Tíminn - 31.10.1987, Síða 15
Laugardagur 31. október 1987
Tíminn 15
llllllllllllllllilllllll TÓNLIST .... ;........................................
Við rætur skiln-
ingstrésins
Kammermúsíkklúbburinn hefur
verið þekktari að öðru en daðri við
nútímamúsík: þar hefur gullinsnið
jafnan setið í fyrirrúmi í verkefna-
vali, Bach, Beethoven, Brahms. En
líkt og forðum í aldingarðinum Eden
hlaut freistarinn að koma sínu fram
á endanum, og eins og þá, og
endranær, var kvenþjóðin örlög-
valdur: mig grunar nefnilega sterk-
lega að Guðný Guðmundsdóttir hafi
átt mestan þátt í því að félagar
Kammermúsíkklúbbsins fengu að
heyra nýlegt tríó Karólínu Eiríks-
dóttur ásamt með Mendelssohn og
Beethoven.
Félagar Kammermúsíkklúbbsins
bitu í epli nútímatónlistarinnar á
tríótónleikum í Bústaðakirkju
sunnudaginn 25. október, fyrstu tón-
leikum þessa starfsárs. Tríóið skip-
uðu Halldór Haraldsson (píanó),
Guðný Guðmundsdóttir (fiðla) og
Gunnar Kvaran (knéfiðla), öll á
„stuttum lista“ (svo talað sé Nóbels-
verðlaunamál) okkar fremstu tón-
listarmanna. Tríó þetta hefur starfað
um nokkurra ára bil og komið víða
fram, m.a. hjá Kammermúsík-
klúbbnum, enda eru þessir mjög svo
ólíku listamenn farnir að spila afar
vel saman, og raunar miklu betur en
undirritaður hefði búist við af hley pi-
dömum sínum að þeir gætu gert.
Að sumu leyti tókst tríó Karólínu
best - frá mínu sjónarmiði hennar
skemmtilegasta verk sem ég man
eftir, en stíllinn nokkuð margvísleg-
ur, ef slíkt skiptir máli. Tríóið byrjar
með fimmundarhljómum í strengj-
unum, síðan kemur píanóið inn með
strófur sem minna á „alligator crawl“
Fats Waller og loks koma 6-7 mínút-
ur af „hefðbundinni" tónlistarskóla-
nútímatónlist. En það er ekki sama
hvernig þetta er gert, og almennt féll
þetta áheyrendum afar vel í geð.
Næst kom Mendelssohn, tríó nr. 1,
op. 49 í d-moll. Mendelssohn er í
niðursveiflu þessi árin, og satt að
segja eru kaflar í þessu tríói sem
jaðra við væmni. Schubert sveiflar
sér yfirleitt yfir slíkt, en Mendels-
sohn ekki, þótt báðir semji óhemju
„falleg lög“.
Síðast kom svo „Erkihertogatríó"
Beethovens (nr. 7, op. 97 í B-dúr),
meiri háttar verk, og auðvitað aðal-
réttur tónleikanna ef svo má að orði
komast. En alltaf skal það sannast,
að með hljóðfæraleiknum standa
verkin og falla, og þrátt fyrir ágæt
tilþrif reis turn þessi ekki eins hátt
og hæst hefði getað orðið. Og þó var
þessi spilamennska ekkert venjuleg.
Ekki þótti mér minnst um leik
Halldórs Haraldssonar sem í raun-
inni hélt uppi rómantísku tríóunum
tveimur, því hlutur píanósins er
langstærstur í þeim báðum, og er í
rauninni virtúósastykki á köflum.
Eins og fram hefur komið, byrj-
uðu tónleikarnir á nýjasta verkinu
og enduðu með því elsta. Venjulegra
er að hafa verk í sögulegri tímaröð,
og skal ég ekki dæma um það hvort
um hefð sé að ræða eða einhver
dýpri sjónarmið. Hins vegar eru
einstök tónverk iðulega byggð upp
eftir vissum reglum, t.d. hratt-hægt
-hratt, væntanlega með sama sjón-
armið í huga og austurlensk 26 rétta
máltíð, þar sem hver réttur ræðst að
áður ólömuðum hluta bragðlauk-
anna en hvílir jafnframt þann hluta
tungunnar sem var örmagna orðinn.
Frá því sjónarmiði ætti það að vera
almennt rétt, ef öll verk sem flutt eru
á einum tónleikum eiga að njóta sín,
að hafa þau frekar í réttri sögulegri
tímaröð en öfugri. Því þrátt fyrir allt
hafa orðið „framfarir" í tónlistinni:
hin nýrri verk spanna iðulega fleiri
víddir en hin eldri - tónspil, „dýna-
mík“, taktæfingar og hvaðeina -
þannig að eftir að hafa hlýtt á
nútímaverk virðast eldri stykki iðu-
lega ekki ná eyrum manna almenni-
lega. Sálin er orðin lúin og ófær um
að greina hin fíngerðu blæbrigði
klassíkurinnar. Svo kannski þess
vegna þótti mér Mendelssohn frekar
væminn en fallegur, og Beethoven
ekki eins og hann gæti bestur orðið,
þótt afarvel væri spilað.
