Tíminn - 10.11.1988, Blaðsíða 6

6 Tíminn
Fimmtudagur 10. nóvember 1988
Vöruflutningabíll fer yflr Oddsskarð.

Læknafélag Austurlands skorar á yfirvöld aö halda Oddsskaröi opnu:
Stórt öryggismál
fyrir Austfirði
Aðalfundur Læknafélags Austurlands samþykkti þ. 20.
október að skora á ráðuneyti vega- og fjármála að Oddsskarði
verði haldið opnu vegna legu Fjórðungssjúkrahússins á
Neskaupstað.
Að sögn Eggerts Brekkan yfir-
læknis sjúkrahússins á Neskaupstað
er það gífurlega mikilvægt öryggis-
atriði fyrir nágrannabyggðarlögin að
Oddsskarði sé haldið opnu allan
ársins hring. Eggert sagði að þó ekki
væri um marga daga á ári að ræða
þar sem ófært væri með öllu væri það
brýnt að reyna að hafa þá sem fæsta
og benti hann á að oft á tíðum væri
um litla fyrirstöðu að ræða þar sem
mokstur væri fljótunninn. Eggert
sagði einnig að það gæti vissulega
komið upp sú staða að erfitt eða
illmögulegt væri að halda veginum
opnum sökum veðurs og við það
yrði að una en hinsvegar væri það
brýnt að yfirvöld íhuguðu hversu
mikið öryggisatriði það væri fyrir
Austfirðinga að moka Oddsskarð
oftar en tvisvar í viku.
Sigurður Hauksson hjá Vegagerð-
inni sagði að Oddsskarð væri venju-
lega mokað tvisvar í viku, á þriðju-
dögum og föstudögum. Hann sagði
einnig að þó reglan væri sú að moka
Skarðið tvisvar í viku væri það
opnað oftar ef þörf krefði. Sem
dæmi tók Sigurður að síðastliðinn
vetur hefði Oddsskarð verið lokað
samtals í fjórtán daga og þá væri átt
við þá daga sem algjörlega væri
Iokað, suma daga væri reyndar um
það að ræða að aðeins stórum bílum
og jeppum væri fært yfir Skarðið. Til
samanburðar nefndi Sigurður að
Fjarðarheiði hefði síðastliðið ár ver-
ið lokuð í tuttugu daga og Öxnjidals-
heiði í fjóra. -áma
Kjördæmisþing framsóknarmanna í Norðurlandi eystra:
Stuðningur við
fjárlagafrumvarp
Kjördæmisþing framsóknar-
manna í Norðurlandskjördæmi
eystra, hefur sent frá sér stjórn-
málaályktun sem er svohljóðandi:
Kjördæmisþing framsóknar-
manna í Norðurlandskjördæmi
eystra, haldið í Hótel Reynihlíð í
Mývatnssveit, dagana 4. og 5. nóv-
ember 1988, lýsir yfir fullum stuðn-
ingi við ríkisstjórn Steingríms Her-
mannssonar.
Þingið leggur áherslu á að höfuð-
verkefni hinnar nýju ríkisstjórnar
er, að treysta grundvölf atvinnulífs-
ins og rétta stöðu landsbyggðarinn-
ar.
Atvinnurekstur í landinu á nú í
mjög miklum erfiðleikum - og er þá
sama hvert litið er. Útflutningsfyrir-
tæki eru komin í rekstrarþrot og
fjölmörg þjónustufyrirtæki, sérstak-
lega á landsbyggðinni, riða til falls.
Þessir erfiðleikar hafa keðjuverk-
andi áhrif á allt atvinnulífið í landinu
og munu, ef ekkert verður að gert,
valda stórfelldari byggðaröskun en
dæmi eru um áður - og atvinnuleysi
á borð við það sem þekktist á fjórða
áratugnum. Ástæður fyrir því
ástandi sem er að skapast, eru marg-
víslegar, en óheft markaðshyggja og
rangt verðmætamat þjóðarinnar
vega þar þungt.
