Tíminn - 17.11.1988, Blaðsíða 15

Fimmtudagur 17. nóvember 1988
Tíminn 15

LESENDUR SKRIFA

illllll
lllllllilll
Staður vikunnar
Laugardagskvöldið 5. þm. skyldi
Baldur Hermannsson leiða í sjón-
varpinu þáttinn: Maður vikunnar.
Maður vikunnar að þessu sinni átti
að vera merkisbóndi og hreppstjóri
austan úr Skaftafellssýslu. Því var
ekki ólíklegt að viðtal við hann
snerist um hans nánasta umhverfi og
það sem væri að gerast á hans
slóðum. En það var ærið langt frá
því að stjórnandi þáttarins leiddi
viðmælanda sinn að þvílíku við-
fangsefni. Umræðuefnið við upphaf
og endi þáttarins var Kringlan í
Reykjavík.
Af sinni einstöku smekkvísi hóf
B.H. tal sitt eitthvað á þessa leið:
Við erum staddir í verslunarmuster-
inu mikla, Kringlunni í Reykjavík.
Að þessum formála loknum beindist
viðleitni spyrjandans að því að fá
viðmælandann til að lofa dýrð stað-
arins. Það varð niðurstaða bollalegg-
inga þeirra, undir styrkri stjórn
spyrjandans, að hreppstjórinn hefði
aldrei áður slíka dýrð litið augum og
hafði hann þó verið í Flórída og
trúlega víðar troðið erlenda grund.
Það mátti ráða af máli þeirra, að
íslendingar þyrftu ekki framar að
leggja á sig langferðir til suðrænna
pálmalunda, pílagrímsferð í Kringl-
una gæti komið í stað þessháttar
reisu.
Það gat ekki hjá því farið að að mér
hvarflaði að einhverjar annarlegar
hvatir hefðu ráðið því er B.H.
kallaði hreppstjóra austan úr Skafta-
fellssýslu í Kringluna í Reykjavík, í
stað þess að sækja hann heim og
rabba við hann á heimaslóðum. Mér
finnst það með ólíkindum hvað
myndir úr Kringlunni ber oft fyrir
augu á sjónvarpsskjánum. Fær
Ríkisútvarpið e.t.v. greiðslu fyrir all-
ar þessar Kringluauglýsingar, sem
koma á skjáinn, gjarnast í fréttatím-
um þess?
Ekki hefur þess til þessa gætt svo
mjög að B.H. setti fyrir sig smá-
ferðalög. Ef mig misminnir ekki
mun hann nú nýverið hafa mætt sig
tvívegis á ferðum norður f Þingeyjar-
sýslu, til viðtals við bændur þar. En
það þurfti engum að dyljast, að það
erfiði lagði hann á sig í von um að
geta í þeim viðtölum gert kaupfélög-
in og S.f.S. tortryggileg og koma
höggi á þau, vegna gjaldþrots Kaup-
félagsins á Svalvarðseyri. Þar sem
B.H. sýndiþarnasinn síðbúnaáhuga
fyrir málefnum landsbyggðarinnar,
vænti ég þess að hann tæki tali
einhverja þeirra bænda, sem við
gjaldþrot verslunar Sigurðar Pálma-
sonar á Hvammstanga töpuðu millj-
ónum króna, en það hefur hann enn
látið ógert, svo vitað sé. Reyndar er
langt frá því að ég óski þess, að hann
eigi svo langa setu í núverandi starfi
að hann komi því í kring.
Ég verð að játa það, að það sem
hratt mér út í þessar hugleiðingar
voru upphafsorð stjórnanda þáttar-
ins, B.H.: Við erum staddir í versl-
unarmusterinu mikla, Kringlunni.
Ég hafði verið haldinn þeirri villu að
líta á musteri sem helgidóm. Aftur á
móti hef ég ekki komist á snoðir um
það að' Kringlan hefði neitt það til
að bera, sem minnti á helgidóm, og
tæpast væri það meðfæri eins frelsara
að velta þar á svipstundu öllum
borðum víxlara og prangara.
Ein þeirra ‘spurninga, sem B.H.
beindi að hreppstjóranum var hvers
vegna landsbyggðarmenn hefðu
horn í síðu Kringlunnar. Hann vildi
augljóslega ekki styggja viðmælanda
sinn og taldi sig enga andúð hafa á
henni.
Ekki get ég ætlað að B.H. sé það
neitt á móti skapi að fleiri en sá, sem
hann átti orðastað við, svari spurn-
ingu hans.
Það er mitt sjónarmið að á sama
tíma og alltof margir eru að þjóna
alltof fáum í verslun og meðan
tugþúsund fermetra af verslunar- og
skrifstofuhúsnæði í Reykjavík er
ekki nytjað, sé Kringlan sem mann-
virki ekki réttlætanlegt.
