Tíminn - 23.11.1988, Blaðsíða 4

4 Tíminn
Miðvikudagur 23. nóvember
Ályktun um félagsmál
íþrótta- og æskulýðsmál
Flokksþing framsóknarmanna
leggur áherslu á mikilvægi íþrótta-
og æskulýðsstarfs og hvers kyns
annað heilbrigt tómstundastarf.
Flokksþingið leggur því áherslu
á eftirfarandi:
• Að öllum þjóðfélagsþegnum sé
gert kleift að eiga og nýta tóm-
stundir sínar til að sinna hollum
og þroskandi viðfangsefnum án
tillits til búsetu, stéttar, aldurs
eða kyns.
• Að íþróttalögin verði endur-
skoðuð og mörkuð verði stefna
í fjármögnun íþróttahreyfingar-
innar.
• Að skuldir íþróttasjóðs og Fél-
agsheimilasjóðs við lok þessa
árs verði greiddar viðkomandi
aðilum, með ríkisskuldabréfum
sem greiðist á þremur árum.
• Að íþrótta- og æskulýðsstarf
verði í höndum frjálsra félaga
og samtaka þeirra.
• Að félagsmáiafræðsla í skólum
verði aukin og að samráð verði
haft um þá fræðslu við æskulýðs-
og íþróttafélög.
• Að auka stuðning við samtök
fatlaðra íþróttamanna og gera
fötluðum kleift að stunda nauð-
synlega hreyfingu og íþróttir.
• Að standa tryggilega við bakið
á starfsemi ungmenna-, íþrótta-
og æskulýðsfélaganna þannig að
þessum samtökum sé gert kleift
að efla almenningsíþróttir.
• Að íþróttakennaraskólinn geti
gegnt skyldu sinni sem æðsta
menntastofnun landsins á sviði
íþrótta.
• Að komið verði á fót íþrótta-
miðstöð fslands á Laugarvatni í
tengslum við fþróttakennara-
skóla íslands.
• Að efla leiðbeinendamenntun í
íþróttum á landsbyggðinni.
Heilbrigðismál
Flokksþingið telur að tryggja
beri öllum landsmönnum jafnan
rétt til þeirrar fullkomnustu heil-
brigðisþjónustu sem kostur er á.
Flokksþingið leggur því áherslu
á eftirfarandi:
• Að verkaskiptinguríkisogsveit-
arfélaga á sviði heilbrigðisþjón-
ustu verði breytt, þannig að
rekstur allrar heilbrigðisþjón-
ustunnar sé í höndum ríkisins
en stofnkostnaður verði sameig-
inlegt verkefni ríkis og sveitar-
félaga.
• Að gerð verði heildaráætlun um
uppbyggingu heilbrigðisþjón-
ustunnar í landinu. Fllutverk og
langtímamarkmið verði skil-
greint þannig að fjármagn og
mannafli nýtist sem best og
gæðum þjónustunnar verði við-
haldið.
• Að áhersla verði lögð á samnýt-
ingu tækja, búnaðar, húsnæðis
og mannafla stóru sjúkrahús-
anna og áhersla lögð á aukna
samvinnu þeirra.
• Að við uppbyggingu heilbrigðis-
þjónustunnar verði höfð hlið-
sjón af bættum samgöngum,
þannig að á höfuðborgarsvæð-
inu verði öll sérhæfðasta þjón-
ustan, en almenn sérfræðiþjón-
usta í stærri þéttbýliskjörnum
og í hinum dreifðu byggðum
verði almenn sjúkra- og heilsu-
gæsluþjónusta.
• Að uppbygging hjúkrunarheim-
ila og sjúkradeilda fyrir lang-
legusjúklinga verði forgangs-
verkefni.
• Aðsjúkrahúsumogheilsugæslu-
stöðvum verði tryggður rekstr-
argrundvöllur í samræmi við þá
þjónustu sem veitt er og ætlast
er til að þau veiti.
• Að aukin áhersla verði lögð á
heilbrigðishvatningu á öílum
sviðum heilbrigðisþjónustunn-
ar, í skólakerfinu og í íþrótta-
og æskulýðshreyfinguni.
