Tíminn - 09.09.1988, Blaðsíða 12

12 Tíminni
FRÉTTAYFIRUT
DHAKA - Flóðin í Banglah-
desh eru nú loks í rénun að
sögn. Hjúkrunarfólk berst nú!
með kjafti og klóm til að koma
í veg fyrir meiri útbreiðslu sjúk-
dóma og reynir að hjálpa þeim •
þúsundum sem nú liggja fár-
veikir eftir flóðin. Almenn hung-,
ursneyð vofir nú yfir því fæða'
er mjög af skornum skammti
þrátt fyrir að fyrstu hjálpar-
gögnin hafi nú náð til mestu
hörmungarsvæðanna.
PARÍS — Bandaríkjamenn
hafa farið fram á að fundur
vestrænna ríkja sem haldinn
verður í Washington í lok mán-
aðarins verði útvíkkaður svo
Japanar, Ástralar og Nýsjá-
lendingar fái að taka þátt í
fundinum.
MOSKVA — Sovéski geim-1
farinn sem hætt var kominn i
geimfari ásamt Afgana nú á
dögunum telur að lendingar-
búnaður geimfarsins hafi bilað
vegna rangra skipana frá
stjórnstöð á jörðu.
JERÚSALEM — Hermenn
Israela á vesturbakka Jórdan'
skutu einn Palestínumann tili
bana og særðu annan í átök-i
um við grímuklædda mótmæl-j
endur sem vopnaðir vorui
hnífum, steinum og bareflum,!
að sögn talsmanns hersins.
PEKING — Kínverjum,
heppnaðist að koma á loftj
gervihnetti með nýrri tegund
eldflaugar sem þeir hyggjast
bjóða til sölu á alþjóðamarkaði.
Eldflauginni var skotið frá Ta-
iyuan í norðurhluta Kína.
DIYARBAKIR, tyrk
LANDI -Tuttugu og tveir menn
hafa fallið í átökum við skæru-
liða Kúrda í suðausturhluta
Tyrklands undanfarna þrjá sól-
arhringa. Tíu hinna látnu voru
hermenn, þrír lögreglumenn,
sex þorpsvarðmenn og þrír.
skæruliðar Kúrdíska verka-(
mannaflokksins sem berst fyrir
sjálfstjórn hinna átta milljón
Kúrda er búa í Tyrklandi. Umi
60 þúsund írakskir Kúrdar hafa
nú flúið yfir landamærin til
Tyrklands undan hermönnum
íraka sem hafa sótt gegn Kúrd-
um af mikilli hörku undanfarnar
vikur. Tyrknesk dagblöð telja
að um 100 skæruliðar Kúrd-
íska verkamannaflokksins hafi
komið með flóttamönnum frá|
írak.
Föstudagur 9. september 1988
IHIIIIIIIIIIIIIIIIl UTLÖND IHIHHIIIIIIL: - Illllllllllllli Illlllll ■.:|!i!llllllllllllllll!|l:.:. Illlllllllllllllll: . ::'!llllllll
Leiðtogi PLO leggur fram friðarhugmynd í málefnum Palestínumanna:
SÞ fái umsjón með
hernumdu svæðunum
Frelsissamtök Palestínu hafa farið
fram á það við Sameinuðu þjóðirnar
að samtökin taki tímabundið við
eftirliti og stjórnun hcrnumdu svæð-
anna á vesturbakka Jórdan og Gaza.
„Við förum fram á alþjóðlegar
ráðstafanir til að tryggja öryggi pal-
estínsk almennings og að hernumdu
svæðin verði undir umsjá Sameinuðu
þjóðanna um ákveðinn tíma,“ sagði
Farouk Kaddoumi leiðtogi stjórn-
máladeildar PLO á fundi utanríkis-
ráðherra samtaka óháðra ríkja sem
nú stendur yfir á Nikosíu.