Þingið lýsir stuðningi við þá stefnu
ríkisstjórnarinnar, að fjárlög ríkisins
fyrir árið 1989 verði samþykkt með
tekjuafgangi og lánsfjárlög miði að
því að lækka erlendar skuldir, sem
hlutfall af þjóðarframleiðslu. Til
þess að ná þessu markmiði, er nauð-
synlegt að gæta ýtrasta aðhalds í
útgjöldum ríkis og sveitarfélaga.
Þingið lýsir þeirri skoðun sinni, að
leggja beri aukna skatta á stóreigna-
og hátekjufólk.
Kjördæmisþingið lýsir vonbrigð-
um sínum yfir þætti Seðlabankans í
stjórn efnahagsmála undanfarin ár,
og telur einnig að ef bankinn styður
ekki stefnu ríkisstjórnarinnar, beri
hiklaust að endurskoða hlutverk
hans.
Þá ályktar kjfedæmisþingið að
ríkistjórnin skuli kanna rækilega
grundvöll fyrir orkujöfnunarsjóði,
sem Iið í þeirri baráttu að jafna
aðstöðumun dreifbýlis og þéttbýlis.
Á það er einnig bent í þessu sam-
bandi, að þrjár af hverjum fjórum
krónum í byggingariðnaði fara á
Stór-Reykjavíkursvæðið. Því álykt-
ar þingið að ríkisstjómin beiti sér
fyrir sérstöku átaki við byggingu
leiguhúsnæðis á landsbyggðinni.
Ennfremur leggur kjördæniisþing-
ið áherslu á mikilvægi þess, að
Framsóknarflokkurinn verði áfram
leiðandi afl í íslenskum stjórnmál-
um, og væntir þess að honum takist
í anda stefnu sinnar og hugsjóna, að-
skapa betra og réttlátara þjóðfélag.
200 tonn af rækju
til Sigló hf.
200 tonnum af óunninni rækju frá
Danmörku var skipað upp á Siglu-
firði í gær og er þetta annar farmur-
inn sem Sigló hf. á Siglufirði kaupir
af Dönum á þessu ári. Þá hefur
fyrirtækið einnig keypt rækju frá
Noregi og úr grænlenskum togara á
árinu.
Guðmundur Skarphéðinsson
framkvæmdastjóri Sigló hf. sagði í
samtali við Tímann að ástæðan væri
fyrst og fremst treg rækjuveiði á
miðunum hér við land á árinu.
„Okkur vantaði hráefni og því
leituðum við út fyrir landsteinana
með það. Við kaupum þetta frá
Danmörku núna, en þetta er rækja
sem er veidd við Kanada," sagði
Guðmundur. Þessi rækja er mjög
svipuð að stærð og sú rækja sem
veiðist hér við land. Hjá Sigló hf.
hafa um 2000 tonn af rækju verið
unnin á árinu, sem er 1000 tonnum
minna en á sama tíma í fyrra.
Guðmundur sagði að verðið væri
mjög hagstætt á rækjunni sem keypt
væri frá Danmörku, en ekki vildi
hann gefa upp verðið. Þegar búið er
að vinna rækjuna hér er hún seld
m.a. til Danmerkur, Þýskalands og
Englands.
Sem stendur eru um 40 manns á
launaskrá hjá fyrirtækinu og vinna
allir í rækjuvinnslunni. -ABÓ
Ferðagagnabanki
í burðarliðnum
„Upphafið er það að í sambandi
við útgáfu Ferðahandbókarinnar
Lands hafa safnast saman miklar
upplýsingar um ýmis konar þjónustu
við ferðamenn og aðra og þeim
hefur verið komið á gagnagrunn í
tölvu og flestar greinar ferðamanna-
þjónustu þar flokkaðar og aðgreind-
ar,“ sagði Hilmar H. Jónsson fram-
kvæmdastjóri Ferðalands h.f.
Rætt var við Hilmar vegna þess að
stofnaður hefur verið gagnabanki
yfir ferðaþjónustu innanlands.
Bankinn verður fyrst um sinn
rekinn þannig að hægt verður að
hringja í Ferðaland h.f. til að leita
upplýsinga og verður hægt að fá svör
á ensku, þýsku, dönsku og auðvitað
íslensku, en auk þess verður hægt að
fá senda í pósti útprentun úr bankan-
um yfir ýmsa þætti, til dæmis hótel á
íslandi, á ákveðnum stöðum á land-
inu, eða td. hótel sem kosta undir
einhverri umbeðinni upphæð hvar
sem er á landinu.
