Tíminn - 12.03.1988, Side 19

Laugardagur 12. mars 1988
Tíminn 19
ÁRNAÐ HEILLA
Áskell og Dagbjört í berjamó í hitteðfyrra.
Askell
Sigurjónsson
Laugafelli níræöur
- afmæliskveðja -
í dag, 13. mars, er tengdafaðir
minn Áskell Sigurjónsson níutíu
ára. Mig langar af því tilefni að
senda honum afmæliskveðju.
Áskell hefur stundað bústörf
mestan sinn aldur og þó aldurinn sé
orðinn hár þá er hann enn að
störfum. Hann hefur reyndar alla tíð
verið sístarfandi og sinnt fjölmörg-
um störfum með búrekstri sem alltaf
skilaði góðum arði. Þeim sem horft
hefði á hann slá útsköfur og hirða
hey af bleitum til þrifnaðar á síðasta
sumri hefði ekki komið í hug að
aldur hans væri orðinn svona hár.
Hann hefur alla tíð verið léttleika
maður sem unnið hefur störfin af
áhuga og samviskusemi. Auk bú-
starfanna var Áskell oddviti sveitar-
félagsins í 20 ár. Hann rak bóksölu
í 23 ár, var reikningshaldari Hús-
mæðraskólans á Laugum í áratugi
auk margra annarra félagsstarfa
bæði fyrir Ræktunarsambandið
Smára, Sparisjóð Reykdæla, Kaup-
félag Þingeyinga og fleiri aðila. Þetta
voru allt störf í hjáverkum með
umfangsmiklum bústörfum. Og öll
voru þessi störf unnin af stakri prýði.
Því tíunda ég þetta hér að nú þegar
hann hefur lokið níunda tugnum er
ekki að sjá að þessi langi vinnudagur
hafí íþyngt honum verulega, heldur
verið honum blessun og gleði. Heil-
brigð viðhorf hans til lífsins og
starfanna og metnaður hans til að
gera hlutina vel hefur veitt honum
lífsgleðina og hógværðin lífsfylling-
una. Fyrir utan það sem hér hefur
verið nefnt hefur hann svo verið
sílesandi og sískrifandi.
Áskell er fæddur að Sandi í Aðal-
dal 13. mars 1898. Það var í þann
mund sem Sandur var að vinna sér
nafn í menningarsögu þjóðarinnar.
Guðmundur Friðjónsson og Sigur-
jón bróðir hans, faðir Áskels, voru
þá að vinna sér nafnfesti í skáldatali
þjóðarinnar. Því er ekki að furða þó
Áskell yrði snemma bókelskur og
lestrarhestur. Það hefur búið með
honum alla tíð. Engum hef ég
kynnst sem kann meira af sögum alls
konar og sögnum og f frásögninni
fær kímnigáfa hans vel notið st'n.
Svo er oft um hægláta menn og
hlédræga. Ungur að árum flyst
Áskell með foreldrum sínum að
Einarsstöðum í Reykjadal. Móðir
Áskels var Kristín Jónsdóttir Ólafs-
sonar frá Rifkelsstöðum í Eyjafirði.
Ásrún systir hennar var nýorðin
ekkja eftir mann sinn Harald Sigur-
jónsson og fluttu þau Sigurjón og
Kristín í sambýli við Ásrúnu. Árin á
Einarsstöðum eru Áskeli mjög
minnisstæð og hefur hann sagt mér
ótal sögur frá þeim tíma. Allt virðist
þetta fast í minni enn í dag. Sem
unglingur flytur Áskell með foreldr-
um sínum að Litlulaugum í sömu
sveit og varð það hans dvalarstaður
upp frá því, því út úr þeirri jörð
byggir hann nýbýlið Laugafell 1943.
Laugafell er lítii jörð en þar er hver
blettur ræktaður þar sem hægt var
að koma því við. Þó jörðin sé lítil þá
er hún einkar grasgefin og það hefur
Áskell kunnað að nýta sér. Heitar
uppsprettur eru í landi Litlulauga og
til margra ára ræktaði Áskell talsvert
af kartöflum til sölu.
En áður en Áskell fór að búa á
eigin spýtur hafði hann rennt stoðum
undir lífshlaup sitt. Hann hafði lokið
námi við Bændaskólann á Hvanneyri
og einnig við Samvinnuskólann sem
þá var í Reykjavík. Ég læt mér koma
í hug að tvennt hafi ráðið mestu um
skólagöngu hans. Annað fróðleiks-
þorsti hans og löngun til mennta en
hitt að vera vel í stakk búinn til
þeirra verka sem biðu.
Ég minnist í þessu sambandi ferð-
ar Áskels til Reykjavíkur fyrir
tveimur árum í bíl með syni mínum.
Hann sagði honum frá því þegar
hann fór á Hvanneyrarskóla þá hafði
hann farið gangandi norðan úr
Reykjadal og suður í Borgarfjörð,
en slíkt var ekki óalgengt þá. En í
leiðinni í bílnum rakti hann fyrir
dóttursyni sínum alla leiðina með
bæjarnöfnum og örnefnum þar sem
hann hafi farið haustið 1918. Þetta
var unga fólkinu undrunarefni.