Við höfum með taumlausu óhófi
og lífsgæðagræðgi stofnað til stór-
felldra erlendra skulda, sem við
virðumst ætla að velta yfir á komandi
kynslóðir. Við þessar aðstæður rís
„verslunarmusterið mikla“, eitt
átakanlegasta dæntið um flottræf-
ilshátt okkar. Því undrast ég ef
hugsandi mönnum stendur ekki
stuggur af því.
Mér finnst að við eigum að lifa
sem íslendingar og hugsa sem slíkir,
en ekki etja kappi við tugmilljóna
þjóðir í einu og öllu, síst í prjáli og
betur er óbyggt en byggt - musteri
hégómans.*
Reykjarhóli 6/111988
Óskar Sigtryggsson
Sjónvarpshvalirnir
Fyrst verður byrjað að segja
fréttir af hvalamálunum. Eitthvað
þessu líkt byrja nú um sinn flestar
fréttir íslenska útvarpsins og Sjón-
varpsins. Hvalir eru stórir og því
hljóta hvalafréttir að vera stórfréttir!
Gangi einhverjum útflytjanda illa
að selja sína vöru, er það auðvitað
að kenna hvalveiðum íslendinga,
segir áróðursfólkið, því dettur ekki
í hug að það komi málinu neitt við
þó aðrar þjóðir geti boðið svipaðar
vörur á lægra verði. Fimmtu her-
deildarmenn voru þeir nefndir á
stríðsárunum, sem gengu til liðs við
erlenda andstæðinga gegn sinnar
þjóðar stjórn eða hagsmunum. Fyrir
hverja ætlar Árni Gunnarsson að
vinna með boðuðu þingmáli sínu um
að hætta hvalveiðum. Er hann ekki
að hjálpa þeim glæpamönnum, sem
nú hóta að svelta íslendinga til
hlýðni, nema þeir falli fram og
tilbiðji þá. Árni Gunnarsson hefur
stundum verið á vegum einhverra
hjálparstofnana suður í Afríku eða
einhverjum blámannabyggðum. Þar
er oft hallæri og hungurdauði, ég
held að oftast sé um að kenna
glæpalýð, annaðhvort þeim sem
stjórna eða þeim sem vilja stjórna.
Uppreisnarmönnum virðist oftast
stjórnað af samviskulausum glæpa-
mönnum, sem hiklaust svelta börn
hinna til bana. Til að bjarga sumu
þessu fólki eru samskot víða um
heim, til dæmis á íslandi, þar hefur
Árni Gunnarsson unnið að. Vill
hann nú hjálpa þeim glæpalýð, sem
hótar að svelta íslendinga? Þá geta
hjálparfélagar hans útlendir farið að
birta myndir af íslenskum börnum,
sem sýnast óeðlilega höfuðstór og
maginn útblásinn, að öðru leyti að-
eins skinn og bein. Hér er hjálpar
þörf munu þeir segja, hefja samskot
og svo framvegis.
Hefur ekki gleymst að verðlauna
eins og vert var mennina tvo, sem
sökktu hvalabátunum tveimur í
Reykjavíkurhöfn og brutu burt all-
flesta „óþarfahluti" Hvalstöðvarinn-
ar. Var það ekki Sigrún fréttamaður,
sem ein reyndi að sýna þeim þakk-
læti íslendinga fyrir vel unnin verk,
þegar hún fór sparibúin í kurteisis-
heimsókn til foringjans fyrst og síðan
til sendimannsins sem þá var ný
kominn heim til sín í Ameríku, úr
vel heppnaðri sendiferð. Ég bjóst
við að hún endaði samtölin með því
að þakka þeim komuna til fslands og
bjóða þá velkomna aftur hvenær
sem þeim hentaði og hvað sem þeir
vildu. Og enn lifir fimmta herdeild-
in, og í hana bætist annað slagið, og
sumir úr efstu þrepum þjóðfélagsins.
Hvenær fer Háskólinn að kenna
sínu fólki að best sé að heiðra
skálkinn svo að hann skaði ekki.
Guttormshaga í októberlok 1988
Þorsteinn Daníelsson.
Gaga Ólafs
Gunnarssonar
komin út á ensku
Út er komin í enskri þýðingu
skáldsagan Gaga eftir Ólaf
Gunnarsson. Það er
útgáfufyrirtækið Penumbra Press
í Kanada sem gefur út bókina, en
þýðandi hennar er David McDuff.
Bókin er prýdd grafíkmyndum
eftir kanadísku listakonuna Judy
Pennanen, en þess má geta að
Penumbra hefur hlotið
alþjóðaverðlaun fyrir
myndskreytingar í bókum sínum.