• Að mótuð verði neyslu- og
manneldisstefna sem hafi heil-
brigði þjóðarinnar að leiðar-
Ijósi.
• Að tekin verði til endurskoðun-
ar sérfræðiþjónusta lækna, tann-
lækningar og lyfjakostnaður.
Málefni aldraðra
Mikil umskipti til hins betra hafa
orðið í málefnum aldraðra á
undanförnum árum. Með aukinni
velmegun og bættri heilbrigðis-
þjónustu er meðalaldur á íslandi
einn sá hæsti sem þekkist. Þó er
Ijóst að enn er úrbóta þörf.
Flokksþingið leggur því áherslu
á eftirfarandi:
• Að nýta sem best þekkingu og
reynslu aldraðra.
• Aðaukasveigjanleikaíatvinnu-
lífinu svo aldraðir eigi í auknum
mæli kost á hlutastörfum.
• Að styðja við öflugt og fjöl-
breytt tómstundastarf sem er
mikilvægur þáttur í lífi og starfi
aldraðra.
• Að dagvistun og heimaþjónusta
fyrir aldraða verði stóraukin.
• Að gera öldruðum fært að búa
sem lengst á eigin heimili og í
því umhverfi sem þeir þekkja.
Lífeyrismál og
almannatryggingar
Flokksþingið leggur áherslu á að
skipulag lífeyris- og sjúkratrygg-
inga verði tekið til endurskoðunar
með það að markmiði að fjármun-
irnir sem varið er til þessara mála
nýtist þeim sem mest þurfa á að
halda.
Flokksþingið leggur því áherslu
á eftirfarandi:
• Að komið verði á samræmdu
lífeyriskerfi fyrir alla
landsmenn.
• Að endurskoðun laga um al-
mannatryggingar og skipulag
Tryggingastofnunar ríkisins
verði hraðað.
• Að lífeyris- og sjúkratrygginga-
kerfi landsmanna verði gert ein-
faldara og réttlátara.
• Að sjúkratryggingar og slysa-
tryggingar verði samræmdar.
• Að bótagreiðslur frá almanna-
tryggingakerfinu virki ekki
vinnuletjandi.
• Að örorkumat byggist á læknis-
fræðilegum og félagslegum for-
sendum og jafnframt verði áfrýj-
unarréttur tryggður.
• Að öll hjálpartæki verði greidd
að fullu.
Sveitarstjórnarmál
Flokksþing framsóknarmanna
fagnar setningu nýrra sveitar-
stjórnarlaga og telur að þau hafi
markað tímamót í málefnum sveit-
arfélaganna, þar sem í lögunum er
lögð áhersla á aukna sjálfsstjórn
sveitarfélaga, réttarstaða þeirra
gerð sem líkust og stuðlað er að
réttlátri vald- og verkefnadreif-
ingu.
Flokksþingið leggur áherslu á
eftirfarandi:
...að unnið verði að aukinni sam-
vinnu sveitarfélaga á grundvelli
nýrra sveitarstjórnarlaga og að
stuðlað verði að slíkri samvinnu
með fjárhagslegri fyrirgreiðslu þar
sem við á. Áhersla er lögð á að
sveitarfélögin stórauki samvinnu
og samstarf sín á milli til að takast
á við mörg sameiginleg verkefni til
frekari uppbyggingar.
...að hraðað verði endurskoðun
laga um tekjustofna sveitarfélaga
þar sem lögð verði áhersla á jöfnun
aðstöðu og aukið sjálfræði sveitar-
félaga með nýtingu tekjustofna
sinna. Stórauknum hluta af tekjum
Jöfnunarsjóðs verið varið til
jöfnunar milli sveitarfélaga svo að
sjóðurinn þjóni raunverulegum til-
gangi sínum. Jöfnunin dragi þannig
úr aðstöðumun eftir búsetu, bæti
upp mismunandi tekjumöguleika
sveitarfélaga og taki mið af útgjöld-
um vegna mismikilla verkefna.
... að þingið fagnar þeirri ákvörðun
Byggðastofnunar að koma upp
þjónustu- og stjórnsýslustöðvum á
landsbyggðinni og hvetur til fram-
halds á því sviði.
