Tíminn - 26.07.1990, Blaðsíða 10
10 Tíminn
Fimmtudagur 26. júlí 1990
Fimmtudagur 26. júlí 1990
Tíminn 11
Kaupverð
skafmða
lægra en
vinnmga
Óhætt er að segja að söluaðilar Sprengi-
miða Lukkutríós séu í dálítið sérkennilegri
aðstöðu þessa dagana. Verðmæti þeirra
vinninga, sem ekki eru gengnir út, er meira
en heildarsöluverð þeinra miða sem eftir eru.
Því geta þeir, sem eiga úr nægum peningum
að spila, keypt sér einbýlishús, tvo jeppa,
fólksbíl, tölvur, vélsleða og fjölda utanlands-
ferða á vægast sagt vildarkjörum.
Sala hófst á Sprengimiðum Lukkutríós í
október í fyrra. Ein milljón miða voru prent-
aðir og heildarverðmæti vinninga á miðan-
um er 60 milljónir króna. Að sögn Birgis
Ómarssonar, starfsmanns Lukkutríós, eru nú
liðlega 200 þúsund miðar óseldir. Hins veg-
ar eru stærstu vinningamir enn ekki gengnir
út.
Óútgengnir vinningar
upp á 25 milljónir
Einbýlishúsið að Fannafold 209 í Reykja-
vík, sem metið er á um 15 milljónir, er
stærsti vinningur á Sprengimiðanum og sá
stærsti sem hægt hefur verið að fá á skaf-
miða hér á landi hingað til. Þetta glæsilega
einbýlishús stendur enn óhreyft og bíður eft-
ir eiganda sínum.
Af fleiri vinningum sem ekki era gengnir út
má nefha tvo Daihatsu Feroza jeppa, samtals
á rúmlega tvær milljónir, einn Daihatsu
Charade á 639 þúsund, Yamaha vélsleða á
402.300, tvær fjölskylduferðir til Florida
samtals að andvirði 500 þúsund, fimmtán
helgarferðir til London á um 80 þúsund hver,
auk mikils fjölda af smærri vinningum.
Lauslega má áætla að heildarverðmæti
þeirra vinninga, sem eftir era, sé í kringum
25 milljónir. Þar er einbýlishúsið að sjálf-
sögðu langstærsti hlutinn en verðmætin
liggja þó einnig í smærri vinningunum. Ef
t.d. er gert ráð fyrir að um 30 þúsund 100
krónu vinningar séu enn óútgengnir, gerir
það 3 milljónir króna. Það gæti hins vegar
reynst þeim, sem keypti alla miðana, erfitt
að koma þessum mörgu 100 krónu vinning-
um í verð, þar sem um er að ræða 30 þúsund
eintök af Dagblaðinu-Vísi.
Kaupverð miðanna allt
niður í 15 milljónir
Eins og áður sagði era um 200 þúsund mið-
ar eftir. Hver miði kostar 100 krónur og því
er heildarsöluverð þeirra 20 milljónir. Hins
vegar er sérstakt tilboð nú í gangi hjá söluað-
ilum Lukkutríós, þannig að boðinn er fimmti
hver miði endurgjaldslaust. Ekki er hægt að
Ovenjuleg staða komin upp í skafmiðahappdrætti Lukkutrfós:
gera ráð fyrir öðra en þetta tilboð myndi
gilda í kaupunum og þá minnkar heildar-
söluverð miðanna í 15 milljónir. Því er það
nokkuð öraggt, að sá sem keypti alla miðana
kæmi út í umtalsverðum gróða.
Að sögn Birgis hefur verið rædd sú hug-
mynd að bjóða upp þá miða sem eftir era. Þá
yrðu allir miðar kallaðir inn og þeir taldir.
Siðan yrði mönnum boðið að bjóða i þá alla
í heild sinni. Birgir segir þó að formlegt upp-
boð sé varla á döfinni. „En mönnum er
fijálst að mæta hér og bjóða í það sem eftir
er.“
Myndi bankinn
veita lán?
En er málið svo einfalt að Jón Jónsson geti
tekið bankalán, keypt alla miðana, flutt inn í
nýtt einbýlishús og lifað í vellystingum það
sem eftir er ævi sinnar? Tíminn hafði sam-
band við Val Amþórsson, bankastjóra
Landsbankans, og spurði hann hvemig
bankinn myndi bregðast við ef einstaklingur
bæði um lán til að kaupa 200 þúsund skaf-
miða.