Gaga kom upphaflega út vorið
1984 og er saga Geimfarans Valda
í Valdasjoppu sem vaknar morgun
einn á Mars. Hún er öðrum þræði
saga mannsins sem lesið hefur
yfir sig af tískusögum okkar tíma,
líkt og henti Don Kikota forðum
daga. En vitnar heilaspuni
Geimfarans og ofsóknarbrjálæði
einungis um mann sem misst
hefur samband við umheiminn?
Það er ein þeirra spurninga sem
saga þessi vekur. Er geimfarinn
„gaga“? Eða eru hugarórar hans
fyrst og fremst rökrétt viðbrögð
við óbærilegum og
tilfinningaköldum heimi? Við
skelfingunni sem vofir yrir?
Þýðandinn, David McDuff,
hefur getið sér afburða gott orð
sem þýðandi norræna og
rússneskra bókmennta. Hann
hefur m.a. unnið að þýðingum á
skáldskap Tolstoys og Joseph
Brodskys og vinnur nú að
þýðingum á verkum Dostojevskys
í nýrri útgáfu fyrir Oxford
University Press í samvinnu við
Penguin útgáfufyrirtækið. Þá
hefur hann með þýðingum sínum
á norrænum ljóðum á ensku lagt
mikinn skerf að mörkum til
kynningar á bókmenntum
Norðurlandabúa.
Enska útgáfan á Gaga Ólafs
Gunnarssonar er til sölu í
Bókaverslunum Sigfúsar
Eymundssonar og Bókabúð Máls
og menningar.
Stjórn SUF
Fundur í stjórn Sambands ungra framsóknarmanna er boðaður
fimmtudaginn 17. nóv. kl. 20 að Nóatúni 21 Reykjavík.
Fjallað verður um verkefnaáætlun í vetur og flokksþing sem
framundan er.
Formaður SUF
Nordisk Forum - Myndakvöld!!!!!
Fimmtudagskvöldið 17. nóv. verður langþráð mynda-
kvöld Nordisk-Forum haldið að Hótel Selfossi
kl. 21.
i4'!Sv Fjölmennum og rifjum upp
Asker-stemninguna.
LFK og Félag framsóknar-
kvenna t Arnessýslu.
20. Flokksþing Framsóknarmanna
Hótel Saga 18.-20. nóv. 1988
Dagskrá
Föstudagurinn 18. nóv. 1988
Kl. 10:00 Þingsetning
Kosning þingforseta
Kosning þingritara
Kosning kjörbréfanefndar
Kosning dagskrárnefndar
Kl. 10:15 Yfirlitsræða formanns
Kl. 11:15 Skýrsla ritara
Kl. 11:30 Skýrsla gjaldkera
Kosning kjörnefndar
Kosning kjörstjórnar
Kosning málefnanefndar
Kl. 12:00 Matarhlé
Kl. 13:20 Mál lögð fyrir þingið
Kl. 14:30 Almennar umræður
Kl. 16:00 Þinghlé
Kl. 16:30 Nefndastörf
Laugardagurinn 19. nóv. 1988
Kl. 10:00 Almennar umræður, framhald
Kl. 12:00 Matarhlé
Kl. 13:30 Kosning 25 aðalmanna í miðstjórn
Kl. 14:00 Afgreiðsla mála - umræður
Kl. 16:00 Þinghlé
Kl. 16:15 Nefndastörf - starfshópar - undirnefndir
Kvöldið frjálst
Sunnudagurinn 20. nóv. 1988
Kl. 10:00 Afgreiðsla mála - umræður
Kl. 12:00 Matarhlé
Kl. 13:30 Kosning 25 varamanna í miðstjórn
Kl. 14:00 Aðrar kosningar skv. lögum
Kl. 14:30 Afgreiðsla mála og þingslit að dagskrá tæmdri (um kl.
16:00)
Kl. 19:30 Kvöldverðarhóf í Súlnasal
LFK konur á flokksþingi!
Föstudagskvöldið 18. nóv. er framkvæmdastjórn og landsstjórn LFK
ásamt varamönnum boðuð á fund kl. 19.00 að Hótel Sögu.
Framkvæmdastjórn LFK
Borgarnes - nærsveitir
Spilum félagsvist í samkomuhúsinu í Borgarnesi föstudaginn 18.
nóvember kl. 20.30.
Ath. 1. spilakvöld í 3ja kvölda keppni.
Góð verðlaun, mætum vel.
Framsóknarfélag Borgarness.
Morgunspjallsfundur
Laugardagsmorguninn 19. nóvember kl. 9.00 eru allar LFK konur á
flokksþingi boðaðar á morgunspjallsfund að Hótel Sögu.
Framkvæmdastjórn LFK
Spilakvöld
Annað spilakvöld Framsóknarfélags Rangæinga verður haldið í
Hlíðarenda sunnudaginn 20. nóv. kl. 21.
Stjórnin: