Tíminn - 30.12.1989, Page 2

2 Tíminn
Wíi vfV,*wA' iV 1
Laugardagur 30. desember 1989
Davíð Oddsson borgarstjóri og borgarráðsmeirihluti hans hundsar bréfleg tilmæli iðnaðarráðherra um að
frestað verði gjaldskrárhækkunum Rafmagnsveitu Reykjavíkur. í bókun meirihluta borgarráðs segir m.a.:
Osk ráðherrans er
fyrirsláttur einn
Davíð Oddsson borgarstjóri og meirihluti hans í borgarráði
Reykjavíkur hafa ákveðið að hundsa tilmæli stjórnvalda um
að fresta hækkunum á gjaldskrá Rafmagnsveitunnar og
hækkar því raforkan í Reykjavík eftir áramótin að meðaltali
um 10% eins og borgarráð hafði áður samþykkt.
Á síðasta borgarráðsfundi þessa
árs sem haldinn var í gær kom fram
tillaga frá Sigrúnu Magnúsdóttur
Framsóknarflokki, Sigurjóni Péturs-
syni Alþ.bandalagi, Elínu G. Ólafs-
dóttur Kvennalista og Bjarna P.
Magnússyni Alþ.flokki þar sem lagt
var til að orðið yrði við tilmælum
iðnaðarráðherra um að frestað yrði
samþykktri gjaldskrárhækkun Raf-
magnsveitunnar og á þann hátt orðið
við óskum aðila vinnumarkaðarins.
Tillagan var felld og Davíð Odds-
son og borgarráðsfulltrúar Sjálf-
stæðisflokksins lögðu fram eftirfar-
andi bókun:
„Reykjavíkurborg hefur ekki
gengið á undan með hækkanir á
opinberri þjónustu. Rafmagnsveita
Reykjavíkur hefur hækkað taxta
sína minna en allar aðrar sambæri-
legar stofnanir á undanförnum
árum.
Á sama tíma hækkar ríkisvaldið
skatta á einstaklinga og fyrirtæki
meira en nokkru sinni fyrr og lagður
er virðisaukaskattur á sveitarfélögin
sem kosta mun þau um þúsund
milljónir króna á næsta ári með
tilheyrandi verðhækkunarbylgju og
boðaður er sérstakur skattur á orku-
fyrirtæki sem að sjálfsögðu mun
berast út í verðlagið.
Á meðan heldur Reykjavíkurborg
útsvari sínu óbreyttu. Borgin verður
því ekki sökuð um að kynda undir
verðbólgubálið sem ríkisvaldið hef-
ur kveikt og fóðrað, og þessi ósk
ráðherrans er því fyrirsláttur einn til
að draga athyglina frá þekktum
staðreyndum.“
„Þetta eru háskaleg vinnubrögð
og eins óábyrg og hugsast getur.
Rafmagnsveita Reykjavíkur stendur
Davíð Oddsson, borgarstjóri.
alls ekki þannig að hún sé úti á
gaddinum. Þar sem ljóst má vera að
fjölmörg önnur fyrirtæki sem standa
mun verr muni vilja hafa hliðsjón af
þessu, þá lýsa þessi vinnubrögð al-
gjöru ábyrgðarleysi.
Þetta er furðuleg afstaða og að
baki henni liggja einhverjar aðrar
hvatir heldur en fjármálalegar. Þetta
er hryggilegt," sagði Guðmundur J.
Guðmundsson formaður Dagsbrún-
ar og VMSÍ í gær. -sá
Sumarhús í
miðri skóg-
„Já, það stendur til, en að sjálfsögðu þarf samþykki
ráðuneytisins,“ sagði Sigurður Blöndal skógræktarstjóri í gær
þegar hann var spurður hvort til stæði að úthluta þrem
starfsmönnum á skrifstofu skógræktarstjóra í Reykjavík
sumarbústaðalóðum innan gamalgróins skógræktarsvæðis í
landi Jafnarskarðs við innanvert Hreðavatn í Mýrasýslu.