...að tekið verði undir þau grund-
vallarsjónarmið um verkaskiptingu
ríkis og sveitarfélaga sem fram
koma í tillögum verkaskiptanefnd-
ar frá því í apríl 1987. Áhersla er
lögð á að auknum verkefnum sveit-
arfélaga fylgi jafnframt auknir
tekjustofnar og þannig verði staðið
að verkaskiptingu ríkis og sveitar-
félaga að hrein verkaskipti verði,
hvor aðili beri fulla fjárhagslega
ábyrgð á þeim rekstri sem er á hans
hendi.
Loks hvetur þingið til aukinnar
jöfnunar, skilnings, samstarfs og
samvinnu á milli landsbyggðarinn-
ar annars vegar og höfuðborgar-
svæðisins hins vegar.
Húsnæðismál
Flokksþing framsóknarmanna
telur að með setningu gildandi laga
um húsnæðismál frá árinu 1986
hafi verið tekið eitt stærsta skref í
framfaraátt í húsnæðismálum
landsmanna til þessa. Með sam-
vinnu stjórnvalda og aðila vinnu-
markaðarins voru lánveitingar til
almennra íbúðakaupa hækkaðar
úr tæpum 20% í 70% af kostnaðar-
verði meðalíbúðar auk þess sem
lánstími var lengdur og 55% af
ráðstöfunarfé lífeyrissjóðanna
veitt til húsnæðismálakerfisins.
Flokksþingið leggur því áherslu
á eftirfarandi:
• Að búið verði áfram við núver-
andi húsnæðislöggjöf, gerðar
verði breytingar í samvinnu við
aðila vinnumarkaðarins sem
hefðu það markmið að stytta
biðtíma eftir lánum.
• Að tekið verið tillit til fjöl-
skyldustærðar og eignastöðu
umsækjanda við úthlutun lána.
• Að vextir verði samræmdir al-
mennum vöxtum á útlánum, en
vaxtabætur greiddar gegnum
skattakerfið til hinna tekju- og
eignaminni.
• Að Húsnæðisstofnun verði
heimilað að fjármagna hefð-
bundin útlán sín með almennu
skuldabréfaútboði.
• Að kannað verði hvort hægt sé
að fá lífeyrissjóðina til að auka
skuldabréfakaup umfram samn-
inga.
• Að ráðgjafastöð Húsnæðis-
stofnunar ríkisins verði efld.
Komið verði upp í landshlutum
svo fljótt sem verða má ráð-
gjafar- og þjónustustöðum fyrir
húsbyggjendur.
• Að lögin um félagslegar íbúðir
verði tekin til endurskoðunar og
haft verði samráð við almenn-
ingssamtök er um þau mál fjalla.
• Að í lög um Byggingarsjóð
verkamanna verði sett heimild
til tímabundinnar leigu á íbúð-
um í verkamannabústöðum.
• Að sett verði lög um búseturétt-
aríbúðir í byggingarsamvinnu-
félögunum.
• Að stofnaður verði byggingar-
sjóður námsmanna sem hafi það
hlutverk að fjármagna íbúðar-
byggingar fyrir samtök náms-
manna.
• Að leigjendum verði greiddir
styrkir í samræmi við aðra hús-
næðisaðstoð.
• Að heimilað verði að geyma
lánsrétt ef öll upphæð láns er
ekki tekin út.
• Að lög verði áhersla á nýjungar
1 byggingariðnaði er gætu leitt til
aukinnar hagkvæmni og lækk-
unar byggingarkostnaðar. í
þessu skyni verði rannsóknir
efldar og stuðlað að meiri sam-
ræmingu.
Fræðslu og uppeldismál
Flokksþing framsóknarmanna
telur að forsendur fyrir bættum
lífsgæðum þjóðarinnar í framtíð-
inni byggist á menntun hennar. Líf
og lærdómur eru tvær ásjónur á
sama meiði. Skólar og dagvistar-
heimili þurfa að vera gróskumiklar
mennta- og menningarmiðstöðvar
hvers hverfis, þar sem lögð er rækt
við að hver einstaklingur fái að
halda sínum persónuleika, sérhæfi-
leikum og eiginleikum til að beita
hugmyndaflugi og skapandi
hugsun.