Sendifulltrúar telja að ræða Kadd-
ounti verði fyrsta skrefið í pólitískri
herferð PLO á alþjóðavettvangi þar
sem reynt verður að beina sjónum
manna að uppreisn Palestínumanna
á hernumdu svæðunum. Talið er að
Yassir Arafat eigi eftir að fylgja
ræðu Kaddoumi eftir á þingi
Evrópuráðsins í Strassborg eftir
helgina.
Kaddou.mi sagði að PLO muni
leita ýtnissa leiða í málefnum her-
numdu svæðanna áður en Þjóðarráð
Palestínu, sem er útlagaþing Palest-
ínumanna, muni komasaman í Alsír
fyrstu viku októbermánaðar.
Embættismenn PLO hafa einnig
sagt að til greina komi að koma á fót
útlagastjórn Palestínumanna.
Þá herma heimildir Palestínu-
manna að Arafat sé nú að undirbúa
sögulegt sáttartilboð þar sem PLO
muni hugsanlega viðurkenna tilveru-
rétt Ísraelsríkis ef á móti kæmi-
stofnun Palestínuríkis.
Israelar hafa hins vegar varað
Palestínumenn við að koma á fót
einhverskonar ríkisstjórn á her-
numdu svæðunum og segjast munu
nota járnhnefa til að brjóta slíkar
tilraunir á bak aftur. Reyndar hafa
ísraelar verið iðnir við að handtaka
meinta uppreisnarmenn á hernumdu
svæðunum og skutu reyndar Palest-
ínumann til bana í átökum þar í gær.
í ræðu sinni ásakaði Kaddoumi
ísraela fyrir að hunsa almenningsá-
litið í heiminum og tilraunir Samein-
uðu þjóðanna til að kom á friði í
Miðausturlöndum. Líkti hann
fjöldahandtökum ísraela á Palest-
ínumönnum á hernumdu svæðunum
við aðgerðir nasista í útrýmingar-
búöunum á stríðsárunum.
Friöargæslumaður SÞ á verði í Líbanon. PLO vill senda hann til hernumdu
svæðanna því PLO vilja að Sameinuðu þjóðirnar taki að sér umsjá hernumdu
svæðanna um stundarsakir til að tryggja öryggi almennings.
Átök urðu milli lögreglu og róttækra stúdenta í Seoul í gær. Stúdentarnir
voru að mótmæla ólympíuleikunum sem hefjast 17. september þar í borg.
Rán oggripdeildirvirðastúrsögunni í Burma í bili:
Hálf milljón manna
mótmælti í Rangoon
Talið er að um hálf ntilljón manna
hafi tekið þátt í kröfugöngum í
Rangoon í gær og var það að líkind-
um stærsta kröfuganga sem farin
hefur verið í Burnta. Kröfuganga
þessi fór friðsamlega fram og hafði
yfir sér blæ hátíðargöngu frekar en
mótmælagöngu. Má það furðu sæta
því hún var farin aðeins sólarhring
eftir að algjör upplausn virtist blasa
við vegna rána og gripdeilda í borg-
inni.
Aðgerðir hersins og skipulagðra
hópa munka og stúdenta til að koma
í veg fyrir meiri gripdeildir hafa
greinilcga borið árangur og komið í
veg fyrir algera upplausn, en her-
mönnum var skipað að skjóta ræni-
ngja á staðnum. Vitað er að fimm
manns voru drepnir, sex særðust og
áttatíu og átta voru handteknir.
Að venju krafðist fólkið afsagnar
Maung Maung forseta og ríkisstjórn-
ar hins fyrrum einráða sósíalista-
flokks landsins. Fólk hrópaði í sí-
fellu „lýðræði, lýðræði" og virðist
ekki ætla að láta deigan síga. Fjöldi
húsmæðra gekk um göturnar og sló
sleifum í potta sína með tilheyrandi
hávaða. Hcrmenn sem voru á verði
á öllum ntikilvægum stöðum í borg-
inni horfðu hamingjusamir á aðfar-
irnar og gripu ekki inní, enda stjórn-
in sem í raun er úr leik, gefið út að
hernum verði ekki beitt gegn frið-
samlegum mótmælagöngum.
