Tíminn - 15.06.1989, Blaðsíða 8

8 Tíminn
Fimmtudagur 15. júní 1989
Ársrit Kvenréttindafélags íslands 1989 er
komið út. Fæst í bókaverslunum, blaðsölu-
stöðum og hjá kvenfélögum um land allt.
Kvenréttindafélag íslands.
Holtaskóli,
W Keflavík
Næsta skólaár eru lausar fjórar kennarastöður
m.a. í ensku, íslensku, samfélagsfræði og raun-
greinum.
í skólanum eru u.þ.b. 500 nemendur frá 6. til 9.
bekkjar og kennarar um 30.
Einnig vantar íþróttakennara drengja.
Upplýsingar gefa skólastjóri í síma 92-15597 og
yfirkennari í síma 92-15652.
Skólanefnd.
LESENDUR SKRIFA
Halldór Kristjánsson:
Bindindi á mjólk
í þrjá daga hafa samtök launþega
látið dynja yfir þjóðina hvatningar-
orð að drekka ekki mjólk, kaupa
ekki mjólk. Þettaer ærinogónotaleg
reynsla fyrir þá sem trúðu því að
launþegasamtök ættu hlutverki að
gegna til mannlífsbóta.
Þetta er herferð gegn bændum.
Það breytir engu hvað þeir Ásmund-
ur og Ögmundur segja oft að þessu
sé ekki beint gegn bændum. Steinin-
um var kastað og hann hitti bændur.
Þar breytir engu þó að þeir sem
köstuðu segist hafa ætlað að meiða
ríkisstjórnina.
Þessir alþýðuhöfðingjar segja að
bændur standi jafnréttir eftir þó að '
enginn kaupi afurðir þeirra. Þeir
hafi samning um fullt verð fyrir því.
Mættum við sýna þessum hertog-
um í spegil. Hafa ekki þeirra menn
lögbundinn tekjustofn þó að enginn
fái atvinnu? Eru ekki til lög um
atvinnuleysistryggingu?
Hvers vegna var mjólkin valin?
Hvers vegna var ekki hætt að kaupa
gosdrykki sem hækkuðu næstum
tvöfalt meira en mjólkin og eru 50%
dýrari í lítratali?
Mig minnir að ég lærði það ungur
að 5 lítrar af mjólk á dag væri
viðhaldsfóður fyrir fullorðinn mann.
Mjólkin er sérstök kostafæða. Og
hún er ódýr. Nógur matur allan
sólarhringinn kostar innan við 350
krónur. Það eru góð matarkaup,
þrátt fyrir allt.
Ögmundur talar um þetta mjólk-
urbindindi sem píslir sem menn
leggi á sig af einhverri hugsjón.
Þetta bitni einkum á þeim sem hafi
þá sjálfsafneitun að láta mjólkina
Elísabet Jökulsdóttir.
Ný Ijóðabók:
„Dans í
iokuðu
herbergi"
„Dans í lokuðu herbergi“ heitir
ný ljóðabók eftir Elísabetu Jökuls-
dóttur, og er hún jafnframt fyrsta
bók höfundar. Þar er að finna 57
ljóð, ort á síðustu fimm árum. Bókin
skiptist í fimm kafla, um ómeðvit-
undina, dansinn, ástina, leitina og
leikhúsið.
Elísabet Jökulsdóttir hefur áður
birt ljóð í tímaritum, gert ljóðaþætti
með tónlist fyrir útvarp, komið fram
í sjónvarpi og lesið upp á ljóðakvöld-
um, bæði hjá Listahátíð kvenna og
Besta vini ljóðsins.
„Dans í lokuðu herbergi“ er 80
blaðsíðna innbundin bók með
myndskreyttri kápu, í fallegri út-
gáfu. Bókin er prentuð hjá Prent-
smiðju Árna Valdimarssonar. Það
er höfundur sem gefur bókina út.
„Dans í lokuðu herbergi" er nú
fáanleg í bókaverslunum og hjá
höfundi.
vera. Samt munu fáir líta á hann sem
píslarvott.
Þegar verðhækkun mjólkur er at-
huguð kemur í ljós að orsök hennar
er meðal annars sú að skjólstæðingar
Ásmundar Stefánssonar hafi fengið
kauphækkun. Þeir vinna sumir við
mjólkina, bílstjórar, mjólkur-
fræðingar, verslunarmenn. Ætlast
nú launþegahertogamir til þess að
bændur borgi þeim þennan kaup-
auka af sínu kaupi? Var ekki nóg að
neita bændum um launahækkun eins
og hinum? Hver átti að vera kaup-
hækkun annarra sem vinna við
mjólkina? Því ættu þeir Ásmundur
og Ögmundur að svara. Þeir höfðu
samið um þessa kauphækkun. Hvar
vildu þeir taka fé til að mæta henni?
Þeir hljóta að hafa gert sér grein
fyrir því. En við sjáum ekki til hvers
þeir hafa ætlast.
Sunnlenskir bændur tóku myndar-
lega á þessum málum. Þeir bjóða
launþegasamtökunum að koma og
ræða málin sameiginlega með þjóð-
arhag fyrir augum. Þar eru menn
sem hægt er að binda vonir við.
