Tíminn - 19.01.1989, Blaðsíða 5

Fimmtudagur 19. janúar 1989
Tíminn 5
Nýjung sem hugsanlega kemur í veg fyrir fólksflótta af landsbyggðinni:
VERDUR VÍK í MÝRDAL
FYRSTA TÖLVUÞORPID?
Allt virðist nú benda til þess að Vík í Mýrdal verði fyrsta
tölvuþorpið á íslandi. Með tölvuþorpi er átt við að íbúarnir
læra á tölvur og hagnýta sér ritvinnslu og gagnavinnslu til að
vinna aðsend verkefni frá ýmsum stofnunum og fyrirtækjum,
en íbúarnir vinna þessi verkefni heima hjá sér. I þorpinu er
til staðar tölvu- og samskiptamiðstöð sem heldur utan um
starfsemi þorpsbúa, viðheldur samböndum og útvegar ný
verkefni. Geta má þess að Guðni Ágústsson þingmaður
Framsóknarflokksins hefur nú í undirbúningi þingsályktunar-
tillögu sem hefur það að markmiði að auðvelda þorpum að
koma á fót slíkri tölvumiðstöð.
í Vík í Mýrdal hefur verið hafist
handa við að koma tölvumiðstöð af
þessu tagi á fót. Þann 1. janúar s.l.
var stofnað fyrirtækið Víst s/f. Að-
standendur fyrirtækisins eru þeir
Páll Pétursson og Guðmundur P.
Guðgeirsson, en Páll átti áður fyrir-
tækið Víkurbókhald og starfsemi
Víst s/f er enn sem komið er bundin
við þau verkefni sem það fyrirtæki
hafði áður.
Upphaf þessa fyrirtækis má rekja
til þess að Jón Erlendsson hjá Upp-
lýsingaþjónustu Háskólans sem hef-
ur verið í sambandi við Telecottage
International sem eru alþjóðasam-
tök tölvuþorpa, benti Reyni Ragn-
arssyni formanni atvinnumálanefnd-
ar í Vík á þennan möguleika og
hann kom síðan þeim Guðmundi og
Páli á sporið.
Starfsemin kynnt
I viðtali við Pál Pétursson kom
fram að þessa dagana er unnið að
því að kynna starfsemina fyrir ýms-
um fyrirtækjum og stofnunum á
höfuðborgarsvæðinu. Páll sagði að
þau verkefni sem fyrirtækið gæti
tekið að sér væru t.d. gagna- og
ritvinnsla, bókhald og jafnvel bæk-
lingagerð. „Þeir sem við höfum
kynnt þetta eru allir mjög hrifnir af
þessari hugmynd og sýna þessu mik-
inn áhuga, bæði yfirmenn í stofnun-
um og ýmsir þingmenn. Nefna má
sem dæmi að við höfum hugsað
Kynningarmynd nr nýjasta túnaríti Samtaka tölvuþorpa (TCI).Dsemigert
norrscnt tölvnþorp.
okkur að fyrirtæki gætu nýtt sér
þessa þjónustu þegar álag er mikið í
starfsemi þeirra.“
Tækjakaup við svona fyrirtæki
verða þó nokkur, en svona viðskipti
fara aðallega fram í gegnum telefax
eða módem, einnig verður fyrirtækið
að hafa öflugar tölvur sem ráða við
stærri verkefni. f þingsályktunartil-
lögunni sem nefnd var hér að framan
er m.a. gert ráð fyrir því að ríkið
styrki tölvuþorpin m.a. með því að
Póstur og sími veiti ákveðinn afslátt
af fjarskiptunum.
Eins og áður hefur komið fram
eru til alþjóðasamtök tölvuþorpa og
ætla forsvarsmennirnir í Vík aðsetja
sig í santband við þau samtök. Á
Norðurlöndunum eru nú um 30
tölvuþorp.
Fyrir utan Norðurlöndin er þegar
farið af stað með þessa hugmynd í
Bretlandi, Frakklandi og Hollandi
og athuganir eru hafnar í Portúgal
og Grikklandi. f Bandaríkjunum
hefur Long Island-háskóli beitt sér
fyrir kynningu á þessari hugmynd að
tölvuþorpum víða í Asíu og Áfríku,
með það að markmiði að tryggja að
tölvubyltingin fái notið sín samstiga
eðlilegri byggðaþróun. -KB/SSH
Bankaeftirlitið vegna samráðs ríkisbankanna um vaxtakjör:
Kæra Verslunar-
ráðs án tilefnis
„Bankaeftirlit Seðlabanka fslands
telur að umræddur fundur geti ekki
talist samráð í skilningi 22. greinar
laga nr. 86 frá 1985 um viðskipta-
banka.
Ekkert liggur fyrir um að ríkisvið-
skiptabankamir hafi eða muni sam-
ræma ákvarðanir sínar um vexti eða
þjónustugjöld. Verði það hins vegar
gert, er það sjálfstætt athugunarefni
hvernig staðið var að þeirri ákvarð-
anatöku," sagði Þórður Ólafsson
forstöðumaður Bankaeftirlitsins í
gær.