Skömmu eftir að Áskell kom frá
námi í Samvinnuskólanum giftist
hann Dagbjörtu Gísladóttur sem þá
var ráðskona við Héraðsskólann á
Laugum. Dagbjört er dóttir Gísla
Jónssonar er bóndi var á Hofi í
Svarfaðardal og Ingibjargar Þórðar-
dóttur konu hans. Áskell og Dag-
björt hafa síðan búið allan sinn
búskap á Litlulaugum og í Laugafelli
Dagbjört verður 85 ára í næsta
mánuði en hún stýrir enn heimili
innanstokks í Laugarfelli og lætur
ekki deigan síga. Ekki held ég að
henni líkaði það orðafar að hún hafi
staðið dyggilega við hlið bönda síns,
eins og sagt er um margar ágætar
konur. Dagbjört hefur alltaf litið á
hjón sem tvo sjálfstæða einstaklinga
sem hefðu samvinnu um rekstur
heimilis og bús þó hefðbundin verka-
skipting gæti verið á milli þeirra. Ég
veit varla meira jafnræði með hjón-
um en þessum ágætu tengdaforeldr-
um mínum. Dagbjört hafði, eins og
Áskell, hlotið góða menntun á
þeirrar tíðar vísu heima og erlendis.
Hún hefur alla tíð haft lifandi áhuga
fyrir búskapnum svo og öllum fram-
kvæmdum og það hefur ekki minnk-
að þó aldurinn færist yfir þó hún hafi
nokkuð dregið í land í félagsmálum
kvenna sem hún var ötull talsmaður
fyrir.
Þau eiga margt sameiginlegt
Áskell og Dagbjört. Þau eru bæði
bókelsk, leggja áherslu á trygga
afkomu sem undirstöðu farsældar í
störfum, hjálpfús og greiðvikin. í
fáum orðum sagt, skynsöm í athöfn-
um sínum.
Það eru nú tæp 40 ár síðan kynni
mín hófust af þessu ágæta fólki. Mér
var strax tekið sem væri ég þegar
einn af fjölskyldunni og þannig hefur
mér það fundist vera allar götur
síðan. Ég fékk útrás fyrir búskapar-
löngun mína þá fáu daga sem ég
dvaldi á hverju ári í Laugafelli, ekki
síst með því að fylgjast með skepnu-
höldum og grfpa í verk. Þjóðmálin
voru rædd, en Áskell hefur alltaf
haft mikinn og lifandi pólitískan
áhuga. Síðan sat ég við brunn ætt-
fræðinnar og sagnanna. Þó eiga
barnabörnin mest að þakka, svo
mörg sem búin eru að vera í skjóli
afa og ömmu. Afkomendahópurinn
er orðinn þó nokkur hópur, börnin
sex, barnabörnin 19 og barnabarna-
börnin 12.
Á sumri komanda verður til-
hlökkunin ekki minni en önnur sum-
ur að aka norður í Laugafell, hitta
Áskel með orf eða hrífu í hönd og
Dagbjörtu í gróðurhúsinu. Drekka
síðan besta kaffi sem ég fæ nokkurs
staðar og híusta um leið á gamlar
kímnisögur Áskels. Til hamingju.
Kári Arnórsson.
Aðalfundir félagsdeilda

Verða sem hér segir:
1. deild.
Mánudagur 21. mars kl. 20.30.
Fundarstaður: Hamragarðar, Hávallagötu 24.
Féiagssvæði deildar 1: Seltjarnarnes, vesturbær og
miðbær, vestan Snorrabrautar. Auk þess Hafnarfjörður.
2. og 3. deild.
Þriðjudagur 22. mars kl. 20.30.
Fundarstaður: í kaffistofu Afurðasölu Sambandsins,
Kirkjusandi.
Félagssvæði 2. deildar: Hlíðarnar, Háaleitishverfi,
Múlahverfi, Túnin og Norðurmýri. Auk þess Suðurland
og Vestmannaeyjar.
Félagssvæði 3. deildar: Laugarneshverfi, Kleppsholti,
Heima- og Vogahverfi. Auk þess Vesturland og Vest-
firðir.
6. deild.
Miðvikudagur 23. mars kl. 21.00.
Fundarstaður: Þinghóll, Hamraborg 11, Kópavogi.
Félagssvæði 6. deildar: Kópavogur, Garðabær og
Suðurnes.
4. og 5. deild.
Fimmtudagur 24. mars kl. 20.30.
Fundarstaður: Kaffistofa á þriðju hæð Kaupstaðar í
Mjódd.
Félagssvæði 4. deildar: Smáíbúðahverfi, Gerðin, Foss-
vogur, Blesugróf, neðra Breiðholt og Seljahverfi. Auk
þess Norðurland og Austurland.
Félagssvæði 5. deildar: Efra Breiðholt, Árbær, Ártúns-
holtog Grafarvogur. Auk þess Mosfellssveitog Kjalarnes.
REYKJKJÍKURBORG III
Aautevi Stödívi
Heilsuverndarstöð
Reykjavíkur
óskar eftir að ráða ræstingafólk til starfa. Um er
að ræða bæði fast starf og sumarafleysingar.
Upplýsingar eru gefnar á skrifstofu framkvæmda-
stjóra heilsugæslustöðva, sími 22400.
Umsóknir sendist Starfsmannahaldi Reykjavíkur-
borgar, Pósthússtræti 9, fyrir kl. 16.00, föstudaginn
18. mars 1988.
I|l REYKJKJÍKURBORG »||
't' Acuctevi Sfödcci T
Félagsmálastofnun Reykjavíkurborgar
auglýsir lausa stöðu
Forstöðumanns
fjölskylduheimilis fyrir unglinga. Staðan er laus frá 1.
maí n.k. Áskílin erfélagsráðgjafamenntun eða háskóla-
menntun á sviði uppeldis- og sálarfræði ásamt reynslu
af meðferðarstarfi.
Laun skv. kjarasamningum Reykjavíkurborgar.
Upplýsingar gefnar í síma 25500 (yfirmaður fjölskyldu-
deildar) eða 622760 (unglingadeild). Umsóknarfrestur
er til 30 mars.