I Mandalay næst stærstu borg
landsins fóru einnig fram friðsamleg-
ar mótmælagöngur. Borgin er nú
undir stjórn Búddamunka sem hafa
náð að halda uppi lögum og reglum,
enda hafa engar gripdeildir orðið
þar.
Ólympíuleikamir valda ólgu í Suður-Kóreu:
Átök lögreglu og
stúdenta í Seoul
Hundruð róttækra stúdenta í Suð-
ur-Kóreu áttu í hörðum átökum við
óeirðarlögreglu í Seoul í gær eftir
mótmælagöngu gegn ólympíu-
lcikunum sem hefjast í borginni 17.
september. Stúdentarnir köstuðu
eldsprengjum og grýttu lögregiu-
mennina, sem útbúnir voru kylfum,
skjöldum og hjálmum.
Hinir svarthjálmuðu lögreglu-
ntenn beittu kylfum sínum óspart til
að hindra göngumenn að í komast
að Shilla hótelinu sem eru nú tíma-
bundið höfuðstöðvar Juan Antonio
Samaranch forseta ólympíunefndar-
innar. Lögreglan beitti þó ekki tára-
gasi á stúdentana, en því var þó beitt
á tvær minni mótmælagöngur í gær.
Stúdentarnir hrópuðu slagorð
gegn Roh Tae-woo forseta Suður-
Kóreu og sökuðu hann um að hindra
þátttöku Norður-Kóreumanna í
leikunum með dyggum stuðningi
Bandaríkjamanna: Norður-Kóreu-
menn staðfestu það í síðustu viku að
þeir myndu sniðganga leikana þar
sem upp úr slitnaði í viðræðum
ríkjanna um að standa sameiginlega
að ólympíuleikunum.
Stúdentarnir kröfðust einnig að
stjórnvöld léttu hinu tímabundna
banni sem sett hefur verið á mót-
mælafundi í stærstum hluta borgar-
innar.
Sambærileg mótmæli fóru fram í
borginni Kwangju þar sem ýmsar
greinar ólympíuleikanna fara fram.
Þar beitti lögregla táragasi til að
leysa upp gönguna.
Sovétmenn neita st&öhæfingum Pakistana um
aö afganskar þotur hafi rofiö lofthelgi Pakistans:
Afgönsk þota var
ekki skotin niður
Sovétmenn hafa neitað því að
Pakistanar hafi skotið niður afg-
anska herþotu yfir Pakistan í fyrra-
dag og hafa farið fram á óháða
rannsókn á alvikinu. Pakistanar
sögðust hafa skotið afganska her-
þotu niður og hrakið aðrar á ný yfir
til Afganistans eftir að þær höfðu
gert sprengiárás á þorp í Pakistan.
„Afganskar flugvéiar hafa ekki
gert sprengiárásir á pakistöhsk
þorp og þær hafa ekki rofið pakist-
anska flughelgi, þur af leiðandi
geta þæ'r ekki hafa verið skotnar
niður yfir pakistönsku lands-
svæði," sagði talsmaður sovéska
utanríkisráðuneytisins á blaða-
mannafundi í gær.
„Til að koma í veg fyrir þessar
lygar í eitt skipti fyrir öll, frá
sovéskri hlið og eftir því sem ég
bcst veit afganskri hlið einnig, þá
erum við tilbúnir að taka þátt f
óviihallri rannsókn á þessurn ásök-
unurn," sagði hann einnig.
Talsmaðurinn sagði að rann-
sóknarnefndin gæti samanstaðið af
Afgönum, Sovétmönnum, Pakist-
önum og Bandaríkjamönnum und-
ir stjórn sérlegs sendimanns Sam-
einuðu þjóðanna.