Tíminn - 31.10.1987, Qupperneq 23

Laugardagur 31. október 1987
Tíminn 23
MARIE
LISA
I íkist
pabba
Lisa Marie Presley er orðin 19
ára og líkist föður sínum meira
með hverjum deginum. Nú er
hún flutt frá móður sinni og vill
lifa lífinu upp á eigin spýtur.
Hvað hún ætlast frekar fyrir, er
óráðið.
Priscilla er ekki alls kostar
ánægð með að veita dóttur sinni
fullt frelsi og íhugar meira að
segja að hætta í Dallas til að hafa
betri tíma fyrir börnin. Einkum
vill hún vernda Lisu Marie fyrir
„ljótu körlunum" í skemmtanaút-
veginum, sem alla dreymir um að
græða stórfé á nafni hennar.
Priscilla hefur sjálf þurft að
standa í slíku.
Hún segir, og kannske með
réttu, að án ráða og leiðbeininga
geti hæglega farið svo, að Lisa
Marie verði eftirsótt af „hák-
örlunum,“ aðeins vegna nafns
síns og auðæfa.
Lisa Marie er hins vegar ákveð-
in ung kona og finnst kominn tími
til að yfirgefa hreiðrið, einkum
eftir að hún eignaðist lítinn bróð-
ur fyrir tæpu ári. Fram til þessa
hefur vinahópur Lisu Marie ekki
verið stór. Hún gekk í verndaðan
skóla og aðeins fáar myndir af
henni hafa birst opinberlega.
Undanfarið hefur hún allnokk-
uð sést með Eddie Murphy, sem
hefur á sér orð sem kvennabósi
hinn mesti. Hann hvetur Lisu
Marie til að þroska hæfileika sína
og er þegar sagður hafa boðið
henni hlutverk í næstu mynd
sinni. Ekki kemur að sök, að
stúlkan hefur allgóða söngrödd.
Priscilla veit að hún getur ekki
haldið áfram að vernda dóttur
sína um aldur og ævi og neitaði
henni því ekki um eigið heimili.
Ibúð Lisu Marie er í fjölbýlishúsi,
þar sem verðir gæta íbúanna.
Hún býr með vinkonu sinni, en
hringir heim daglega. Húsaleigan
er um 80 þúsund ísl. á mánuði,
en það eru bara smápeningar fyrir
Lisu Marie. Árið 1993, þegar hún
verður 25 ára, erfir hún ein hin
gífurlegu auðæfi, sem faðir henn-
ar lét eftir sig, en hún verður ekki
á neinu nástrái þangað til heldur.
LINN Á HVITA TJALDIÐ?
Linn Ullman og Liv móðir henn-
ar eru mjög samrýndar og starfa
báðar meira og minna fyrir barna-
hjálp Sameinuðu þjóðanna. En
það er ekki bara þar, sem Linn fet-
ar í fótspor móður sinnar, þó hing-
að til hafi hún aðeins sést í örlitlum
aukahlutverkum í kvikmyndum,
kornung að aldri.
Nú er hins vegar útlit fyrir að hún
ætli að reyna fyrir sér af alvöru í
kvikmyndaheiminum. Talað er um
að Liv Ullman muni leika Guðríði í
sögu Veru Henriksen „Rúnakross-
inn“ og hvað er þá eðlilegra en að
dóttir hennar leiki Guðríði á unga
aldri?
Hinn viðurkenndi leikstjóri
Malcolm Clarke hyggst gera mikla
mynd eftir Rúnakrossinum og
ljúka henni fyrir áramótin 1990.
Aldrei að vita, nema frumraun
Linn á hvíta tjaldinu verði undir
verndarvæng mömmu.
Kristín og tvíburarnir.
DEILT UM
son Rickys
Nelson
Sam litli Nelson. Þrætuepli móður
sinnar og móðurbróður.
KEYPT
FEGURÐ
Söngvaranum Billy Idol finnst
hann alveg ómótstæðilega fallegur,
með þetta sérlega ljósa hár. Að
hárið sé í rauninni skollitað, viður-
kennir hann alls ekki. Þess vegna
er það bara hárgreiðslumeistari í
London, sem fær að hafa hendur í
hinu einstaka hári hans. Billy lætur
sig ekkert muna um að skreppa til
hans, þegar fer að dökkna í rótina.
Þó sjálf aflitunin kosti ekki nema
5000 krónur eða svo, er snöggtum
dýrara að skreppa yfir Atlantshaf-
ið, frá New York, þar sem Billy býr
að mestu. Það kostar því sitt að
halda dýrmætum háralit við.
Söngvarinn Ricky Nelson lést í
flugslysi fyrir tveimur árum og börn
hans fjögur hafa síðan búið hjá
Kristínu, sem var fyrrverandi éig-
inkona hans. Engin launung hefur
verið á, að söngvarinn var háður
kókaíni og öðrum vímuefnum, en
nú kveður bróðir Kristínar, leikar-
inn Mark Harmon, upp úr með að
systir hans sé ekki hæf til að sjá um
yngsta barnið, Sam Nelson, sem er
13 ára.
Harmon vill að drengurinn búi
hjá sér og konu sinni, leikkonunni
Pam Dawber. Málið kom til kasta
dómstólanna og þóttu réttarhöldin
í bitrasta lagi, en niðurstaðan varð
sú, að Sam skyldi vera hjá móður
sinni.
Seinast þegar fjölskyldan hittist
á nokkurn veginn friðsamlegan
hátt, var þegar systir Sams litla,
Tracy, giftist Billy nokkrum
Moses, sem leikur í Falcon Crest.
Þess má geta, að bæði Kristín
Nelson og tvíburasynir hennar,
Gunnar og Matthew, léku á móti
Mark Harmon fyrir nokkrum
árum, í sjónvarpsþætti, sem ein-
mitt hét Sam.
DÝR-
NUREJEV
fimmtugur
- Það er erfiðara að dansa nú
orðið, viðurkennir Rudolf Nur-
ejev, sem verður fiirimtugur innan
skamms. Hann er meira að segja
farinn að tala um að hætta og
setjast í helgan stein á eftirlaunum.
- Eg á búgarð í Virginíu, sem mig
langar tiLað starfa við, segir hann.
Ég held að ég verði sæll og glaður
við það, enda hef ég farið þangað
um árabil, þegar ég þarf að byggja
mig upp fyrir ný hlutverk og sýn-
ingar.
Þó árin séu farin að færast yfir,
hefur Nurejev feykinóg að gera, en
það eina sem skyggir á lífsgleði
hans, er að hann varð að skilja
móður sína eftir í Sovétríkjunum,
þegar hann vatt sér yfir járntjaldið
1961. Hann hefur reynt allt til að
hún geti komið í heimsókn, en
yfirvöld daufheyrast við bænum
hans. - Öldruð móðir á skilyrðis-
laust að fá að heimsækja son sinn,
segir hann fastmæltur.