Eru forustumenn launþega menn
til að taka boði sunnlenskra bænda?
Úr því verður reynslan að skera.
Halldór Kristjánsson.
Áfengisneysla spillir
fyrir árangri
í íþróttum
íþróttamaður er ávallt að hugsa
um að vera í „toppformi“ og þarf
þess vegna að íhuga gaumgæfilega
hvað hann borðar og drekkur. Bjór
og annað áfengi hefur vitaskuld
sömu áhrif á líkamsstarfsemi íþrótta-
manns og þess sem stundar eltki
íþróttir. Bjór er ekkert annað en
áfengi og öllum er Ijóst hvaða áhrif
það hefur á taugakerfi líkamans og
aðra líkamlega þætti.
Alkóhól í líkamanum gerir það að
verkum að vöðvarnir eru ekki tilbún-
ir að taka við miklu álagi. Það
dregur úr sykurmagni í líkamanum
en það er nokkuð sem enginn
íþróttamaður má við. Þar af leiðandi
hefur t.d. bjórdrykkja mikil áhrif á
þá sem stunda íþróttir sem krefjast
mikils úthalds og þar sem orku er
þörf. Alkóhól eyðir vítamínum úr
líkamanum, sérstaklega B-vítamín-
um sem sjá um efnaskipti og orku-
framleiðslu, og breytir glýkógen í
glúkósa.
Hafi íþróttamaður drukkið bjór
eða annað áfengi kvöldið fyrir æf-
ingu eða keppni á hann það á Hættu
að finna síður fyrir smávægiiegum
meiðslum sem hann verður fyrir á
æfingu. Það þýðir að hann heldur
áfram eins og ekkert hafi í skorist en
slíkt getur gert meiðslin enn verri.
Þeir sem ekki drekka áfengi eru
fljótari að ná sér eftir meiðsli en
hinir.
íþróttamaður sem drekkur 1-3
bjóra sólarhring fyrir keppni á það á
hættu að þreytast mun fyrr en sá sem
ekki drekkur því að lifrin er svo
upptekin við að vinna úr alkóhólinu
að mjólkursýrurnar fá að njóta sín
og þreyta viðkomandi íþróttamann.
Auk þess ruglar alkóhól jafnvægis-
skynið og íþróttamaðurinn verður
lakari í íþrótt sinni á allan hátt.
Alkóhól dregur einnig úr viðbragðs-
flýti.
fþróttamaður sem ekki drekkur
siglir að verulegu leyti fram úr þeim
sem drekkur. Ef tveir menn væru til
dæmis að spila veggjatennis og væru
svipaðir að styrkleika myndi sá sigra
sem hefði ekki neytt áfengis kvöldið
fyrir keppni.
(Úr fþróttablaðlnu 1. tbl. 49. árg. 1989).
Hellbrigðlsráðuneytlð
llll BÓKMENNTIR V' v ^
Ný Ijóðabók
Út er komin hjá Örlaginu í
ífeykjavík ljóðabókin Gluggar hafs-
ns eftir Jóhann Hjálmarsson. Þetta
;r þrettánda ljóðabók Jóhanns en
jögur ár eru nú frá því síðasta
xumsamda bók hans, Ákvörðunar-
ítaður myrkrið, kom út.
Jóhann Hjálmarsson hefur víða
lcomið við í ljóðagerð sinni á þeim
33 árum sem liðin eru síðan fyrsta
eskuverk hans leit dagsins ljós. Jó-
riann var lengi í fremstu röð ís-
lenskra súrrealista, einn af helstu
merkisberum hins svokallaða opna
Ijóðs og heimildarskáldskapar á síð-
asta áratug og loks hefur Jóhann
verið mikilvirkur þýðandi erlendra
ljóða. Er þar skemmst að minnast
þýðingasafnsins I skolti Levíatans
sem Örlagið gaf út síðastliðið haust.
Gluggar hafsins er 56 blaðsíður og
skiptist í ,sjö kafla. Af sjálfu leiðir
því, að efni ljóðanna er fjölbreytt,
en í heild er eitt helsta einkenni
bókarinnar mannleg hlýja og létt-
leiki. Síðasti kafli bókarinnar,
Endurtekningar, er ortur í Málaga á
Spáni, þegar Jóhann dvaldist þar í
skáldaleyfi á síðasta sumri. Jóhann
hefur áður sótt sér innblástur suður
á Pýreneaskaga, en í Gluggum hafs-
ins hefur honum á athyglisverðan
hátt tekist að flétta saman tilfinn-
ingaríki og galsa suðursins og hina
djúpu alvöru sem oft er talin ein-
Jóhann Hjálmarsson.
kenna norðurbúa. í fjórða kafla
bókarinnar, Heim, koma fyrir minni
úr fornsögum, en fyrir áðurnefnd
áhrif verður skírskotun ljóðanna
bæði víðfeðm og nýstárleg.
Gluggar hafsins er prentuð og
bundin í Prentstofu G. Benedikts-
sonar hf. Málverk á kápu er eftir
spænska málarann Pablo Picasso.
Örlagið hefur, auk fyrrnefndra
bóka, áður gefið út bækurnar Dag-
bók Lasarusar og Frostmark, báðar
eftir Kjartan Árnason.