Tíminn - 31.05.1989, Blaðsíða 4
4 Tíminn
Miðvikudagur 31. maí 1989
Iðnskólinn í
Reykjavík
Innritun fer fram í Iðnskólanum í Reykjavík og
Miðbæjarskólanum frá kl. 09.00-18.00 1. og 2.
júní. Jafnframt verður innritað í Iðnskólanum 5. og
6. júní kl. 11.00-18.00.
Innritað verður í eftirtalið nám:
1. Samningsbundið iðnnám (Námssamningur
fylgi umsókn nýnema).
2. Grunndeild í prentun.
3. Grunndeild í prentsmíði (setning - skeyting -
offsetljósmyndun).
4. Grunndeild í bókbandi.
5. Grunndeild í fataiðnum.
6. Grunndeild í háriðnum.
7. Grunndeild í málmiðnum.
8. Grunndeild í rafiðnum.
9. Grunndeild í tréiðnum.
10. Framhaldsdeild í bifreiðasmíði.
11. Framhaldsdeild í bifvélavirkjun.
12. Framhaldsdeildir í bókagerð.
13. Framhaldsdeild í hárgreiðslu.
14. Framhaldsdeild í hárskurði.
15. Framhaldsdeild í húsasmíði.
16. Framhaldsdeild í húsgagnasmíði.
17. Framhaldsdeild í rafeindavirkjun.
18. Framhaldsdeild í rafvirkjun og rafvélavirkjun.
19. Framhaldsdeild í vélsmíði.
20. Almennt nám.
21. Fornám.
22. Meistaranám.
23. Rafsuða.
24. Tæknibraut (lýkur með stúdentsprófi).
25. Tækniteiknun.
26. Tölvubraut.
27. Öldungadeild í grunnnámi rafiðna.
28. Öldungadeild í rafeindavirkjun.
Innritun er með fyrirvara um þátttöku í einstakar
deildir.
Öllum umsóknum nýnema fylgi staðfest afrit
prófskírteina með kennitölu.
Iðnskólinn í Reykjavík
Menntamálaráðuneytið
Lausar stöður við
framhaldsskóla
Við Fjölbrautaskóla Vesturlands eru eftirtaldar stöður
lausar til umsóknar; rafvirkjun, félagsfræði, viðskiptagreinar,
stærðfræði og tölvufræði (2 stöður), eðlisfræði og heilbrigðis-
fræði (1/2 staða).
Við Fjölbrautaskólann við Ármúla eru lausar til umsóknar
heilar stöður í hagfræði og vélritun, hlutastöður í verslunar-
rétti og tölvufræði og leik- og tónmennt. Þá vantar kennara í
ensku og frönsku vegna afleysinga.
Við Fjölbrautaskólann f Breiðholti er laust til umsóknar
starf skrifstofu- og fjármálastjóra.
Umsóknir ásamt upplýsingum um menntun og fyrri störf
sendist menntamálaráðuneytinu, Hverfisgötu 6, 150 Reykj-
avík fyrir 20. júní n.k.
Menntamálaráðuneytið
«'*<* gr
Utboð
Innkaupastofnun Reykjavíkurborgar, f.h. Hitaveitu Reykjavíkur, óskar
eftir tilboðum í sjálfvirkt brunaviðvörunarkerfi fyrir Nesjavallavirkjun.
Útboðsgögn verða afhent á skrifstofu vorri, Fríkirkjuvegi 3, Reykjavík.
Tilboðin verða opnuð á sama stað, miðvikudaginn 14. júni 1989, kl.
14.00.
INNKAUPASTOFNUN REYKJAVÍKURBORGAR
Frikirkjuvegi 3 - Simi 25800
Reynir Daníel Gunnarsson ráðinn
Skólastjóri í
Ölduselsskóla
Menntamálaráðherra hefur sett
Reyni Daníel Gunnarsson í stöðu
skólastjóra Ölduselsskóla til eins
árs, frá og með fyrsta ágúst þessa árs.
Minnihluti fræðsluráðs, þar á
meðal kennarafulltrúar, fræðslu-
stjórinn í Reykjavík, meirihluti
kennara, allir stafsmenn skólans á
síðastliðnu ári og stjórn foreldrafé-
lags Ölduselsskóla studdu setningu
Reynis. Þegar ráðið var í stöðuna í
fyrra Iágu fyrir stuðningsyfirlýsingar
frá foreldrum 759 barna eða 92,3%
þeirra foreldra sem á þeim tíma áttu
börn við skólann.
