Tíminn - 07.02.1989, Síða 5

Þriðjudagur 7. febrúar 1989
Tíminn 5
yrði iðnfyrirtækjum aðgang að
lánsfé til jafns við fyrirtæki í
sjávarútvegi.
Hann sagði að nú væri unnið
að endurskoðun vörugjalds
þannig að innheimta þess gerði
ekki stöðu íslenskra fyrirtækja
lakari gagnvart innfluttum
vörum. Þá væri unnið að sam-
ræmingu skattlagningar á fram-
leiðslu í byggingariðnaði sem
unnin er annars vegar á verk-
stæði eða í verksmiðju, en hins
vegar á byggingarstað.
Þá verður rækilega fylgst með
undirboðum á innfluttum iðn-
varningi og lagt verði hiklaust á
jöfnunargjald þar sem undirboð
þykja sannanleg.
Skipasmíðaiðnaðurinn verður
athugaður og hefur sérstakur
erlendur ráðgjafi þegar verið
ráðinn til að taka greinina út og
benda á framtíðarmöguleika
hennar.
Úrgangur frá byggð og at-
vinnulífi er vaxandi vandamál
og ætlar ríkisstjórnin að beita
sér fyrir því að sett verði skila-
gjöld á einnota drykkjarumbúð-
ir og iðnaðarráðuneytið mun
hafa frumkvæði að því að stofn-
að verði sérstakt fyrirtæki sem
taka mun að sér að safna saman
umbúðum og koma þeim í
endurvinnslu.
Launamál
Um launamál sagði forsætis-
ráðherra meðal annars:
„..Þáttur launa í þjóðartekj-
um hefur aukist á undanförnum
árum frá því að vera 65 af
hundraði svonefndra þáttatekna
í yfir 72 af hundraði. Þetta er
hærra hlutfall þjóðartekna sem
ráðstafað er til launa en þjóðar-
búið þolir.
..Skynsamlegasta leiðin til að
draga úr heildarlaunakostnaðin-
um er að yfirborganir hverfi og
umsamdir kauptaxtar ráði
launagreiðslum.“
Steingrímur sagði að við nú-
verandi aðstæður, 5,5% sam-
drátt í afla og lækkaðar þjóðar-
tekjur um 2-3%, gæti ekki orðið
um kaupmáttaraukningu að
ræða. Það myndi stefna öllum
markmiðum um endurreisn at-
vinnulífsins í voða og gæti leitt
til lækkunar á gengi og verð-
bólgu.
Því þyrfti að leggja áherslu á
kjarabætur fyrir launþega með
öðrum hætti: Stuðla þyrfti að
atvinnuöryggi í öllum byggðar-
lögum.
Jafna þyrfti kjör fólks og
fjármagnskostnaður yrði að
lækka. -sá