessi embætti er samtals gert
ráð fyrir að séu 250 stöðugildi,
talsvert færri cn í Reykjavík. Að
vísu fá Hafnfirðingar tvo lögreglu-
þjóna til viðbótar og Strandamenn
hálfan lögregluþjón.
Talsvert fjármagn rennur til þess
að gera fínt í kringum laganna verði,
því í það eru ætlaðar 135,5 m.kr. á
næsta ári og fá Vestmannaeyingar
þar stærsta bitann eða 25 milljónir
króna.
Múrinn
í þau málefni, sem lúta að gæslu
og eftirliti mcð afbrotamönnum, er
gert ráð fyrir að eyða rúmlega 175
m.kr. og er það um 46% aukning frá
fyrra ári. Ein meginbreytingin í
þessum málaflokki er stofnun nýs
fangelsis, sem staðsett er í Kópavogi
og verður til að hýsa kvenfanga, en
þau mál hafa verið í megnasta ólestri
um langa tíð. Unglingaheimilinu
sem þar var áður til húsa verður
fundinn annar samastaður.
Samkvæmt frumvarpinu á að veita
l, 6 m.kr. til „meiri háttar" eigna-
kaupa til vinnuhælisins að Kvía-
bryggju, þannig að greinilegt er að
vistmenn á þeim stað eiga von á
„meiri háttar" bifreið og „meiri
háttar" mublum.
Landhelgisgæslan
Einn stærsti einstaki pósturinn í
fjárveitingum dómsmálaráðuneytis-
ins er Landhelgisgæslan, en hún fær
rúmlega 371 m.kr. í sinn hlut og er
það 27% hækkun frá fyrra ári. Ekki
er þó gert fyrir aukningu á þjónustu
eða úthaldi skipa og flugvéla Land-
helgisgæslunnar. Hins vegar er at-
hyglisvert að liðurinn yfirstjórn
hækkar langmest í fjárveitingunni
og nemur sú hækkun rúmum 15
m. kr. eða 66%.
Kirkjumálin
Til að viðhalda velferð íslendinga
á geistlega sviðinu er þjóðkirkjunni
skaffaðar 281,5 m.kr., sem er 32%
aukning frá síðasta ári.
Stærsti liðurinn í útgjöldum til
kirkjumála eru laun presta og próf-
asta, en þau eru áætluð tæplega 170
m.kr. 1988. Á fjárlagaárinu 1988 er
heimilt að hafa 124 presta á launum.
Eannig að með um 5 lausráðnum
klerkum leggur ríkissjóður 1,3 m.kr.
til þjónustu hvers prests. Ekki fjölg-
ar prestum mikið og aðeins er talin
þörf á að bæta þar úr í Reykjavík,
þar sem heimilaðar eru stöður
tveggja presta til viðbótar.
Kristnisjóður er eini tekjustofn-
Löggæsla í Rcykjavík kostar 600 milljónir á næsta ári.
inn, sem kirkjan hefur til umráða og
skal hún nýta sjóðinn til að efla
kristna trú og siðgæði í landinu.
Sjóður þessi, sem erbeint framlag úr
ríkissjóði er grundvallast á hámarks-
laununt presta í aflögðum presta-
köllum, fær rúmar 14 m.kr. á næsta
ári. Af þessum sjóði er m.a. sérlegur
blaðafulltrúi kirkjunnar fjármagn-
aður og húsakaup kirkjunnar á
Suðurgötunni í Reykjavík.
Þá fær söngmálastjóri þjóðkirkj-
unnar um 11 m.kr. til að rækja sitt
starf. Við þennan fjárlagalið kemur
fram að 3,1 milljón kostar að flytja
og koma upp orgeli, sem embættið
fékk að gjöf frá Þýskalandi.
Sérstakur sjóður er til þess ætlaður
að veita einstökum söfnuðum lán til
kirkjubygginga og hefur hann 4,4
m.kr. til umráða 1988. Á sama tíma
eru settar 10 milljónir í Hallgríms-
kirkju og 7 milljónir í Hóladóm-
kirkju.
Frumvarpshöfundar verða vart
sakaðar um að hafa beitt niðurskurð-
arhnífnum á þær stofnanir í þessu
þjóðfélagi, sem passa upp á okkar
andlega og líkamlega öryggi. Að
vísu virðist varðveisla líkamlegrar
velferðar vera erfiðari, því að meðal-
tali hefur hver löggæslumaður 462
íslendinga í sinni umsjá á meðan
hver klerkur þarf að rækta rúmlega
1800 sálir. - ÞÆÓ
Orkustofnun:
Áttatíu gráðu heitt
vatn fannst í Hrísey
Vandi Hitaveitu Hríseyjar hefur
nú verið leystur, a.m.k. um nána
framtíð. Síðan árið 1984 hefur Jarð-
hitadeild Orkustofnunar gert ítar-
legar rannsóknir á jarðhitasvæðinu f
Hrísey.
{ framhaldi af því voru síðan í
haust boraðar könnunarholur sem
staðfestu vísbendingar um að heitt
vatn streymdi svo til lóðrétt upp af
um 100 metra dýpi. í beinu fram-
haldi af könnunarholunum hófst
borun víðrar vinnsluholu og gefur
hún rúmlega 80 gráðu heitt vatn.
Þess er einnig vænst að vatnið sé
súrefnissnautt sem minnkar hættu á
útfellingum. Hins vegar ber þess að
gæta, að ekki er búist við ótæmandi
orkulind þarna þvi við mikla vinnslu
í langan tíma gæti vatnið kólnað á
ný. Hins vegar er talið að vandi
hitaveitunnar sé leystur á næstu
árum og jafnvel áratugum.
Það var borfyrirtækið Isbor sem
annaðist borunina í náinni samvinnu
við sérfræðinga Jarðhitadeildar
Orkustofnunar.
Hitaveita Hríseyjar hefur undan-
farin ár eingöngu fengið vatn úr
láréttu leku jarðlagi á um 100 metra
dýpi. Sökum íblöndunar kalds vatns
hefur heita vatnið kólnað mikið í
dælingu sem upphaflega var þó 70
gráðu heitt. Kalda vatnið hafði ein-
nig mikil vandamál í för með sér þar
sem það er súrefnisríkt og hreinsanir
á hitaveitulögnum sökum útfellingar
voru því mjög tíðar.
ABS
Frá boruninni í Hrísey.
Ljósmynd: Ólafur G. Flóvenz.