„Eg myndi þurfa að leggja það fyrir fúnd
hér, þetta er mjög stór upphæð. Það yrði
strax spurt hver væri tryggingin og til hvers
þetta væri. Eg býst við því að þetta myndi
ekki hljóta góðar undirtektir. Þó að staðan sé
að ýmsu leyti betri en áður, þá eram við þó
að neita ýmsum lánum sem verið er að biðja
um til atvinnuvega og annað slíkt. Ég held
að menn yrðu afskaplega viðkvæmir fyrir
því að fjármagna svona hlut,“ segir Valur.
Hann bendir á að besta leiðin fyrir þann, sem
íhugaði þessi kaup, væri að fá í lið með sér
fjársterkan aðila, sem væri reiðubúinn að
taka þessa áhættu.
Að sögn Vals myndi þetta mál horfa öðra-
vísi við ef t.d. virðingarverð og sterk félaga-
samtök myndu biðja um lán til þessara
kaupa. En þá yrði það vandlega kannað
hvort kaupin væra öragglega hagstæð.
Þaö þarf ennþá
snefil af heppni
Það gæti farið svo að sá aðili, sem keypti
alla miðana, fengi ekki miðann með einbýl-
ishúsinu og kæmi því út úr kaupunum i um-
talsverðu tapi. En til þess þyrfti sá hinn sami
að vera yfir meðallagi óheppinn. Að sögn
Birgis hefúr það gerst að stórir vinningar
hafi ekki komið ffam. Þá er um það að ræða
að einhver hendi miðanum, gleymi að skafa
af honum eða bíði með að sækja hann.
Birgir nefnir sem dæmi um að þetta geti
gerst, að eitt sinn gekk fólksbíll af Daihatsu
gerð ekki út. Og sem dæmi um það að menn
era oft ekkert að flýta sér að sækja vinning-
inn, nefnir Birgir eitt dæmi þar sem Merce-
des Benz biffeið var ekki sótt fyrr en fjóram
mánuðum eftir að vinningurinn kom upp. Þá
hafði vinningshafinn skráð Bensinn á bíla-
sölu og selt biffeiðina. Nýr eigandi fékk sið-
an vinningsmiðann í hendumar og sótti bíl-
inn.
Að framansögðu er ljóst, að sá möguleiki er
fyrir hendi að
einbýlishúsið sé gengið út, en vinningshaf-
inn viti einfaldlega ekki af heppni sinni. í
þessu sambandi er vert að benda á að nokkr-
um viðmælendum Tímans fannst Sprengi-
miðamir talsvert flóknir. Leikurinn er
byggður upp líkt og bingó, fyrst er skafið af
níu tölum og síðan er skafið af „bingóspjald-
inu“ sem á era 16 tölur. Tölumar era síðan
bomar saman og ef viðkomandi er með níu
tölur samstæðar er hann einu einbýlishúsi
ríkari. Mörgum getur yfirsést þegar þeir bera
saman tölumar, sérstaklega þegar menn era
að skafa af heilu búntunum. Því er ekki hægt
að horfa ffam hjá þeim möguleika að vinn-
ingsmiðinn hafi hreinlega lent í raslinu.
Þá hefúr einnig sá möguleiki verið ræddur,
að vinningsaðilinn haldi að sér höndum, þar
sem honum sé illa við það umstang og þá
fjölmiðlaathygli sem því fylgir að vinna ein-
býlishús. Þetta verður þó að teljast afar fjar-
lægur möguleiki. „Yfirleitt er það þannig að
þeir sem vinna meira en hálfa milljón koma
héma æpandi innan tveggja mínútna,“ segir
Birgir.
Þaö er happdrætti
aö reka skafmiöa
Frá því Lukkutrió hóf göngu sína hafa ver-
ið settir á markaðinn í kringum 15 tegundir
af Lukkutrió skafmiðum. Það era Slysa-
vamafélag Islands, Landssamband flug-
björgunarsveita og Landssamband hjálpar-
sveita skáta sem standa að miðanum.
