Tíminn - 15.12.1988, Page 20
RÍKISSKIP
NÚTÍMA FLUTNINGAR
Hafnarhúsinu v/Tryggvogötu,
S 28822
SAMVINNUBANKÍNN
ÞRttSTUR
685060
Fjármálaráðherra samræmir skiladag söluskatts við útborgunardag greiðslukortafyrirtækja:
GRA VIDSKIPTI MEÐ
SLIPPA" LÖGD AF?
Ólafur Ragnar Grímsson, fjármálaráðherra, ákvað í gær
að samræma skiladag söluskatts við uppgjör greiðslukortafyr-
irtækja. Því geta kaupmenn og aðrir sem selja vöru og
þjónustu sína gegn greiðslukortakvittun átt auðveldara með
að gera upp söluskattinn við ríkissjóð. Með þessari aðgerð
vonast Ólafur Ragnar til að affallakaup á gráum markaði
leggist af að mestu en Tíminn hefur áður greint frá gífurlegum
afföllum greiðslukortaseðla, sem ganga undir heitinu slippa
kaup.
Með þessari ákvörðun er búist við
að reglubundin eftirspurn eftir lánsfé
frá greiðsludegi söluskatts til útborg-
unar greiðslukortafyrirtækja, falli
niður. Afleiðingar þess ættu að vera
vaxtalækkun vegna minnkandi eftir-
spurnar, en svokölluð slippakaup
hafa verið ein tekjuhæsta ávöxtunar-
leið á gráa markaðinum.
Fótum kippt
undan slippakaupum
Ólafur Ragnar segist vona að með
þessari ákvörðun sinni takist honum
að kippa fótunum undan affalla-
kaupum á greiðslukortaseðlum og
staðhæfði hann á blaðamannafundi í
gær að þarna væri um verulega
fjármuni að ræða.
EINDAGI
SKILA
A STAÐGRBÐSLUFC
Launagreiðendum ber að skila afdreg- Með skilunum skal fylgja greinargerð á Allir launagreiðendur og sjálfstaeðir
inni staðgreiðslu af launum og reiknuðu sérstökum eyðublöðum „skilagreinum", rekstraraðilar eiga að hafa fengið send
endurgjaldi mánaðartega. Skilin skulu blátt eyðublað fyrir greidd lauri og rautt eyðublöð fyrir skilagrein. Þeir sem
gerð eigi síðar en 15. hvers mánaðar. fyrir reiknað endurgjald. Skilagrein ber einhverra hluta vegna hafa ekki fengið
Ekki skiptir máli í þessu ávallt að skila einnig þó svo að engin þau snúi sér til skattstjóra, gjaldheimtna
sambandi hversu oft í mánuði laun eru staðgreiðsla hafi verið dregin af eða innheimtumanna ríkissjóðs.
greidd né hvort þau eru greidd fyrirfram f mánuðinum.
eðaeftirá. Allarfjárhæðirskuluveraí
heilum krónum.
- gerið skil fyrir fimmtánda.
R$l<
RlKISSKATTSTJÓRI
Áður en Ólafur Ragnar ræddi
þessa hugmynd sína við hlutaðeig-
andi aðila að greiðslukortamarkað-
inum, kynnti hann hana í ríkisstjórn.
Á ríkisstjórnarfundi á þriðjudag var
þetta samþykkt, þrátt fyrir að fjár-
málaráðherrar fyrri tíma hafi ekki
séð að þessi leið væri fær vegna
kostnaðar sem félli á ríkissjóð í
gegnum Seðlabanka.
Ríkið greiði meðlag
Már Guðmundsson, hagfræðileg-
ur ráðunautur fjármálaráðherra,
upplýsti að þessi breyting þýddi um
70-100 milljón króna kostnað að öllu
óbreyttu. Þessi kostnaður lækkaði ef
vextir lækkuðu og því væri ekki hægt
að meta með nákvæmni hver endan-
leg útkoma verður. Þetta er áætlað
út frá þeim vöxtum sem Seðlabank-
inn hefði í tekjur af innistæðu frá
fyrrverandi skiladegi söluskatts, 25.
hvers mánaðar, til hins nýja skila-
dags, annan næsta mánaðar á eftir.
Söluskattsskil hafa numið um 2-2,5
milljörðum í venjulegum mánuði,
en búist er við að þessi tala verði 3-4
milljarðar fyrir desember. Þegar haft
er í huga að víða í smásöluverslun
nema kortaviðskipti allt að helming
allrar veltu, má gera ráð fyrir að
vandamálið við söluskattsuppgjör
vegna desember, sé vandamál upp á
1,5-2 milljarða króna. Til að leysa úr
þessu vandamáli hefur Ólafur Ragn-
ar því ákveðið að greiða „fáeinna
tuga meðlag vegna kortaviðskipt-
anna,“ eins og hann orðaði það.
Almenn vaxtalækkun
Á fundi með fulltrúum banka-
stofnana, kaupmanna, Verslunar-
ráðs og greiðslukortafyrirtækja í
gærmorgun, kom fram að fastlega
mætti búast við því að vextir í
landinu lækkuðu í kjölfar þessarar
ákvörðunar. Að sögn Ólafs Ragnars
munu fulltrúar bankamanna hafa
staðfest þetta á fundinum.
Framkvæmdastjóri Kaupmanna-
samtakanna, Magnús Finnsson,
sagði að fjármálaráðherra ætti mikið
hrós skilið fyrir að ljá því máls sem
hann og fleiri hafa beðið hvern
ráðherrann á fætur öðrum um.
Næsta skrefið væri væntanlega það
að kaupmenn þyrftu ekki lengur að
greiða kostnað af þeim lánum sem
neytendur eru að fá hjá þeim í
gegnum greiðslukortafyrirtækin og
þar með hjá fyrirtækjum sem eru í
eigu bankastofnana. Það gerðist
hvergi annars staðar í lánaviðskipt-
■uui á íslandi að lántakandi léti
lánardrottinn sinn greiða lántöku-
kostnaðinn. Auk þess væri með öllu
óeðlilegt að hæstu affallakaup ættu
sér stað með greiðslunótur kortafyr-
irtækjanna, sem væru einhver örugg-
asti pappír í viðskiptaheiminum hér
á landi. KB
Ástarhreiður
á Laugavegi
I smáauglýsingum DV nú nýlega,
undir „Húsnæði í boði“, er boðið til
leigu herbergi nótt og nótt fyrir
minni samkomur. Tekið er fram að
opið sé allan sólarhringinn og hægt
sé að borga afnotin með greiðslu-
korti.
Herbergið er á Laugavegi 51b og
samkvæmt áreiðanlegum heimildum
Tímans eru þar tveir dívanar og er
gjaldið 1000 krónur á virkum dögum
en 2000 um helgar. SSH