Skógræktarstjóri sagðist hafa haft
það fyrir reglu að hafi starfsmenn
Skógræktarinnar beðið um land und-
ir sumarbústaði þá hafi hann orðið
við óskum þeirra, hafi hann fundið
nokkra leið til þess. Varðandi fyrir-
hugaða bústaði í landi Jafnarskarðs
sagði Sigurður: „Ég geri það með
mjög góðri samvisku og tel að ef
einhverjir eigi það skilið þá eigi þeir
það skilið og ég tel ekkert athugavert
við það.“
Hann sagði að á nokkrum lcndum
Skógræktarinnar væri alls ekki gef-
inn kostur á sumarbústaðalöndum
en Jafnarskarðsskógur væri ekki eitt
af þeim svæðum. Búið hefði verið að
úthluta nokkrum löndum áður en
hann tók við stöðu skógræktarstjóra
og hefði hann nú ákveðið að verða
við óskum þriggja gamalla starfs-
manna embættisins um sumarbúst-
aði á þessum stað.
Gerður yrði leigusamningur við
mennina sem síðan þyrfti að stað-
festa í landbúnaðarráðuneytinu,
enda gerði Skógræktin enga samn-
inga um lóðir eða lendur nema með
staðfestingu ráðuneytis og gera
mætti ráð fyrir að samþykki hrepps-
nefndar og jarðanefndar þyrfti einn-
ig að leita í þessu tilfelli.
„Þetta mál er ekki komið inn á
mitt borð,“ sagði Steingrímur J.
Sigfússon landbúnaðarráðherra.
Hann sagði að skógræktarstjóri gæti
lagt slíka lóðaúthlutun til og síðan
yrðu málin athuguð eins og lög og
reglur mæltu fyrir um. „Slíkar hug-
myndir og óskir sem þessar koma
væntanlega í ráðuneytið til skoðunar
eins og fjölmargar aðrar slíkar óskir.
Það þarf í sjálfu sér ekkert að vera
merkilegra en annað þótt einhverjir
starfsmenn Skógræktarinnar eigi í
hlut. í sjálfu sér veitir það þeim
heldur engan sjálfkrafa forgang,"
sagði ráðherra. -sá
Fjölmörg lönd hafa áhuga á að taka þátt í „norræna" getrauna-
seðlinum í tengslum við heimsmeistarakeppnina í knattspyrnu:
200 milljónir
fyrir 13 rétta?
Svo getur farið að um 200 milljónir
verði í boði fyrir „13 rétta" á sérstak-
lega útgefnum getraunaseðli í tengsl-
um við heimsmeistarakeppnina í
knattspyrnu á Ítalíu í sumar. Á
seðlunum, sem reyndar verða tveir,
verða alls þrettán leikir úr riðla-
keppni HM. Fjögur lönd hafa þegar
ákveðið að standa að útgáfu þessa
óvenjulega getraunseðils. Það eru
Danmörk, Svíþjóð, Finnland og
Island. Með samstarfi þessara fjög-
urra þjóða þótti ljóst að fyrsti vinn-
ingur yrði um hundrað milljónir
íslenskra króna.
Nú hafa hinsvegar fleiri lönd lýst
áhuga sínum á HM seðlinum. Vest-
ur-Þjóðverjar eru áhugasamir og
einnig hafa Austurríkismenn og
Svisslendingar látið í sér heyra. Vit-
að er að fleiri lönd velta þessum
möguleika fyrir sér. Ástæða þessa
Milt veður
Gera má ráð fyrir mildu veðri
um land allt á gamlársdag og
fram á nýársdag, en óvíst er
hversu mikill vindur fylgir lægð
sem nú fer dýpkandi vestur í hafi.