í bankanum verða mjög víðtækar
upplýsingar af slíku tagi yfir allt sem
tengist þjónustu við ferðamenn og
þær upplýsingar tiltækar hverjum
sem eftir sækist án endurgjalds.
Allir þeir sem veita þjónustu við
ferðamenn innanlands verða skráðir
í bankann og sú þjónusta sem þeir
veita. Þjónustuaðilarnir geta síðan
fengið sendan í pósti diskling mán-
aðarlega.
Bankinn verður endurnýjaður
stöðugt og verður vírus á disklingun-
um sem þjónustuaðilarnir fá, sem
eyðileggur sjálfvirkt upplýsingarnar
eftir ákveðinn tíma.
Þetta er ekki að sögn Hilmars
vegna fjárplógsstarfsemi, heldur til
að þjónustuaðilar liggi ekki með
úrelt gögn og gefi ferðafólki þannig
rangar upplýsingar samkvæmt þeim.
Þjónustuaðilarnir fá disklinginn
sendan gegn greiðslu kostnaðar-
verðs hans og afritunarinnar á hann.
Undanfarna mánuði hefur verið
unnið að því að slá upplýsingar inn
í bankann og viðræður eru hafnar
við aðila í Færeyjum og á Grænlandi
um aðild að honum.
Ætlunin er að sfðar verði hægt að
tengjast bankanum um símakerfið
enda mun bankinn að öllum líkind-
um tengjast ferðabönkunum stóru í
Evrópu, Amadeusi og Galileo.
-sá
F.v. Kristján Jóhannsson, sr. Gunnar Kristjánsson, Páll Stefánsson og
Haraldur J. Hamar.
Gengið í
út er komin glæsilega mynd-
skreytt bók um kirkjur og kirkjulist
á íslandi. Kemur bókin út samtímis
á íslensku og ensku. íslenska útgáfan
heitir Gengið í guðshús og er gefin
út af Almenna bókafélaginu. Á
ensku ber bókin heitið Churches of
Iceland og er í útgáfu Iceland Re-
view.
Höfundur textans er séra Gunnar
Kristjánsson, myndirnar tók Páll
Stefánsson, hönnuður er Björgvin
Ólafsson. Bókin er 112 bls. í stóru
broti, öll litprentuð, myndimar langt
á annað hundrað. Gerð bókarinnar
var í höndum Iceland Review, sem
seldi íslensku útgáfuna í hendur
Almenna bókafélaginu.
Efni bókarinnar snertir flesta
þætti kirkjunnar á íslandi: sögu,
húsagerð og list. Þama er fellt saman
gamalt og nýtt, hið litríka svið
kirkjunnar í íslenskri menningu.
Bókin skiptist í tvo meginkafla.
Annars vegar ritgerð höfundar um
kirkjuna að fomu og nýju í íslensku
guðshús
samfélagi. Hins vegar eru valdar 24
kirkjur og þeim gerð skil í myndum
og texta.
„Þær 24 kirkjur, sem sérstaklega
er um fjallað, em valdar með það í
huga að gefa sem besta yfirsýn yfir
íslenskar kirkjur að fornu og nýju, í
bæjum og sveitum, stórar og smáar,
timburkirkjur, steinkirkjur, torf-
kirkjur,“ segir höfundur í eftirmála.
Hann fór sjálfur í allflestaj kirkjur
á landinu áður en hann hóf verkið.
„Hver einstaklingur sér yfirleitt
mjög fáar kirkjur, þessvegna er bók
af þessu tagi upplýsandi og eiguleg.
Hún er líka litrík og falleg. Menn
sakna sjálfsagt ýmissa kirkna, en í
slíkri úttekt verður að takmarka
fjöldann - fyrst og fremst að gera
höfuðkirkjum skil, svo og þeim, sem
em dæmigerðar fyrir ýmsa megin-
þætti. Þetta er fýrsta bók sinnar
tegundar hérlendis, það hefur verið
ánægjulegt að fást við þetta verk-
efni,“ segir séra Gunnar Kristjáns-
son.