Tíminn - 19.12.1987, Síða 2

2 Tíminn
Laugardagur 19. desember 1987
Fjölmenni var á Hótel íslandi ug reyndu gestir að treina sér samkvæmið og varð að lokum að fá lögreglu í spilið,
Tímamynd Pjefur
ögreglan
lokar á
Hó tel ísland!
Opnunarhátíð nýjasta skemmti-
staðarins á Islandi, Hótels íslands,
var á fimmtudagskvöld og var mikil
og góð mæting. Mikið var um
dýrðir og var útvarpað í beinni
útsendingu frá hátíðinni.
Einn galli var samt á gjöf
Njarðar, því staðurinn hafði ein-
ungis leyfi til að hafa opið til
klukkan 01, en einum og hálfum
tíma eftir að leyfilegum opnunar-
tíma lauk, eða klukkan 02.30 var
lögreglunni hins vegar nóg boðið
og kom á staðinn og lokaði.
Gerð var skýrsla um atburðinn
og verður hún síðan send fulltrúa
þeim sem sér um leyfisveitingar,
sem tekur ákvörðun um hvort
staðnum ber að loka helgina eftir,
eða seinna.
En eins og sagt er, fall er farar-
heill. " " - SÓL

■ITA
Jólatilboð:
Verðið á öllum okkar
hjólum er eins og eftir
fyrirhugaða tollalækk-
un (án gengisbreyt-
4 inga).

JÓUUUÓL
_ _ Reióhjólaverslunin ,—
Sérverslun í meira en 60 ár ORNINN
Spítalastig 8 við Óóinstorg simar 14661,26888
Víkurbergið
í heimahöfn
Frcttaritari Timans í Fljótum Örn Þórarinsson:
Fyrir skömmu kom nýr 9,5 tonna
bátur, Víkurbergið SK 72, til Haga-
nesvíkur. Eigendur er Sveinn og
Hilmar Zófaníassynir í Fljótum.
Víkurbergið er plastbátur. Skrokk-
urinn framleiddur hjá Trefjaplasti
hf. á Blönduósi. Þaðan var báturinn
fluttur til Siglufjarðar þar sem fyrir-
tæki og einstaklingar sáu um innrétt-
ingar, raflagnir, frágang á vélum og
ýmsum öðrum búnaði.
Víkurbergið var til sýnis á sjávar-
útvegssýningunni í Laugardalshöll
og vakti þar mikla athygli þrátt fyrir
að ýmsum frágangi væri ólokið og
síðan hafa fjölmargir áhugamenn
um útgerð komið og skoðað bátinn,
sem er allur hinn glæsilegasti.
Fjöldi Fljótamanna tók á móti
bátnum þegar hann kom og fór með
honum í skemmtisiglingu um Haga-
nesvík í blíðskaparveðri, en þetta er
stærsti bátur sem Fljótamenn hafa
eignast hingað til, en þeir hafa til
þessa aðeins gert út 2-3 tonna trillur.
Víkurbergið er útbúið til línu-,
neta- og handfæraveiða. Einnig má
stunda á því togveiðar með litlum
breytingum.
Frá komu Víkurbergsins til Haganesvíkur á dögunum. Tímamynd öi>
Vitleysa í jólaplötuflóðinu:
Rangfeðrað
hjá
Nýlega kom út plata með söng
Ríó Tríósins. Á plötunni eru sung-
in gömul og gild íslensk þjóðlög,
þ.e.a.s. lög sem allir kunna og hafa
gert lengi.
En Sigríður Pétursdóttir hefur
komið auga á vitleysu í feðrun eins
lagsins.
„Meðal laga sem þeir flytja er
Erla góða Erla eftir Pétur Sigurðs-
son frá Sauðárkróki. Þetta lag
eigna þeir Sigvalda Kaldalóns.
Þrátt fyrir uppgötvun vitleysunnar
gerðu þeir hvorki að láta líma yfir
á plötunum né leiðrétta mistökin
hjá útvarpinu og var lagið spilað í
Ríó
ýmsum þáttum þar og rangkynnt"
segir Sigríður um þetta mál.
Hún segir það vissulega rétt að
Sigvaldi hafi gert lag við þennan
texta og lögin hafi verið samin um
líkt leyti, en lag Péturs hafi verið
fyrr á ferðinni, eða fyrir 1930.
„Mörgum hcfur fundist þessi lög
keimlík og er þessi hroðvirkni
tríósins þeim mun meinlegri.
Nú vil ég hvetja alla þá sem
eignast þessa plötu til að líma yfir
og leiðrétta villuna þótt með því
mætti segja að verið væri að hengja
bakara fyrir smið“ sagði Sigríður.
- SÓL