Meirihluti fræðsluráðs lagði aftur
á móti til að Valgerður Selma Gunn-
arsdóttir yrði ráðin skólastjóri við
Ölduselsskóla. jkb
Frá aðalfundi Krabbameinsfélags Islands, í ræðustól er Almar Grímsson, formaður félagsins. Vemdari félagsins,
Vigdís Finnbogadóttir, var viðstödd upphaf fundarins.
Krabbameinsfélag íslands:
Krabbameinsleit
tókst vel á árinu
Aðalfundur Krabbameinsfélags
íslands var haldinn 5. maí s.l. Um 60
manns sóttu fundinn, þar á meðal
fulltrúar frá um 20 aðildarfélögum
og fjórir fulltrúar frá Færeyska
krabbameinsfélaginu.
Almar Grímsson, formaður
Krabbameinsfélags íslands, skýrði
frá því í skýrslu sinni að vel hefði
tekist til með leitarstarfið á síðasta
ári, en það er fyrsta ár af samningi
milli Krabbameinsfélagsins og ríkis-
ins um framkvæmd leitar að krabba-
meini í leghálsi og brjóstum. Þátt-
taka kvenna í leitinni hefur aukist og
mikill árangur náðst.
Rekstur rannsóknarstofu félagsins
í sameinda og frumulíffræði hófst af
fullum krafti á síðasta ári en fjár-
hagslegur grunuvöllur er óljós. Loks
nefndi Almar að Rauði krossinn og
Krabbameinsfélagið myndu standa
saman að rekstri heimahlynningar
krabbameinssjúklinga, en tilraun til
slíkrar starfsemi hefur lofað góðu.
Loks nefndi Almar að starf krabba-
meinssamtakanna að reykingavörn-
um hafi áfram verið árangursríkt.
f ársskýrslu krabbameinsfélags-
ins, sem lögð var fram á fundinum,
kemur fram að velta félagsins á
síðasta ári var um 114 milljónir
króna. Aðildarfélög félagsins eru nú
um 29, þar af fimm stuðningshópar
krabbameinssjúklinga. Félagsmenn
í krabbameinsfélaginu eru um
11.000. -es
Samband veitinga- og gistihúsa býður upp á sumarrétti á
matsölustöðum um allt land
MATUR FYRIR
750-800 KR.
í sumar munu fjölmörg
veitíngahús innan Sambands
veitinga- og gistihúsa taka
höndum saman og reyna að
slá á hræðslu útlendinga við
hátt matarverð á íslandi.
Auk þess að gera íslending-
um betur kleift að borða á
veitingastöðum á ferðalögum
um landið.
Boðið verður upp á svokallaða
sumarrétti á matsölustöðum hring-
inn í kringum landið. Verð á forrétti
eða súpu, kjöt eða fiskrétti og kaffi,
verður á bilinu sex hundruð tií 750
krónur í hádeginu og 850 til tólf
hundruð krónur um kvöldið. Börn
allt að fimm ára aldri fá matinn
ókeypis og fyrir böm að tólf ára aldri
verður veittur helmings afsláttur.
Nokkuð margir veitingastaðir
víðsvegar um landið bjóða þegar
upp á rétti á þessu verði. Þeir sem
ekki gera það nú þegar munu þurfa
að bæta við nýjum réttum frá og með
fimmtudeginum. „Það má taka sem
dæmi að lúðu eða ýsu er hægt að
matreiða á einfaldan, góðan og ódýr-
an hátt ef öllu tilstandi í kringum
matreiðsluna er sleppt. Til dæmis ef
rækjum eða hörpudisk er bætt inn í
uppskriftina verður rétturinn dýrari.
Megintilgangurinn er að tryggja að
ferðalangar geti treyst á að þeir geti
fengið einfaldan góðan mat á þessu
verði á matsölustöðum um allt
land,“ sagði Erna Hauksdóttir fram-
kvæmdastjóri Sambands veitinga- og
gistihúsa í samtali við Tímann.
Viðkomandi veitingastöðum
verður eftir sem áður frjálst að
bjóða einnig upp á aðra dýrari rétti.
En þeim er skylt að hafa sumarrétt-
ina á matseðlinum á hverjum degi,
einnig um helgar. jkb