Sig. St.
Nokkrir félagar Kammermúsikklúbbsins á æfíngu.
Frá Menntaskólanum við Hamrahlíð
Öidungadeiid Menntaskólans við Hamrahlíð
Frumkvöðull fullorðinsfræðslu
Öldungadeild M.H. var stofnuð 1972 og síðan þá hafa þúsundir karla og kvenna
stundað þar nám og nokkur hundruð lokið stúdentsprófi.
Þarft þú að rifja upp, bæta við eða hefja nýtt nám?
í Öldungadeild M.H. býðst nemendum, 20 ára og eldri, menntaskólanám
á 6 brautum. Kennarar skólans eru vel þjálfað og menntað starfslið sem
tryggir gæði náms og kennslu.
Þú getur stundað nám í mörgum greinum eða fáum eftir því sem þér hentar
Þú getur lært:
Tungumál:
Ensku
Dönsku
Þýsku
Frönsku
Spænsku
ítölsku
Latínu
Rússnesku
Esperanto
Auk þess er í boði fjölbreytt nám í tölvunotkun, bæði grunnám og fyrir lengra
komna: forritun, ritvinnsla, MULTIPLAN og DBASE lll+(P.C. og BBC tölvur).
í boði er nám í íslensku: ritþjálfun og bókmenntalestur, almennar bókmenntir,
heimspeki, trúfræði, o.m.fl.
Er þetta eitthvað fyrir þig?
Ef svo er þá er innritun nýnema og valkönnun fyrir vörönn 1988 dagana 2. til 5.
nóv. kl. 17-19.
Innritunargjald er kr. 1000.
Kennslugjald, sem greiðist í upphafi vorannar, er kr. 4.800. Fyrir það getur þú
stundað nám í eins mörgum greinum og við verður komið. Rektor
Raungreinar:
Stærðfræði
Eðlisfræði
Efnafræði
Líffræði
Jarðfræði
Félagsgreinar:
Félagsfræði
Mannfræði
Stjórnmálafræði
Hagfræði
Sálfræði
Sögu
Listfræði
E
LANDSVIRKJIIN
Forval
Landsvirkjun hefur ákveðið að efna til forvals á
verktökum vegna byggingar stjórnstöðvar við
Bústaðaveg 7 í Reykjavík. Nær verkið til upp-
steypu hússins og að gera það fokhelt.
Húsið verður á þremur hæðum samtals 1.997 m2
að flatarmáli og 8.354 m3 að rúmmáli.
Áætlaðar helstu magntölur eru:
Mót 5.900 m2
Steypustyrktarstál 145tonn
Steypa 1.220 m3
Auk þess skal koma fyrir lögnum, blikkstoðum og
innsteyptum pípum vegna raflagna.
Miðað er við að útboðsgögn verði tilbúin í janúar
1988 og að verkið geti hafist 15. febrúar 1988 og
að því verið lokið 15. júní 1988.
Forvalsgögn verða afhent frá og með fimmtudegin-
um 29. október 1987 á skrifstofu Landsvirkjunar,
Háaleitisbraut 68, 103 Reykjavík.
Útfylltum og undirrituðum forvalsgögnum skal
skila á sama stað eigi síðar en föstudaginn 13.
nóvember 1987.
Reykjavík 29. október 1987.
FLUGMÁLASTJÓRN
Rafeindavirkjar óskast
Flugmálastjórn óskar eftir að ráða 2 rafeindavirkja
eða starfskrafta með sambærilega menntun í 2
stöður eftirlitsmanna flugöryggistækja hjá radíó-
deilda.
Laun samkvæmt launakerfi starfsmanna ríkisins.
Umsækjendur mega gera ráð fyrir að sækja
námskeið erlendis í meðferð flugleiðsögu- og
fjarskiptatækja. Allar nánari upplýsingar um starfið
má fá hjá deildarstjóra radíódeildar.
Umsóknir, ásamt upplýsingum um aldur, menntun
| og fyrri störf sendist samgönguráðuneytinu fyrir
13. nóvember 1987.
Blöndalsætt
Blöndalsættin efnir til hátíðar að veitingahúsinu
Broadway í Reykjavík sunnudaginn 1. nóvember
og hefst hún kl. 3. e.h. Þar verða á boðstólum
kaffiveitingar. Halldór Blöndal stjórnar samkom-
unni, Svala Nielsen og Sigurður Blöndal leiða
söng við undirleik Karls Jóhanns Sighvatssonar.
Guðrún Gísladóttir leikkona les upp. Þá verður
þeirra Guðrúnar og Björns Blöndals sýslumanns
minnst í upphafi.
Húsið verður opnað kl. 2.30 e.h. Barnagæsla á
staðnum.
Fjölmennið!
Refabændur - lífdýr
Til sölu góðar blárefslæður, sem eru tveggja ára.
Ennfremur höfum við gotkassa og læðubúr.
Upplýsingar í síma 10067
Blárefur h.f.
Dráttarvél
Vil kaupa nýlega dráttarvél 50 til 65 ha., helst með
ámoksturstækjum.
Upplýsingar í síma 97-88988.