Ef svo fer fram sem horfir má
gera ráð fyrir að ágætis veður
verði til að kveðja gamla árið á
viðeigandi hátt, með skoteldum
og áramótabrennum.
Á gamlársdag er gert ráð fyrir
rigningu eða súld, um sunnan- og
austanvert landið, en úrkomulít-
ið verður norðanlands. -ABÓ
aukna áhuga er fyrst og fremst sú að
formaður alþjóðasamtaka getrauna-
fyrirtækja, Toto, skrifaði til aðildar-
sambanda víða um heim og greindi
frá leiknum.
Eins og fyrr segir búast menn við
að 13 réttir geti gefið allt að 200
milljónir í fyrsta vinning. Sá vinning-
ur verður greiddur úr sameiginlegum
potti allra sölulanda, en annar og
þriðji vinningur hinsvegar af hverju
landi fyrir sig.
Sigurður Baldursson hjá íslensk-
um getraunum sagði í samtali við
Tímann í gær að öll undirbúning-
svinna væri langt á veg komin og
þegar hefur verið hannaður nýr
seðill, sem tekinn verður í notkun í
maí. Að sögn Sigurðar Baldurssonar
verður sá seðill að öllum líkindum
notaður í framtíðinni. Áfram verða
tólf leikir á íslenska getraunaseðlin-
um, en með möguleika á að bæta
þrettánda leiknum inn, þegar auka-
seðill er í umferð.
Dómsmálaráðuneytið verður lög-
um samkvæmt að fjalla um fyrirbæri
eins og HM seðillinn er, og sagði
Sigurður að íslenskar getraunir
hefðu mætt miklum skilningi ráða-
manna og vinnu í ráðuneytinu skil-
aði vel áfram.
Verð á hverri röð verður sennilega
helmingi hærra en gerist í hinum
vikulega leik getrauna. Að lokum
vildi Sigurður taka fram að allar
raðir hefðu sama möguleika, hvort
sem þær væru keyptar á íslandi, í
Svíþjóð eða annars staðar í Evrópu.
-ES

<0 jCD uu Œí iDŒi 00 03 ÖÓ Sj ÉJlxjŒI OjQJ IX: CD Œ3 2j CDÍXIŒj ŒCiSD 1 EjŒSCBI cs ra a;i i
1 i
'»uj s ta mmra m m m EDŒEI
«E) 00 CB CD Q3 Œ3 m m m CO 00 D0 I
>*co ta ca D3CÖ m CD 13 Œ1 CÐODtai
'>aaaa H3 E3D !S3 i i E Q3BBCI3I
TÓWU- OWMW
V*L tamx
□ □
fJÖCOt
m1® oa 4
TÓCVWWt -MM
StUtaEltHIIiaHSHIBSa
11 O tl II 11 (I U kl U (1
II n U tJ UIIUU K1 IJ
II U 11 U U II U U II I I
H n II II El II (I M II II
.. n n n n u n u u ii n
nonnnnaunn
Nýi getraunaseðillinn, sem væntan-
lega verður tekinn í notkun í maí
1990. Eins og sjá má er nýi seðillinn
upp á rönd, en fátt eitt breytist nema
hvað þrettándi leikurinn verður til
staðar. Merkja þarf sérstaklega við
ef tippaö er á þrettán leiki.
i
Öll almenn farseðlasala
og skipulagning ferða
innanlands sem utan
Sumaráætlun Norrænu er komin út!
Skipuleggið sumarfríið og verðið ykkur úti um eintak
í vetur bjóðum við meðal annars upp á:
Auk þess Prag og Leningrad Express,
ævintýraleg lestarferð.
Búdapest - 6 dagar frá kr. 33.500
Færeyjar - 4 dagar frá kr. 24.950
NORRÆNA FERÐASKRIFSTOFAN HF.
Laugavegi 3, Rvík Fjarðargötu 8, Seyðisfirði
Sími 91-626362 Sími 97-21111