Þórður sagði að þetta væri í höfuð-
atriðum svar Bankaeftirlitsins við
fyrirspurn Verslunarráðs varðandi
fund þriggja ráðherra með fulltrúum
stjórnarflokkanna í bankaráðum
ríkisbankanna.
Verslunarráð taldi að um samráð
hefði verið að ræða um það að
hækka ekki vexti ríkisbankanna
enda hefðu ráðherrarnir beint því til
bankaráðsmannanna að hækka ekki
vextina.
Talsmaður Verslunarráðs, Vil-
hjálmur Egilsson, hefur sagst telja
að með fundinum hefði verið brotin
22. grein laga um viðskiptabanka en
í greininni segir að við ákvörðun
vaxta og þjónustugjalda væri við-
skiptabanka óheimilt að hafa samráð
við aðrar innlánsstofnanir.
Meðal löglærðra bankamanna er
áðurnefnd 22. grein bankalaga túlk-
uð þannig að hún sé sett til að auka
hagkvæmni í rekstri og stuðla að
samkeppni milli banka og sparisjóða
og að þeir taki vaxtaákvarðanir eftir
því hver rekstrarstaða þeirra er.
í bankaráðin er kosið eftir póli-
tískum línum til að gæta pólitískra
hagsmuna að vissu marki og um
réttmæti þess megi út af fyrir sig
deila. Hins vegar segja bankamenn
að bankaráðin taki ekki við skipun-
um ofan frá, hvorki frá alþingis-
mönnum eða einstökum ráðherrum,
heldur séu sjálfstæð í ákvörðunum
sínum og beri enda ábyrgð sem slík.
-sá
Vandi loðdýrabænda væntanlega tekinn
fyrir á ríkisstjórnarfundi í dag:
Eiginfjárstaða
neikvæð um 50%
Eiginfjárstaða loðdýrabænda er nú neikvæð um tæp 50% og er
fjöldi búa nálægt gjaldþroti.
Steingrímur J. Sigfússon landbúnaðarráðherra hefur lagt fyrir
ríkisstjórnina tillögur til lausnar á vanda loðdýrabænda í landinu,
sem væntanlega verða teknar fyrir á fundi hennar í dag. Þar er
gert ráð fyrir að útvegaðar verði 67 miHjónir í sérstakan sjóð er
hafi það hlutverk að jafna út sveiflur er verða á skinnaverði. Allt
að 70 milljónum verði varið til búháttabreytinga, til að auðvelda
refabændum að breyta yfir í mink.
Eftir að þessar búháttabreyting-
ar verða um garð gengnar er reikn-
að með að refabændur í landinu
verði 50-60 talsins, en eins og
komið hefur áður fram í Tímanum
var refabændum boðinn 10.000
króna styrkur á hverja refalæðu
annað hvort sem rekstrarstyrkur,
eða til þess að skipta úr ref í mink.
Fjármagninu sem landbúnaðar-
ráðherra vill útvega til verðjöfnun-
ar yrði útdeilt í gegnum fóðurverð,
á þann hátt að fóðurverð yrði greitt
niður um 3,5 kr. kílóið. Þetta
mundi lækka fóðurverð til muna,
en nú er meðalverð á kílói af
loðdýrafóðri 12-13 krónur á kg og
nái þessar hugmyndir fram að
ganga mun það lækka kílóverð í á
milli 9 og 10 kr. Einnig er lagt til
að undirbúin verði lög um verð-
jöfnunarsjóð er taki til starfa á
næsta ári og að söluskattur af
fjárfestingum fóðurstöðva verði
endurgreiddur, en slík heimild hef-
ur verið í fjárlögum á undanförn-
um árum. Þetta er hvort tveggja
samkvæmt tillögum frá Sambandi
íslenskra loðdýraræktenda er þeir
lögðu fram þann 12. des. á síðasta
ári.
Staðan er verulega erfið hjá
loðdýrabændum og samkvæmt út-
tekt sem forsætisráðuneytið lét
vinna á síðustu mánuðum ársins
1988 er eiginfjárstaðan í loðdýra-
rækt orðin neikvæð um 49% og
heildarskuldir allra búa á landinu
eru nú áætlaðar um 200 milljónir.
Vandi minka og refabænda hefur
verið til umfjöllunar hjá stjórn-
völdum um nokkurt skeið og á
þeim biðtíma hafa margir refa-
bændur verið komnir á fremsta
hlunn með að gefast upp og slátra
öllum sínum dýrum og bjóða upp
skinnin á næsta uppboði. Refa-
bændur hafa á síðustu árum tapað
á sinni framleiðslu og er ekki útlit
fyrir að markaðsverð refaskinna
breytist á næstunni. Afkoma
minkabænda hefur verið betri, en
þó farið versnandi að undanförnu
en minkaskinn féllu í verði á síð-
asta uppboði í desember og er
búist við að verð fari lækkandi út
þetta ár. . -ág