Tíminn - 30.12.1989, Page 14
14 Tíminn
Laugardagur 30. desember 1989
Áhrifa af verkfalli BHMR gætti víöa m.a.
hjá borgarfógeta en þar hrönnuðust pappírar upp og í staö
þinglýsinga í almennum viðskiptum unnu menn drengskapar-
heit og borgaralegum gitingum og hjónaskilnuðum varð að
slá á frest. Á þessari mynd má sjá Sigurð Sveinsson,
borgarfógeta við skjalabunka sem safnast hafði saman hjá
embættinu í byrjun ma'. Tímamyndpjetur
Þann 25. maí fagnaði Sjálfstæðisflokkurinn 60 ára
afmæli sínu og á heldur illa sóttum fundi í Háskólabíói hvatti
Þorsteinn Pálsson til bjartsýni.
Tlmamynd Pjetur
Maí
Lengi framan af maímánuði setti
verkfall BHMR svip sinn á þjóðlífið
allt. Skólastarf fór úr skorðum og
þegar vika var liðin af maí sagði
Tíminn fréttir af því að skólafólk
væri farið að leita út á vinnumarkað-
inn og hefði gefið upp alla von um
INNLENDUR
ANNÁLL
1989
Nýr þingflokkur
Ingi Björn Albertsson og Hregg-
viður Jónsson gengu úr Borgara-
flokknum og stofnuðu nýjan
þingflokk, Þingflokka Frjálslyndra
hægri manna. Borgaraflokkurinn
klofnaði vegna deilna um stuðning
við ríkisstjórnina.
Engar hvalveiðar
Hvalamálið svokallaða var mikið
í fréttum á árinu. Við heimsókn
Halldórs Ásgrímssonar til V-t>ýska-
lands lýstu þarlend stjórnvöld því
yfir að þau teldu að ísland hefði ekki
brotið samþykktir í hvalamálinu og
þau hörmuðu ósannan áburð þegna
sinna um annað. Á sama tíma lýsti
sjávarútvegsráðherra því yfir að eng-
ir hvalir yrðu veiddir hér við land
sumarið 1990.
Ahugafélag
um sykuriðnað
Mál Áhugafélags um sykuriðnað
hf. var í fréttunum er Jón Helgason
spurði hvað málaleitan félagsins liði
í iðnaðarráðuneytinu. Félagið telur
sig geta framleitt sykur í Hveragerði
fyrir innanlandsmarkað fyrir 30-40%
af kostnaðarverði erlendis. Hafa
áætlanir legið fyrir frá því 1980 en
engin svör hafa borist úr ráðuneyt-
inu.
eðlileg skólaslit. Kornbændur og
laxeldismenn voru einnig farnir að
örvænta en verkfallið leystist þó
loksins þann 18 maí, eftir að verk-
fallið hafði staði í einar sex vikur.
Páll Halldórsson formaður BHMR
sagði að helsti ávinningur verkfalls-
ins fælist í langtímaákvæðum samn-
ingsins um að menntun starfsmanna
yrði metin meira og endurraðað yrði
í launaflokka.
í kórónafötum
Víkingasveit lögreglunnar í
Reykjavík tók upp þá nýbreytni í
maí að vera borgaralega klæddir.
Tilefni þessarar breytingar var að
Páfinn í Róm var væntanlegur í Júní
og til að auðvelda sveitinni gæslu-
störf voru þessi stakkaskipti ákveð-
in. Víkingarnir fengu léttari vopn,
frakka og jakkaföt og eftir frétt
Tímans um málið hefur sveitin
gjarnan gengið undir nafninu
„mennirnir í kórónafötunum" þegar
þeir eru borgaralega klæddir.
Ekkert stig í Evróvision
Laugardaginn 6. maí fór fram
Evróvisonkeppnin og var framlag
íslendinga lag eftir Valgeir Guðjóns-
son sem ungur söngvari Daníel Ág-
úst Haraldsson söng. Fyrir keppnina
greindi Tíminn frá því að líkurnar á
sigri íslenska lagsins væru ekki mikl-
ar eða 1 á móti 100. Það fór líka svo
að fáir greiddu laginu atkvæði sitt,
raunar gerði enginn það og ísland
fékk ekkert atkvæði í keppninni.
Valgeir bar sig þó mannalega í
viðtali við blaðið eftir keppnina og
benti á að úr því að við sigruðum
ekki var þetta e.t.v. besta útkoman.
Talaði hann um miklka landkynn-
ingu sem þessari sérstöðu fylgdi, að
vera neðstir.
Svíar efast um JBH
Undir lok mánaðarins bárust til
íslands lausafregnir sem hafðar voru
eftir sænskum embættismönnum
þess efnis að ótrúlegt væri að Jón
Baldvin sem taka átti við for-
mennsku í EFTA-ráðinu um mitt ár
myndi ráða við þetta verkefni. Jón
svaraði fyrir sig að bragði og kvaðst
hissa á að embættismenn sænsku
utanríkisþjónustunnar þyrftu að
leita hingað til íslands til að læra
mannasiði og það hvernig bæri að
undirbúa opinberar heimsóknir
mandarína sinna, en þó væri sjálf-
sagt að taka þá í slíka kennslustund.
Von var á Ingvari Carlssyni, forsæt-
isráðherra hingað til lands nokkrum
dögum síðar.