Flokksþingið leggur því áherslu
á eftirfarandi:
• Að sett verði ný rammalöggjöf
um forskólastigið.
• Að menntun fóstra og kennara
verði samræmd svo að eðlileg
samfella náist í uppeldi og námi
barna frá upphafi.
• Að öll börn á forskólaaldri eigi
kost á dagvistun og skóladagur
barna á yngri stigum grunnskól-
ans lengdur og gerður samfelld-
ur.
• Að tryggja rétt bama með sér-
þarfir með fjölgun sérúrræða og
stöðugilda innan allra dagvist-
unarheimila og skóla.
• Að komið verði á einsetnum
skóla sem allra fyrst og skóla-
húsnæði verði betur nýtt til fé-
lags- og tómstundastarfa. Skólar
verði aðgengilegir fötluðum.
• Aðsjálfstæðiskólaverðiefltþar
sem kennarar, nemendur og for-
eldrar móti sameiginlega skóla-
áætlanir og fagleg stjórnun
þannig styrkt.
• Að fræðsluskrifstofur verði efld-
ar og ráðgjöf rekin samhliða
faglegu eftirliti.
• Að áhersla verði lög á hvers
kyns listsköpun, tækni og verk-
nám í skólastarfinu.
• Að námsmarkmið og námsefni
hinna ýmsu sérskóla og fram-
haldsskóla verði samræmt en
frumkvæði kennara fái að njóta
sín við kennsluaðferðir.
• Að tryggður verði jafn réttur að
hagnýtu verknámi sem bók-
námi.
• Að samskipti skóla, heimila og
atvinnulífs verði efld.
• Að ákveðnari stefna verði
mörkuð í tækni og iðnnámi sem
taki tillit til hinna ýmsu sérþarfa
einstaklinganna.
• Að fötluðum verði veittur
stuðningur til framhaldsnáms að
loknu grunnskólanámi.
• Að fræðsluvarp og „opnun há-
skóla“ verði komið á m.a. til að
nýta hina hæfustu kennara og
nýjustu tækni f okkar strjálbýla
landi.
• Að brugðist verði við kennara-
skorti í dreifbýli m.a. með því
að gefa starfandi leiðbeinendum
kost á kennaramenntun við KHÍ
með fjarnámi samhliða kennslu-
störfum í auknum mæli.
• Að fræðslukerfinu verði gert
fært að sinna viðbótar- og endur-
menntunarþörf á öllum sviðum
verkmenntunar, framleiðslu og
þjónustu.
• Aðauknarverðifjárveitingartil
kennslu og rannsókna á háskóla-
stigi og að grundvallarrannsókn-
um og hagnýtum rannsóknum
sé gert jafn hátt undir höfði.
Ávana- og fíkniefnamál
Neysla ávana- og fíkniefna er nú
vaxandi alþjóðlegt' vandamál sem
ísland er ekki laust við. Fórnar-
lömb fíkniefnaneyslunnar leiða
ómældar hörmungar yfir sig sjálfa,
ættingja sínaogþjóðfélagið. Fagna
ber því samræmingar starfi sem
stjórnvöld hafa beitt sér fyrir m.a.
með samstarfi ráðuneyta sem fjalla
um þessi mál.
Flokksþingið leggur því áherslu
á eftirfarandi:
• Að hvers kyns forvarnir verði
efldar m.a. með fræðslu í grunn-
skólum, útgáfu fræðsluefnis og
starfrækslu viðeigandi hjálpar-
stöðva.
• Að félagsleg þjónusta sveitarfé-
laga verði efld með það að
markmiði að búa börnum örugg
upp vaxtarskilyrði.
• Að meðferðarúrræði verði mið-
uð við raunverulega þörf og
breytilegar aðstæður.
• Að lög- og tollgæsla verði aukin
og viðurlög við brotum stórhert.
• Að efldar verði félagslegar rann-
sóknir á þessu sviði og komið
verði upp gagnabanka í sam-
vinnu við Háskóla íslands sem
afli og varðveiti upplýsingar um
þessi mál.