Að sögn Birgis hefúr rekstur happdrættisins
gengið vel. „Annars væram við ekki ennþá í
þessu,“ segir Birgir. Yfirleitt hefúr tekist að
selja upp allt upplag, sem prentað hefúr ver-
ið, og era það algjör undantekningartilvik ef
allir vinningar ganga ekki út. Stundum hefúr
þó, að sögn Birgis, orðið að hætta sölu á
miða. Það hafi þá verið gert af þeim sökum
að fólk hafi hætt að kaupa hann, t.d. vegna
þess að allir stórir vinningar hafi verið
gengnir út.
Sprengimiðinn er það nýjasta sem Lukkutr-
íó hefúr sett á markaðinn. Hann var prentað-
ur í milljón eintökum og á því að skila inn
100 milljónum króna. Þar af fara 60 milljón-
ir í vinninga, 11 milljónir renna til umboðs-
aðila og mikið fjármagn fer í auglýsingar.
Það má því lauslega áætla að um 15 milljón-
ir renni í pyngjur björgunarsveitanna. En í
þessum útreikningum er reiknað með því að
allt upplag af Sprengimiðanum verði selt
upp og allir vinningar gangi út. En það getur
farið svo, að ef húsið fer ekki að láta sjá sig,
þá hætti fólk hreinlega að kaupa miðann og
sölu á honum verði því hætt. Það er þó ólík-
legt, því að sögn Birgis er sala í Lukkutríói
nú að aukast eflir töluverðan samdrátt í sölu
fyrstu mánuði eftir jól.
Best ef húsiö heföi
fariö út sem fyrst
Að sögn Birgis var reiknað með því að hús-
ið færi út um síðustu jól og vora menn strax
í upphafi klárir með dagskrá í kringum þá at-
höfn. En hefði ekki verið slæmt fyrir sölu á
Lukkutríó ef húsið hefði farið út í byijun?
„Nei, ef húsið hefði farið í fyrsta miða og
við hefðum auglýst vinningshafann, þá hefð-
um við getað komið eftir einn og hálfan
mánuð með annan miða, með öðra húsi. Það
hefði verið beðið eftir þeim miða í sjoppun-
um,“ segir Birgir. „Það hefði náttúrlega orð-
ið tap á fyrri miðanum, en á móti kemur að
við hefðum nánast ekkert þurft að auglýsa
seinni miðann.“
En svona vinningur getur að sjálfsögðu far-
ið út í fyrsta eða síðasta miða og í raun er
ekkert óeðlilegt að hann sé ekki genginn út
þegar 80% miðanna era seldir. Birgir segir
slíkt hins vegar afar slæmt fyrir Lukkutríó,
þar sem það dragi úr sölu og fólk fari jafnvel
að hafa ýmsar grunsemdir, t.d. að miðinn
með einbýlishúsinu sé ekki kominn í um-
ferð. En um það gilda strangar reglur og það
fannafold 209
UJKKUTRI0
HÚSIB
Einbýlishúslö aö Fannafold 209 er dýrastí vinningur sem hægt hefur verið aðfáá skafmiöa héi á landl hingað til. Húsið er ekki enn gengið út, a.m.k. hefur vinningsaðilinn ekki látíð sjá sig.
er með öllu oheimilt að stjórna því hvenær
vinningsmiðar fara I umferð.
„Fólk áttar sig e.t.v. ekki á því, að það erum
við sem lendum verst í þessu. Það yrði besta
auglýsing sem við gætum fengið að koma
þessu húsi út. Það er okkar von að einhver
fari að birtast héma með vinningsmiðann.
Við bíðum og vonum,“ segir Birgir.
í reglum Lukkutríós segir að vinningshafi
verði að vitja vinnings innan árs frá því aug-
lýst er að sölu á miðanum sé lokið. Að sögn
Birgis myndi það reynast dýrt ef húsið gengi
ekki út, því þá myndi kostnaður, sem fylgir
því að viðhalda húsinu, leggjast á herðar
bj örgunars veitanna.
— En hvað verður gert ef í ljós kemur eftir
ár, að húsið hafí ekki gengið út?
„Við myndum sennilega gefa það eða fara í
einhvem einfaldan leik. En við trúum því að
sjálfsögðu enn að miðinn sé óseldur,“ segir
Birgir.